ۋكراينا دونباس رايونىنىڭ جاعدايى بارعان سايىن ۋشىعا تۇسۋدە

2015.01.20 16:35   كەلۋ قاينارى : حالىق تورابى

　　حالىق تورابى، 20 – قاڭتار، بەيجيڭ. 19 – قاڭتار، ۋكراينانىڭ شىعىسىنداعى دونەتسكى رايونى، ءبىر ەر ادام زەڭبىرەك اتقىلاپ تاس – تالقانى شىققان ءۇيدىڭ الدىندا تۇر. قازىر ۋكراينا ۇكىمەت ارمياسى مەن بۇقارالىق قارۋلى ەلەمەنتتەرى اراسىنداعى دونەتسكى اۋەجايىنا تالاسۋ سوعىسى كۇن سايىن اسقىنۋدا. دونەتسكى اۋەجايى ۋكراينانىڭ شىعىسىنداعى شايقاس رايونىندا ماڭىزدى ستراتەگيالىق ورىنعا يە. ۋكراينا بۇقارالىق قارۋلى ەلەمەنتتەرى بىلتىر ءساۋىر ايىندا بۇل اۋەجايدى باسىپ العان بولاتىن، شىلدە ايىندا ۋكراينا ۇكىمەت ارمياسى بۇل اۋەجايدى قايتادان تارتىپ العان. سودان تارتىپ بۇقارالىق قارۋلى ەلەمەنتتەر اۋەجايدى قورعاۋعا العان ۋكراينا ۇكىمەت ارمياسىنا ۇزدىكسىز شابۋىل جاساۋدا، ءبىراق اۋەجاي ءالى دە ۋكراينا ۇكىمەت ارمياسىنىڭ مەڭگەرۋىندە.

　　جاقىنعى ءبىر نەشە كۇندە اۋەجاي ماڭىنداعى سوعىس ءورتى ۇلعايا ءتۇستى، سوعىس ءورتىنىڭ ۇلعايا تۇسكەنى سونشالىق...ەكى جاق زەڭبىرەك جانە تانكە قاتارلى اۋىر تۇرپاتتى قارۋ – جاراقتى دا ىسكە قوسقان. ۋكراينا بۇقارالىق قارۋلى ەلەمەنتتەرى 16 – قاڭتاردا اۋەجايدى باسىپ العانىن جاريالاعان، ءبىراق ۋكراينا اسكەري جاعى بۇل حاباردى تەرىسكە شىعاردى.

　　كەلۋ قاينارى: حالىق تورابى