2 – كەزەكتى شينجياڭ توراپ حاۋىپسىزدىگى ۇگىت اپتالىعى جانە تۇڭعىش كەزەكتى جىبەك جولى ەكونوميكالىق بەلدەۋى توراپ حاۋىپسىزدىگى تالقى ءماجىلىسى ۇرىمجىدە اشىلدى

2016.09.20 15:00   كەلۋ قاينارى : حالىق تورابى

　　حالىق تورابى، 20 – قىركۇيەك، بەيجيڭ. 2 – كەزەكتى شينجياڭ توراپ حاۋىپسىزدىگى ۇگىت اپتالىعى جانە تۇڭعىش كەزەكتى جىبەك جولى ەكونوميكالىق بەلدەۋى توراپ حاۋىپسىزدىگى تالقى ءماجىلىسى 19 – قىركۇيەكتە ءۇرىمجى ەكونوميكا - تەحنيكا اشۋ رايونىنداعى (توۋتۇنحى رايونى) شينجياڭ جۇمساق بولشەك باقشاسىندا اشىلدى.

　　كەزەكتى قيمىلدى شينجياڭ ۇيعۇر اۆتونوميالى رايوندىق پارتكومنىڭ توراپ حاۋىپسىزدىگى جانە ينفورماتسيالاندىرۋعا جەتەكشىلىك ەتۋ كەڭسەسى، ەكونوميكا جانە ينفورماتسيا كوميتەتى، وقۋ – اعارتۋ مەڭگەرمەسى، قوعام حاۋىپسىزدىگى مەڭگەرمەسى، اقپارات – باسپا ءسوز، راديو، كينو – تەلەۆيزيا مەكەمەسى، شينجياڭ حابارلاسۋدى باسقارۋ مەكەمەسى، قۇپيا ءنومىردى باسقارۋ مەكەمەسى، شينجياڭ ۇيعۇر اۆتونوميالى رايوندىق مەملەكەت قۇپيالىعىن ساقتاۋ مەكەمەسى، شينجياڭ ۇيعۇر اۆتونوميالى رايوندىق وداق كوميتەتى، حالىق بانكەسىنىڭ ۇرىمجىدەگى بولىمشەسى قاتارلى ورىندار باس بولىپ ۇيىمداستىرعان. شينجياڭ ۇيعۇر اۆتونوميالى رايوندىق توراپ حاۋىپسىزدىگى ۇگىت اپتالىعى قيمىلىنا باسشىلىق ەتۋ گرۋپپاسىنىڭ مۇشەلەرىنىڭ مەكەمە - ورىندارى، اۆتونوميالى رايونداعى ٵرقايسى كوميتەت، كەڭسە، مەڭگەرمە، مەكەمە ورىنداردىڭ توراپ حاۋىپسىزدىگى مەن ينفورماتسيالاندىرۋدى باسقاراتىن جاۋاپتى قىزمەتكەرلەرى، اۆتونوميالى رايونداعى جوعارى مەكتەپتەر مەن عىلىمي زەرتتەۋ ورىندارىنىڭ قاتىستى مامان - وقىمىستىلارى، قاتىستى كاسىپورىنداردىڭ ۋاكىلدەرىن قامتىعان 300 دەن استام ادام جيىنعا قاتىناستى.

　　كەلۋ قاينارى: حالىق تورابى