- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
موڭعۇلكۇرە اۋدانى سارقوبى اۋىلى «مۇز قۇرسانعان كۇرىلدەك» اتىنداعى قىسقى ساياحات قيمىلىن ءساتتى وتكىزدى
2017.01.16 14:42
تاۋىق جىلى قاڭتاردىڭ 10–كۇنى تاڭەرتەڭ كۇن ارقان بويى كوتەرىلگەنىمەن، قاڭتاردىڭ قارا سۋىعى بەت قاراتار ەمەس. اۋدان ورتالىعىنان 60 كيلومەتر شالعايداعى اياداي قىستاق وزگەشە ءبىر مەرەكەلىك تۇسكە ەنىپ، الىس–جاقىنىنان، اتتىلى–جاياۋ اعىلعان جۇرتشىلىق، قاڭتاردىڭ قاقاعان سۋىعىنا قاراماي سۋىقتوعاي قسىتاعىنىڭ باتىسىنداعى كۇرىلدەك ساياحات رايونىنا جۇرەتىن جول بويىنداعى شاعىن الاڭعا اسىعا جينالىپ جاتتى.
بۇل قيمىل قاڭتاردىڭ 7 - كۇنى موڭعۇلكۇرە اۋدانىنىڭ حانتاڭىرى شاڭعى الاڭىندا باستالعان «اقشا قارعا ماحاببات» اتىنداعى قىسقى ساياحات مەرەكەسىنىڭ «قار - مۇزداعى اۋىل–قىستاق» قيمىلىنىڭ ءبىر تارماعى بولعان سارقوبى اۋىلىنىڭ‹‹ مۇز قۇرسانعان كۇرىلدەك›› اتىنداعى قازاق ۇلتىنىڭ ۇلتتىق ەرەكشەلىككە يە قار–مۇز ساياحاتى مادەنيەت ، دەنە–تاربيە قيمىلى ەدى.
بۇل قيمىل سارقوبى اۋىل باسشىلارىنىڭ جانە اۋىلعا قاراستى ءار قايسى قىستاق كادرلارىنىڭ ورتاق اتسالىسۋىندا از ۇلتتاردىڭ جۇيەدەن قازاق ۇلتىنىڭ ات ءۇستى ۇلتتىق دەنەتاربيە قيمىلىن ارقاۋ ەتكەن، قىز قۋار، كوكپار تارتۋ، تەڭگە ءىلۋ، ات بايگەسى، اقىندار ايتىسى، قازاق كۇرەسى، ۇلتتىق تاعامدار ازىرلەۋ، قولونەر بۇيىمدار كورگىزبەسى قاتارلى الۋان مازمۇندار بويىنشا وتكىزىلىپ، الىس–جاقىنىنان كەلگەن ساياحاتشىلاردى ءتىپتى دە قىزىقتىرا ءتۇستى.
اسىرەسە، اۋىلداعى شەبەر شەشەلەرىمىز بەن جەلەكتى جەڭگەيلەرىمىزدىڭ بەرەكەلى قولىنان جاسالعان تارى تالقانى، ءبيداي كوجە، جەنت، قازان قارما، ايران، باۋىرساق، قازى–قارتا سياقتى ۇلتتىق اس –سۋ ونىمدەرىمىز اق قارعا جايىلعان اق داستارقانعا قاز–قاتار قويىلىپ، الىستان كەلگەن ساياحاتشىلاردىڭ تاڭدايلارىنا تاتىپ، تامساندىرىپ فوتو كوزدەرى ارقىلى ۇلتتىق اس –سۋ مادەنيەتىمىزدىڭ اتاعىن الىس–الىسقا تارالىپ جاتقانىنا كۋا بولدىق.
قيمىلدىڭ سوڭى سۋىقتوعايداعى حالىق ونەرپازدارى مەن مەكتەپ وقۋشىلارىنىڭ دايىنداعان كونسەرت نومىرلەرىمەن جالعاسىن تاۋىپ، گۇرىلدەمە ساياحات رايونىنىڭ قىسقى كەلبەتىنە تاعى دا ءبىر جاڭاشا ءتۇس سيلادى. ەربول تۇرداقىن ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
