2019 - جىلعى مەملەكەت قىزمەتكەرىن قابىلداۋ ەمتيحانى باستالدى

2018.12.03 16:36   كەلۋ قاينارى : حالىق تورابى

　　شينحۋا اگەنتتىگى، بەيجيڭ، 12 - ايدىڭ 2 - كۇنى (ءتىلشى لين حۇي). ءتىلشىنىڭ 12 - ايدىڭ 2 - كۇنى مەملەكەت قىزمەتكەرى مەكەمەسىنەن ۇعىسۋىنشا، ورتالىقتاعى ورگاندار مەن وعان توتە قاراستى ورگاندارعا 2019 - جىلى ەمتيحان ارقىلى مەملەكەت قىزمەتكەرىن قابىلداۋداعى الەۋمەتتىك ساباقتىڭ جازباشا ەمتيحانى 12 - ايدىڭ 2 - كۇنى بۇكىل مەملەكەتتەگى 900 دەن استام ەمتيحان الاڭىندا ءبىر ۋاقىتتا الىنىپ، جالپى 920 مىڭ ادام ەمتيحانعا قاتىناسقان.


　　ۇعىسۋىمىزشا، بۇل رەت ورتالىقتاعى ورگاندار مەن وعان توتە قاراستى ورگاندار جوسپار بويىنشا 14 مىڭ 500 دەن استام مەملەكەت قىزمەتكەرى قابىلداۋدى جوسپارلاپ، جالپى ءبىر ميلليون 379 مىڭ 300 ادام تولىمدىلىعىن تەكسەرۋدەن ءوتىپ، ءبىر ميلليون 80 مىڭنان استام ادامنىڭ اقى تاپسىرىپ، جازباشا ەمتيحانعا قاتىناساتىندىعى تۇراقتاندىرىلىپ، ءىس جۇزىندە 920 مىڭ ادام ەمتيحانعا قاتىناسىپ، ەمتيحانعا قاتىناسۋ سالىستىرماسى شامامەن ٪84.5 بولىپ، ەمتيحانعا قاتىناسقان ادام سانى مەن قىزمەتكەر قابىلداۋ جوسپارىنىڭ سالىستىرماسى 63:1 داي بولعان.


　　بيىل ورتالىقتاعى مەملەكەت قىزمەتكەرىن باسقارۋ تاراۋلارى ەمتيحاننىڭ حاۋىپسىزدىگى مەن ەمتيحان ورتاسى قۇرىلىسى قىزمەتىنە وسكەلەڭ دارەجەدە ءمان بەرىپ، ەمتيحان ىستەرىن ۇيىمداستىرىپ باسقارۋدى كۇشەيتىپ، سەنىمدى ەمتيحان جونىندەگى ۇگىت تەبىنىن ارتتىرىپ، وقۋ - اعارتۋ، راديونى باسقارۋ، قوعام حاۋىپسىزدىگى تاراۋلارىمەن سەلبەسىپ، ەمتيحاندا قارالىق ىستەۋگە باتىل سوققى بەرىپ، ەمتيحان ستيلىن، ەمتيحان ءتارتىبىن قاتايتىپ، دۇرىس، ءادىل ەمتيحان ورتاسىن قالىپتاستىرۋعا قۇلشىندى. ەمتيحانعا قاتىناسقاندار دا ەمتيحان تارتىبىنە سانالى بويسۇنۇپ، ەمتيحاننىڭ ءتارتىبى جاقسى بولدى.


　　كەلۋ قاينارى: حالىق تورابى