بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

مەملەكەت جەر بايلىعى مينيسترلىگى ءبىرقىدىرۋ قولامتالى ماسەلەگە جاۋاپ قايتارىپ، قالا تۇرعىندارىنىڭ اۋىل – قىستاقتان ۇيلىك جەر الۋىنا بولمايتىنىن قايتالاي دارىپتەدى

2017.02.10 16:44     كەلۋ قاينارى : حالىق تورابى

  9 – اقپاندا مەملەكەت جەر بايلىعى مينيسترلىگىنىڭ مينيسترى جياڭ داميڭ، مەملەكەت جەر بايلىعى مينيسترلىگىنىڭ ورىنباسار مينيسترى جاۋ لۇڭ قاتارلىلار مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە «مەملەكەت جەرىنىڭ مەملەكەتتىك جوسپار باعدارلاماسىنا (2016 – جىلدان 2030 – جىلعا دەيىن)» تۇسىنىك جاسادى. قازىر ەلىمىزدە كىسى باسىنا تۋرا كەلەتىن ۇيلىك جەردىڭ اۋماعى 300 شارشى مەتر، تاعى بىتىراڭقى، رەتسىز بولۋ، بوس تۇرۋ سياقتى قۇبىلىستار ورىن تەبۋدە. مەملەكەت جەر بايلىعى مينيسترلىگى تاياۋدا قاتىستى «ۇقتىرۋدى» ءتۇسىرىپ، جەرگىلىكتى ورىنداردىڭ اۋىل – قىستاق جەرىنىڭ مال – مۇلىك ۇقىعىن ايقىنداپ تىزىمدەۋ قىزمەتىن ىلگەرىلەتۋىن ساياساتتىق نەگىزبەن قامدادى. ءبىر اقپارات دانەكەرىندە بىلاي دەلىندى، ۇقتىرۋعا نەگىزدەلگەندە، 1999 – جىلدان كەيىن قالا – قالاشىق تۇرعىندارى ۇيلىك جەردەن پايدالانعان بولسا، مال – مۇلىك ۇقىعىن ايقىنداپ تىزىمدەۋگە بولمايدى ەكەن.

  قالا – قالاشىق تۇرعىنداردىڭ ۇيلىك جەرلەرىنە كۋالىك بەرمەۋ ماسەلەسى جونىندە جاۋ لۇڭ بىلاي دەدى: مەملەكەتتىڭ بەلگىلەمەسى بار، قالا تۇرعىندارىنىڭ اۋىل – قىستاققا بارىپ ۇيلىك جەر الۋىنا بولمايدى، بۇل جاعىندا قاتاڭ تالاپ قويىلعان. زاڭ جانە تىزىمدەۋ بەلگىلەمەلەرى بويىنشا قالا تۇرعىندارى زاڭدى مال – مۇلىك ۇقىعىن الا المايدى.

  ءتىلشىنىڭ بايقاۋىنشا، جياڭ داميڭ 2014- جىلى وتكىزىلگەن مەملەكەت جەر بايلىعى جونىندەگى مەملەكەتتىك قىزمەت ماجىلىسىندە بىلاي دەگەن ەكەن: اۋىل – قىستاق ۇيلىك جەر ءتۇزىم رەفورماسىندا مال – مۇلىك ۇقىعىن تىزىمدەپ، كۋالىك تاراتۋ قىزمەتىن نەگىز ەتۋ، ءبىر وتباسىدا ءبىر ۇيلىك جەر بولۋ پرينسيبىندە تاباندى بولۋ كەرەك، قالا تۇرعىندارىنىڭ اۋىل – قىستاققا بارىپ جەر ساتىپ الىپ ءۇي سالۋىنا مۇلدە رۇقسات ەتىلمەيدى.

  جاۋ لۇڭ تاعى بىلاي دەدى: مەملەكەتىمىز قازىر «ءۇش ءتۇرلى رەفورمانى» تۇيىندە سىناق ەتۋدى ىلگەرىلەتۋدە، بۇل جەردى يەلەۋ، اۋىل – قىستاقتاعى كوللەكتيۆ قۇرىلىسقا پايدالانىلاتىن جەردى وتكەرمەلەۋ جانە ۇيلىك جەردى پايدالانۋ. مۇندا ۇيلىك جەردى كوللەكتيۆ ۇيىم مۇشەلەرى اراسىندا نەمەسە ونان دا كەڭ كولەمدە وتكەرمەلەۋ جونىندە زەرتتەۋ جۇرگىزىلۋدە. قازىرگى جاعدايدا قالا تۇرعىندارىنىڭ، اسىرەسە ونەركاسىپ – ساۋدا كاپيتالى بارلاردىڭ اۋىل – قىستاقتاعى ۇيلىك جەردى ساۋدالاۋىنا بولمايدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.