- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ادەپتىلىكتىڭ باسى − ۇيالۋ
سەرىك تۇرسىنالى ۇلى
2016.11.25 13:28 كەلۋ قاينارى : شينجياڭ گازەتى
«ولىمنەن ۇيات كۇشتى»، «ءوزى ۇيالماعان كىسى بەتىن شيەدەي قىلادى، ۇيالماعان بۇيىرماعاننان ىشەدى»، «ادەپتىلىك، ار - ۇيات − ادامدىقتىڭ بەلگىسى»، «ۇلى سوزدە ۇيات جوق»، «ۇياڭ ادام − ۇيالشاق، ۇياتسىز ادام − سۇرانشاق»، «بىلمەگەندى سۇراۋدىڭ ۇياتى جوق» تاعى باسقا دا حالىق ماقال - ماتەلدەرى مەن اقىن - جازۋشىلارىمىزدىڭ شىعارمالارىندا ءجيى كەزدەسەتىن ۇلاعاتتى سوزدەر بىزگە ۇياتتىڭ انىقتاماسىن، قاعيدالارىن ايقىنداپ بەرەدى.
ۇيات − ادامعا ءتان سەزىم قابىلەتى، ول ءار ءتۇرلى بولادى. ۇيالۋ سەزىمى ادام سەزىمدەرىنىڭ ەڭ باستىسى. ويتكەنى ۇيات، ۇيالۋ سەزىمى ار، ۇجدان، نامىس دەگەن ادامگەرشىلىك قاسيەتتەرمەن تىعىز بايلانىستى.
ۇيات − ادام قاسيەتىن باعالايتىن سەزىم. بۇل سەزىم وتباسىندا ۇلكەندەردىڭ اڭگىمەسىن ەستۋ ارقىلى بالا كەزدەن ادام بويىنا ۇيالايدى.
ۇيات − ەڭ نازىك سەزىم، ول ادامنىڭ بەدەلىمەن، ابىرويىمەن تىعىز بايلانىستى. بەدەل مەن ابىرويعا قاراپايىم ەڭبەك، بايىپتى ءسوز، مەيىرىمدى مىنەز، ادەپ ساقتاۋ، ۇلكەندى تىڭداۋ جانە سيلاۋ، قۇرمەتتەۋ، تاپقىر ويمەن جەتۋگە بولادى. سونداي - اق تەڭ قۇربىلارىڭنىڭ الدى بولۋىڭمەن، دوستىق - جولداستىق قارىم - قاتىناسىڭمەن، يبالىلىعىڭمەن، ىنتا - جىگەر، تالابىڭمەن، تىندىرىمدىلىعىڭمەن، جاقسىنى جاماننان ايىرا الۋىڭمەن، ولارعا دەگەن يگى دە ىزگى نيەتىڭمەن، جەك كورۋ، جاقسى كورۋ لاززاتىڭمەن جەتەسىڭ.
ۇيات ىلعي دا بەت الپەتىڭنىڭ ءار ءتۇرلى قۇبىلۋىمەن كوزگە تۇسەدى. ۇيات دەگەندى قولعا ۇستاۋعا بولماسا دا، سەزىنۋگە، كوزبەن كورۋگە ابدەن بولادى. سەزىمدى دۇرىس، ورىندى پايدالانۋ ءار ادامدى يگى قاسيەتتەرگە جەتەلەيدى.
قورقىنىش سەزىمى بەت - الپەتىڭنىڭ قۋقىلدانۋىنان سەزىلەدى، قۋانىشىڭ جادىراۋىڭمەن، قايعىڭ تۇنەرۋىڭمەن، ۇياتىڭ قىزارۋىڭمەن، سۇيىسپەنشىلىگىڭ كوز تىگۋىڭمەن، ريزا بولۋىڭ جايدارلىعىڭمەن كوزگە كورىنە قالادى.
ۇيالۋ − ىشكى جان سىرىڭدى سىرتقا شىعاراتىن قاسيەتتى دە قاسىرەتتى سەزىم. بۇل سەزىم قالاي پايدا بولادى دەگەن ساۋالعا جاۋاپ ىزدەر بولساق، ول جوعارىداعى اۋىتقۋلاردان، اسىعىستىقتان، بەرەكەسىزدىكتەن، اقىل مەن پاراساتتىلىق قاسيەتتەردىڭ ورالىمسىزدىعىنان، ار مەن نامىستىڭ سونىڭكىرەگەنىنەن، ورەكپۋدەن، مەنمەندىككە سالىنۋدان، اسقاقتاۋدان، ءمانساپ قۇمارلىقتان تۋىندايدى. وسىنداي مىنەزدەن پايدا بولعان اعاتتىعىڭدى تەز تۇسىنسەڭ، ەركىڭدى شاپشاڭ جيناپ الساڭ، بەتكە تەپكەن ۇياتىڭ قاسيەتتى دە قاستەرلى بولادى. ۇيات مەزەتتىك سەزىم بولعانىمەن، ونىڭ سالدارى اقىلدى ادامدى تەرەڭ ويعا باتىرادى، كەشىرىم سۇراۋعا ءماجبۇر ەتەدى.
ۇيالۋ − مادەنيەتتىلىك، ول دورەكىلىككە قارسى قويىلعان. اعاتتىق جاساپ، كىنالى بولساڭ، تەز كەشىرىم سۇرا، سەنىڭ كىناڭ تازارادى، كوڭىلىڭ كوتەرىلەدى، ءسويتىپ، مادەنيەتتىلىگىڭدى تانىتاسىڭ جانە بىلدىرە الاسىڭ.
اسىرەسە، جىگىتتەر كەيدە الداۋ مەن ويناۋدىڭ ارا قاتىناسىن ايقىن انىقتاي المايدى دا، وينايمىن دەپ، جولداس - قۇرداسىنىڭ وزىنە دەگەن سەنىمىن جوعالتىپ الۋى مۇمكىن. مۇندايدا حالقىمىزدىڭ «ويناساڭ دا، ويلاپ وينا»، «سويلەسەڭ دە، ويلاپ سويلە» دەيتىنى وسىدان. كەيدە «ويىننان وت شىعادى» دەپ، قاتال ەسكەرتەدى. وسىلاردىڭ ءبارى ەرلەردىڭ كەيبىر ەرسى قىلىعىنان تۋىندايدى، ەرسى قىلىق كوبىنە ۇياتقا قالدىرادى.
ال قىزداردىڭ ۇياتى تەك ابىروي ساقتاۋمەن شەكتەلمەيدى، ول ار ساقتاۋمەن دە بايلانىستى. قىزدارىمىز ەلدىڭ نامىسى، ەلدىڭ گۇلى. ارلى بولۋ − بايلىقتىڭ ناعىز قاينار كوزى. اسىرەسە، قىز بالا ارلى بولۋدى ارۋ بولعان اناسىنان ۇيرەنەدى. قىز بالانىڭ بايلىعى − ارىن اياققا باسپاۋ، نامىسىن ساقتاۋ؛ سولاردان كەيىن عانا ۇجدان بايلىعى وزىنەن - ءوزى كەلەدى، ابىروي - اتاققا تەزىرەك يە بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
