- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىقارالىق وليمپيادان رايونىمىزدىڭ تۇلەكتەرى جۇلدەلى ورالدى
2014.07.17 14:10 كەلۋ قاينارى : ءتاڭىرتاۋ تورابى
ءتىلشىمىز قالياكبار ۇسەمقان ۇلى حابارلايدى. 2014 - جىلى ماۋسىم ايىنىڭ سوڭىندا قازاقستان رەسپۋبليكاسىنىڭ ماڭعىستاۋ وبلىسىنا قاراستى اقتاۋ قالاسىندا وتكەن «قاسيەتىم − انا ءتىلىم» اتىنداعى حالىقارالىق وليمپياداعا ەلىمىز اتىنان قاتىناسقان تۇلەكتەر توپ جارىپ، ماڭدايلارى جارقىراپ قايتتى. تالانتتى قازاق جاستارىن انىقتاۋ جانە ولارعا قولداۋ كورسەتۋ، قازاق ادەبيەتى مەن مادەنيەتىنە بولعان تانىمدىق قابىلەتىن جوعارىلاتۋ، انا ءتىلىن مەڭگەرۋ ورەسى مەن جالپىلىق ءبىلىم دەڭگەيىن جوعارىلاتۋ، ولاردىڭ تاريحقا جانە تاريحي بىلىمدەرگە بولعان اۋەسىن ارتتىرۋ، الەم قازاق جاستارىنىڭ بارىس - كەلىس، دوستىق بايلانىسىن كۇشەيتۋ ماقساتىندا قازاقستان رەسپۋبليكاسىنىڭ ءبىلىم جانە عىلىم مينيسترلىگىنە قاراستى «دارىن» رەسپۋبليكالىق عىلمي پراكتيكالىق ورتالىعى 2004 - جىلدان باستاپ وتكىزگەن «ورتا مەكتەپ وقۋشىلارىنىڭ قازاق ءتىلى مەن ادەبيەت ساباعىن نەگىز ەتكەن حالىقارالىق وليمپيادانىڭ» بيىلعى كەزەگىنە جۇڭگو، قازاقستان، وزبەكستان، قىرعىزستان، تۇركمەنستان، رەسەي قاتارلى ەلدەردىڭ 70تەن استام تۇلەگى قاتىناسىپتى.
جارىسقا قىزىل تۋدى كوتەرىپ، ەلىمىز كومانداسى اتىنان قاتىناسقان 8 وقۋشىنىڭ جەتەۋى دودانىڭ وتان، ەل، جەردى ارقاۋ ەتكەن ماقالا جازۋ، قازاق تىلىنەن جانە قازاق ادەبيەتىنەن الىنعان اۋىزشا ەمتيحان... سياقتى سىناقتاردان سۇرىنبەي ءوتىپ، ءۇرىمجى قالالىق 36 - ورتا مەكتەپتىڭ وقۋشىسى گۇلارا جەڭىس قىزى مەن تەكەس اۋداندىق 1 - ورتانىڭ تۇلەگى ساۋلە تۇرسىنجان قىزى 1 - ورىندى يەلەسە، بۇلعىن بەگالى قىزى مەن نۇرساۋلە تولقىن قىزى 2 - دارەجەلى جۇلدەنى جەڭىپ الىپتى. شولپان گىمىڭالى قىزى سياقتى 3 وقۋشى 3 - دارەجەلى جۇلدەنى بايلانىپ، جۇڭگو قۇراماسى ەڭ جەڭىمپاز قۇراما دەگەن اتاقتى بايلانىپ قايتىپتى.
قازاقستان رەسپۋبليكاسىنىڭ زۇڭتۇڭى نۇرسۇلتان نازاربايەۆتىڭ «دارىندى بالالارعا ارنالعان مەكتەپتەرگە مەملەكەتتىك تۇرعىدان قولداۋ كورسەتۋ» ۇيعارىمى نەگىزىندە، ۇكىمەتتىڭ ارنايى قاۋلىسىمەن قۇرىلعان «دارىن» رەسپۋبليكالىق عىلمي پراكتيكالىق ورتالىعى ۇيىمداستىرعان حالىقارالىق وليمپيادان ەلىمىز قۇراماسىنىڭ جۇلدەمەن ورالۋى تەك بۇل جولى عانا ەمەس. 2004 - جىلى قازاقستاننىڭ ەلورداسى استانا قالاسىندا وتكەن وليمپيادانىڭ العاشقى كەزەگىنە قارت اعارتۋشى قوزىقان سابىر ۇلىنىڭ باستاۋىمەن بارعان تۇلەكتەرىمىز 6 مەملەكەتتىڭ وقۋشىلارى قاتىناسقان ءدۇبىرلى دودادا توپ جارىپ، باس بايگەمەن ورالعان - تۇعىن. سودان بەرى ءار جىلى وتكىزىلىپ كەلە جاتقان بۇل حالىقارالىق وليمپياداعا 10 رەت قۇراما باستاپ بارعان قوزىقان شاباندوزدارىنىڭ شاڭ قاۋىپ، ارتتا قالعان جەرى جوق، كەرىسىنشە، ىلعي ماڭدايى جارقىراپ، الدىمەن كەلىپ، 5 رەت توپتىق باس بايگەنى جەڭىپ الىپ، ەلىمىز قۇراماسى ەڭ جەڭىمپاز قۇراما اتانسا، قۇراما جەتەكشىسى قوزىقان سابىر ۇلى دۇنيە جۇزى قازاقتارى قاۋىمداستىعىنىڭ، حالىقارالىق قازاق ءتىلى قوعامىنىڭ قۇرمەت گراموتالارىمەن؛ 2 رەت قازاقستان رەسپۋبليكاسى ءبىلىم جانە عىلىم مينيسترلىگى «دارىن» سيلىعىمەن ماراپاتتالىپتى. اتالعان وليمپيادانىڭ وتكىزىلگەنىنە 10 جىل تولعان ءساليقالى ساتتە، قازاقستان رەسپۋبليكاسى ءبىلىم جانە عىلىم مينيسترلىگى قوزىقان سابىر ۇلىنا ىبىراي التىنسارين مەدالىن بەرىپ، ۇلكەن قۇرمەت كورسەتىپتى.
− قازاقستان رەسپۋبليكاسىندا جىل سايىن وتەتىن «ورتا مەكتەپ وقۋشىلارىنىڭ قازاق ءتىلى مەن ادەبيەت ساباعىن نەگىز ەتكەن حالىقارالىق وليمپيادانى» دوستىق جارىس دەپ ايتۋعا بولادى. سەبەبى،ءار ەلدەن كەلگەن وقۋشىلار وسى ارادا بايراقتى باسەكەگە قاتىناسىپ باق سىنايدى. ءوزارا تاجىريبە الماسادى. مەن باستاعان جۇڭگو قۇراماسى ەلىمىزدىڭ نارت قىزىل تۋىن كوتەرىپ ەلىمىز اتىنان ءار جىلى قاتىناسىپ، تالاي - تالاي تاماشا ناتيجەلەرگە قول جەتكىزدى. جارىسقا قاتىناسقان شاباندوزدارىمىز دا ءارقايسى دودادا بىلىمدىلىگى مەن بىلىكتىلىگىن بايقاتىپ، ەلىمىزدىڭ ابىرويىن كوتەردى. «ەڭ جەڭىمپاز» قۇراما اتانىپ، كەۋدەمىزگە مەدال تاقتىق. جالپى 60قا جۋىق وقۋشى وسى وليمپيادانىڭ ارقاسىندا قازاقستاننىڭ ل. ن. گۋميلەۆ اتىنداعى ەۆرازيالىق ۇلتتىق ۋنيۆەرسيتەتى، ءال - فارابي اتىنداعى قازاق ۇلتتىق ۋنيۆەرسيتەتى... سياقتى قازاقستاننىڭ اتاقتى وقۋ ورىندارىنا تۇسۋگە تىكە جولداما الدى. جوعارى وقۋ ورىندارىن سول ەلدىڭ مەملەكەت قارجىسىمەن وقىپ، جۇمىسقا ورنالاسقاندارى دا كوپ. مىنە بۇل دا ءبىزدىڭ وقۋ - اعارتۋ دەڭگەيىمىزدىڭ بيىك ورەسىن بايقاتاتىن ماڭىزدى ءبىر بەلگى دەپ ويلايمىن، - دەيدى رايونىمىزدىڭ، وتە - موتە، ۇلتىمىزدىڭ وقۋ - اعارتۋ ىستەرىنە ەلەۋلى ەڭبەك سىڭىرگەن قارت اعارتۋشى، قۇراما جەتەكشىسى قوزىقان سابىر ۇلى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
