ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرىپ ورىستەتىپ، ارناۋلى كۇرەستىڭ جەتىستىكتەرىن بەكەمدەۋ جونىندەگى پىكىردى» باسىپ تاراتتى
2021.05.21 15:56 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 20 - كۇنى، بەيجيڭ. تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرىپ ورىستەتىپ، ارناۋلى كۇرەستىڭ جەتىستىكتەرىن بەكەمدەۋ جونىندەگى پىكىردى» باسىپ تاراتىپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ۇدايىلاندىرۋ جونىندە ورنالاستىرۋ جاسادى.
«پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، حالىقتى وزەك ەتكەن دامۋ يدەياسىن بەرىك ورناتىپ، جۇيەلى جونگە سالۋدى، زاڭ بويىنشا جونگە سالۋدى، جان - جاقتى جونگە سالۋدى، تۋ باستان جونگە سالۋدى كۇشەيتىپ، قارا، سۇرقيا كۇشتەردىڭ زاڭعا قايشى قىلمىستارىنا قاتاڭ سوققى بەرۋدىڭ تەگەۋرىندى كۇيىن ۇزدىكسىز ساقتاپ، ءونىمدى تىكسىندىرۋ جاعدايىن قالىپتاستىرۋ كەرەك. توراپ ءىشى - سىرتىن ۇشتاستىرۋدا تاباندى بولىپ، قارا كۇشتەرگە، سۇرقيا كۇشتەرگە ساياتىن قىلمىستاردىڭ جاڭا بەتالىسىن دۇرىس يگەرىپ، كاسىپ سالاسىن باقىلاۋ - باسقارۋدى جانە ارناۋلى جونگە سالۋدى ۇزدىكسىز كۇشەيتىپ، ءىرىپ - شىرۋگە قارسى تۇرۋداعى «شىبىندى قاعۋمەن»، نەگىزگى ساتى ۇيىمدىق قۇرىلىسىن كۇشەيتۋمەن ۇشتاستىرىپ، پارتكوم باسشىلىق ەتەتىن، ۇكىمەت جاۋاپتى بولاتىن، دەموكراتيالىق كەڭەسەتىن، قوعام سايكەسەتىن، بۇقارا ات سالىساتىن، زاڭمەن جونگە سالۋ ارقىلى قامتاماسىز ەتەتىلەتىن، عىلىم - تەحنيكا تىرەك بولاتىن قوعامدىق جونگە سالۋ جۇيەسىن ۇزدىكسىز كەمەلدەندىرىپ، قالا وڭىرىندەگى قوعامدى جونگە سالۋدىڭ وسىزاماندانۋىن جەدەل ىلگەرىلەتىپ، حالىق بۇقاراسىنىڭ تابىس، باقىت، حاۋىپسىزدىك سەزىمىن جەتەكشى ەتكەن باعالاۋ جۇيەسىن ۇزدىكسىز اقاۋسىزداندىرىپ، قارا كۇشتەردى الاستاۋدى، سۇرقيا كۇشتەردى جويۋدى زاڭمەن جونگە سالۋ، ارناعا ءتۇسىرۋ، ارنايىلاندىرۋ دەڭگەيىن ۇزدىكسىز جوعارىلاتىپ، پارتيانىڭ بيلىك جۇرگىزۋ نەگىزىن شىنايى بەكەمدەپ، حالىقتىڭ الاڭسىز تىرشىلىك ەتۋىنە، قوعامنىڭ تىنىش، ءتارتىپتى بولۋىنا، مەملەكەتتىڭ باياندى تىنىشتىعىنا شىنايى كەپىلدىك ەتىپ، جۇڭگوشا سوتسياليستىك تۇزىمدە تاباندى بولۋعا جانە ونى كەمەلدەندىرۋگە، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە بەرىك نەگىز قالاۋ كەرەك.
«پىكىردە» مىنالار العا قويىلدى: تۋ باستان جونگە سالۋدىڭ ساقتانۋ، جونگە سالۋ مەحانيزمىن ورناتۋ جانە كەمەلدەندىرۋ كەرەك. ارناۋلى رەتتەۋ - وڭاۋدى ۇزدىكسىز ورىستەتىپ، كاسىپ سالاسىن باقىلاۋ - باسقارۋدى جاپپاي كۇشەيتىپ، فينانستىق قارىز بەرۋ، ينجەنەريا قۇرىلىسى، قاتىناس - تاسىمال، بازار اينالىمى، جاراتىلىستىق بايلىق، ەكولوگيالىق ورتا، مادەنيەت - ساياحات، وقۋ - اعارتۋ، دەنساۋلىق ساقتاۋ، ينفورماتسيا تورابى جانە قوعام اماندىعى سياقتى سالالارداعى ورىن تەپكەن كورنەكتى ماسەلەلەر مەن بىلىقپالىقتاردى ۇستىنەن وڭاۋ مەن تۇبىرىنەن وڭاۋدى ءتۇيىندى تۇردە كۇشەيتىپ، نەگىزگى ساتى ۇيىمىن ۇزدىكسىز بەكەمدەپ، «قىستاق زورەكەرلەرى» سياقتى قارا، سۇرقيا كۇشتەر ازدىرۋ، كەدەرگىلىك جاساۋ، اۋلەتتىك، رۋلىق كۇشتەردىڭ ىقپالى اۋىر بولۋ سياقتى ماسەلەلەردەن ۇزدىكسىز ساقتانۋ جانە ونى جونگە سالۋ كەرەك. زەردەلى، جاريا اشكەرەلەۋ، سيلاۋ مەحانيزمىن ورناتۋ جانە كەمەلدەندىرۋ كەرەك. دەرەكتەردى مالىمدەۋ ارناسىن ىركىلىسسىزدەندىرىپ، مەملەكەتتىك قارا كۇشتەردى الاستاۋ، سۇرقيا كۇشتەردى جويۋ كەڭسەسى 12337 زەردەلى اشكەرەلەۋ تۇعىرىن ۇدايىلاندىرىپ ىسكە قوسىپ، بۇقارا اشكەرەلەگەن قارا، سۇرقيا كۇشتەرگە ساياتىن دەرەكتەردى تابىستاپ بىتىرۋگە ءبىر تۇتاس ءبولىپ، دارەجە بويىنشا تەكسەرۋ جانە جوعارى دارەجەلى ورىندار قايتا تەكسەرىپ ءبىر جاقتى ەتۋ ءتۇزىمىن اتقارىپ، ولكە، قالا، اۋدان سىندى اشكەرەلەنگەن دەرەكتەردى تەكسەرۋدىڭ 3 دارەجەلى بىرلەسىپ ارەكەتتەنۋ مەحانيزمىن ورناتىپ، جالپى جاعدايعا تۇجىرىم جاساۋدى كۇشەيتۋ كەرەك. ەرتە سوققى بەرۋ، ۇلعايماي تۇرعاندا سوققى بەرۋ سىندى زاڭ بويىنشا جازالاۋ مەحانيزمىن ورناتۋ جانە كەمەلدەندىرۋ كەرەك. ءىرى ساندى مالىمەت، بۇلتتىق ەسەپتەۋ سياقتىلار ارقىلى قارا، سۇرقيا كۇشتەرگە ساياتىن قىلمىستاردىڭ جاڭا بەتالىسىنا ىشكەرىلەي تالداۋ جاساپ، زەرتتەۋ جۇرگىزىپ، ءتۇيىندى ادامدار، ءتۇيىندى ورىندار، ءتۇيىندى سالالار سياقتىلاردان قارا، سۇرقيا كۇشتەرگە ساياتىن دەرەكتەردى تەكسەرىپ، تۇجىرىمداپ، باس كوتەرگەن زامان سوققى بەرۋدە، سوڭعى زاردابىن جويۋدا تاباندى بولىپ، كۇندەلىكتى باقىلاۋدى كۇشەيتىپ، ءتارتىپ پەن زاڭنىڭ سايكەسۋىن كۇشەيتىپ، زاڭ - ەرەجەلەردى جانە قاتىستى ءادىليالىق تۇسىندىرمەلەردى، ولشەمدى قۇجاتتاردى قاتاڭ اتقارىپ، حالىقتىق كاسىپورىنداردىڭ زاڭدى ۇقىق - مۇددەسىن زاڭ بويىنشا قورعاپ، قارا كۇشتەردى الاستاۋ، سۇرقيا كۇشتەردى جويۋ كۇرەسىنىڭ باستان - اياق زاڭمەن جونگە سالۋ ارناسىندا جۇرىلۋىنە كەپىلدىك ەتۋ كەرەك. دالمە - ءدال، ءونىمدى قۋزاۋ - جەتەكشىلىك ەتۋ، قۋزا ءبىتىرۋ مەحانيزمىن ورناتۋ جانە كەمەلدەندىرۋ كەرەك. ورتالىقتا قارا كۇشتەردى الاستاۋعا، سۇرقيا كۇشتەردى جويۋعا قۋزاۋ - جەتەكشىلىك ەتۋدى، باقىلاۋ - تەكسەرۋدى مەرزىم بويىنشا ورىستەتىپ، ولكە، قالا، اۋدان 3 دارەجەلى ورىندار بىرلەسىپ قۋزاۋ - جەتەكشىلىك ەتۋدى، باقىلاۋ - تەكسەرۋدى ورىستەتۋ، مەملەكەتتىك قارا، سۇرقيا كۇشتەردى الاستاۋ كەڭسەسى ءار جىلى ءبىر توپ ءىرى، ماڭىزدى دەلوعا قاراتا ماڭدايشالىق ءىلىپ قۋزاۋشىلىق ەتۋ، مەملەكەتتىك قارا، سۇرقيا كۇشتەردى الاستاۋ كەڭسەسى ارنايى جىبەرگەن قۋزاۋ – جەتەكشىلىك ەتۋ ارناۋلى قىزمەتكەرلەرى قوسىنىن ساقتاپ قالۋ ءارى ونىڭ قۇرىلىمىن ۇزدىكسىز ساپالىلاندىرۋ، ولكە، قالا، اۋدان سىندى 3 دارەجەلى ورىندار ءىس جۇزىندىكپەن ۇشتاستىرىپ، قۋزاۋ – جەتەكشىلىك ەتۋ ارناۋلى قىزمەتكەرلەرى قوسىنىن ۇيىمداستىرۋ، باقىلاۋشىلاردى ارناۋلى جىبەرۋ ءىسىن اۋقىمدىق ورىستەتىپ، ماسەلەلەردى دەر كەزىندە بايقاپ، دەر كەزىندە شەشىپ، قۋزاۋ - جەتەكشىلىك ەتۋ تاسىلدەرىن ۇزدىكسىز جاقسارتىپ، نەگىزگى ساتى كادرلارىنىڭ اناعۇرلىم كوپ زەيىن - زەردەسىن ءبىرىنشى شەپتە قىزمەت ىستەۋگە جۇمساۋىنا مۇمكىندىك جاساۋ كەرەك. شابىتتاندىرۋ، تەجەۋ سىندى تەكسەرۋ، باعالاۋ مەحانيزمىن ورناتۋ جانە كەمەلدەندىرۋ كەرەك. قارا كۇشتەردى الاستاۋ، سۇرقيا كۇشتەردى جويۋ كۇرەسىن تىنىش جۇڭگو قۇرىلىسىن باعالاۋ جۇيەسىنە ەنگىزىپ، تىنىش جۇڭگو قۇرىلىسىن سارالاۋدىڭ، ماداقتاۋدىڭ ماڭىزدى نەگىزى ەتىپ، ناتيجەسى كورنەكتى رايونداردى، ورىنداردى جانە جەكەلەردى حابارلاندىرۋ شىعارىپ ماداقتاپ، سوققى بەرۋگە باتىلدىق ەتپەگەن، شىنايى سوققى بەرمەگەن، سوققى بەرۋدى ىشكەرىلەي جۇرگىزبەگەن جەرگىلىكتى ورىنداردى ءتۇيىندى تۇردە حابارلاندىرۋ شىعارىپ سىنداۋ، قۋزاۋ سالۋ، بۇقارانىڭ باعالاۋىنا قۇلاق اسىپ، حالىقتىڭ ونىمدىلىكتى سەزىنۋىنە كۇش سالىپ، قارا، سۇرقيا كۇشتەردىڭ زاڭعا قايشى قىلمىستارىنا قاراتا جاۋاپقا تارتۋ، قايتا تەكسەرۋ مەحانيزمىن ورناتۋدى، كەمەلدەندىرۋدى ىلگەرىلەتۋ كەرەك. ۇزدىكسىز ىلگەرىلەيتىن ۇيىمدىق باسشىلىق مەحانيزمىن ورناتۋ جانە كەمەلدەندىرۋ كەرەك. بۇرىنعى مەملەكەتتىك قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە باسشىلىق ەتۋ گرۋپپاسىنىڭ قۇرامى مەن جۇمىس بولىسىنەن پايدالانىپ، ورتالىقتا مەملەكەتتىك قارا كۇشتەردى الاستاۋ، سۇرقيا كۇشتەردى جويۋ كۇرەسىنە باسشىلىق ەتۋ گرۋپپاسىن جانە ونىڭ كەڭسەسىن قۇرۋ، ءار دارەجەلى پارتكومدار مەن قاتىستى تاراۋلار سايكەستى باسشىلىق پەن ءىس باسقارۋ قۇرىلىمدارىن ساقتاپ، قارا كۇشتەردى الاستاۋ، سۇرقيا كۇشتەردى جويۋ كۇرەسىن ەكونوميكالىق، قوعامدىق دامۋدىڭ جالپى جاعدايىنا ەنگىزىپ جوسپارلاپ، ىلگەرىلەتىپ، جالپىلىق قامتاماسىزداندىرۋدى كۇشەيتىپ، كاسىپتىك قوسىندى نىعايتىپ، ۇنامدى ۇگىتتى كۇشەيتىپ، حالىق بۇقاراسىنىڭ زاڭ ارقىلى قارا، سۇرقيا كۇشتەرمەن كۇرەسۋ سەنىمى مەن قابىلەتىن كۇشەيتۋ كەرەك.
«پىكىردە» مىنالار دارىپتەلدى: جەر - جەردەگى پارتيا، ۇكىمەت ورىندارىنداعى نەگىزگى جاۋاپتى جولداستار − قارا كۇشتەردى الاستاۋ، سۇرقيا كۇشتەردى جويۋ كۇرەسىنىڭ ءبىرىنشى جاۋاپتى ادامى، ولار وزدەرى اقىلداسىپ، ورنالاستىرۋ جاساپ، جاۋاپكەرلىكتى باتىلدىقپەن ارقالاپ، قيىندىقتاردان تايسالماي قامال الىپ، قارا كۇشتەردى الاستاۋ، سۇرقيا كۇشتەردى جويۋ كۇرەسىنە تۋدى ايقىن ۇستاي وتىرىپ قولداۋ كورسەتىپ، ساياسي - زاڭ ورگاندارىنىڭ دەلونى زاڭ بويىنشا ءبىر جاقتى ەتۋىنە جانە قاتىستى تاراۋلاردىڭ مىندەتىن زاڭ بويىنشا اتقارىپ، «باسقالقالاردى» ىشكەرىلەي انىقتاپ، تۇبەگەيلى تەكسەرۋىنە پارمەندى قولداۋ كورسەتۋى كەرەك. ءار دارەجەلى ساياسي - زاڭ ورگاندارىنداعى نەگىزگى جاۋاپتى جولداستار − قارا كۇشتەردى الاستاۋ، سۇرقيا كۇشتەردى جويۋ كۇرەسىنىڭ تىكە جاۋاپتى ادامى، جوعارى دارەجەلى ساياسي - زاڭ ورگاندارى تومەن دارەجەلى قارا كۇشتەردى الاستاۋ، سۇرقيا كۇشتەردى جويۋ كۇرەسىنە قۋزاۋ - جەتەكشىلىك ەتۋدى، تەكسەرۋدى كۇشەيتىپ، جەتەكشىلىك ەتۋ، سايكەستىرۋ مەن قولداۋ، كومەكتەسۋدى كۇشەيتىپ، ءتۇرلى قىزمەت بەتالىسىنىڭ دۇرىس، ناقتى تياناقتانۋىنا كەپىلدىك ەتۋى كەرەك. ءار سالاداعى باقىلاۋ - باسقارۋ تاراۋلارىنداعى نەگىزگى جاۋاپتى جولداستار − ءوز سالاسىن جونگە سالۋداعى ءبىرىنشى جاۋاپتى ادام، ولار كاسىپ سالاسىن جونگە سالۋدا جالپى بارىسقا باسشىلىق ەتىپ، وتكەلدى جاپپاي يگەرىپ، كاسىپ سالاسىنداعى قاتىستى ەرەجە - تۇزىمدەردى كەمەلدەندىرۋدى، تياناقتاندىرۋدى ىلگەرىلەتىپ، بايقالعان ماسەلەلەردى تۇبەگەيلى تەكسەرىپ، استە ىرقىنا جىبەرمەي، ەرەجە، ءتارتىپ، زاڭ بويىنشا جاۋاپكەرلىكتى قاتاڭ قۋزاپ، كاسىپ سالاسىنداعى بىلىقپالىقتىڭ قارا، سۇرقيا كۇشتەرگە ساياتىن ماسەلەگە اينالۋىنان باتىل ساقتانۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
