شينحۋا اگەنتتىگى، 4 - ايدىڭ 6 - كۇنى، لوندون (تىلشىلەر جاڭ جياۋەي، گۇي تاۋ). ۇلى بريتانيانىڭ باس ءۋازىرى جونسون اۋرۋ جاعدايى اسقىنعاندىقتان 4 - ايدىڭ 6 - كۇنى كەشتە سالماقتى ناۋقاستاردى باقىلاۋ بولمەسىنە كىرگىزىلدى. ۇلى بريتانيا باس ءۋازىر مەكەمەسىنىڭ مالىمدەمەشىسى بىلاي دەدى: قازىر جونسوننىڭ وي - ساناسى سەرگەك، ونى سالماقتى ناۋقاستاردى باقىلاۋ بولمەسىنە جوتكەۋ − ساقتىق شاراسى عانا.
مالىمدەمەشى بىلاي دەدى: جونسوندى سالماقتى ناۋقاستاردى باقىلاۋ بولمەسىنە جوتكەۋدەن بۇرىن ۇلى بريتانيانىڭ سىرتقى ىستەر ءۋازىرى رابۋ ونىڭ اتىنان قاتىستى ىستەردى ءبىر جاقتى ەتۋگە ورنالاستىرىلدى.
رابۋ سول كۇنى مىنانى ءبىلدىردى: ۇلى بريتانيا ۇكىمەتى بۇرىن – سوڭدى بولماعان ارەكەت قولدانىپ، جالپى حالىقتىق ەمدەۋ جۇيەسىنىڭ ىندەتكە توتەپ بەرۋ قۋاتىن ارتتىرۋدا ءارى ءار ەل ۇكىمەتىمەن، اۆياتسيا سەرىكتەستىكتەرىمەن سەلبەسۋدە، ىندەت سەبەبىنەن شەتەلدە قالعان ۇلى بريتانيا ازاماتتارىن مۇمكىندىكتىڭ بارىنشا ەلگە قايتارىپ اكەلۋدى ءۇمىت ەتەمىز.
ۇلى بريتانيا دەنساۋلىق ساقتاۋ مينيسترلىگى 4 - ايدىڭ 6 – كۇنى جاريالاعان جاڭا تيپتى ايدارشا ۆيرۋس ىندەتى سانىدى مالىمەتىنە قاراعاندا، ۇلى بريتانيادا دياگنوزى تۇراقتانعان ناۋقاستار جيىنى 51 مىڭ 608 ادامعا جەتىپ، الدىنداعى كۇندەگىمەن سالىستىرعاندا 3 مىڭ 802 ادام كوبەيگەن، قازا بولۋشىلار 5 مىڭ 373 ادامعا جەتكەن.
كەلۋ قاينارى: حالىق تورابى