- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شاندۇڭ ولكەسى شينجياڭعا باعىتتامالى كومەكتەسۋگە 25 ءتۇرلى ساياسات - شارا بەلگىلەدى
قاشقاردا ۇيعۇر تىلىندە رەسمي سايت قۇرۋعا 30 ميلليون يۋان قارجى قوساتىن بولدى
2014.07.28 13:17 كەلۋ قاينارى : ءتاڭىرتاۋ تورابى
شاندۇڭ ولكەسىنىڭ شينجياڭعا باعىتتامالى كومەكتەسۋ جونىندەگى ساياسات - شارالارىن جاريالاۋ ءماجىلىسى 21 - شىلدە تۇستەن كەيىن قاشقاردا وتكىزىلدى، ماجىلىستە ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن دايەكتى تياناقتاندىرۋ، سونداي - اق شينجياڭعا باعىتتامالى كومەكتەسۋ قىزمەتىن اناعۇرلىم جەبەۋ جونىندە 5 جاقتاعى 25 ءتۇرلى ساياسات شارا جاريالاندى.
شاندۇڭ ولكەلىك پارتكومنىڭ ورىنباسار شۋجيى، ولكە باستىعى گو شۋچيڭ، شاندۇڭ ولكەلىك پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى يان شىيۋان جانە اۆتونوميالى رايوننىڭ باسشىلارىنان نۇرلان ءابىلماجىن ۇلى، چيان جى، چىڭ جىنشاندار ماجىلىسكە قاتىناستى.
شينجياڭعا باعىتتتامالى كومەكتەسۋ قىزمەتىندەگى بۇل ساياسات - شارالار كاسىپ سالاسى سەلبەستىگىن جەبەۋ، ەڭبەككۇشتەردى وزگە كاسىپتەرگە ويىستىرىپ، جۇمىسقا ورنالاستىرۋ؛ وقۋ - اعارتۋ بويىنشا شينجياڭعا كومەكتەسۋدى، اقىل - پاراسات جاعىنان قولداۋ كورسەتۋدى كۇشەيتۋ؛ بارىس - كەلىس جاساۋ، قارىم - قاتىناس ورناتۋدى كۇشەيتىپ، ۇلتتار ىنتىماعىن نىعايتۋ؛ قوعامدى جونگە سالۋدا جاڭالىق اشىپ، قوعام جاراسىمدىلىعىن جەبەۋ؛ سۇيەمەلدەۋ ساياساتىن كەمەلدەندىرىپ، پارمەندى كۇشپەن كەپىلدىك ەتۋ سىندى 5 جاقتى قامتيدى.
25 تارماقتى ناقتى ساياسات - شارا مىنالار: ورتالىقتىڭ شينجياڭدا توقىما، كيىم - كەشەك كاسىپ سالاسى ارقىلى جۇمىسقا ورنالاسۋدى جەبەۋ جوباسىن اتقارۋداي كەلەلى ورايدى مىقتى يگەرىپ، جۇمىسقا ورنالاستىرۋ ءورىسى كەڭ، جۇمىسقا ورنالاستىرۋ يقۋاتى كۇشتى رۋ - ي توبى سىندى ءتۇيىندى نىسانداردىڭ قاشقارعا ىرگە تەبۋىنە قولداۋ كورسەتۋ؛ كاسىپ سالاسىنىڭ دامۋىن سۇيەمەلدەۋ قارجىسىن دايىنداۋ، كومەك الۋشى 4 اۋدانداعى كاسىپتەندىرۋ ءورىسى كەڭ، ەڭبەككۇش شوعىرى مول كاسىپورىندارعا جانە مادەنيەت كاسىبىن دامىتۋعا قوسىمشا قاراجات بەرۋ ءۇشىن، 70 ميلليون يۋان ارناۋلى قارجى ءبولۋ؛ شاندۇڭ ولكەسىندەگى شينجياڭ تولىق ورتا كلاستارىنىڭ كولەمىن كەڭەيتىپ، شينجياڭعا باعىتتامالى كومەكتەسۋ اياسىندا ورتا مەكتەپ كلاستارىن سىناق رەتىندە قۇرۋ؛ قاشقارداعى پارتيا، ۇكىمەت كادرلارىن شاندۇڭ ولكەسىنە سايكەستى مىندەتكە تاعايىنداپ، شىنىقتىرۋعا ۇيىمداستىرۋ، شيپاگەرلەر مەن مامانداردى جىل سايىن 2 رەت قاشقار ايماعىنا بارىپ تەگىن ناۋقاس كورۋگە ۇيىمداستىرۋ، اۋىل - قىستاقتاعى حالىقتى اۋقاتتانۋعا باستايتىن 200 كوشباسشىنى جىل سايىن شاندۇڭ ولكەسىنە ۇيرەنۋگە، ەكسكۋرسيالاۋعا، قارىم - قاتىناس ورناتۋعا جىبەرۋ؛ جىل سايىن 200 شاماسىندا از ۇلت وتباسىن، 300دەي جاس ءوسپىرىمدى «ۇيعۇر - حانزۋ ۇلتى ءبىر وتباسىنىڭ ادامدارىنداي» جانە «شاندۇڭ - شينجياڭ جاستارىنىڭ ەتەنە دوستىق ورناتۋى» قيمىلىن ورىستەتۋگە ۇيىمداستىرۋ؛ بەيقۇت ءۇي سالىپ، حالىقتى اۋقاتتاندىرۋ قۇرىلىسىنا ۇشتاستىرا وتىرىپ، «وتباسىلارىنا تەلەۆيزور تارتۋ ەتۋ، مادەنيەتتى جالپىلاستىرۋ قيمىلىن» ورىستەتۋ، كومەك الۋشى 4 اۋداندا 3 جىلدا 120 مىڭ وتباسىنا بىردەن ايگىلى ماركالى تەلەۆيزور سيلاۋ.
شاندۇڭ ولكەسىنىڭ قارجى قوسۋىمەن قاشقاردا ۇيعۇر تىلىندە رەسمي سايت قۇرۋ سالتى 21 - شىلدە تۇستەن كەيىن قاشقار قالاسىندا ءوتتى، شاندۇڭ ولكەسى قاشقار ايماعىنداعى سايت نىساندارى قۇرىلىسىنا 30 ميلليون يۋان قارجى قوستى. شاندۇڭ ولكەلىك پارتكومنىڭ ورىنباسار شۋجيى، ولكە باستىعى گو شۋچيڭ مەن اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى سايتتىڭ اتى جازىلعان تاقتايشانىڭ شىمىلدىعىن اشتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
