بىرىككەن مەملەكەتتەر ۇيىمىنىڭ بۇرىنعى باس حاتشىسى گالي ومىردەن وزدى

2016.02.17 14:28   كەلۋ قاينارى : حالىق تورابى

　　بىرىككەن مەملەكەتتەر ۇيىمىنىڭ بۇرىنعى باس حاتشىسى گالي 16 – اقپاندا ومىردەن وزدى. جوعارىدا: بىرىككەن مەملەكەتتەر ۇيىمى باس حاتشىسى گاليدىڭ 19992 – جىلى تۇسكەن سۋرەتى. شينحۋا اگەنتتىگى

　　حالىق تورابى، 17 – اقپان، بەيجيڭ. شينحۋا اگەنتتىگىنىڭ حابارلاۋىنشا، بىرىككەن مەملەكەتتەر ۇيىمىنىڭ بۇرىنعى باس حاتشىسى بۋتتروس بۋتتروس گالي 16 – اقپاندا 93 جاسىندا كوز جۇمدى.

　　بىرىككەن مەملەكەتتەر ۇيىمىنىڭ باس حاتشىسى پان گيمۇن سول كۇنى حاۋىپسىزدىك القالار كەڭەسى زالىنىڭ سىرتىندا مالىمدەمە جاريالاپ، گاليدىڭ ومىردەن وزعانىنا قايعىراتىنىن ءبىلدىردى. پان گيمۇن: بىرىككەن مەملەكەتتەر ۇيىمى دۇنيە ءجۇزىنىڭ بەيبىتشىلىگى مەن حالىقارالىق قاعيدالارعا قىمباتتى ۇلەس قوسقان، ەسكە الۋعا تاتيتىن باسشىعا ارناپ ازا بىلدىرەتىن بولادى، - دەدى.

　　پان گيمۇن بىلاي دەدى: گالي قۇرمەتكە بولەنگەن ەگيپەتتىك ساياساتكەر ءارى حالىقارالىق زاڭدارعا قانىق، كورگەنى مەن تۇيگەنى مول وقىمىستى، بىرىككەن مەملەكەتتەر ۇيىمى تاريحىنداعى ەڭ الاساپىران دا كۇردەلى كەزەڭدە وسى ءبىر حالىقارالىق ۇيىمنىڭ تىزگىنىن ۇستادى، كەيىن فرانسۋز تىلىندەگى مەملەكەتتەر ۇيىمىنا باسشىلىق ەتتى. گالي باس حاتشى بولىپ تۇرعان كەزدە بىرىككەن مەملەكەتتەر ۇيىمىنىڭ بەيبىتشىلىكتى قورعاۋ قيمىلدارى زور مولشەردە ارتتى. ول كەز قىرعي قاباقتىق سوعىستىڭ جاڭا اياقتاعان مەزگىلى بولعاندىقتان، ءارقايسى مەملەكەتتەر بىرىككەن مەملەكەتتەر ۇيىمىنان ماسەلەلەردى شەشۋدىڭ جولدارىن قۋزاستىراتىن. گالي بىرىككەن مەملەكەتتەر ۇيىمىنىڭ وسىنداي جاڭا داۋىرگە قالاي سايكەسۋىنە كوپتەگەن قىزمەتتەر ىستەدى.

　　كەلۋ قاينارى: حالىق تورابى