ءۇندىستاندا بايقالعان وزگەرگەن ۆيرۋس قالامشاسى 3 مىڭ تۇردەن اسقان! ەلىمىزدىڭ ۆاكسيناسى وعان توتەپ بەرە الا ما؟

2021.05.21 13:12   كەلۋ قاينارى : حالىق تورابى

　　ءۇندىستاندا ۆيرۋستىڭ وزگەرگەن ءتۇرى 3 مىڭنان استى

　　جۇڭگو اۋرۋدى تىزگىندەۋ ورتالىعىنىڭ ەپيدەميولوگيا سالاسى بويىنشا باس مامانى ۋ زۇنيوۋدىڭ 5 – ايدىڭ 20 – كۇنى مەملەكەتتىك بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە ايتۋىنشا، دۇنيە جۇزىلىك دەنساۋلىق ساقتاۋ ۇيىمىنىڭ ۆيرۋس قالامشالارىنىڭ وزگەرۋ جاعدايىن باقىلاۋ تورابىنا قاراعاندا، ءۇندىستاندا وزگەرگەن ۆيرۋس قالامشالارىنىڭ سانى 3 مىڭنان اسقان، الايدا، تەك ءبىر ءبولىمى عانا جوعارىعا مالىمدەلگەن. ءتۇرى وزگەرگەن ۆيرۋس قالامشالارىنىڭ سانى قانشالىق كوپ بولعان سايىن، جاعداي دا سونشالىق كۇردەلىبولادى دەگەننەن دەرەك بەرمەيدى، قايتا ونىڭ وزگەرىسىنىڭ سيپاتىنا قاراۋ كەرەك، بولىمسىز وزگەرىستەرگە نازار سالۋدىڭ قاجەتى جوق.

　　قازىر ءتۇرى وزگەرگەن ۆيرۋس قالامشالارى ءۇش توپقا بولىنەدى: ءبىرىنشىسى، ەرەكشە ساق بولۋدى قاجەت ەتەدى، بۇعان انگليا، وڭتۇستىك افريكا، برازيليا ەلدەرىندە بايقالعان ءتۇرى وزگەرگەن قالامشالار قامتىلادى؛ ەكىنشىسى، نازار اۋدارۋعا تاتيدى، بۇعان ءۇندىستاندا بايقالعان ۆيرۋس قالامشالارى قامتىلادى؛ ءۇشىنشسى، باسقا وزگەرگەن تۇرلەرى، بۇلارعا ەرەكشە نازار اۋدارۋدىڭ قاجەتى جوق.

　　ەلىمىزدىڭ قازىرگى ۆاكسيناسى ءۇندىستاندا بايقالعان ءتۇرى وزگەرگەن قالامشاعا توتەپ بەرە الادى

　　جۇڭگو اۋرۋدى تىزگىندەۋ ورتالىعىنىڭ زەرتتەرمەنى، عىلىمي زەرتتەۋدە قامال الۋ گرۋپپاسىنىڭ ۆاكسينانى زەرتتەۋ ارناۋلى توبى ماماندار گرۋپپاسىنىڭ مۇشەسى شاۋ يميڭ 5 – ايدىڭ 20 – كۇنى اقپار جاريالاۋ ماجىلىسىندە مىنانى ءبىلدىردى: العاشقى قادامداعى زەرتتەۋ ناتيجەسىنە قاراعاندا، ەلىمىزدىڭ قازىرگى ۆاكسينالارى ءۇندىستاندا بايقالعان وزگەرگەن ۆيرۋس قالامشالارىنا توتەپ بەرىپ، بەلگىلى دەڭگەيدە ساقتىق رولىن اتقارادى. ۆيرۋس ۇزدىكسىز وزگەرۋ بارىسىندا، وزگەرگەن ءتۇرى تاعى دا كوبەيە تۇسەدى، ەلىمىزدە قازىر بار ۆاكسينالار توتەپ بەرە المايتىن وزگەرگەن ۆيرۋس قالامشالارى بايقالسا، ەلىمىزدىڭ جويعىش ۆاكسيناسى ارقىلى تەز ارادا توتەپ بەرەتىن ءتاسىل ويلاستىرىلعان.

　　كەلۋ قاينارى: حالىق تورابى