- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
5 تاراۋ بىرلەسىپ جوبا بەلگىلەپ، ۇكىمەت جۇمىسىنا پايدالانىلاتىن اۆتوكولىكتەردى جاڭا ەنەرگيالى اۆتوكولىكتەرگە وزگەرتۋدىڭ ۋاقىت كەستەسىن، جوباسىن ايقىندادى
2014.07.17 14:13 كەلۋ قاينارى : ءتاڭىرتاۋ تورابى
حابار شينحۋا اگەنتتىگىنىڭ 13 - شىلدەدە بەيجيڭنەن بەرگەن حابارى. مەملەكەتتىك ورگان ىستەرىن باسقارۋ مەكەمەسى، قازىنا مينيسترلىگى، عىلىم - تەحنيكا مينيسترلىگى، ونەركاسىپ جانە ينفورماتسيا مينيسترلىگى، مەملەكەتتىك دامۋ جانە رەفورما كوميتەتى 13 - شىلدەدە بىرلەسىپ، «ۇكىمەت ورگاندارى مەن الەۋمەتتىك قۇرىلىمداردىڭ جاڭا ەنەرگيالى اۆتوكولىك ساتىپ الۋداعى اتقارۋ جوباسىن» جاريالاپ، ۇكىمەت ورگاندارى مەن الەۋمەتتىك قۇرىلىمداردىڭ ۇكىمەت جۇمىسىنا پايدالانىلاتىن اۆتوكولىكتەردى جاڭا ەنەرگيالى اۆتوكولىكتەرگە وزگەرتۋدىڭ ۋاقىت كەستەسىن جانە جوباسىن ايقىنداپ بەردى.
مەملەكەتتىك كەڭەستىڭ ۇنەمىلىك ىستەر ءماجىلىسى 9 - شىلدەدە 2014 - جىلى 1 - قىركۇيەكتەن 2017 - جىلدىڭ سوڭىنا دەيىن 3 تۇردەگى جاڭا ەنەرگيالى اۆتوكولىكتەردى ساتىپ الۋدان باجى الماۋدى ۇيعارعان بولاتىن. مەملەكەتتىك ورگان ىستەرىن باسقارۋ مەكەمەسى قاتىستى جاۋاپتىسىنىڭ تانىستىرۋىنا قاراعاندا، 5 تاراۋ بەلگىلەگەن اتقارۋ جوباسىنداعى نىسانالاردىڭ فورماسى ءار قيلى بولعانىمەن، ءمان - مازمۇنى ءبىر ەكەن، ءبارى ەكولوگيالىق وركەنيەت قۇرىلىسىن كۇشەيتۋدىڭ پارمەندى شارالارى كورىنەدى. اتقارۋ جوباسىنىڭ ماقساتى − پارتيا، ۇكىمەت ورگاندارىنىڭ باستاماشىلدىقپەن ۇلگى كورسەتۋىن، بازار مەحانيزمىنىڭ باستاۋىندا جۇيەگە ءتۇسىرۋدى، سان - مولشەرىنە قاراي جالپى بارىسىن تەكسەرۋدى فورما ەتىپ، «بۇلجىماس ولشەم بويىنشا سان - مولشەرىنە شەك قويۋ، قوسالقى شارتتار بويىنشا ساپاسىن ءوسىرۋ» ساياساتىنىڭ اينالىم مەحانيزمىن قالىپتاستىرىپ، جاڭا ەنەرگيالى اۆتوكولىكتەر «تالايدان بەرى تانىستىرسا دا جالپىلاسپاي كەلگەن» ىرىقسىز جاعدايدى وزگەرتۋ.
وسى جاۋاپتى بىلاي دەدى: جوبادا جاڭا ەنەرگيالى اۆتوكولىك ساتىپ الۋدىڭ «ۋاقىت كەستەسى» ايقىن العا قويىلىپ، 2014 - جىلدان 2016 - جىلعا دەيىن ورتالىقتاعى مەملەكەت ورگاندارىنىڭ جانە جاڭا ەنەرگيالى اۆتوكولىكتەردى جالپىلاستىرۋ، پايدالانۋ كولەمىنە ەنگىزىلگەن قالالارداعى ۇكىمەت ورگاندارى مەن الەمەۋتتىك قۇرىلىمداردىڭ ساتىپ الاتىن جاڭا ەنەرگيالى اۆتوكولىكتەرىنىڭ سول جىلى دايىندالاتىن، جاڭالاناتىن اۆتوكولىك جالپى سانىنان ۇستايتىن سالىستىرماسى %30تەن تومەن بولماۋ، ونان ارعى جىلدارى بىرتىندەپ جوعارىلاتۋ كەرەكتىگى اتاپ كورسەتىلدى. مۇنان سىرت، جوبادا ولكەلەردەگى، اۆتونوميالى رايوندارداعى، قالالارداعى باسقا دا ۇكىمەت ورگاندارى مەن الەۋمەتتىك قۇرىلىمداردىڭ وسى جىلدارى ساتىپ الاتىن جاڭا ەنەرگيالى اۆتوكولىكتەرىنىڭ سالىستىرماسى، اسىرەسە، 2014 - جىلى بەيجيڭ، تيانجين، حىبەي، چاڭجياڭ اتىراۋى، جۋجياڭ اتىراۋى سياقتى سالا - سالا بويىنشا باسقاراتىن مىندەتى نەداۋىر اۋىر وڭىرلەردەگى ۇكىمەت ورگاندارى مەن الەۋمەتتىك قۇرىلىمداردىڭ جاڭا ەنەرگيالى اۆتوكولىك ساتىپ الۋ مولشەرى %15تەن تومەن بولماۋى كەرەك دەپ بەلگىلەندى.
ۇكىمەت ورگاندارى مەن الەۋمەتتىك قۇرىلىمداردىڭ كولەمى تۋرالى جوبادا بۇكىلدەي نەمەسە ءىشىنارالاپ قازىنا قارجىسىن جۇمسايتىن مەملەكەت ورگاندارى، ءىسورىندار جانە حالىقتىق ۇيىمدار بولادى دەپ ايقىن شەك - شەكارا بەلگىلەندى.
كوپشىلىك قاۋىم كوڭىل ءبولىپ وتىرعان جاڭا ەنەرگيالى اۆتوكولىكتەردىڭ نەگىزدىك قۇرىلعى بولشەكتەرىنە مەڭزەس، جوبادا: ەلەكتر زاريادتاۋ تەتىكتەرى مەن جاڭا ەنەرگيالى اۆتوكولىكتەردىڭ مولشەرى ءبىردىڭ بىرگە قاتىناسىنان تومەن بولماۋى كەرەك دەپ ايقىن بەلگىلەندى. 5 تاراۋ كاسىپورىنداردىڭ قارجى قوسۋىن نەگىز ەتۋ، ۇكىمەت شابىتتاندىرىپ جول كورسەتۋ پرينسيبى بويىنشا قوعامداعى بارلىق جاقتىڭ بەلسەندىلىگىن جۇمىلدىرىپ، جاڭا ەنەرگيالى اۆتوكولىكتەردىڭ ءتۇيىندى قۇرىلعىلار قۇرىلىسىن كۇشەيتىپ، ەلەكتر زاريادتاۋ قاجەتىن قامتاماسىز ەتۋ كەرەكتىگىن تالاپ ەتتى.
وسى نىساناداعى تالاپتاردى قالاي تياناقتاندىرۋ جونىندە اتقارۋ جوباسىندا ساتىپ الىپ باسقارۋدى جۇيەگە ءتۇسىرۋ، قۇرىلعىلارعا قىزمەت وتەۋ جۇيەسىن قۇرۋ، پايدالانۋ ورتاسىن كەمەلدەندىرۋ سياقتى 3 جاقتان مىناداي 14 ءتۇرلى ناقتى شارا العا قويىلدى: ۇكىمەت ورگاندارى مەن الەۋمەتتىك قۇرىلىمدارى جاڭا ەنەرگيالى اۆتوكولىك ساتىپ السا، قازىنادان كومەك اقى بەرۋ، جەڭىل اۆتوموبيل ساتىپ الۋ باعاسىنداعى اقىنى شىعارىپ تاستاعاننان كەيىن قازىنادان بەرىلەتىن كومەك اقى 180 مىڭ يۋاننان اسىپ كەتپەۋ؛ جەرگىلىكتى ۇكىمەتتەر جاڭا ەنەرگيالى اۆتوكولىكتەرگە ەلەكتر زاريادتاۋ قۇرىلعىلارىن قالالاردىڭ الەۋمەتتىك نەگىزدىك قۇرىلعىسى ەتىپ، ونى قالا قۇرىلىسىن دامىتۋدىڭ جالپى جوسپارىنا ەنگىزۋ؛ ۇكىمەت ورگاندارى مەن الەۋمەتتىك قۇرىلىمدارى كولىك قويۋ - توقتاتۋ الاڭدارىن تىڭنان ارتتىرعاندا نەمەسە جاڭالاعاندا، جاڭا ەنەرگيالى اۆتوكولىكتەرگە ارنالعان كولىك ورىندارىن بەلگىلەۋ جانە ەلەكتر زاريادتاۋ قۇرىلعىسىن سالۋ؛ جەرگىلىكتى ورىندار موتورلى اۆتوكولىكتەرىن شەكتەۋلى نومىرمەن جۇرگىزۋ، ارتىق ءنومىر تاقتاسىن ساتۋ، اۆتوكولىك ساتىپ الۋ كورسەتكىشىن ورنالاستىرۋ، جولداردا الدىمەن جۇرگىزۋ سياقتى ءتۇزىم شىعارعاندا جانە اتقارعاندا، جاڭا ەنەرگيالى اۆتوكولىكتەرگە ساياساتتىق جاقتان تيىمدىلىك جاساۋ، ت.ب.
تانىستىرۋعا قاراعاندا، جوبادا سان - مولشەرىنە قاراي جالپى بارىسىن تەكسەرۋ، يگەرىلگەن احۋالدى جەتكىزۋ، باقىلاۋ شارالارى دا بەلگىلەنگەن، 2015 - جىلدان باستاپ ولكەلەردەگى، اۆتونوميالى رايوندارداعى، قالالارداعى الەۋمەتتىك قۇرىلىمداردىڭ ەنەرگيا ۇنەمدەۋ قىزمەتىن باسقارۋ تاراۋلارى سول جىلعى سان - ساناق بويىنشا، ءبىر جىلدىق جاڭا ەنەرگيالى اۆتوكولىك الۋ احۋالى، باسقان جولى مولشەرى، ەنەرگيا سارىپ ەتۋى، جۇمساعان اقىسى سياقتى احۋالدارىن جيناقتاپ، مەملەكەتتىك ورگان ىستەرىن باسقارۋ مەكەمەسىنە جولداۋى كەرەك دەلىنگەن. سونىمەن بىرگە، جوبادا قىزمەت ورىستەتۋ قارقىنىنداعى، ساتىپ الۋ سالىستىرماسىنداعى تالاپتارعا جەتپەگەن ورىنداردى اشىق جاريالاۋ؛ وتىرىكتى شىنداي، اقساقتى تىڭداي سوققانداردى، ناشار ىقپال تۋدىرعانداردى قاتەلىگىن تۇزەتۋگە بۇيىرۋ ءارى قاتىستى باسشىلارىنىڭ جاۋاپكەرلىگىن قۋزاستىرۋ كەرەكتىگى دە بەلگىلەندى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
