- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى ماقالا جاريالاپ زورلىقتى كۇش، لاڭكەستىك قىلمىسىنا زاڭ بويىنشا سىلەيتە سوققى بەرۋدى اتاپ كورسەتتى
2014.07.31 13:28 كەلۋ قاينارى : ءتاڭىرتاۋ تورابى
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى ماقالا جاريالاپ، 28 - شىلدەدە ياركەن اۋدانىندا تۋىلعان اۋىر زورلىقتى كۇش، لاڭكەستىك شابۋىل ۋاقيعاسىن قاتاڭ جازعىردى.
ماقالادا بىلاي دەلىندى: بۇل ۇيىمدى تۇردە قاسكۇنەمدىك سايلاعان، جان - جاقتى جوسپارلانعان، سيپاتى ورەسكەل اۋىر زورلىقتى كۇش، لاڭكەستىك شابۋىل ۋاقيعاسى. زورلىقتى كۇش، لاڭكەستەردىڭ زورلىقتى ارەكەتى ءار ۇلت حالىق بۇقاراسىنىڭ ءومىرى مەن مال - مۇلىك حاۋىپسىزدىگىنە جانە قوعامدىق جالپى جاعدايدىڭ ورنىقتىلىعىنا اۋىر زيان جەتكىزدى، بۇل ءار ۇلت حالقىنا جاسالعان تاعى ءبىر رەتكى اۋىر قىلمىس، سونداي - اق ءار ۇلت حالقىنا باعىتتالعان تاعى ءبىر رەتكى قاندى قارىز. ءبىز بۇعان نالەت جاۋدىرىپ، قاتاڭ ايىپتايمىز!
ماقالادا بىلاي دەپ اتاپ كورسەتىلدى: زورلىقتى كۇش، لاڭكەستەر الاستالمايىنشا، مەملەكەتكە تىنىشتىق ورنامايدى؛ جازىقسىز جانداردى سورلاتقاندار استە كەشىرىلمەيدى. قاندى فاكت، قاندى بوداۋ ءار ۇلت حالىق بۇقاراسىنا زورلىقتى كۇش، لاڭكەستىك ارەكەتتەرىمەن جاساعان كۇرەسىمىزدىڭ ۇلت ماسەلەسى دە، ءدىن ماسەلەسى دە ەمەس، قايتا مەملەكەت تۇتاستىعى مەن بيلىكتى ورنىقتىرۋعا، ءار ۇلت حالىق بۇقاراسىنىڭ ءتۇبىرلى مۇددەسى مەن باقىتتى تۇرمىسىنا ساياتىن، ولىسپەي - بەرىسپەيتىن ساياسي كۇرەس ەكەنىن تاعى ءبىر رەت ەسكەرتتى. بۇل كۇرەس ادامنىڭ ەركى بويىنشا وزگەرمەيدى، جول بەرۋگە ەشقانداي مۇمكىندىك جوق. زورلىقتى كۇش، لاڭكەستىك ارەكەتى مەملەكەتتىڭ ەڭ جوعارى مۇددەسى مەن ءار ۇلت حالقىنىڭ ءتۇبىرلى مۇددەسىنە، سونداي - اق ءاربىر ادامنىڭ ءتول مۇددەسىنە زيان جەتكىزدى. زورلىقتى كۇش، لاڭكەستەر ۇلت مۇددەسىنە استە ۋاكىلدىك ەتە المايدى، قايتا ولار ءار ۇلت حالقىنىڭ ورتاق جاۋى ەسەپتەلەدى؛ ولاردىڭ ماقساتى قوعامدى بىلىقتىرىپ، ەل اراسىندا ۇرەي تۋدىرىپ، جاراسىمدى، ورنىقتى قوعامدىق ورتا مەن تىنىش تا ىنتىماقتى قوعامدىق جالپى جاعدايدى ءبۇلدىرىپ، ءار ۇلت حالقىنىڭ الاڭسىز تىرشىلىك ەتكەن باقىتتى تۇرمىسىن ويرانداۋ.
ماقالادا بىلاي دەپ باسا دارىپتەلدى: زورلىقتى كۇش، لاڭكەستىك قىلمىسىنا سوققى بەرىپ، قوعام ورنىقتىلىعىن قورعاۋ − كەلەلى دە ادىلەتتى حالىقتىق كۇرەس. شينجياڭداعى ءار ۇلت حالقىنا، ءسوز جوق، كامىل سەنۋىمىز جانە سۇيەنۋىمىز، ءار ۇلت كادرلارى مەن بۇقاراسىنا جان - جاقتى جەتەكشىلىك ەتىپ جانە جۇمىلدىرىپ، مىعىم بىرىككەن كۇش قالىپتاستىرۋىمىز كەرەك. زورلىقتى كۇش، لاڭكەستەرگە سوققى بەرىپ، قىلمىستىلاردى شاۋجايلاۋ − ءاربىر شينجياڭدىقتىڭ باس تارتۋعا بولمايتىن بورىشى. «جارىق ءبىر قادام الدىعا جىلجىسا، قاراڭعىلىق ءبىر قادام شەگىنەدى». ءار ۇلت بۇقاراسى جاۋعا تەگىس كەكتەنىپ، قۇرىش قامال سوعىپ، ىرىقتىلىقپەن پوزيتسيا ءبىلدىرىپ، كۇرەستى باتىل جۇرگىزگەندە عانا، زورلىقتى كۇش، لاڭكەستەرى «كوشەدە قاشقان تىشقان ۇر - ۇردىڭ استىنا قالاتىن» كۇيگە ءتۇسىپ، شارشى توپتىڭ الدىندا كىرەرگە تەسىك تاپپايدى.
ماقالادا بىلاي دەلىندى: اۆتونوميالى رايونداعى ءار دارەجەلى حالىق قۇرىلتايى جانە ونىڭ تۇراقتى كوميتەتتەرى اۆتونوميالى رايونداعى ءار دارەجەلى جەرگىلىكتى ورىنداردىڭ مەملەكەتتىك بيلىك ورگانى، شينجياڭدى زاڭمەن باسقارۋدى جەبەۋدە، قوعام ورنىقتىلىعى مەن باياندى تىنىشتىقتى قورعاۋدا ماڭىزدى جاۋاپكەرلىك جانە قاسيەتتى بورىش ارقالايدى. ءبىز ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ جانە ج ك پ اۆتونوميالى رايوندىق 8 - كەزەكتى كوميتەتى جەتىنشى جالپى (كەڭەيتىلگەن) ءماجىلىسىنىڭ رۋحىن ىشكەرىلەي دايەكتى تياناقتاندىرىپ، «زورلىقتى كۇشكە قارسى تۇرۋ، زاڭدى، ءتارتىپتى دارىپتەۋ» تالابىنا ساي، نەگىزگى زاڭ مەن زاڭدار جۇكتەگەن مىندەتتەردى دەن قويا اتقارىپ، شينجياڭدى زاڭمەن باسقارۋ قۇرىلىسىنىڭ اياق الىسىن بارىنشا ىلگەرىلەتىپ، قوعام ورنىقتىلىعى مەن باياندى تىنىشتىقتى زاڭ بويىنشا قامتاماسىز ەتۋىمىز جانە جەبەۋىمىز كەرەك.
ماقالا اۆتونوميالى رايونداعى 60 مىڭنان استام ءار دارەجەلى حالىق قۇرىلتايى ۋاكىلدەرىن ۋاكىلدىك رولدارىن بەلسەنە ساۋلەلەندىرىپ، پارتيانىڭ باعىت - ساياساتىن دايەكتىلەندىرىپ، شينجياڭدى زاڭمەن باسقارۋدى ۇگىتتەيتىن، نەگىزگى ساتىداعى بۇقارانى اۋقاتتانۋعا، دوڭگەلەك داۋلەتتى ورەگە جەتۋگە جەتەكتەيتىن، ۇلتتار ىنتىماعىن، ءدىن جاراسىمدىلىعىن جەبەيتىن، قوعام ورنىقتىلىعىن قورعاپ، ۇشقارى يدەيانىڭ كەۋلەپ كىرۋىن تەجەپ، زورلىقتى كۇش، لاڭكەستىك قىلمىسىنا سوققى بەرەتىن باستاۋشىعا اينالۋعا ۇندەدى. بۇقارانى ۇيىمداستىرۋ، بۇقاراعا تاربيە بەرۋ، بۇقاراعا ءجون كورسەتۋ قىزمەتىن بەلسەنە ىرىقتىلىقپەن جاقسى ىستەپ، ءار ۇلت حالىق بۇقاراسىن پارتيا مەن ۇكىمەتتىڭ توڭىرەگىنە تىعىز ۇيىستىرىپ، قوعام ورنىقتىلىعى مەن باياندى تىنىشتىقتى قورعاۋدىڭ قۇرىش قامالىن مىقتاپ سوعۋىمىز كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
