بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>مادەنيەت

تاڭجارىق زەرتتەۋدەگى سۇبەلى تابىستار قورىتىندىلاندى

2017.02.06 14:02    

  جۇڭگو تاياۋ زامان ادەبيەتىنىڭ شوقتىعى بيىك ۋاكىلدەرىنىڭ ءبىرى، اسا جالىندى توڭكەرىسشىل اقىن تاڭجارىق جولدىبايەۆتىڭ حالىق اراسىنا اڭىز بوپ تارالعان كوركەم ليريكالىق تولعاۋلارى مەن داستاندارىن، جاۋىزدىق پەن ادىلەتسىزدىكتى اياۋسىز شەنەگەن ساتيرالىق جىرلارىن، ءازىل - سىقاق ولەڭدەرىن جيناۋ، زەرتتەۋ، اۋدارۋ، باسپادان شىعاۋ ماقساتىندا شاڭىراق كوتەرگەن شينجياڭ تاڭجارىق زەرتتەۋ قوعامىنىڭ 4 -رەتكى جينالىسى بيىل قاڭتاردىڭ 7 - كۇنى تۇستەن بۇرىن ىلە پەداگوگيكا ينيستيتۋتى كىتاپحاناسىنىڭ جيىن زالىندا اشىلدى. جينالىستى قازاق مادەنيەتىن زەرتتەۋ ورنىنىڭ باستىعى، تەتە اعا زەرتتەۋشى بەيسەن نامازبەك ۇلى باسقاردى، ىلە پەداگوگيكا ينيستيتۋتى ءتارتىپ تەكسەرۋ كوميتەتىنىڭ شۋجيى جياۋ چيڭليڭ جينالىستىڭ قارسى الۋ ءسوزىن سويلەدى. جينالىستا شينجياڭ تاڭجارىقتى زەرتتەۋ قوعامىنىڭ باستىعى مەن ورىنباسار باستىقتارى، قوعامنىڭ باس حاتشىسى، تۇراقتى القالارى جاڭادان سايلاندى. بەيسەن نامازبەك ۇلى شينجياڭ تاڭجارىق زەرتتەۋ قوعامىنىڭ باستىقتىعىنا، پروفەسسور، دوكتور سەرىكبول داۋلەتكەلدى ۇلى قوعامنىڭ باس حاتشىلىعىنا تاعايىندالدى. ىلە وبلىسىنا توتە قاراستى ورىنداردان، ءۇرىمجى قالاسىنان، تارباعاتاي ايماعىنان، ىلە پەداگوگيكا ينيستيتۋتىنان كەلگەن 40 تان استام شينجياڭ قوعامى مۇشەسى قاتىناستى.

  شينجياڭ تاڭجارىق زەرتتەۋ قوعامى 1996 - جىلى ىلە پەداگوگيكا ينيستيتۋتىندا قۇرىلعان، شينجياڭ ۇيعۇر اۆتونوميالى رايوندىق قوعامدىق عىلىمدار بىرلەستىگىنىڭ كاسىپتىك جاقتان باسقاراتىن زەرتتەۋ ورنى، قازىر 150 گە جۋىق مۇشەسى بار، شينجياڭ تاڭجارىق زەرتتەۋ قوعامىنىڭ باسشىلىق القالارىنىڭ كەزەك اۋىستىرۋ جينالىسى 5 جىلدا ءبىر رەت وتكىزىلەدى، 2013 - جىلى ساۋىردە شينجياڭ تاڭجارىق زەرتتەۋ قوعامى 3 -رەتكى باسشىلىق القالارىنىڭ كەزەك اۋىستىرۋ جينالىسىن اشىپ، زەرتتەۋ قوعامىنىڭ ەرەجەسىنە وزگەرىس ەنگىزىپ، قوعام مۇشەلەرىن باسقارۋ ءتۇزىمىن ارنالاستىرىپ، قوعامنىڭ گەربىن جاساعان بولاتىن، سودان قازىرگە دەيىن بۇل زەرتتەۋ قوعامى « شينجياڭ ۇلتتىق ادەبيەت جاسامپازدىعى مەن ۇلتتىق تىلدەن حانزۋشاعا اۋدارىلعان تۋىندىلار جيناعى ينجەنەرياسىنا » ەنگىزىلگەن حانزۋ تىلىندەگى 150 مىڭ ارىپتىك « تاڭجارىق شىعارمالارىنان تاڭدامالىلار » جيناعىن، جيناپ قۇراستىرىلعان حانزۋ تىلىندەگى 250 مىڭ ارىپتىك « تاڭجارىقتىڭ ولەڭدەر جيناعىن » جانە حانزۋ، قازاق تىلىندەگى « تاڭجارىقتى زەرتتەۋ جونىندەگى ماقالالار جيناعىنىڭ 7 - تومىن باسپادان شىعاردى. « تاڭجارىق زەرتتەۋ كورمەسىن » اشىپ، شينجياڭ تاڭجارىق زەرتتەۋ قوعامىنىڭ دامۋ بارىسىن، ەل ءىشى - سىرتىندا باسپادان شىققان « تاڭجارىق شىعارمالارىنان تاڭدامالىلارىن »، « تاڭجارىق شىعارمالارى توپتاماسىن »، تاڭجارىق جونىندەگى زەرتتەۋلەر مەن عىلمي ماقالالار جيناعىن جاريا ەتتى.

  قۇرىلىپ كەمەلدەنە باستاعىنىنا 20 جىلدان اسقان، اقىن تاڭجارىقتىڭ پويەزيالىق جاسامپازدىعى جاعىنداعى وزگەلەردەن بولەك دارا ستيلىن تەرەڭدەي زەرتتەپ قوماقتى تابىستارعا قول جەتكىزگەن شينجياڭ تاڭجارىق زەرتتەۋ قوعامى 2017- جىلدان 2021 - جىلعا دەيىن « تاڭجارىقتى زەرتتەۋدەگى عىلمي ماقالالار جيناعىنىڭ » حانزۋ، قازاق تىلىندەگى 7 -، 8 - تومىن، حانزۋ تىلىنە اۋدارىلعان « تاڭجارىق شىعارمالارىنىڭ » تولىق جيناعىن باسپادان شىعارۋدى، اقىننىڭ ءالى باسپاعان بەرىلمەي حالىق اراسىندا تاراپ جۇرگەن ولەڭدەرى مەن داستاندارىن جيناپ زەرتتەۋدى، سونداي - اق، تاڭجارىقتىڭ ءومىرى مەن جاسامپازدىعى جونىندەگى مەملەكەت دارەجەلى عىلمي تالقى ماجىلىستەرىن، حانزۋ تىلىنە اۋدارىلعان « تاڭجارىق شىعارمالارىنان تاڭدامالىلار » مەن تاڭجارىق جونىندە « عىلمي ماقالالار جيناعىنىڭ » تاراتىلۋ سالتىن مەرزىم سايىن وتكىزىپ تۇرۋدى ءوز مىندەتىنە الدى. ماجىلىستە تاڭجارىق زەرتتتەۋ قوعامىنداعى ماماندار تاڭجارىق زەرتتەۋ قوعامىن دامىتۋدىڭ ۇلتتار ىنتىماعىن كۇشەيتۋدەگى رولى، كەزەكتەگى جاعدايمەن بىرلەستىرىپ تاڭجارىق زەرتتەۋ قوعامىنىڭ دامۋ اياق - الىسىن تەزدەتۋ تاقىرىبىندا قىزۋ تالقى ورىستەتتى.

  ولار ەندىگى جەردە تاڭجارىق اتىندا ارناۋلى « ەنسكلوپيادا شىعارۋ، تاڭجارىق شىعارمالارىن فيلوسوفيا، قوعامدىق عىلىم تۇرعىسىنان جۇيەلى زەرتتەۋ، تاڭجارىق زەرتتەۋ قوعامىنىڭ قوسىن قۇرىلىسىن كۇشەيتۋ، تاڭجارىقتىڭ تۋىپ -وسكەن مەكەنى كۇنەستە، ىلە پەداگوگيكا ينيستيتۋتىندا اقىن تاڭجارىقتىڭ ءمۇسىنىن ورناتۋ جونىندە قۇندى ۇسىنىس - پىكىرلەردى ورتاعا قويدى.

  كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.