ورتالىق ءتارتىپ تەكسەرۋ كوميتەتى: بيىل ءبىرىنشى توقساندا ولكە، مينيسترلىك دارەجەلى 14 كادر جازالاندى

2017.04.18 16:23   كەلۋ قاينارى : حالىق تورابى

　　حالىق تورابى، 18 – ءساۋىر، بەيجيڭ. ورتالىق ءتارتىپ تەكسەرۋ كوميتەتىنىڭ باقىلاپ – تەكسەرۋ ءبولىمى توراپ بەكەتىندە جاريالانعان حابارعا قاراعاندا، 2017 – جىلى ءبىرىنشى توقساندا بۇكىل ەلدەگى ءتارتىپ تەكسەرۋ، باقىلاۋ ورگاندارى جالپى 623 مىڭ دانا – رەت ارىزدى جانە اشكەرەلەۋدى قابىلداعان، 194 مىڭ پارشا ماسەلە دەرەگىن ءبىر جاقتى ەتكەن، 38 مىڭ پارشا – رەت اڭگىمە وتكىزگەن نەمەسە حات ارقىلى كەڭەس بەرگەن، 102 مىڭ پارشا دەلو تۇرعىزىپ، 85 مىڭ ادامدى جازالاعان (مۇنىڭ ىشىندە پارتيا ءتارتىبى جازاسى بەرىلگەنى 71 مىڭ ادام). جازالانعان ولكە، مينيسترلىك دارەجەلى كادر 14 ادام، مەڭگەرمە، مەكەمە دارەجەلى كادر 400 دەن استام ادام، اۋدان، باسقارما دارەجەلى كادر 3 مىڭ 500 دەن استام ادام، اۋىل، ءبولىم دارەجەلى كادر 13 مىڭ ادام، جاي كادر 16 مىڭ ادام، اۋىل – قىستاق، كاسىپورىن سياقتىلارداعى باسقا ادامدار 52 مىڭ ادام بولعان.

　　ءبىرىنشى توقساندا بۇكىل ەلدەگى ءتارتىپ تەكسەرۋ، باقىلاۋ ورگاندارى باقىلاپ، ءتارتىپ تەكسەرۋدىڭ «ءتورت ءتۇرلى كۇيىمەن» 179 مىڭ ادامدى (رەت) جازالاعان. مۇنىڭ ىشىندە ءبىرىنشى كۇيدەگىلەر 92 مىڭ ادام (رەت) بولىپ، جالپى ساننىڭ %51.7 ىن ۇستاعان؛ ەكىنشى كۇيدەگىلەر 65 مىڭ ادام (رەت) بولىپ، %36.3 تى ۇستاعان؛ ءۇشىنشى كۇيدەگىلەر 12 مىڭ ادام (رەت) بولىپ، %6.4 تى ۇستاعان؛ ءتورتىنشى كۇيدەگىلەر 10 مىڭ ادام (رەت) بولىپ، %5.6 تى ۇستاعان.

　　كەلۋ قاينارى: حالىق تورابى