شي جينپيڭ دۇنيە جۇزىلىك سالاماتتىق باسشىلار ماجىلىسىنە قاتىناستى ءارى ماڭىزدى ءسوز سويلەدى
2021.05.24 16:07 كەلۋ قاينارى : حالىق تورابى
«حالىق گازەتى»، 5 - ايدىڭ 21 - كۇنى، بەيجيڭ (تىلشىلەر ۋاڭ فاڭ، ياڭ شۇن، ليۋ حۇي). 5 - ايدىڭ 21 - كۇنى كەشتە مەملەكەت ءتوراعاسى شي جينپيڭ ۇسىنىس بويىنشا بەيجيڭدە بەينە ەكران تاسىلىمەن دۇنيە جۇزىلىك سالاماتتىق باسشىلار ماجىلىسىنە قاتىناستى ءارى «ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قول ۇستاسا بىرگە قۇرايىق» تاقىرىبىندا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: ءبىر جىلدان استام ۋاقىتتان بەرى جاڭا تيپتى ايدارشا ۆيرۋس وكپە قابىنۋ ىندەتى بىردە كوتەرىلىپ، بىردە باسەڭدەپ، 100 جىلدان بەرگى ەڭ اۋىر جۇقپالى اۋرۋ ءالى دە قاۋىرت تارالۋدا. ىندەتتى ەرتەرەك جەڭۋ، ەكونوميكانىڭ ارتۋىن قالپىنا كەلتىرۋ − حالىقارالىق قوعامنىڭ ماڭداي الدى مىندەتى. 20 ەل توبىنىڭ مۇشەلەرى دۇنيە جۇزىلىك ىندەتكە قارسى اتتانۋ سەلبەستىگىندە جاۋاپكەرلىك ارقالاپ، ەلەۋلى توسىن الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتى مەن ورەسىن كۇش سالا جوعارىلاتۋى كەرەك.
شي جينپيڭ 5 ءتۇيىندى پىكىرىن ورتاعا قويدى:
ءبىرىنشى، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولۋ. ىندەتكە قارسى اتتانۋدا بارلىعىن حالىق ءۇشىن ىستەۋ ءارى، ءسوزسىز، حالىققا سۇيەنۋ، ءسوز جوق، ايرىقشا زور ساياسي جاۋاپكەرلىك پەن باتىلدىق ارقىلى ەرەكشە شارالار ارقىلى ەرەكشە ىستەرگە توتەپ بەرۋ، ءاربىر ادامنىڭ ءومىرىنىڭ قۇنى مەن ار - نامىسىنا شىن مانىندە قۇرمەت ەتۋ، حالىق بۇقاراسىنىڭ تۇرمىسىنىڭ ىقپالعا از ۇشىراۋىنا، قوعامدىق ءتارتىپتىڭ جالپى تۇلعالىق جاقتان قالىپتى بولۋىنا كەپىلدىك ەتۋ كەرەك.
ەكىنشى، عىلمي شارا قولدانۋدا تاباندى بولىپ، جۇيەلى توتەپ بەرۋدى ءبىر تۇتاس جوسپارلاۋ. دارىلىك جانە دارىلىك ەمەس ارالاسۋ شارالارىن ءبىر تۇتاس جوسپارلاۋ، ۇدايىلاندىرىلعان دالمە - ءدال ساقتانۋ - تىزگىندەۋ مەن توتەنشە جاعدايعا توتەپ بەرۋ بويىنشا ءبىر جاقتى ەتۋدى ءبىر تۇتاس جوسپارلاۋ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ كەرەك. 20 ەل توبىنىڭ مۇشەلەرى جاۋاپكەرلىك ارقالاي وتىرىپ ماكرولىق ەكونوميكا ساياساتتارىن قولدانىپ، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىز، ىركىلىسسىز اينالىمىن قورعاپ، وركەندەپ كەلە جاتقان ەلدەردى، اسىرەسە، قيىنشىلىعى ەرەكشە اۋىر ءالسىز ەلدەردى ۇزدىكسىز قولداۋى كەرەك.
ءۇشىنشى، قيىندىقتى بىلەك بىرىكتىرە جەڭۋدە تاباندى بولىپ، ىنتىماقتاسا سەلبەسۋدى باستاماشىلدىقپەن دارىپتەۋ. ادامزاتتىڭ دەنساۋلىق ساقتاۋ، سالاماتتىق ورتاق تۇلعاسى ۇستانىمىنان جازباي، ءار ءتۇرلى ساياسيلاندىرۋ، بىرەۋگە تاڭۋ، جامان اتتى ەتۋ دامەسىنە باتىل قارسى تۇرۋ كەرەك. ساياسي ويىنمەن اينالىسۋ ءوز ەلىنىڭ ىندەتكە قارسى اتتانۋىنا تيتتەي دە سەپتىگىن تيگىزبەيدى، تەك حالىقارالىق ىندەتكە قارسى اتتانۋ سەلبەستىگىن بىلىقتىرىپ، دۇنيە جۇزىندەگى ءار ەل حالىقتارىنا ءتىپتى دە زور زيان جەتكىزەدى.
ءتورتىنشى، ءادىل، ۇيلەسىمدى بولۋدا تاباندى بولىپ، «يممۋنيتەت جىلعاسىن» تولتىرۋ كەرەك. «يممۋنيتەت ۇلتشىلدىعىن» دوعارىپ، ۆاكسينا ءوندىرىس قۋاتى مەن ۇلەستىرۋ ماسەلەسىن ويداعىداي شەشىپ، وركەندەپ كەلە جاتقان ەلدەردە ۆاكسينانىڭ قولجەتىمدى بولۋىن جانە كوتەرىمدىلىك شاماسىن كۇشەيتۋ كەرەك. ۆاكسينا زەرتتەپ جاساعان جانە وندىرگەن ءىرى ەلدەر جاۋاپكەرلىك ارقالاپ، شۇعىل قاجەتى تۇسكەن وركەندەپ كەلە جاتقان ەلدەردى ۆاكسينامەن كوبىرەك قامداۋى كەرەك. كوپ جاقتى فينانس قۇرىلىمدارى وركەندەپ كەلە جاتقان ەلدەردىڭ ۆاكسينا ساتىپ الۋىنا قارجىلىق قولداۋ كورسەتۋى كەرەك. دۇنيە جۇزىلىك دەنساۋلىق ساقتاۋ ۇيىمى «جاڭا تيپتى ايدارشا ۆيرۋس وكپە قابىنۋى ۆاكسيناسى اتقارۋ جوسپارىن» جىلدام ىلگەرىلەتۋى كەرەك.
بەسىنشى، ۇستىنەن وڭاۋ مەن تۇبىرىنەن وڭاۋدى قاتار يگەرۋدە تاباندى بولىپ، جونگە سالۋ جۇيەسىن كەمەلدەندىرۋ. بىرلەسكەن مەملەكەتتەر ۇيىمى مەن دۇنيە جۇزىلىك دەنساۋلىق ساقتاۋ ۇيىمىنىڭ رولىن كۇشەيتىپ جانە ساۋلەلەندىرىپ، بىرگە اقىلداسۋدا، بىرگە قۇرۋدا، بىرگە يگىلىكتەنۋدە تاباندى بولىپ، وركەندەپ كەلە جاتقان ەلدەردىڭ ۇيلەسىمدى تالاپ - تىلەگىن اناعۇرلىم ويداعىداي بەينەلەۋ كەرەك. باقىلاۋ - ولشەۋ بويىنشا ساقتاندىرۋ جانە توتەنشە جاعدايعا توتەپ بەرۋ بويىنشا اڭىس قايتارۋ قۋاتىن، ەلەۋلى ىندەتتەن قۇتقارۋ - ەمدەۋ قابىلەتىن، توتەنشە جاعدايعا توتەپ بەرۋ زاتتىق ماتەريالدارىن دايىنداۋ جانە قامتاماسىز ەتۋ قۋاتىن، جالعان ينفورماتسيالارعا سوققى بەرۋ قۋاتىن، وركەندەپ كەلە جاتقان ەلدەرگە قولداۋ كورسەتۋ قۋاتىن جوعارىلاتۋ كەرەك.
بۇكىل دۇنيە ءجۇزىنىڭ ىنتىماقتاسا وتىرىپ ىندەتكە قارسى اتتانۋىن ۇزدىكسىز قولداۋ ءۇشىن، شي جينپيڭ مىنانى جاريالادى:
− جۇڭگو الداعى 3 جىل ىشىندە تاعى دا 3 ميلليارد دوللارلىق حالىقارالىق كومەك بەرىپ، وركەندەپ كەلە جاتقان ەلدەردىڭ ىندەتكە قارسى اتتانۋى مەن ەكونوميكالىق، قوعامدىق دامۋدى قالپىنا كەلتىرۋىن قولداۋعا جۇمسايدى.
− جۇڭگو كۇللى دۇنيە ءجۇزىن 300 ميلليون ۆاكسينامەن قامدادى، مۇمكىندىگىنىڭ جەتىسىنشە شەتەلدەردى اناعۇرلىم كوپ ۆاكسينامەن قامدايدى.
− جۇڭگو ءوز ەلىندەگى ۆاكسينا كاسىپورىندارىنىڭ وركەندەپ كەلە جاتقان ەلدەرگە تەحنيكا وتكەرمەلەپ، سەلبەسىپ وندىرۋىنە قولداۋ كورسەتەدى.
− جۇڭگو جاڭا تيپتى ايدارشا ۆيرۋس وكپە قابىنۋى ۆاكسيناسىنىڭ ءبىلىم مەنشىك ۇقىعىن تەكتەمەۋدى قولدايتىنىن جاريالادى، سونداي - اق دۇنيە جۇزىلىك ساۋدا ۇيىمى سياقتى حالىقارالىق قۇرىلىمداردىڭ بۇل جونىندە ەرتەرەك شەشىم جاساۋىن قولدايدى.
− جۇڭگو ۆاكسينا سەلبەستىگى حالىقارالىق تالقى مىنبەرىن ورنالاستىرىپ، ۆاكسينا وندىرگەن، زەرتتەپ جاساعان ەلدەردىڭ، كاسىپورىنداردىڭ، مۇددەلى جاقتاردىڭ دۇنيە جۇزىندەگى ۆاكسينانىڭ ءادىل، ۇيلەسىمدى ۇلەستىرىلۋىن قالاي ىلگەرىلەتۋدى بىرگە اقىلداسۋىن دارىپتەيدى.
شي جينپيڭ ەڭ سوڭىندا بىلاي دەپ دارىپتەدى: قول ۇستاسا، تىزە قوسا ىلگەرىلەپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە جەبەپ، ادامزاتتىڭ سالاماتتى، تاماشا بولاشاعىن بىرگە قورعايىق! (ءسوزدىڭ تولىق مازمۇنى «حالىق گازەتىنىڭ» 2 – بەتىندە جاريالاندى)
دۇنيە جۇزىلىك سالاماتتىق باسشىلار ءماجىلىسىن 20 ەل توبىنا ءتوراعا ەل يتاليا مەن ەۆروپا وداعى كوميتەتى بىرگە باستاما كوتەرىپ وتكىزدى. ءماجىلىس بەينە ەكران تاسىلىندە وتكىزىلدى، نەگىزىنەن ىندەتكە سەلبەسە توتەپ بەرۋ، بۇدان بىلايعى زور تارالۋدان ساقتانۋدى كۇشەيتۋ سياقتى ماسەلەلەردى تالقىلادى. باسشىلار باس قوسۋى «ريم جارناماسىن» جاريالاپ، 20 ەل توبىنىڭ ىنتىماقتى كۇشەيتەتىنىن، سەلبەستىكتى تەرەڭدەتەتىنىن، عىلمي شارا قولداناتىنىن، حالىقتى ىندەتتەن ساقتانۋ - تىزگىندەۋ قىزمەتىندە وزەكتى ورىنعا قويىپ، فينانس، ۆاكسينا سياقتى جاقتاردا وركەندەپ كەلە جاتقان ەلدەرگە قولداۋدى ارتتىراتىنىن قايتالاي دارىپتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
