شينجياڭداعى ايگىلى قار – مۇز مەكەنى ساحنا قۇرىپ، ويىن قويىپ، قىس مەزگىلىن ەرتەگىدەگىدەي ەرەكشە كۇيگە بولەدى

2020.01.16 16:18   كەلۋ قاينارى : حالىق تورابى

　　شينحۋا اگەنتتىگى، 1 – ايدىڭ 15 – كۇنى، ءۇرىمجى (ءتىلشى: حاڭ رۇي، سۇڭ يانحۋا) 28 جاستاعى گۇلزيرا ساحناعا شىققان كەزدە، كورەرمەندەردىڭ قىزۋ قول شاپالاعى ءبىرتالايعا دەيىن تولاستامادى، بۇل، ءبىر جاعىنان، ونىڭ اسەم اۋەنىن ماداقتاۋ بولسا، ەندى ءبىر جاعىنان، ونىڭ تۇرمىستاعى قايراتتىلىعىنا دەگەن قۇرمەتتەن تۋىنداعان بولاتىن.

　　گۇلزيرانىڭ اۋىلى شينجياڭداعى ايگىلى قار – مۇز مەكەنى التاي ايماعى بۋىرشىن اۋدانىندا تۇرادى، اكە – شەشەسى قىزىلتوعاي قىستاعى اتتى شاعىن قىستاقتا ديقان. گۇلزيرا ءسابي كەزىنەن باستاپ قوس جانارىنان ايرىلعان بولسا دا، تۇرمىسىن ءساندى دە ءماندى وتكىزىپ، مۋزيكا ارقىلى ءوزىنىڭ رۋحاني الەمىن نۇرلاندىرىپ كەلەدى.

　　گۇلزيرا شىققان ساحنا بۋىرشىن اۋدانىنىڭ «قىسقى ەرتەگى» — 6 – كەزەكتى مادەنيەت – كوركەمونەر مەرەكەسى ەگىزتوبە اۋىلدىق «قىسقى جىر» ارناۋلى كونسەرت ساحناسى بولاتىن، ول بۇل ساحنادا قازاقتىڭ ءداستۇرلى تەرمەسىن ورىندادى.

　　گۇلزيرا بۇل ساحنادا «قارا كوز بويجەتكەن» دەگەن ءاندى ورىندادى، بۇل ءان ارقىلى ءوزىنىڭ كوڭىل كۇيىن جەتكىزبەك بولعانى ايقىن ەدى. «اۋىلداستارىمنىڭ شاپالاق ءۇنىن ەستىگەندە قاتتى تەبىرەندىم، قىستىڭ قاقاعان ايازىندا ىستىق ىقىلاستى مەيىرگە بولەندىم»، — دەدى.

　　بۋىرشىن اۋداندىق ۇگىت ءبولىمى باستىعىنىڭ ورىنباسارى لي چىڭ بىلاي دەدى: جەرگىلىكتى جۇرتشىلىقتىڭ قىس مەزگىلىندەگى مادەني تۇرمىسىن بايىتۋ ءۇشىن، وسى رەتكى مادەنيەت - كوركەمونەر مەرەكەسى بىلتىر 11 – ايدا باستالعان 4 – ايعا دەيىن جالعاسادى، بۇل قيمىل مالشى – ديقانداردى، مەكتەپتەگى وقىتۋشى – وقۋشىلاردى، كاسىپورىندارداعى جۇمىسشى – قىزمەتكەرلەردى بەلسەنە قاتىناسۋعا باۋرادى.

　　كەلۋ قاينارى: حالىق تورابى