- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الدىڭعى جارتى جىلدا شينجياڭنىڭ «ءۇش ءتۇرلى ۇكىمەت قاراجاتى» وتكەن جىلعى سول تۇستاعىدان %30كە جۋىق ازايدى
2014.07.28 13:18 كەلۋ قاينارى : ءتاڭىرتاۋ تورابى
اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 9 - ماجىلىسىنەن ۇعىسۋىمىزشا، بيىل الدىڭعى جارتى جىلدا رايونىمىزدىڭ «ءتۇش ءتۇرلى ۇكىمەت قاراجاتى» 880 ميلليون يۋانعا جەتىپ، وتكەن جىلعى سول تۇستاعىدان 330 ميلليون يۋان ازايىپ، %27.4 تومەندەگەن.
اۆتونوميالى رايوندىق قازىنا مەڭگەرمەسىنىڭ باستىعى ۋان حايچۋان اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 9 - ماجىلىسىندە اۆتونوميالى رايون قازىنا مەجە ەسەبىنىڭ 2014 - جىلدىڭ الدىڭعى جارتىسىنداعى اتقارىلۋ احۋالى جونىندە بايانداما جاساپ، بىلاي دەپ تانىستىردى: اۆتونوميالى رايوندىق پارتكومنىڭ قىزمەت ورنالاستىرۋىنا ساي، ءار دارەجەلى قازىنا تاراۋلارى مەملەكەتتىك كەڭەستىڭ بەلگىلەمەلەرىن قاتاڭ اتقارىپ، اۆتونوميالى رايوننىڭ ءماجىلىس قاراجاتىن، تاربيەلەۋ قاراجاتىن، ءىسساپار قاراجاتىن باسقارۋ ءادىسىن ىركەس - تىركەس بەلگىلەپ، ماجىلىسكە قاتىناسۋعا، شەتەلدەرگە شىعۋعا، اۆتوكولىك ساتىپ الۋعا، قوناق كۇتۋگە جۇمسالاتىن جاي شىعىندى بارىنشا قىسقارتىپ، بەلسەنە قارجى توپتاپ، اۆتونوميالى رايون ۇيعارعان ءتۇيىندى شىعىنداردى شەشۋگە جۇمساپ، شاقتى قارجىنى قاجەتتى جەرگە جۇمسادى. بيىل قاڭتاردان ماۋسىمعا دەيىن، اۆتونوميالى رايوننىڭ «ءۇش ءتۇرلى ۇكىمەت قاراجاتى» وتكەن جىلعى سول تۇستاعىدان 330 ميلليون يۋان ازايدى، مۇندا ۇكىمەت ىسىمەن قوناق كۇتۋگە جۇمسالعان قارجى %35.2، اۆتوكولىك ساتىپ الۋعا جانە جۇرگىزۋگە جۇمسالعان قارجى %24.5، شەتەلدەرگە شىعۋعا جۇمسالعان قارجى %57.1 ازايدى.
ۋان حايچۋان بىلاي دەپ تانىستىردى: سوڭعى جارتى جىلدا اۆتونوميالى رايون ورتالىقتىڭ «سەگىز ءتۇرلى بەلگىلەمەسى» مەن اۆتونوميالى رايوندىق پارتكومنىڭ «ون تارماقتى بەلگىلەمەسىن» دەن قويا دايەكتى تياناقتاندىرىپ، باقىلاۋ - باسقارۋدى شىنايى كۇشەيتىپ، «ءۇش ءتۇرلى ۇكىمەت قاراجاتىن» ازايتادى، استە ارتتىرمايدى. اۆتونوميالى رايوننىڭ ءماجىلىس قاراجاتى، تاربيەلەۋ قاراجاتى، قوناق كۇتۋ قاراجاتى، شەتەلدەرگە شىعۋ قاراجاتى، اۆتوكولىك ساتىپ الۋ جانە جۇرگىزۋ، جوندەۋ قاراجاتى سياقتىلار جونىندە بەلگىلەگەن جاڭا ولشەمىن قاتاڭ اتقارادى، شىعىستان اسىپ كەتكەن بولەگىن اۆتونوميالى رايوندىق قازىنادان شىعارمايدى. نەگىزگى قۇرىلىس قارجىسىن قاتاڭ باسقارىپ، ۇكىمەتتىك عيمارات، ساراي، مەيمانحانا، ساناتوريا نىساندارىنا ءبىر تۇتاس قارجى ورنالاستىرىلمايدى. سونىمەن بىرگە ۇكىمەتتىك ساتىپ الۋ ارقىلى قىزمەت وتەۋ جانە قوعامداندىرىپ باسقارۋ ءتاسىلىن اقىلداسىپ بەلگىلەپ، قازىنادان ءناپاقا بەرىلەتىن ادامداردىڭ سانىن شەكتەيدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
