وقۋ – اعارتۋ مينيسترلىگى: جوعارى مەكتەپتەردىڭ مەكتەپ اۋلاسىن باسقارۋدا «ءبارىن ءبىر شىبىقپەن ايداۋعا»، «قاراپايىمداندىرۋعا» استە بولمايدى

2020.09.21 15:35   كەلۋ قاينارى : حالىق تورابى

　　شينحۋا اگەنتتىگى، 9 - ايدىڭ 18 - كۇنى، بەيجيڭ. ءتىلشىنىڭ 9 - ايدىڭ 18 - كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگىنىڭ جاڭا تيپتى ايدارشا ۆيرۋس وكپە قابىنۋىنا قارسى اتتانۋ قىزمەتىنە باسشىلىق ەتۋ گرۋپپاسى كەڭسەسى تاياۋدا جەر – جەرگە جانە قاتىستى جوعارى مەكتەپتەرگە ەسكەرتۋ حاتىن باسىپ تاراتىپ، جوعارى مەكتەپتەردەن مەكتەپ اۋلاسىن باسقارۋ قىزمەتىن اناعۇرلىم جاقسى ىستەپ، مەكتەپ اۋلاسىن باسقارۋ ـ مەڭگەرۋ شارالارىن يكەمدى رەتتەپ، مەكتەپ قاقپاسىن باسقارۋ ءتاسىلىن شىنايى جاقسارتىپ، ورتا كۇز مەرەكەسى، مەملەكەت مەرەكەسى دەمالىسىن ويداعىداي ورنالاستىرۋدى تالاپ ەتكەن.

　　ەسكەرتۋ حاتىندا مىنالار تالاپ ەتىلدى: جەر - جەر جوعارى مەكتەپتەردىڭ مەكتەپ قاقپاسىن باسقارۋ احۋالى مەن شارالارىن تەز ارادا تەكسەرىپ انىقتاپ، جوعارى مەكتەپتەردىڭ وقۋشىلار مەن وقىتۋشى - قىزمەتكەرلەردىڭ مەكتەپ قاقپاسىن باسقارۋ جونىندەگى پىكىر - ۇسىنىستارىن كەڭىنەن تىڭداۋىن جانە ۇيلەسىمدى قابىلداۋىن جەبەۋى كەرەك. وقۋشىلار پراكتيكا كورۋ، جۇمىس ىزدەۋ، تۋىسشىلاۋ، ەمدەلۋ سياقتى سەبەپتەرمەن مەكتەپ قاقپاسىنان كىرىپ - شىعىپ، مەكتەپ تۇرعان قالا ىشىندە قيمىل جاساماق بولسا، ءتارتىپتى قاراپايىمداندىرىپ، وقۋشىلاردىڭ مەكتەپ قاقپاسىنان كىرىپ - شىعۋىنا شىنايى قولايلىلىق جاراتۋ كەرەك. وقۋشىلار مەكتەپ تۇرعان قالادان سىرت جەرلەرگە بارىپ قيمىل جاساماق بولسا، مالىمدەپ بەكىتتىرۋ، دەنساۋلىعىن باقىلاۋ جانە ساقتانۋ، تىزگىندەۋ سياقتى باسقارۋ قىزمەتىن كۇنى بۇرىن ويداعىداي ىستەۋ كەرەك. «ءبىر شىبىقپەن ايداۋ»، «قاراپايىمداندىرۋ» سىندى تۇيىق باسقارۋ ءتاسىلىن قولدانۋعا، استە، بولمايدى، ينفورماتسيالاندىرۋ تاسىلىنەن بەلسەنە پايدالانىپ، مەكتەپ قاقپاسىنان كىرىپ - شىعۋدىڭ قولايلى باسقارۋ مەحانيزمىن بىرتىندەپ اتقارۋ كەرەك.

　　كەلۋ قاينارى: حالىق تورابى