كەلەسى جىلى 1 – ايدان باستاپ، مىناداي جاڭا بەلگىلەمەلەر اتقارىلادى
پان شۇيتاۋ، حى يۋە، سۇڭ جياحۇي
2019.12.30 14:58 كەلۋ قاينارى : حالىق تورابى
ءىشىنارا تاۋارلاردى يمپورت ەتۋ كەدەن باجىسى رەتتەلەدى، شەتەل ساۋداگەرلەرى قارجى قوسۋ زاڭى رەسمي اتقارىلادى، 70 ءتۇرلى ءدارى مەديتسينالىق قامسىزداندىرۋ تىزىمدىگىنە جاڭادان ەنگىزىلەدى ... 2020 – جىلى 1 – ايدىڭ 1 – كۇنىنەن باستاپ، ءبىر توپ جاڭا بەلگىلەمەلەر رەسمي اتقارىلىپ، جۇرتتىڭ ءوندىرىسى مەن تۇرمىسىنا جان – جاقتى ىقپال جاسايدى.
■ ءىشىنارا تاۋارلاردى يمپورت ەتۋ كەدەن باجىسى رەتتەلەدى
مەملەكەتتىك كەڭەستىڭ بەكىتۋىمەن، مەملەكەتتىك كەڭەستىڭ كەدەندىك باجى ەرەجەسىن اتقارۋ كوميتەتى جۋىردا 2020 – جىلى 1 – ايدىڭ 1 – كۇنىنەن باستاپ ءىشىنارا تاۋارلاردى يمپورت ەتۋ كەدەن باجىسىنا رەتتەۋ جۇرگىزىلەتىنىن ۇقتىردى.
جۇرتشىلىقتىڭ تۇرمىستىق قاجەتىن اناعۇرلىم ويداعىداي قاناعاتتاندىرىپ، ەل ىشىندە ءبىرشاما كەمشىل بولعان نەمەسە شەتەلدىڭ ەرەكشەلىككە يە تۇرمىستىق تۇتىنۋ بۇيىمدارىن يمپورت ەتۋدى ۇيلەسىمدى مولشەردە ارتتىرۋ ءۇشىن، جۇڭگو توڭازىتىلعان دوڭىز ەتى، توڭازىتىلعان مايلى المۇرت، توڭازىتىلماعان اپەلسين شىرىنى قاتارلى تاۋارلاردى ۋاقىتتىق كەدەن باجىسى بەلگىلەنگەن تاۋارلار قاتارىنا جاڭادان قوسادى نەمەسە كەدەن باجىسىن تومەندەتەدى.
دارىدەن پايدالانۋدىڭ وزىندىك قۇنىن تومەندەتىپ، جاڭا دارىلەردىڭ ءوندىرىلۋىن ىلگەرىلەتۋ ءۇشىن، جۇڭگو الدا دەمىكپە قاتارلى اۋرۋلاردى ەمدەۋدە پايدالاناتىن الكالويد توبىنداعى دارىلەر مەن قانتتى نەسەپ اۋرۋىن ەمدەيتىن جاڭا تۇرپاتتى دارىلەردىڭ شيكىزاتتارىنان كەدەن باجىسىن المايدى.
■ شەتەل ساۋداگەرلەرى قارجى قوسۋ زاڭى رەسمي اتقارىلادى
2019 – جىلى 3 – ايدىڭ 15 – كۇنى 13 – كەزەكتى مەملەكەتتىك حالىق قۇرىلتايى 2 – ءماجىلىسى «جۇڭحۋا حالىق رەسپۋبليكاسىنىڭ شەتەل ساۋداگەرلەرى قارجى قوسۋ زاڭىن» ماقۇلدادى، 2020 – جىلى 1- ايدىڭ 1 – كۇنىنەن باستاپ رەسمي اتقارىلادى. شەتەل ساۋداگەرلەرى قارجى قوسۋ زاڭى جۇڭگونىڭ شەتەل ساۋداگەرلەرىنىڭ قارجى قوسۋىنا باعىتتالعان زاڭ – تۇزىمدەرىنە جۇرگىزگەن ماڭىزدى كەمەلدەندىرۋ جانە جاڭالىق جاراتۋ شاراسى، شەتەل ساۋداگەرلەرىنىڭ قارجى قوسۋى جاعىنداعى تىڭنان قوسىلعان نەگىزدىك سيپات الاتىن زاڭ.
■ 70 نەشە ءتۇرلى ءدارى جاڭادان مەديتسينالىق قامسىزداندىرۋ تىزىمدىگىنە ەنگىزىلدى
مەملەكەتتىك مەديتسينالىق قامسىزداندىرۋ مەكەمەسى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۋىردا 2019 – جىلعى «مەملەكەتتىك نەگىزدىك مەديتسينالىق قامسىزداندىرۋ، جۇمىس ۇستىندە جارالانۋعا قاتىستى قامسىزداندىرۋ جانە تۋىتقا قاتىستى قامسىزداندىرۋ ءدارى – دارمەكتەرى تىزىمدىگىن» جاريالادى، جاڭا تىزىمدىك 2020 – جىلى 1 – ايدىڭ 1 – كۇنىنەن باستاپ رەسمي قولدانىلادى.
جاڭادان قوسىلعان 70 ءدارى مەن بۇرىنعى تىزىمدىكتەن قالعان 27 ءدارى — جيىنى 97 ءتۇرلى ءدارى كەلىسسوز ارقىلى مەديتسينالىق قامسىزداندىرۋ تىزىمدىگىنە ەنگىزىلدى، ولاردىڭ باعاسى ورتا ەسەپپەن %60.7 جانە %26.4 ارزاندادى.
وسى رەتكى رەتتەۋدەن سوڭ، مەديتسينالىق قامسىزداندىرۋ تىزىمدىگىندەگى ءدارى – دارمەكتەردىڭ قۇرىلىمى كورنەكتى جاقساردى. ريزالىق مولشەرى جوعارى، جاڭادان بازارعا شىعارىلعان ءارى كلينيكالىق باعاسى جوعارى ءبىر توپ ءدارى – دارمەكتەر تىزىمدىككە ەنگىزىلدى، راك، سيرەك كەزدەسەتىن اۋرۋلار، سوزىلمالى اۋرۋلار قاتارلىلارعا پايدالاناتىن دارىلەر، سونداي – اق، بالالارعا پايدالاناتىن دارىلەردى قامتاماسىزداندىرۋ قۋاتى كورنەكتى جوعارىلادى.
■ وزگەرىس ەنگىزىلىپ جاڭادان جاسالعان جەر باسقارۋ زاڭى اتقارىلادى
2019 – جىلى 8 – ايدىڭ 26 – كۇنى 13 – كەزەكتى مەملەكەتتىك حالىق قۇرىلتايى تۇراقتى كوميتەتى 12 – كەزەكتى ءماجىلىسى «جۇڭحۋا حالىق رەسپۋبليكاسىنىڭ جەر باسقارۋ زاڭىنا» وزگەرىس ەنگىزۋ جوباسىن ماقۇلدادى، 2020 – جىلى 1 – ايدىڭ 1 – كۇنىنەن باستاپ اتقارىلادى.
بۇل جولى وزگەرىس ەنگىزىلگەن جەر باسقارۋ زاڭىندا جەردى جالپىلىق مەنشىكتەنۋ ءتۇزىمىن بۇلجىتپاي اتقارۋعا تاباندى بولۋ، ديقانداردىڭ مۇددەسىن زيانعا ۇشىراتپاۋعا تاباندى بولۋ، ەگىستىك جەردى قورعاۋداعى ەڭ قاتاڭ ءتۇزىم مەن جەردەن شوعىرلى، ۇنەمدى پايدالاۋداعى ەڭ قاتاڭ تۇزىمدە تاباندى بولۋ كوزدە ۇستالعان.
جاڭادان وزگەرىس ەنگىزىلگەن جەر باسقارۋ زاڭىنىڭ ءتۇيىندى تۇستارى تومەندەگىدەي بەس ءتۇرلى جاقتان كورنەكتىلەنەدى: بىرىنشىدەن، اۋىل شارۋاشىلىعى جانە اۋىل – قىستاق جاعىنداعى باسقارۋشى تاراۋلار قورا – جايلىق جەرگە رەفورما جۇرگىزۋ مەن باسقارۋعا جاۋاپتى بولادى؛ ەكىنشىدەن، كوللەكتيۆتىك تيجارات سيپاتىنداعى قۇرىلىستىق جەرلەردى تىكەلەي بازارعا شىعارۋعا رۇقسات بەرىلەدى؛ ۇشىنشىدەن، جەردى وتكىزىپ الۋ ءتارتىبى جۇيەگە سالىنادى؛ تورتىنشىدەن، ماڭگىلىك نەگىزدىك ەگىستىك جەرلەردى قورعاۋ كۇشەيتىلەدى؛ بەسىنشىدەن، اۋىل – قىستاقتاعى كاسىپ سالاسىنىڭ دامۋىنا پايدالاناتىن جەرلەر قامتاماسىزداندىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
