لي كىچياڭ: ىنتىماقتاسا كۇرەس جۇرگىزىپ، شىنايى يگەرىپ، ناقتى ىستەپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ كەرەك

2017.10.20 16:02   كەلۋ قاينارى : حالىق تورابى

　　«حالىق گازەتى»، 19 – قازان، بەيجيڭ. 19 – قازان تۇستەن بۇرىن لي كىچياڭ جولداس ءوزى بولىنگەن پارتيانىڭ 19 – قۇرىلتايى گۋاڭشي جۋاڭزۋ اۆتونوميالى رايونى ۋاكىلدەر ۇيىرمەسىنىڭ تالقىسىنا قاتىناستى. ول بىلاي دەدى: شي جينپيڭ جولداس پارتيا 18 – كەزەكتى ورتالىق كوميتەتى اتىنان ماجىلىسكە جاساعان بايانداماسىندا وتكەن 5 جىلدا پارتيا ورتالىق كوميتەتى بۇكىل پارتيا مەن بۇكىل ەل حالقىن ىنتىماقتاستىرا باستاپ جۇڭگوشا سوتسياليزمدە تاباندى بولىپ جانە ونى دامىتۋدا قول جەتكىزگەن شۇعىلالى تابىس پەن قۇندى تاجىريبەنى قورىتىندىلاپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ جونىنەن جاپپاي ورنالاستىرۋ جاسادى. تۇتاس پارتيانىڭ اقىل – پاراساتى شوعىرلانىپ، ءداۋىردىڭ تالابى مەن حالىقتىڭ تىلەگى بەينەلەنگەن بايانداما ــ بۇكىل پارتياعا، بۇكىل ەلدەگى ءار ۇلت حالقىنا جەتەكشىلىك ەتىپ جۇڭگوشا سوتسياليزمدى ۇزدىكسىز العا ىلگەرىلەتۋدەگى، جاڭا داۋىرگە قادام تاستاۋداعى ساياسي جارناما ءارى ارەكەت باعدارلاماسى.

　　تالقىدا لي كىچياڭ ۋاكىلدەرمەن ىشكەرىلەي پىكىر الماستىردى. ول بىلاي دەدى: پارتيانىڭ 18 – قۇرىلتايىنان بەرى رەفورما جۇرگىزىپ، قاقپا اشۋدا جانە سوتسياليستىك وسىزامانداندىرۋ قۇرىلىسىندا تاريحي تابىسقا قول جەتكىزىلۋى تۇپتەپ كەلگەندە شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىنان، وراسان زور ساياسي باتىلدىقپەن جانە كۇشتى جاۋاپكەرلىكپەن پارتيا مەن مەملەكەت ىستەرىندە تاريحي وزگەرىس تۋدىرۋدى ىلگەرىلەتكەنىنەن بولدى، وسىلايشا ەلىمىز دامۋدىڭ جاڭا تاريحي باستاماسىنا قادام تاستادى، جۇڭگوشا سوتسياليزم جاڭا كەزەڭگە ءوتتى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ــ ماركسيزمنىڭ جۇڭگوشالانۋىنداعى ەڭ جاڭا تابىس، جۇڭگوشا سوتسياليزم نازاريا جۇيەسىنىڭ ماڭىزدى قۇرامداس بولەگى، پارتيامىز ۇزاق ۋاقىت تاباندى بولۋعا ءتيىستى جەتەكشى يدەيا.

　　كەلۋ قاينارى: حالىق تورابى