- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو مەن ا ق ش-تىڭ ستراتەگيالىق سەنىمدىلىگىن اۋىر دارەجەدە بۇلدىرگەن ارەكەت
2013.01.04 08:54 كەلۋ قاينارى : شينجياڭ حالىق راديو ستانسياسى تورابى
ا ق ش پارلامەنتىنىڭ قاۋىم پالاتاسى 20-جەلتوقسان كۇنى 2013-جىلعى قازىنا جىلىنداعى اسكەري ىستەر مەجە ەسەبىنە قاتىستى مەملەكەت قورعانىسنا ۇقىق بەرۋ زاڭ جوباسىن ماقۇلدادى، مۇنىڭ ىشىندەگى ەكى ءتۇرلى تارماق جەكە-جەكە دياۋيۇي ارالى مەن تايۋانعا اسكەري قارۋ-جاراق ساتۋعا سايىپ، جۇڭگونىڭ يەلىك ۇقىعى مەن ىشكى ىسىنە دورەكىلىكپەن كيلىككەن. ا ق ش پارلامەنتىنىڭ وسى ارەكەتى جۇڭگو مەن ا ق ش قاتىناسىنىڭ نەگىزگى ارناسىنان شىعىپ، جۇڭگو مەن ا ق ش-تىڭ ستراتەگيالىق ءوزارا سەنىمدىلىگىن اۋىر دارەجەدە ءبۇلدىردى.
وسى زاڭ جوباسىنىڭ دياۋيۇي ارالىنا قاتىستى تارماقتارىنا نەگىزدەلگەندە، ا ق ش تىڭ دياۋيۇي ارالى يەلىك ۇقىعىنىڭ ەڭ سوڭىندا كىمگە ءتان بولاتىندىعى جونىندەگى مايدانى تۇراقتى بولماعانىمەن، ءبىراق جاپونيانىڭ دياۋيۇي ارالىنا بولعان اكىمشىلىك باسقارۋ ۇقىعىن مويىندايدى، ءارى «جاپونيا مەن ا ق ش-تىڭ اماندىق قورعاۋ شارتىنىڭ» 5-تارماعىندا بەلگىلەنگەن ا ق ش-تىڭ جاپونياعا قاراتقان اماندىق قورعاۋ ۋادەسى قايتالاي دارىپتەلگەن. زاڭ جوباسىنداعى تايۋانعا قارۋ-جاراق ساتۋعا قاتىستى تارماقتا ا ق ش-تى تايۋانعا وزىق F-16C/D سوعىس ۇشاعىن نەمەسە وسى تۇردەگى ۇشاقتى ساتۋعا ۇندەگەن.
ا ق ش پارلامەنتىنىڭ كەڭەس پالاتاسى مەملەكەت قورعانىسىنا ۇقىق بەرۋ زاڭ جوباسىن داۋىسقا سالىپ، سوڭىنان زۇڭتۇڭ وبامانىڭ قول قويىپ بەكىتۋىنە تاپسىرعان. وسى ەكى تارماقتا «پارلامەنت تىلەكناماسىنىڭ»تۇسىندىرمەسى عانا پايدالانىلعان،بۇل ونىڭ زاڭدىق شەكتەمەگە ۇشىراماعاندىعىنان دەرەك بەرەدى،الايدا وسىنداي مۇنىڭ حارەكترى وتە جامان ءارى قاتەرلى بولىپ،ونداعى قاتە ينفورماتسيالار جۇڭگونىڭ وزەكتى مۇددەسىنە زيان جەتكىزىپ قانا قالماي، جۇڭگو مەن ا ق ش-تىڭ قاتىناسىنا اۋىر دارەجەدە نۇقسان جەتكىزەدى، ول ءارى شىعىس ازيا رايونىنىڭ بەيبتىشلىگى مەن ورنىقتىلىعىنا دا ءتيمىسىز.
بارشاعا ايان، دياۋيۇي ارالى مەن ونىڭ ماڭىنداعى ارالشالار ەجەلدەن بەرى جۇڭگونىڭ تۇراقتى تەرريتورياسى، جۇڭگونىڭ وعان تالاسسىز يەلىك ۇقىعى بار. «ا ق ش پەن جاپونيانىڭ اماندىق قورعاۋ شارتى» ەكى ەل اراسىنداعى شارت بولعاندىقتان، ەكى جاق كولەمىنەن شىعۋعا، ءتىپتى 3-جاقتىڭ يەلىك ۇقىعىن زيانداۋىنا بولمايدى. وسى شارت ءىس جۇزىندە قىرعي قاباقتىق سوعىس كەزىنىڭ تۋىندىسى بولىپ، شىعارىلۋ قارساڭىندا جۇڭگونىڭ دياۋيۇي ارالى، سونداي-اق ونىڭ ماڭىنداعى قاراستى ارالشالارعا بولعان يەلىك ۇقىعىنا نۇقسان جەتكىزگەندىكتەن، دۇنيە جۇزىندەگى جۇڭگولىقتاردىڭ كەگى مەن قارسىلىعىن قوزعادى.
ا ق ش-تىڭ تايۋانعا اسكەري قارۋ-جاراق ساتۋىنا كەلسەك، ا ق ش جۇڭگو ۇكىمەتى مەن حالقىنا بەرگەن ۋادەسىنە اۋىر دارەجەدە قايشىلىق جاساپ وتىر. 2009-جىل مەن 2011-جىلى جاريالانعان جۇڭگو مەن ا ق ش-تىڭ بىرىككەن مازمۇنداماسىندا: «يەلىك ۇقىق پەن تەرريتوريا تۇتاستىعىنا ءوزارا قۇرمەت ەتۋ سىندى وسى ءبىر ءتۇبىرلى پرينسىپ جۇڭگو مەن ا ق ش قاتىناسىنداعى جۇڭگو مەن ا ق ش-تىڭ ءۇش بىرىككەن مازمۇنداماسىنىڭ وزەگى»،«وزەكتى مۇددەگە ءوزارا قۇرمەت ەتۋ جۇڭگو مەن ا ق ش قاتىناسىنىڭ ورنىقتى دامۋىن قامتاماسىزداندىرۋدا ەرەكشە ماڭىزدى ورىندا تۇرادى »،«ا ق ش جاق جۇڭگو مەن ا ق ش-تىڭ ءۇش بىرىككەن مازمۇنداماسىنىڭ پرينسپتەرىنە قۇرمەت ەتەدى»دەپ اتاپ كورسەتىلگەن.
ا ق ش پارلامەنتىنىڭ ەڭ جاڭا «تىلەكناماسى» ا ق ش-تاعى كەيبىر ۇكىمەت قايراتكەرلەرى جۇڭگونىڭ تەز دامىعان جاعدايىنا قاراتا، قىرعي قاباقتىق سوعىس كەزىندەگى يدەيانىڭ جالعاسقان ناتيجەسى ەكەندىگىن اشكەرەلەدى. ادامدار ولاردىڭ تايۋان ماسەلەسى مەن جۇڭگو مەن جاپونيانىڭ دياۋيۇي ارالى تالاس-تارتىسىنان پايدالانىپ، «جۇڭگونى شاۋجايلاۋ» ماقساتىندا ەكەندىگىنەن كۇماندانباي تۇرا المايدى. جۇڭگو مەن ا ق ش قاتىناسىن قايتكەندە شىن مانىندە قورعاۋعا، جۇڭگو مەن ا ق ش-تىڭ ستراتەگيالىق سەنىمدىلىگىن قايتكەندە شىن مانىندە ىلگەرلەتۋگە بولادى دەگەن ماسەلە ولاردىڭ ويىنا مۇلدە كىرىپ تە شىققان جوق.
يەلىك ۇقىق پەن تەرريتوريا تۇتاستىعى، ءارقانداي ەل جونىنەن العاندا ءتۇبىرلى وزەكتى مۇددە بولىپ، وعان استە جول بەرىلمەيدى. ستراتەگيالىق ءوزارا سەنىمدىلىكتى كۇشەيتىپ، ستراتەگيالىق ءوزارا كۇماندى ازايتۋ سىندى ا ق ش ستراتەگياسىنىڭ ازيا-تىنىق مۇحيىتقا كوشۋ ساياساتىنىڭ استارىندا، حالىقاراداعى قايراتكەرلەردىڭ جۇڭگو مەن ا ق ش-قا بولعان كوكەيتەستى تىلەگى جاتىر. جۇڭگو مەن ا ق ش-تىڭ، وسى رايون مەن دۇنيە ءجۇزىنىڭ ۇزاق بولاشاقتىق مۇددەسى ءۇشىن، ا ق ش جاق جۇڭگونىڭ وزەكتى جانە ماڭىزدى مۇددەسىنە ساياساتىن ماسەلەلەرى ۇستىندە تەرەڭ تولعانىپ، جۇڭگو جاقتىڭ ويى مەن مۇددەسنە قۇرمەت ەتىپ، ءوزارا سەنىمدىلىكتى كۇشەيتىپ، الاۋىزدىقتى جويىپ، جۇڭگومەن جاڭا تۇرپاتتى ءىرى ەلدىك قاتىناس ورناتۋ جولىن قاراستىرۋ جاعىنداعى شىن پەيىلىن بەينەلەۋى كەرەك.
ديپلوماتيالىق قاتىناس ورناتقاننان بەرى، جۇڭگو مەن ا ق ش-تىڭ قاتىناسىندا نە ءبىر بۇراڭ جولدار بولعانىمەن، ءبىراق ورنىقتى ىلگەرلەۋدى ساقتاپ، ازيا-تىنىق مۇحيىت ءتىپتى دۇنيە ءجۇزىنىڭ بەيبتىشلىگى، دامۋى مەن ورنىقتىلىعىنا زور ۇلەس قوستى. كەزەكتە، ا ق ش ستراتەگيالىق ءوزارا سەنىمدىلىكتى جەبەيتىن ىستەردى كوبىرەك ىستەپ، ستراتەگيالىق كۇماندى كۇشەيتەتىن اركەتتەردى ازايتىپ، ورنىقتى العا باسقان جۇڭگو مەن ا ق ش قاتىناسى جاعىندا ەكى ەلگە، سونداي-اق وسى رايون مەن دۇنيە جۇزىنە باقىت جاراتۋعا قۇلشىنۋى كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
