عىلىم - تەحنيكا جەتىستىكتەرىن باعالاۋ مەحانيزمىن كەمەلدەندىرىپ، مەديتسينالىق قىزمەت وتەۋ باعا رەفورماسىن تەرەڭدەتىپ، مىندەتتى وقۋ - اعارتۋ كەزەڭىندەگى وقۋشىلاردىڭ تاپسىرما اۋىرتپالىعى مەن مەكتەپتەن سىرتقى باۋلۋ اۋىرتپالىعىن جەڭىلدەتۋ كەرەك

لي كىچياڭ، ۋاڭ حۋنيڭ، حان جىڭ ماجىلىسكە قاتىناستى

2021.05.24 16:19 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 5 - ايدىڭ 21 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 5 - ايدىڭ 21 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 19 - رەتكى ءماجىلىسىن باسقارىپ اشتى، ءماجىلىس «عىلىم - تەحنيكا جەتىستىكتەرىن باعالاۋ مەحانيزمىن كەمەلدەندىرۋ جونىندەگى جەتەكشى پىكىردى»، «مىندەتتى وقۋ - اعارتۋ كەزەڭىندەگى وقۋشىلاردىڭ تاپسىرما اۋىرتپالىعى مەن مەكتەپتەن سىرتقى باۋلۋ اۋىرتپالىعىن اناعۇرلىم جەڭىلدەتۋ جونىندەگى پىكىردى»، «مەديتسينالىق قىزمەت وتەۋ باعا رەفورماسىن تەرەڭدەتۋ سىناق ءتۇيىنى جوباسىن»، «ەكولوگيالىق ورتانى قورعاۋ تولەم ءتۇزىمى رەفورماسىن تەرەڭدەتۋ جونىندەگى پىكىردى»، «قالا، اۋىل قۇرىلىسىندا تاريحي مادەنيەتتى قورعاۋدى، جالعاستىرۋدى كۇشەيتۋ جونىندەگى ءبىرقانشا پىكىردى» قاراپ ماقۇلدادى.

　　شي جينپيڭ ءماجىلىستى باسقارعان كەزدە بىلاي دەپ دارىپتەدى: عىلىم - تەحنيكادا ءوزىن الۋەتتەندىرۋدى، ءوزىن قۇدىرەتتەندىرۋدى جەدەل جۇزەگە اسىرىپ، عىلىم - تەحنيكا جەتىستىكتەرىن باعالاۋ سىندى جەتەكشىلىك رولدان ويداعىداي پايدالانىپ، عىلىم - تەحنيكادا جاڭالىق اشۋ زاڭدىلىعىنا بويسۇنىپ، عىلىم - تەحنيكا جەتىستىكتەرىن باعالاۋدىڭ دۇرىس بەتالىسىندا تاباندى بولىپ، عىلىم - تەحنيكا قىزمەتكەرلەرىنىڭ بەلسەندىلىگىنە دەم بەرۋ كەرەك. مىندەتتى وقۋ - اعارتۋ حالىقتىق وقۋ - اعارتۋدا ەڭ ماڭىزدى ورىندا تۇرادى، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، مەكتەپتىڭ ءبىلىم بەرىپ، ادام تاربيەلەۋ تۇلعالىق فۋنكتسياسىن تولىق ساۋلەلەندىرىپ، جەلىدە، جەلىدەن تىس مەكتەپتەن سىرتقى باۋلۋ قۇرىلىمدارىن ارناعا ءتۇسىرىپ، باسقارۋدى كۇشەيتۋ كەرەك. نەگىزگى ەمدەۋ - دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىن كۇشەيتىپ، مەديتسينالىق قىزمەت وتەۋ باعا رەفورماسىن تەرەڭدەتىپ، ۇيلەسىمدى تولەم بەرۋ مەحانيزمىن ورناتىپ، باعا رەتتەۋ مەجەلى مەرزىمىن ورنىقتىرىپ، بۇقارانىڭ اۋىرتپالىعىنىڭ جالپى جاقتان ورنىقتى بولۋىنا، ەمدەۋ قامسىزداندىرۋ قورىنىڭ كوتەرىمدىلىگىنە، ۇكىمەتتىك ەمدەۋ قۇرىلىمدارىنىڭ اقاۋسىز دامۋىنىڭ باياندى بولۋىنا شىنايى كەپىلدىك ەتىپ، ەمدەۋ، دەنساۋلىق ساقتاۋدىڭ حالىق ءۇشىن قىزمەت وتەۋ ساپاسى مەن دەڭگەيىن جوعارىلاتۋ كەرەك. ەكولوگيالىق وركەنيەت قۇرىلىسىنىڭ جالپى تۇلعالىق نىساناسىن ارقاۋ ەتە وتىرىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىسانا مىندەتىمەن ۇشتاستىرۋدى كۇشەيتىپ، ەكولوگيانى قورعاۋ تولەم ءتۇزىمى قۇرىلىسىن اناعۇرلىم ىلگەرىلەتىپ، ەكولوگيانى قورعاۋ تولەمىنىڭ ساياساتتىق جەتەكشىلىك رولىن ساۋلەلەندىرۋ كەرەك. تاريحقا جاۋاپتى بولۋ، حالىققا جاۋاپتى بولۋ پوزيتسياسىمەن تۇرگە ايىرىلۋى عىلمي، قورعالۋى پارمەندى، باسقارىلۋى ءونىمدى قالا، اۋىل تاريحي مادەنيەتىن قورعاۋ، جالعاستىرۋ جۇيەسىن قۇرۋ كەرەك.

　　ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

　　ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى عىلىم - تەحنيكالىق باعالاۋ جۇيەسى رەفورماسىنا ورنالاستىرۋ جاساپ، ىلگەرىلەتىپ، «ءتورتتى بەتكە الۋعا» شوعىرلانعان عىلىم - تەحنيكا جەتىستىكتەرىن باعالاۋ بەتالىسىن بىرتىندەپ ورناتىپ، جاڭالىق اشۋعا شابىتتاندىرۋ ورتاسىن بىرتىندەپ قالىپتاستىرىپ، ەلىمىزدىڭ عىلىم - تەحنيكادا جاڭالىق اشۋ قابىلەتىن كورنەكتى جوعارىلاتۋعا قوزعاۋشىلىق ەتتى. سونىمەن بىرگە، عىلىم - تەحنيكا جەتىستىكتەرىن باعالاۋدىڭ تۇرگە ايىرىلعان جۇيەسى ءالى ورناتىلا قويعان جوق، كورسەتكىش ءبىر سىدىرعىلانۋ، ولشەم نورمالانۋ، ناتيجە مۇددەلىلەندىرىلۋ ماسەلەلەرى تۇرلىشە دەڭگەيدە ءالى دە ورىن تەبۋدە.

　　ءماجىلىس مىنالاردى دارىپتەدى: عىلىم - تەحنيكا جەتىستىكتەرىن باعالاۋ مەحانيزمىن كەمەلدەندىرۋدىڭ تەتىگى «نەنى باعالاۋ»، «كىم باعالاۋ»، «قالاي باعالاۋ»، «قالاي پايدالانۋ» ماسەلەسىن ويداعىداي شەشۋدە. ساپانى، ناتيجەنى، ۇلەستى وزەك ەتكەن باعالاۋ بەتالىسىندا تاباندى بولىپ، عىلىم - تەحنيكا جەتىستىكتەرىن تۇرگە ايىرىپ باعالاۋ جۇيەسىن اقاۋسىزداندىرىپ، نەگىزدىك زەرتتەۋ، قولدانىلمالى زەرتتەۋ، تەحنيكا اشۋ سياقتى ءار تۇردەگى جەتىستىكتەرگە قاراتا ەگجەي - تەگجەيلى باعالاۋ ولشەمىن قالىپتاستىرىپ، عىلىم - تەحنيكا جەتىستىگىنىڭ عىلميلىق، تەحنيكالىق، ەكونوميكالىق، قوعامدىق، مادەنيەت قۇنىن جان - جاقتى، دالمە - ءدال باعالاۋ كەرەك. ۇكىمەت، قوعامدىق ۇيىم، كاسىپورىن، قارجى قوسۋ، قارجى قۇراۋ قۇرىلىمدارى سياقتىلار بىرگە ات سالىسقان كوپ ارنالى باعالاۋ جۇيەسىن جەدەل قۇرىپ، بازارلانعان باعالاۋدى جەدەل دامىتىپ، كاسىپورىننىڭ جاڭالىق اشۋداعى تۇلعالىق ورنىن كورنەكتىلەندىرىپ، 3 - جاقتىڭ باعالاۋىن ارناعا ءتۇسىرىپ، ءتۇرلى باعالاۋ نەگىزگى تۇلعالارىنىڭ بەلسەندىلىگىن تولىق جۇمىلدىرۋ كەرەك. عىلمي زەرتتەۋدىڭ بىرتىندەپ ىلگەرىلەۋ سيپاتى مەن ناتيجەسىنىڭ كەزەڭدىك سيپاتى ەرەكشەلىگىن مەڭگەرىپ، ورتا، ۇزاق مەزگىلدىك باعالاۋ، سوڭىنان باعالاۋ جانە جەتىستىگىن قايتا قاداعالاۋدى كۇشەيتىپ، مەملەكەتتىڭ عىلىم - تەحنيكا نىسان جەتىستىگىن باعالاۋ رەفورماسىن ىلگەرىلەتىپ، ەلەۋلى نىساندارداعى ءبىلىم مەنشىك ۇقىعىن باسقارۋ بارىسىن اقاۋسىزداندىرىپ، عىلىم - تەحنيكا جەتىستىكتەرىن باعالاۋ نازارياسى مەن ءادىسىن زەرتتەۋدى كۇشەيتىپ، عىلىم - تەحنيكا قىزمەتكەرلەرىن زەر سالا زەرتتەۋگە، ىزدەنىس جاساپ جاڭالىق اشۋعا جەتەكتەپ، عىلىم - تەحنيكا جەتىستىكتەرىن باعالاۋدا تەز بىتىرۋگە اسىعۋ، وڭاي ولجا تابۋعا ۇرىنۋ، كوزسىزدىكپەن دۇرمەككە ىلەسۋ جايتىنەن ساقتانۋ كەرەك. عىلىم - تەحنيكا جەتىستىگىن كادەگە جاراتىپ پايدالانۋدى جەدەل ىلگەرىلەتىپ، جوعارى دەڭگەيدەگى تەحنيكا ايىرباس بازارىن قۇرۋدى جەدەلدەتىپ، فينانستىق قارجىنىڭ عىلىم - تەحنيكا جەتىستىگىن كادەگە جاراتۋ جانە كاسىپ سالالاندىرۋعا بولعان قولداۋىن ارتتىرىپ، عىلىم - تەحنيكا جەتىستىگىن كادەگە جاراتۋدىڭ ونىمدىلىگىن جوعارى مەكتەپتەردىڭ، عىلمي زەرتتەۋ قۇرىلىمدارىنىڭ، مەملەكەت مەنشىگىندەگى كاسىپورىنداردىڭ جاڭالىق اشۋ قابىلەتىن باعالاۋعا ەنگىزىپ، كادەگە جاراتۋعا ءتيىمدى قىزمەتتىك عىلىم - تەحنيكا جەتىستىگىن ساراپتاۋ ساياساتىن ەگجەي - تەگجەيلىلەندىرىپ، كەمەلدەندىرىپ، قالىڭ عىلىم - تەحنيكا قىزمەتكەرلەرىن عىلمي ماقالانى وتاننىڭ بايتاق دالاسىنا جازۋعا شابىتتاندىرۋ كەرەك. عىلىم - تەحنيكا جەتىستىگىن سيلاۋ جۇيەسىن رەفورمالاۋ، كەمەلدەندىرۋ، ماڭىزدىسى ناعىز جاسامپاز ۇلەس قوسقان عالىمدار مەن ءبىرىنشى شەپتەگى عىلىم - تەحنيكا قىزمەتكەرلەرىن سيلاۋ، سيلىق سانىن تىزگىندەپ، سيلاۋ ساپاسىن جوعارىلاتۋ كەرەك.

　　ءماجىلىس بىلاي دەپ اتاپ كورسەتتى: مىندەتتى وقۋ - اعارتۋداعى ەڭ كورنەكتى ماسەلەلەردىڭ ءبىرى ورتا، باستاۋىش مەكتەپ وقۋشىلارىنىڭ جۇگىنىڭ تىم اۋىر بولۋ، الىسقا بويلاي الماۋ، مۇددەگە بەيىمدەلۋ ماسەلەلەرىنىڭ تۇبەگەيلى شەشىلمەۋى بولىپ تابىلادى. وتە - موتە، مەكتەپتەن سىرتقى باۋلۋ قۇرىلىمدارى ءتارتىپسىز دامىعان، «مەكتەپ ىشىندە اۋىرتپالىعىن جەڭىلدەتۋ دارىپتەلگەنىمەن، مەكتەپ سىرتىندا اۋىرتپالىعىن ارتتىرۋ» قۇبىلىسى كورنەكتى ورىن تەۋىپ وتىر. وقۋشىلاردىڭ اۋىرتپالىعىن جەڭىلدەتۋدەگى ءتۇبىرلى ساياسات مەكتەپتىڭ وقىتۋ ساپاسىن جالپى بەتتىك جوعارىلاتۋ، وقىتۋعا تيىستىلەرىن مۇمكىندىگىنشە وقىتۋ، مەكتەپ وقۋ - اعارتۋىنىڭ نەگىزگى شەپتىك رولىن كۇشەيتۋ بولىپ تابىلادى. وقۋ - اعارتۋ، وقىتۋ رەفورماسىن تەرەڭدەتىپ، ساباقحانا وقىتۋىنىڭ ساپاسىن جوعارىلاتىپ، وقىتۋ ءادىسىن ساپالىلاندىرىپ، تاپسىرمانىڭ جالپى مولشەرىن جاپپاي ازايتۋ، ەمتيحان قىسىمىن تومەندەتۋ كەرەك. مەكتەپتەردى ساباقتان كەيىنگى ادام تاربيەلەۋ قيمىلدارىن ورىستەتۋگە شابىتتاندىرۋ، قولداۋ، وقۋشىلاردىڭ الۋان ءتۇرلى قاجەتىن قاناعاتتاندىرۋ كەرەك. وقىتۋشىلار قوسىنى قۇرىلىسىن كۇشەيتىپ، وقىتۋشىلار بايلىعىن ورنالاستىرۋدى ساپالىلاندىرىپ، وقۋ - وقىتۋ ورەسىن جوعارىلاتىپ، وقىتۋشىلاردىڭ ۇقىق - مۇددەسى مەن مامىلەسىن زاڭ بويىنشا قامتاماسىز ەتۋ كەرەك.

　　ءماجىلىس بىلاي دەپ دارىپتەدى: مەكتەپتەن سىرتقى باۋلۋ قۇرىلىمدارىن جالپى بەتتىك ارناعا ءتۇسىرىپ باسقارۋ، قاتاڭ جونگە سالۋدا تاباندى بولۋ، تولىمدىلىق شارتىنا ۇيلەسپەۋ، باسقارۋى بىلىعۋ، ورايدان پايدالانىپ پايدا تابۋ، جالعان ۇگىت جاساۋ، مەكتەپپەن استاسىپ ىرعىن پايداعا كەنەلۋ، ت. ب ماسەلەلەر ورىن تەپكەن قۇرىلىمداردى قاتاڭ تەكسەرىپ ءبىر جاقتى ەتۋ كەرەك. باۋلۋ قۇرىلىمدارىنىڭ اقى الۋ ولشەمىن ايقىنداپ، الدىن الا اقى الۋدى باقىلاۋ - باسقارۋدى كۇشەيتۋ، ءوز ەركىمەن كاپيتالداندىرىپ جۇمىس جۇرگىزۋگە قاتاڭ تيىم سالۋ، ىزگى نيەت سالاسىن پايدا قۋاتىن كاسىپ سالاسىنا اينالدىرماۋ كەرەك. قاتىستى زاڭدى كەمەلدەندىرىپ، مەكتەپتەن سىرتقى باۋلۋ قۇرىلىمدارىن زاڭ بويىنشا باسقارۋ كەرەك. ءار دارەجەلى پارتكوم مەن ۇكىمەت تۇلعالىق جاۋاپكەرلىكتى كۇشەيتىپ، تياناقتاندىرۋ جوباسىن ناقتىلاندىرىپ، ەگجەي - تەگجەيلىلەندىرىپ، عىلمي ۇيىمداستىرىپ، ناقتى ونىمدىلىككە جەتۋگە دەن قويىپ، وقىتۋ، باۋلۋ ءتارتىبىن زاڭ بويىنشا ارناعا ءتۇسىرىپ، ۇقىق - مۇددەنى قورعاۋدى كۇشەيتىپ، رەفورمانىڭ ورنىقتى جۇرگىزىلۋىنە شىنايى كەپىلدىك ەتۋ كەرەك.

　　ءماجىلىس بىلاي دەپ اتاپ كورسەتتى: مەديتسينالىق قىزمەت وتەۋ باعاسى − حالىق بۇقاراسى ەڭ كوڭىل بولەتىن، ەڭ تىكە، ەڭ رەال مۇددە ماسەلەسى. سوڭعى جىلدارى پارتيا ورتالىق كوميتەتى ءبىرسىپىرا رەفورمانى ورنالاستىرىپ، ىلگەرىلەتىپ، ءدارى - دارمەكتەرگە باعا ۇستەۋدى كۇشىنەن قالدىرۋ، ءدارى - دارمەكتى شوعىرلى مولشەرلەپ مەردىگەرلىككە شاقىرىپ ساتىپ الۋ جانە وزىندىك قۇندى مەڭگەرۋدى كۇشەيتۋ ارقىلى ءدارى - دارمەك ماتەريالدارىنىڭ باعاسىن تومەندەتتى، بۇقارانىڭ اۋىرتپالىعىن جەڭىلدەتتى، مەديتسينالىق قىزمەت وتەۋ باعاسىن رەتتەۋگە دە شارت - جاعداي جاراتتى.

　　ءماجىلىس بىلاي دەپ دارىپتەدى: مەديتسينالىق قىزمەت وتەۋ باعا رەفورماسىن تەرەڭدەتۋ ءۇشىن، مەديتسينالىق قىزمەت وتەۋ باعا تۇرلەرىن باسقارۋدى ارناعا ءتۇسىرىپ، نىسانانى باعدار ەتكەن باعا تۇرلەرىن باسقارۋ مەحانيزمىن ورناتىپ، مەديتسينالىق قىزمەت وتەۋ باعا تۇرلەرىنىڭ باعاسىن اناعۇرلىم ويداعىداي ەسەپتەۋ، اناعۇرلىم ويداعىداي اتقارۋ، اناعۇرلىم ويداعىداي باعالاۋ، كلينيكالىق دياگنوز قويۋ - ەمدەۋ مەن باعا باسقارۋ قاجەتىنە اناعۇرلىم ۇيلەسۋ كەرەك. مەديتسينالىق قىزمەت وتەۋ باعاسىن ماكرولىق باسقارۋدى كۇشەيتىپ، ەمدەۋ ىستەرىنىڭ دامۋ قاجەتى مەن ءار جاقتىڭ كوتەرىمدىلىك قۋاتىن ويداعىداي تەڭگەرىپ، جالپى مولشەر كولەمىندە ءتۇيىندى كورنەكتىلەندىرىپ، جوعارىلاۋىنا دا، تومەندەۋىنە دە مۇمكىندىك بەرۋ كەرەك. مەديتسينالىق قىزمەت وتەۋ ەرەكشەلىگىمەن بىرلەستىرىپ تۇرگە ايىرىپ باسقارۋدى كۇشەيتىپ، كەڭ كولەمدى ورىستەتىلگەن جاپپاي قولدانىستاعى تۇرلەرگە قاراتا ۇكىمەت نەگىزگى باعا ولشەمىن تىڭعىلىقتى، جاقسى باسقارۋ كەرەك؛ تەحنيكالىق قيىندىعى اۋىر بولعان كۇردەلى تۇرلەرگە قاراتا ۇكىمەت رولىن ويداعىداي ساۋلەلەندىرىپ، شيپاحانا مەن شيپاگەردىڭ كاسىپتىك ۇسىنىس - پىكىرىنە قۇرمەت ەتىپ، تەحنيكالىق ەڭبەكتىڭ قۇنىن اناعۇرلىم ايگىلەۋ كەرەك. وڭتايلى دا تىنىستى بولعان باعانى يكەمدى رەتتەۋ مەحانيزمىن ورناتىپ، باعانى رەتتەۋدىڭ ىسكە قوسۋ شارت - جاعدايىن جانە تەجەۋ شارت - جاعدايىن ايقىنداۋ كەرەك. باعانى قاداعالاۋ، ساراپتاۋ جانە باقىلاۋ - تەكسەرۋدى جاقسى ىستەپ، باعا مەحانيزمىنىڭ ورنىقتى اينالىمىنا شىنايى كەپىلدىك ەتۋ كەرەك. تۇيىندە سىناق جۇرگىزۋ قىزمەتىن بەلسەندى، ورنىقتى ورىستەتىپ، ۇكىمەتتىك ەمحانالاردىڭ تولەم مەحانيزمى، دارەجەگە ءبولىپ دياگنوز قويۋ - ەمدەۋ، ەمدەۋ اقىسىن مەڭگەرۋ، ەمدەۋ قامسىزداندىرۋى ارقىلى تولەۋ سياقتى قاتىستى رەفورمالارىن ءبىر تۇتاس جوسپارلاپ ىلگەرىلەتىپ، جالپىلىق ونىمدىلىك قالىپتاستىرۋ كەرەك.

　　ءماجىلىس بىلاي دەپ اتاپ كورسەتتى: پارتيا ورتالىق كوميتەتىنىڭ ءبىر تۇتاس ورنالاستىرۋىندا قاتىستى تاراۋلار جانە وڭىرلەر ەكولوگيالىق تولەم ءتۇزىمى قۇرىلىسىن ىلگەرىلەتىپ، ورمان، جايىلىم، سازدىق، ءشول، تەڭىز - مۇحيت، سۋ اعىندارى، ەگىستىك جەر سياقتى 7 سالادا ەكولوگيالىق تولەم مەحانيزمىن ورناتىپ، بەلسەندى ونىمدىلىككە قول جەتكىزدى، ءبىراق تولەممەن قامتۋ كولەمىنىڭ شەكتى بولۋى، ساياسات ماڭىزدى ءتۇيىنىنىڭ كورنەكتى بولماۋى، سيلاۋ - جازالاۋ سەرپىنىنىڭ ءالسىز بولۋى، قاتىستى تۇلعالارمەن سايكەسۋدىڭ قيىن بولۋى سياقتى ماسەلەلەر ءالى دە ورىن تەبۋدە. جاسىل، تومەن كومىرتەكتى دامۋدى جەدەل ىلگەرىلەتۋدى، ەكونوميكالىق، قوعامدىق دامۋدىڭ جالپى بەتتىك جاسىلعا قاراي بۇرىلىس جاساۋىن جەبەۋدى ارقاۋ ەتىپ، تۇرگە ءبولىپ تولەم بەرۋ ءتۇزىمىن كەمەلدەندىرىپ، تولەم ساياساتىنىڭ سايكەستى ىقپالداستىعىن كۇشەيتىپ، ءارقايسى ارنالاردىڭ تولەم قارجىسىن ءبىر تۇتاس جوسپارلاپ، جالپىلىق تولەم بەرۋدى اتقارىپ، ەكولوگيالىق ورتانىڭ جالپى تۇلعالىق قورعالۋىن جەبەۋ كەرەك. زاڭ، اكىمشىلىك، بازار سياقتى تاسىلدەردەن ويداعىداي پايدالانۋدى ءبىر تۇتاس جوسپارلاپ، ەكولوگيانى قورعاۋ تولەمىن، ەكولوگيالىق زيان تولەمىن، ەكولوگيالىق ونىمدەر بازار ايىرباسى مەحانيزمىن، ت. ب ورگانيكالى ۇشتاستىرىپ، تىزە قوسا كۇش سالىپ، سيلاۋدى دا، جازالاۋدى دا جولعا قويىپ، ءبىر جاعىنان، تولەم الىپ، ءبىر جاعىنان، لاستاۋعا استە جول بەرمەۋ كەرەك.

　　ءماجىلىس بىلاي دەپ دارىپتەدى: قالا، اۋىل قۇرىلىسىندا تاريحي مادەني مۇرالاردىڭ قايتا - قايتا ءبۇلدىرىلۋى، ويراندالۋى سياقتى كورنەكتى ماسەلەلەردى كۇش سالا شەشىم ەتىپ، جوعارى دەڭگەيلى ءتۇزىم جوبالاۋدى كۇشەيتىپ، قورعاۋدى، پايدالانۋدى، جالعاستىرۋدى ءبىر تۇتاس جوسپارلاپ، جۇيەلى، تولىق قورعاۋدا تاباندى بولىپ، دارا قۇرىلىستاردى قورعاۋمەن بىرگە، كوشەلەر مەن كوشە اۋماقتارىن، قالا - قالاشىق قۇرىلىمىن دا قورعاۋ، تاريحي اۋماقتاردى، تابيعي تاماشا كورىنىستەردى، گۋمانيتارلىق ورتانى دا جاقسى قورعاۋ كەرەك. ءار دارەجەلى پارتكومنىڭ جانە ۇكىمەتتىڭ قالا، اۋىلدارداعى تاريحي مادەنيەتتى قورعاۋداعى، جالعاستىرۋداعى تۇلعالىق جاۋاپكەرلىگىن كۇشەيتىپ، جوبالاۋدى، قۇرۋدى، باسقارۋدى ءبىر تۇتاس جوسپارلاپ، باقىلاۋ - تەكسەرۋدى جانە جاۋاپكەرلىگىن قۋزاۋدى، ونىمدىلىگىن سۇراستىرۋدى كۇشەيتۋ كەرەك.

　　ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved