«بەيجيڭ ۋاقىتى» دەگەن اتاۋدىڭ قالايدان - قالاي قالىپتاسقانىن بىلەسىز بە؟ ءاسىلى بىلايشا قالىپتاسقان ەكەن
2020.01.02 16:03 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 1 – كۇنى، شي – ان (ءتىلشى: جياڭ چىنرۇڭ) كوپ ادامدار جاڭا جىل قارساڭىندا جاقىندارىمەن بىرگە ۋاقىتتى كەرى ساناپ، 2020 – جىلدى قارسى الدى.
ءسىز بەن ءبىز قولدانىپ جۇرگەن «بەيجيڭ ۋاقىتىنىڭ» قالايدان - قالاي قالىپتاسقانىن بىلەسىز بە، ءىس جۇزىندە، بۇل ۇعىم بەيجيڭدە جارىققا شىقپاعان! بۇل ۋاقىت ساناۋ ۇعىمىن «ومىرگە اكەلۋشى» — شانشي ولكەسى شي – ان قالاسى لينتۇڭ رايونىنداعى جۇڭگو عىلىم اكادەمياسىنىڭ مەملەكەتتىك ۋاقىت قىزمەتى ورتالىعى.
جۇڭگو عىلىم اكادەمياسىنىڭ ۋاقىت قىزمەتى ورتالىعى شانشيدەگى ليشان تاۋىنىڭ ەتەگىنە ورنالاسقان، ونىڭ ماڭىندا مىڭ جىلدان استام تاريحى بار چين شىحۋاڭ اتتى اسكەرلەر ءمۇسىنى مەن حۋاچيڭ كولشىگى بار.
بۇرىن شانشي وبسەرۆاتورياسى دەپ اتالعان جۇڭگو عىلىم اكادەمياسىنىڭ ۋاقىت قىزمەتى ورتالىعى 1966 – جىلى قۇرىلعان. جۇڭگونىڭ وسىزاماندانعان ولشەمدى ۋاقىتى — بەيجيڭ ۋاقىتى وسى ارادا ومىرگە كەلىپ، 70 كيلومەتر قاشىقتىقتاعى شانشي پۋچىڭ ۇزىن – قىسقا تولقىندى ۋاقىت قىزمەتى جاريالاۋ جۇيەسىنەن جاريالانعان.
ءتىلشى جۋىردا وسى اراعا بارىپ، ەگجەي – تەگجەيلى مالىمەتتەرگە يە بولىپ قايتتى.
ءتىلشى بۇل ارادان بيىكتىگى ادامنىڭ بويىنداي كەلەتىن ەكرانداردى كوردى، بۇل ەكراندار «بەيجيڭ ۋاقىتى»، «سايكەستى دۇنيە ءجۇزى ۋاقىتى»، «حالىقارالىق اتومدىق ۋاقىت» ... سياقتىلاردى كورسەتىپ تۇر، ساعات بولمەسىندەگى نەشە ون اتومدىق ساعاتتار ءوتىپ جاتقان ۋاقىتقا جىم – جىرت، دالمە – ءدال كۋا بولۋدا.
جۇڭگو عىلىم اكادەمياسى مەملەكەتتىك ۋاقىت قىزمەتى ورتالىعىنىڭ مەڭگەرۋشىسى جاڭ شوۋگاڭ بىلاي دەدى: ەلىمىزدىڭ جەرى كەڭ، باتىستان شىعىسقا قاراي بەس ۋاقىت بەلدەۋىن يەلەپ جاتادى. جۇڭحۋا حالىق رەسپۋبليكاسى قۇرىلعاننان كەيىن، بۇكىل ەلىمىز استانامىز بەيجيڭ تۇراتىن شىعىس سەگىزىنشى ۋاقىت بەلدەۋىن ولشەمدى ۋاقىت ەتىپ ءبىرتۇتاس قولداندى، بۇل ۋاقىتتى «بەيجيڭ ۋاقىتى» دەپ اتادى.
ۋاقىت قىزمەتى ورتالىعىنداعى ۋاقىت عىلىم سارايىنان ەرتەدەن قازىرگە دەيىنگى ءتۇرلى ۋاقىت ەسەپتەۋ قۇرالدارىن كورە الاسىز. مىسالى، ءبىرشاما ەرتە زامانداعى كولەڭكە ساعات، كۇن ساعات، تامشى ساعات، بالاۋىز ساعات، قۇم ساعات، تەربەلمە ساعات، سونداي – اق،تاياۋ زامانداعى جانە وسىزامانداعى ەلەكتروندى ساعات، كۆارتس ساعات، ەلەكتر تولقىندى ساعات، اتومدىق ساعات قاتارلىلار. ءتۇرلى كورمە بۇيىمدارى ادامزاتتىڭ ۋاقىتتى ءدال ەسەپتەۋ ءۇشىن تالىقپاي تالپىنعانىنىڭ ايعاعى.
مەملەكەتتىك ۋاقىت قىزمەتى ورتالىعى كولەمى جاعىنان ەلىمىز بويىنشا ءبىرىنشى، دۇنيە جۇزىندە ءتورتىنشى ورىندا تۇراتىن اتومدىق ساعات گرۋپپاسى ەسەپتەلەدى، بۇل ورتالىق ەلىمىزدىڭ اتومدىق ۋاقىت ولشەمىن تۇراقتاندىرۋ جانە ساقتاۋ، سونىمەن بىرگە، ونى دۇنيە ءجۇزى ۋاقىتىمەن سايكەستىرىپ وتىرۋعا جاۋاپتى. ءبىر مەملەكەتتىڭ ۋاقىتىنىڭ دالدىگى، حالىق شارۋاشىلىعىمەن، عىلىمي زەرتتەۋ جانە قورعانىس ينفورماتسيالارىمەن تىعىز قاتىستى، سوندىقتان، دەربەس تە ءدال ۋاقىت ەسەپتەۋ قۋاتى مەن ورنىقتى دا سەنىمدى ۋاقىت قىزمەتى قۋاتى ماڭىزدى ءمان الادى.
تانىستىرۋعا قاراعاندا، جەرگىلىكتى دەربەس اتومدىق ۋاقىت — دەربەس باسقارىلاتىن ۋاقىت جۇيەسىنىڭ نەگىزىن قورعاۋعا ءتيىمدى، دۇنيە جۇزىندەگى 85 ۋاقىت قىزمەتى تاجىريبەحاناسىنىڭ ىشىندە، 16 تاجىريبەحانا جەرگىلىكتى دەربەس اتومدىق ۋاقىتتى ساقتاپ وتىر. جۇڭگو عىلىم اكادەمياسىنىڭ مەملەكەتتىك ۋاقىت قىزمەتى ورتالىعى دۇنيە ءجۇزى كولەمىندەگى نەگىزگى ۋاقىت قىزمەتى تاجىريبەحانالارىنىڭ ىشىندە 3 – ورىننان 5 – ورىنعا دەيىنگى ارالىقتا بولىپ، حالىقارالىق وزىق ورەنىڭ قاتارىنا كىرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
