شي جينپيڭ رەسەيدىڭ زۇڭتۇڭى پۋتينمەن بىرگە جۇڭگو مەن رەسەيدىڭ يادرو ەنەرگياسى سەلبەستىك نىسانىنىڭ جۇمىس باستاۋ سالتىنا كۋا بولدى
2021.05.20 15:17
شينحۋا اگەنتتىگى، 5 - ايدىڭ 19 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 19 - كۇنى تۇستەن كەيىن بەيجيڭدە بەينە ەكران تاسىلىمەن جەلىگە قوسىلىپ، رەسەيدىڭ زۇڭتۇڭى پۋتينمەن بىرگە ەكى ەلدىڭ يادرو ەنەرگياسى سەلبەستىك نىسانى − تيانۋان يادرو ەلەكتر ستانسياسى مەن شۇيداباۋ يادرو ەلەكتر ستانسياسىنىڭ جۇمىس باستاۋ سالتىنا كۋا بولدى.
بەيجيڭ ۋاقىتى ساعات 17 مولشەرىندە شي جينپيڭ حالىق سارايىنىڭ نەگىزگى ءماجىلىس الاڭىنا بارىپ، كرەمل سارايىنىڭ نەگىزگى جينالىس الاڭىنداعى پۋتينمەن ءوزارا قول بۇلعاپ قۇرمەت ءبىلدىردى.
مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ مەن رەسەي زۇڭليىنىڭ ورىنباسارى نوۋاك سالتتى بىرگە باسقاردى.
جۇڭگو مەن رەسەيدىڭ قاتىستى تاراۋلارى مەن جەرگىلىكتى ورىندارىنىڭ جاۋاپتىلارى، ينجەنەريا قۇرىلىسشىلارىنىڭ ۋاكىلدەرى بەينە ەكران ارقىلى جەكە - جەكە جياڭسۋ ولكەسى ليانيۇنگاڭ قالاسى تيانۋان يادرو ەلەكتر ستانسياسى بولىمشە الاڭىندا، لياۋنيڭ ولكەسى حۋلۋداۋ قالاسى شۇيداباۋ يادرو ەلەكتر ستانسياسى بولىمشە الاڭىندا، ماسكەۋ ۇكىمەت عيماراتى بولىمشە ءماجىلىس الاڭىندا، روستوۆ وبلىسىنىڭ اتوم ەنەرگياسى ماشينالارىن جاساۋ زاۆودى بولىمشە الاڭىندا سالتقا قاتىناستى. ەكى ەل كاسىپورىندارىنىڭ جاۋاپتىلارى جەكە - جەكە ەكى ەل باسشىلارىنا نىساننىڭ ىلگەرىلەۋ جاعدايىنان مالىمەت بەردى.
ەكى ەلدىڭ مەملەكەت باسشىلارى جەكە - جەكە ءسوز سويلەدى.
شي جينپيڭ جۇڭگو مەن رەسەيدىڭ يادرو ەنەرگياسى سەلبەستىك نىسانىندا جۇمىس باستالعانىن قىزۋ قۇتتىقتاپ، ەكى ەلدىڭ قۇرىلىسشىلارىنا وسكەلەڭ قۇرمەت ءبىلدىردى. شي جينپيڭ مىنالاردى اتاپ كورسەتتى: بيىل − «جۇڭگو مەن رەسەيدىڭ تاتۋ كورشىلىك، دوستىق سەلبەستىك شارتىنا» قول قويىلعانىنىڭ 20 جىلدىعى. پۋتين زۇڭتۇڭ ەكەۋىمىز ەكى جاقتى قاتىناستىڭ العا قاراي دامۋىن اناعۇرلىم جوعارى دەڭگەيدە، اناعۇرلىم كەڭ سالادا، اناعۇرلىم تەرەڭ دەڭگەيدە ىلگەرىلەتۋدى اقىلداسىپ بەلگىلەدىك. عاسىرلىق ىندەت قاباتتاسقان 100 جىلدىق وزگەرىس الدىندا جۇڭگو مەن رەسەي ءبىر - ءبىرىن باتىل قولداپ، ءونىمدى سەلبەستىكتى جيىلەتىپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ تەرەڭ ءمانىن جاندى ءتۇسىندىردى.
شي جينپيڭ مىنالاردى دارىپتەدى: ەنەرگيا سەلبەستىگى − باستان - اياق ەكى ەلدىڭ ناقتى سەلبەستىگىندەگى سالماعى ەڭ اۋىر، تابىسى ەڭ كوپ، كولەمى ەڭ كەڭ سالا، يادرو ەنەرگياسى − ونداعى ستراتەگيالىق الدىمەن سەلبەستىك جاساۋ بەتالىسى، ءبىر قىدىرۋ كەلەلى نىسان ىركەس - تىركەس سالىنىپ، وندىرىسكە قوسىلدى. بۇگىن جۇمىس باستاعان 4 يادرو ەلەكتر اگراگراتى − جۇڭگو مەن رەسەيدىڭ يادرو ەنەرگياسى سەلبەستىگىندەگى تاعى ءبىر كەلەلى بوگەنايلىق تابىس. شي جينپيڭ مىناداي ءۇش ءتۇرلى ءۇمىتىن ورتاعا قويدى.
ءبىرىنشى، حاۋىپسىزدىكتى ءبىرىنشى ورىنعا قويۋدا تاباندى بولىپ، دۇنيە جۇزىلىك يادرو ەنەرگياسى سەلبەستىگىنىڭ ۇلگىسىن ورناتۋ كەرەك. 4 اگراگراتتى جوعارى ساپامەن، جوعارى ولشەممەن قۇرىپ جانە ويداعىداي ىسكە قوسىپ، يادرو حاۋىپسىزدىگى سالاسىندا دۇنيە جۇزىلىك ۇلگى قالىپتاستىرۋ كەرەك. ءبىرىن - ءبىرى تولىقتاۋ ابزالدىعىن تولىق ساۋلەلەندىرىپ، يادرو سالاسىنداعى ەكى جاقتى جانە كوپ جاقتى سەلبەستىكتىڭ كەڭدىگى مەن تەرەڭدىگىن كەڭەيتىپ، دۇنيە ءجۇزىنىڭ يادرو ەنەرگياسى ىستەرىنىڭ دامۋىنا اناعۇرلىم كوپ كۇش قوسۋ كەرەك.
ەكىنشى، جاڭالىق اشۋ ارقىلى دەم بەرۋدە تاباندى بولىپ، يادرو ەنەرگياسى عىلىم - تەحنيكا سەلبەستىگىنىڭ مازمۇنىن تەرەڭدەتۋ كەرەك. يادرو جاعىنان ورتانى قورعاۋ، يادرولىق ەمدەۋ، يادرولىق جانار زات، وزىق يادرو ەلەكتر تەحنيكاسىن ماڭىزدى تۇتقا ەتىپ، يادرو ەنەرگياسى سالاسىنداعى نەگىزدىك زەرتتەۋ، شەشۋشى تەحنيكالاردى زەرتتەۋ - اشۋ، جاڭالىق اشۋ جەتىستىكتەرىن وندىرگىش كۇشكە اينالدىرۋ سياقتى سەلبەستىكتى تەرەڭدەتىپ، يادرو ەنەرگياسى كاسىبى مەن جاڭا بۋىن سيفرلى تەحنيكانىڭ ىشكەرىلەي توعىسۋىن ىلگەرىلەتىپ، دۇنيە جۇزىلىك يادرو ەنەرگياسىندا جاڭالىق اشا دامۋعا اناعۇرلىم كوپ اقىل - پاراسات قوسۋ كەرەك.
ءۇشىنشى، ستراتەگيالىق سەلبەستىكتە تاباندى بولىپ، دۇنيە جۇزىلىك ەنەرگيانى جونگە سالۋ جۇيەسىنىڭ سايكەستى دامۋىن ىلگەرىلەتۋ كەرەك. اناعۇرلىم ءادىل، ادىلەتتى، تەپە - تەڭ، جالپىعا ءتيىمدى، اشىق، بىرگە يگىلىكتەنەتىن دۇنيە جۇزىلىك ەنەرگيانى جونگە سالۋ جۇيەسىن قۇرۋدى ىلگەرىلەتىپ، دۇنيە جۇزىلىك ەنەرگيانى جونگە سالۋعا اناعۇرلىم كوپ جوبا قوسۋ كەرەك. كليمات وزگەرىسىنە توتەپ بەرۋ − ءار ەلدىڭ ورتاق مىندەتى. جۇڭگو مەن رەسەي ءتىپتى دە كوپ تومەن كومىرتەكتى سەلبەستىك نىسانىن ىلگەرىلەتىپ، دۇنيە ءجۇزىنىڭ باياندى دامۋ نىساناسىن جۇزەگە اسىرۋدا سىندارلى رول اتقارۋى كەرەك.
پۋتين مىنانى ءبىلدىردى: تيانۋان يادرو ەلەكتر ستانسياسى مەن شۇيداباۋ يادرو ەلەكتر ستانسياسىنىڭ جۇمىس باستاعانىن قىزۋ قۇتتىقتايمىن، رەسەي جۇڭگومەن بىرگە قۇلشىنىپ، ينجەنەريا قۇرىلىسىن ءساتتى، حاۋىپسىز ىلگەرىلەتۋگە سەنىمدى. بيىل − «رەسەي - جۇڭگو تاتۋ كورشىلىك، دوستىق سەلبەستىك شارتىنا» قول قويىلعانىنىڭ 20 جىلدىعى، رەسەي - جۇڭگو قاتىناسى تاريحتاعى ەڭ جاقسى مەزگىلدە جانە ەڭ جوعارى دەڭگەيدە تۇر، ءتوراعا شي جينپيڭمەن كەلىسكەن ورتاق تانىمدارىمىز تۇگەلدەي ويداعىداي تياناقتانىپ، ەكى ەلدىڭ سەلبەستىك سالاسى كۇن سايىن كەڭەيدى. يادرو ەنەرگياسىنان بەيبىت پايدالانۋ سەلبەستىگى − رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ ماڭىزدى قۇرامداس بولەگى، بۇگىن جۇمىس باستالعان 4 يادرو ەلەكتر اگراگراتى نىسانىنىڭ رەسەي - جۇڭگو قاتىناسىنىڭ ونان ارى دامۋىنا تىڭ ومىرشەڭدىك كۇش قوسىپ قانا قويماي، كومىرتەگى قوس توتىعىن ىعىستىرۋدى جوعارى مانگە جەتكىزۋ، كومىرتەگىن بەيتاراپتاندىرۋ نىساناسىن جۇزەگە اسىرۋعا دا دەم بەرىپ، دۇنيە ءجۇزىنىڭ كليمات وزگەرىسىنە توتەپ بەرۋ، ادامزاتتىڭ باياندى دامۋىن جۇزەگە اسىرۋ جولىندا بەلسەندى قۇلشىنىس جانە ۇلەس بولىپ قوسىلاتىنىنا سەنەمىن.
تيانۋان يادرو ەلەكتر ستانسياسى بولىمشە الاڭىندا جانە شۇيداباۋ يادرو ەلەكتر ستانسياسى بولىمشە الاڭىندا جۇڭگو جاقتىڭ ۋاكىلدەرى ەكى ەل باسشىلارىنا: « جۇمىس باستاۋ دايىندىعى اياقتالدى» دەپ مالىمەت بەردى.
شي جينپيڭ: «جۇمىس باستالسىن!» دەپ بۇيرىق بەردى.
اتوم ەنەرگياسى ماشينالارىن جاساۋ زاۆودى بولىمشە ءماجىلىس الاڭىنداعى رەسەي جاقتىڭ ۋاكىلدەرى ەكى ەل باسشىلارىنا: «جابدىق ورناتىلىپ بولدى» دەپ مالىمەت بەردى.
پۋتين: «ىسكە قوسىلسىن!» دەپ بۇيرىق بەردى.
تيانۋان يادرو ەلەكتر ستانسياسى مەن شۇيداباۋ يادرو ەلەكتر ستانسياسىنىڭ جۇمىس باسىندا ءبىرىنشى كۇبى سەمەنت قۇيىلىپ، نىساندا رەسمي جۇمىس باستالدى.
ياڭ جيەچى، ۋاڭ ي قاتارلىلار جوعارىداعى قيمىلدارعا قاتىناستى.
تيانۋان يادرو ەلەكتر ستانسياسى 7 -، 8 - ءنومىرلى اگراگراتتارى مەن شۇيداباۋ يادرو ەلەكتر ستانسياسى 3 -، 4 - ءنومىرلى اگراگراتتارى 2018 - جىلى 6 - ايدا ەكى ەل باسشىلارىنىڭ كۋا بولۋىمەن قول قويىلعان ەكى جاقتىڭ يادرو ەنەرگياسى سالاسىنداعى جالپى سەلبەستىك كەلىسىمىندەگى ماڭىزدى نىسان، وندىرىسكە قوسىلعاننان كەيىن جىلدىق توك تاراتۋ مولشەرى 37 ميلليارد 600 ميلليون كيلوۆات - ساعاتقا جەتەدى، بۇل ءار جىلى 30 ميلليون 680 مىڭ توننا كومىرتەگى قوس توتىعىن از شىعارعانمەن بارابار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
