ءارىپ تانىماسا دا ەمتيحاننان وتۋىنە كەپىلدىك بەرەدى؟ انحۇيدە شوفەرلىك كۋالىك ەمتيحانىندا قارالىق ىستەۋ توبى اشكەرەلەندى

2021.05.25 14:06   كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى چىن نو 5 – ايدىڭ 24 – كۇنى حىفەيدەن حابارلايدى. شوفەرلىك كۋالىك الۋشىلاردىڭ اۆتوكولىك جۇرگىزىپ جولعا شىعۋ الدىنداعى ەڭ ماڭىزدى ەمتيحاندا قارالىق ىستەۋىنە كومەكتەسۋ دەيتىن جامان ويدىڭ جەتەگىمەن زاڭعا قايشى ەلەمەنتتەر: ءارىپ تانىمايسىز با؟ وقاسى جوق! جاسىڭىز ۇلكەن بە؟ ماسەلە جوق! ورىندايمىز، — دەپ ۋادە بەرگەن. ءتىلشىنىڭ انحۇي ولكەسى حىفەي قالالىق قوعام حاۋىپسىزدىگى مەكەمەسىنەن ۇعىسۋىنشا، جەرگىلىكتى ورىنداعى ساقشى جاق سىمسىز حابارلاسۋ قۇرىلعىسى ارقىلى شوفەرلىك ەمتيحاندا قارالىق ىستەۋ دەلوسىن انىقتاپ، قىلمىس كۇماندىسىنان 17 ادامدى قولعا تۇسىرگەن.

　　بيىل 1 – ايدا، حىفەي قالالىق قوعام حاۋىپسىزدىگى مەكەمەسى قاتىناس ساقشى بولىمشە اترەتى اۆتوموبيلدەردى باسقارۋ بولىمشەسىنىڭ حالىق ساقشىلارى قىزمەت بارىسىندا بىرەۋلەردىڭ شوفەرلىك ەمتيحانىنىڭ 1 – ساباق ەمتيحانىندا قارالىق ىستەگەنىن ءارى كاسىپتىك دەڭگەيى وتە جوعارى قارالىق ىستەۋ قۇرالدارىن الىپ جۇرگەنىن بايقايدى. اتالعان قارالىق ىستەۋشى ۋاڭ X دىڭ ايتۋىنشا، ول ۇزاقتان بەرى شوفەرلىك كۋالىك الۋدى ويلاپ جۇرگەن، دوستارى ارقىلى حىفەيدە شوفەرلىك كۋالىك الۋعا ادام تاربيەلەگەنىنە كوپ جىل بولعان دۇڭ X مەن تانىسقان. دۇڭ X ۋاڭ X دىڭ «ەمتيحاننان وتۋىنە» كەپىلدىك ەتەتىن امالى بار ەكەنىن ءارى ءارىپ تانىماسا دا، جاسى قانشا ۇلكەن بولسا دا، ءبىر رەتتە وتكىزىپ قويۋعا كەپىلدىك بەرەتىنىن، ەگەر وتە الماسا، ەمتيحاننان وتكەنشە جالعاستى كومەكتەسەتىنىن ايتقان. ۋاڭ X وعان 9000 يۋان بەرگەن، ەمتيحان بەرگەن كۇنى ۋاڭ X دۇڭ X دىڭ «امال ىستەۋىن» توسىپ وتىرعاندا، حالىق ساقشىلارىنىڭ بايقاپ قالارىن ويلاماعان ەدى.

　　تەكسەرۋ ارقىلى دۇڭ X اتاماندىعىنداعى شوفەرلىك ەمتيحاندا قارالىق ىستەۋ توبى اشكەرەلەنگەن. ءاسىلى كوپ جىلدان بەرى شوفەرلىك ەمتيحانعا ادام تاربيەلەۋ بارىسىندا، دۇڭ X شوفەرلىك مەكتەپتىڭ تاربيەشىسى حى X جانە دىڭ X مەن تانىسادى، ۇشەۋى تاۋەكەلگە بەل بايلاپ، شوفەرلىك ەمتيحاندا قارالىق ىستەۋ «كاسىبىمەن» اينالىسپاق بولادى. دۇڭ X كليەنت قابىلداپ، حى X سىمسىز ناۋشنيك، ميكرو كامەرا قاتارلى اسپاپتاردى ساتىپ الادى، ەمتيحان ۋاقىتىندا حى X، دىڭ X وسى قۇرىلعىلار ارقىلى وقۋشىلارعا ەمتيحاننىڭ جاۋابىن دايىنداپ بەرەدى. ساقشى جاقتىڭ ىشكەرىلەي تەكسەرۋ بارىسىندا بايقاۋىنشا، بىرنەشە شوفەرلىك مەكتەپتىڭ جاتتىقتىرۋشىلارى قارالىق ىستەۋشى توپقا ەمتيحان بەرۋشىلەردى تانىستىرعان ءارى وسىدان پايدا العان. اتالعان توپتىڭ «كاسىپ كولەمى» انحۇي ولكەسىندەگىلەرمەن عانا شەكتەلىپ قالماستان، حىنان، حەيلۇڭجياڭ قاتارلى جەرلەرگە دەيىن كەڭەيگەن.

　　4 – ايدىڭ 1 – كۇنىنەن باستاپ، ساقشى جاق اتالعان توپقا جايىلعان توردى جينادى، قازىرگە دەيىن قىلمىس كۇماندىلارىنان قولعا تۇسىرگەن 17 ادامعا تۇگەلدەي زاڭ بويىنشا قىلمىستىق ىستەر ءماجبۇرلى شارالارىن اتقارعان، دەلو قازىر ىشكەرىلەي تەكسەرىلۋدە.

　　كەلۋ قاينارى: حالىق تورابى