نيڭشيا حۋبەيعا كومەك بەرۋگە ەمدەۋ قىزمەتكەرلەرىنەن 138 ادامدى اتتاندىردى جانە «ەبدەيلى بولمەلى ەمحانانى» دا جىبەردى

2020.02.05 15:46   كەلۋ قاينارى : حالىق تورابى

　　شينحۋا اگەنتتىگى، 2 – ايدىڭ 4 – كۇنى، يىنچۋان (ءتىلشى: حى چىنياڭ) مەملەكەتتىك شۇعىل مەديتسينالىق كومەكتەسۋ – قۇتقارۋ اترەتىنىڭ (نيڭشيا) 38 مۇشەسى مەن كاسىپتىك كۇتىمدەۋ – ەمدۋ اترەتىنىڭ 100 مۇشەسى 2 – ايدىڭ 4 – كۇنى ساعات 21دە يىنچۋانداعى حىدۇڭ اۋەجايىنا جينالىپ، ۇشاققا وتىرىپ، حۋبەيعا كومەك بەرۋگە اتتاندى، كومەكتەسۋ – قۇتقارۋ اترەتىنە ازىرلەنگەن «ەبدەيلى بولمەلى ەمحانا» دا سول كۇنى ۋحانعا جىبەرىلدى.


　　مەملەكەتتىك شۇعىل مەديتسينالىق قۇتقارۋ – كومەكتەسۋ اترەتىنىڭ (نيڭشيا) باستىعى، نيڭشيا مەديتسينا عىلىمى ينستيتۋتى باس ەمحاناسى باستىعىنىڭ ورىنباسارى حۋاڭ حىنىڭ تانىستىرۋىنشا، قۇتقارۋ – كومەكتەسۋ اترەتىنىڭ 38 مۇشەسى ەمدەۋ، كۇتىمدەۋ، شيپاگەرلىك شەبەرلىك قاتارلى ون نەشە كاسىپتىك بولىمدەردەن قۇرام تاپقان. سول كۇنى قۇتقارۋ – كومەكتەسۋ اترەتىنە بەرىلگەن ەرەكشە مىندەت اۆتوموبيلدەرىنەن 7 اۆتوموبيل (حابارلاسۋ – جەتەكشىلىك ەتۋ اۆتوموبيلى، كوپ يقۋاتتى شۇعىل قۇتقارۋ اۆتوموبيلى، شيپاگەرلىك شەبەرلىك جاعىنداعى قامتاماسىزداندىرۋ اۆتوموبيلى، جاتىن ورىندى قامتاماسىزداندىرۋ اۆتوموبيلى، توك تاراتۋ جانە جانارماي ساقتاۋ اۆتوموبيلى، تازا سۋدى ساقتاۋ اۆتوموبيلى، اترەت مۇشەلەرىن جەتكىزۋ اۆتوموبيلى) جانە زات تاسىمالداۋعا جاۋاپتى 3 اۆتوموبيل دە جولعا شىعارىلدى، بۇل اۆتوموبيلدەرگە ساقتانۋ بۇيىمدارى مەن مەديتسينالىق قۇتقارۋ – كومەكتەسۋ بۇيىمدارى، اسپاپ – ماتەريالدارى بولىپ، 200 ساندىققا جۋىق زات تيەلگەن.


　　كەلۋ قاينارى: حالىق تورابى