مىسىق ايۋ اۋلاعان ءۇش ادامدى قولعا الۋ بەكىتىلدى

2015.05.14 15:42   كەلۋ قاينارى : حالىق تورابى

　　سۋرەتتە: يۇننان ولكەسىندە ورمان ساقشىلارى قولعا تۇسىرگەن مىسىق ايۋ تەرىسى (ماتەريالدىق سۋرەت)

　　يۇننان ولكەسىندە تۋىلعان مىسىق ايۋ اۋلاۋ ءىسى 13 – مامىردا جۇرتتىڭ نازارىن اۋداردى. سول كۇنى كەشكى ساعات 10نان 30 مينۋت وتكەندە، يۇننان ولكەلىك ورمانشىلىق مەڭگەرمەسى بۇل دەلوعا قاتىستى حابارلاندىرۋ شىعاردى: قازىر 3 قىلمىس كۇماندىسىن قولعا الۋ بەكىتىلگەن.

　　تەكسەرۋ ناتيجەسىنە قاراعاندا، 2014 – جىلى 3 – جەلتوقساندا يۇننان ولكەسى شاۋتۇڭ قالاسى يانجين اۋدانى پۋىر قالاشىعى لۇڭتاي قىستاعىندا قىلمىس كۇماندىسى ۋاڭ XX قوراسىنداعى قويلارىن جابايى حايۋاناتتىڭ تاماقتاپ ولتىرگەنىن كورىپ، قورا ماڭىنا قاقپان قۇرعان. 4 – جەلتوقسان كۇنى تاڭەرتەڭ ۋاڭ XX مىلتىعىن الىپ، يتىن ەرتىپ، لۇڭتاي قىستاعىنىڭ شۇيداگوۋ دەگەن جەرىنە بارعاندا جابايى حايۋاناتتى بايقايدى. ۋاڭ XX ەكى رەت وق اتىپ، جابايى حايۋاناتتى اۋلايدى، كەيىن ونىڭ جابايى مىسىق ايۋ ەكەنىن بايقايدى. 2015 – جىلى 30 – ناۋرىزدا بۇل دەلو اشكەرەلەندى. قازىر بۇل دەلوعا قاتىستى ادامداردىڭ بارلىعى انىقتالىپ، 3 ادامدى قولعا الۋ بەكىتىلدى، دەلو قازىر ىشكەرىلەي تەكسەرىلۋ ۇستىندە. شينحۋا اگەنتتىگى

　　كەلۋ قاينارى: حالىق تورابى