- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
نەگىزگى ساتى پارتيا ۇيىمدارى مۇگەدەكتەردى كەدەيلىكتەن قۇتىلدىرۋعا كۇش سالدى
اۆتونوميالى رايون اۋىل - قىستاق نەگىزگى ساتى پارتيا ۇيىمدارىنىڭ مۇگەدەكتەرگە كومەكتەسۋ، كەدەيلەردى سۇيەمەلدەۋ ينجەنەرياسى جانە مۇگەدەكتەردى كەدەيلىكتەن قۇتىلدىرىپ، كاسىپتەندىرۋ بازاسى قۇرىلىسى جونىندە جۇمىس باسى ءماجىلىسىن اشتى
2014.07.17 14:06 كەلۋ قاينارى : ءتاڭىرتاۋ تورابى
15 - شىلدەدە، ءتىلشى اۋىل - قىستاق نەگىزگى ساتى پارتيا ۇيىمدارىنىڭ مۇگەدەكتەرگە كومەكتەسۋ، كەدەيلەردى سۇيەمەلدەۋ ينجەنەرياسى جانە مۇگەدەكتەردى كەدەيلىكتەن قۇتىلدىرىپ، كاسىپتەندىرۋ بازاسى قۇرىلىسى جونىندەگى اۆتونوميالى رايوندىق جۇمىس باسى ءماجىلىسىنىڭ ۋاكىلدەرىمەن بىرگە، تۇرپان قالاسى يار اۋىلى لۇيزۇڭ قىستاعىنىڭ تۇرعىنى ءالىم زايىتتىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا سالىنعان ەڭسەلى جاڭا ۇيىنە باردى.
ءالىم زايىت مۇگەدەك جان، ءوزى ساقا پارتيا مۇشەسى. ۇيىندەگى 7 جاننىڭ تورتەۋى مۇگەدەك. بىلتىر تۇرپان قالالىق مۇگەدەكتەر بىرلەستىگى اۋىل - قىستاق نەگىزگى ساتى پارتيا ۇيىمدارىنىڭ مۇگەدەكتەرگە كومەكتەسۋ، كەدەيلەردى سۇيەمەلدەۋ ينجەنەرياسى ارقىلى، ءالىم زايىتكە 5000 يۋانعا قوزىسىمەن قوسىپ 3 ساۋلىق قوي ساتىپ الىپ بەرگەن بولاتىن، ءبىر جىلدان كەيىن قوراداعى قويى 11 گە كوبەيەدى.
تانىستىرۋعا قاراعاندا، اۆتونوميالى رايوندىق پارتكومنىڭ ۇيىمداستىرۋ ءبولىمى مەن اۆتونوميالى رايوندىق مۇگەدەكتەر بىرلەستىگى 2012 - جىلى تۇتاس رايونىمىزدا، اۋىل - قىستاقتاعى نەگىزگى ساتى پارتيا ۇيىمدارىنىڭ مۇگەدەكتەرگە كومەكتەسۋ، كەدەيلەردى سۇيەمەلدەۋ ينجەنەرياسىن اتقارعان، سودان بەرى ءار دارەجەلى ورىندار 11 ميلليون 130 مىڭ يۋان كومەك قارجى شىعارعان، نەگىزگى ساتىداعى پارتيا ۇيىمدارى مەن پارتيا مۇشەلەرى جالپى 10 مىڭ 166 كەدەي مۇگەدەك وتباسىنا كومەكتەسكەن.
اۆتونوميالى رايوندىق حالىق ۇكىمەتى مۇگەدەكتەر قىزمەتى كوميتەتىنىڭ ورىنباسار مەڭگەرۋشىسى، اۆتونوميالى رايوندىق مۇگەدەكتەر بىرلەستىگى پارتگرۋپپاسىنىڭ شۋجيى، باس القاسى جوۋ جۇنليڭ بىلاي دەدى: رايونىمىزدىڭ اۋىل - قىستاقتارىندا شامامەن 160 مىڭداي مۇگەدەك ادام بار، بۇل مۇگەدەكتەر قىزمەتى مەن كەدەيلەردى سۇيەمەلدەۋ، اشۋ قىزمەتىندەگى ەڭ قيىن ءتۇيىن بولاتىن، اۋىل - قىستاقتارداعى نەگىزگى ساتى پارتيا ۇيىمدارى مۇگەدەكتەرگە كومەكتەسۋ، كەدەيلەردى سۇيەمەلدەۋ ينجەنەرياسى اتقارىلعاننان بەرى، ءار دارەجەلى پارتيا ۇيىمدارى مەن مۇگەدەكتەر بىرلەستىگى قىزمەت ءبولىسى بويىنشا سەلبەسىپ، باسقا تاراۋلارداعى بايلىق پەن نىسانداردى رەتتەپ، اۋىل - قىستاقتارداعى مۇگەدەكتەردىڭ ءوندىرىستى دامىتىپ، كىرىستى ارتتىرۋىنا كومەكتەسىپ، ولاردى كەدەيلىكتەن قۇتىلدىردى.
تۇرپان ايماعى اۋىل - قىستاق نەگىزگى ساتى پارتيا ۇيىمدارىنىڭ مۇگەدەكتەرگە كومەكتەسۋ، كەدەيلەردى سۇيەمەلدەۋ نىسانىنداعى سىناق ءتۇيىنى ەتىلگەن ايماق تۇرعىسىنان، جوعارىنىڭ ءار ءبىر وتباسىنا بەرگەن 2000 يۋان كومەك قاراجاتىنىڭ ۇستىنە تاعى 1000 يۋان قوسىپ، كومەك كورسەتىلەتىندەردىڭ سانىن اۆتونوميالى رايوننىڭ بەلگىلەمەسىندەگى 466 ادامنان 624 ادامعا كوبەيتىپ، اۆتونوميالى رايون بوساتقان 832 مىڭ يۋان كومەك قاراجاتىنىڭ ۇستىنە قارجى قوسىپ، 2 ميلليون يۋانعا جەتكىزدى.
مۇگەدەكتەرگە كومەكتەسۋ، كەدەيلەردى سۇيەمەلدەۋ ينجەنەرياسىنىڭ ەرەكشەلىگى مەن تالابىنا ساي، تۇرپان ايماعى اۋىل - قىستاقتارداعى مۇگەدەكتەر اراسىندا «4 ءتۇرلى قارتتى» ءتۇيىندى سۇيەمەلدەۋ وبيەكتىسى ەتىپ، ءار ءبىر وتباسىنا 5000 يۋان سۇيەمەلدەۋ قاراجاتىن بەردى.
ۇعىسۋعا قاراعاندا، بيىل رايونىمىزدا اۋىل - قىستاق نەگىزگى ساتى پارتيا ۇيىمدارىنىڭ مۇگەدەكتەرگە كومەكتەسۋ، كەدەيلەردى سۇيەمەلدەۋ ينجەنەرياسى بويىنشا شىعارعان كومەك قاراجاتى 6 ميلليون 290 مىڭ يۋانعا جەتىپ، قازىرگە دەيىن بارلىق قاراجات ءبولىنىپ بولعان، جەر - جەر اۋقاتتانۋداعى باستاماشىلاردى مۇگەدەكتەردى كەدەيلىكتەن قۇتىلدىرىپ، كاسىپتەندىرۋ بازاسىن، اۋىل - قىستاق سەلبەستىك كووپەراتيۆىن قۇرۋ، مۇگەدەكتەر وتباسىنا ينفورماتسيا، تەحنيكا، قارجى جەتكىزۋ سياقتى جاقتاردان كومەك كورسەتۋگە ۇيىمداستىرىپ، تۇرمىس جاعدايى تومەن مۇگەدەك جانداردىڭ ءوندىرىسىن دامىتىپ، كىرىسىن ارتتىرۋىنا قولداۋ كورسەتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
