شينجياڭنىڭ جەر - جەرىنەن تىڭ تىنىس جانە ومىرشەڭدىك قاۋلايدى
انار بۇلت / شينجياڭ گازەتىنىڭ ءتىلشىسى لي شيڭ
2021.05.20 15:10 كەلۋ قاينارى : شينجياڭ گازەتى
”وسىنىڭ ءبارى ادامدى تاڭداندىرادى!“. 5 - ايدىڭ 14 - كۇنى شينجياڭدا ساپاردا بولعان لاتىن امەريكاسى مەن كارايب ەلدەرىنىڭ جۇڭگودا تۇراتىن ەلشىلەرىنەن، سونداي - اق ديپلوماتتارىنان قۇرالعان ۋاكىلدەر ۇيىرمەسى ەرەكشە ترانسفورماتور جارنا شەكتى سەرىكتەستىگىندە ەكسكۋرسيادا بولعان كەزدە، مەكسيكانىڭ جۇڭگودا تۇراتىن باس ەلشىلىگىنىڭ كىشى ەلشىسى ەلياسا ۆەلاسكو ناۆاررو شينجياڭ كاسىپورىندارى قول جەتكىزگەن ەلەۋلى تابىستارعا ءتانتى بولدى.
ەرەكشە ترانسفورماتور سەرىكتەستىگىنىڭ جۇڭگونىڭ كەلەلى جابدىق جاساۋ سالاسىنىڭ وزەكتى تىرەكتى كاسىپورنى، مەملەكەت دارەجەلى ءتۇيىندى جوعارى، جاڭا تەحنيكا كاسىپورنى ەكەندىگىن، ونىمدەرىنىڭ بۇكىل ەلگە جاپپاي قىزمەت وتەپ ءارى 60تان استام مەملەكەت پەن رايونعا ساتىلىپ جاتقاندىعىن بىلگەندە، ناۆاررو ءالسىن - ءالى القادى. ”جۇڭگونىڭ باتىس بولىك وڭىرىنە ورنالاسقانىمەن، بۇل كاسىپورىننىڭ عىلىم - تەحنيكادا اسا كۇشتى جاسامپازدىق اشۋ قۋاتى بولىپ قالماستان، ءتىپتى، كەڭ حالىقارالىق كوز اياسى بار ەكەن، مەنىڭ شينجياڭ جونىندەگى تانىمىمدى بۇكىلدەي جاڭارتتى“، - دەدى ناۆاررو.
ەرەكشە ترانسفورماتور سەرىكتەستىگىنىڭ ءوندىرىس سەحىندا، ۆەنەسۋەلانىڭ جۇڭگودا تۇراتىن باس ەلشىسى فەليكس فلازەنسييا، ۆەنەسۋەلا مەملەكەتتىك ەلەكتر قۋاتى سەرىكتەستىگىنىڭ گۋلي كەرنەۋ اۋىستىرۋ پۋنكتى ىستەتىپ وتىرعان ترانسفورماتوردىڭ دا بار ەكەندىگىن كوردى، بۇل ونى ەرەكشە قايران قالدىردى جانە قۋاندىردى. فلازەنسييا مىنالاردى ءبىلدىردى: جۇڭگو كاسىپورىندارى نەگىزدىك قۇرىلعى قۇرىلىسى، جوعارى عىلىم - تەحنيكا سياقتى سالالاردا تۇگەلدەي تاماشا بەينە كورسەتۋدە، ەرەكشە ترانسفورماتور سەرىكتەستىگى سونىڭ ىشىندەگى كورنەكتى ۋاكىلدەرىنىڭ ءبىرى. ەرەكشە ترانسفورماتور سەرىكتەستىگى ۆەنەسۋەلانى قامتىعان لاتىن امەريكاسى مەن كارايب ەلدەرىندە كوپتەگەن كاسىپ ورىستەتتى، ەكى جاق تاماشا سەلبەستىك ورىستەتۋدىڭ نەگىزىن قالادى. وسى رەتكى ساپاردى وراي ەتىپ، تۇسىنىستىكتى ۇزدىكسىز تەرەڭدەتىپ، دوستىقتى ارتتىرىپ، جاڭا سەلبەستىك سالاسىن كەڭەيتىپ، لاتىن امەريكاسى مەن كارايب ەلدەرىنىڭ جۇڭگونىڭ شينجياڭىمەن بولعان سەلبەستىگىنىڭ جاڭا كەزەڭگە قادام تاستاۋىن ىلگەرىلەتۋدى ءۇمىت ەتەمىز.
شينجياڭ اۋىل شارۋاشىلىعى كورمە باقشاسىندا ۋاكىلدەر ۇيىرمەسىنىڭ مۇشەلەرى اسسۇتتىگەندەردىڭ، مايلى قىرىققاباتتاردىڭ كىشكەنتاي قوراپقا ەگىلگەندىگىن، قوراپقا توپىراق سالۋ، تۇقىم سەبۋ، سۋارۋدان كوكونىستىڭ پىسىپ ۇزىلۋىنە دەيىن، تۇگەلدەي ىركىلىسسىز جۇمىس ىستەلەتىندىگىن، قىزاناق، قياردىڭ توپىراقسىز وزىق ءوسىرۋ تەحنيكاسىنان پايدالانىپ ەگىلەتىندىگىن كوردى. وسىنىڭ ءبارى ۋاكىلدەر ۇيىرمەسىندەگى مۇشەلەردى ايرىقشا قىزىقتىرىپ، بىرىنەن سوڭ ءبىرى ايالداي كوردى ءارى قول تەلەفوندارىن الىپ شىعىپ سۋرەتكە ءتۇسىردى.
”بۇل اراداعى اۋىل شارۋاشىلىق ونىمدەرى وزىق ءوندىرىس تاسىلىمەن ەگىلگەن، ءبىزدىڭ ۇيرەنۋىمىزگە جانە تاجىريبە الۋىمىزعا ابدەن تاتيدى ەكەن“. سۋرينامنىڭ جۇڭگودا تۇراتىن ەلشىلىگىنىڭ كەڭەسشىسى جەلوموليا بىلاي دەدى: شينجياڭعا ءبىرىنشى رەت كەلۋىم، شينجياڭ كاسىپورىندارى ماعان تەرەڭ اسەر قالدىردى، مەيلى ەرەكشە ترانسفورماتور، الدە اۋىل شارۋاشىلىعى كورمە باقشاسى بولسىن، بارلىعىنان شينجياڭ حالقىنىڭ پاراساتىن، قاجىرلىلىعىن جانە قۇلشىنىسىن كوردىم. وسى رەتكى ساپارلاۋ لاتىن امەريكاسى مەن كارايب ەلدەرىنىڭ جۇڭگونىڭ شينجياڭىمەن اۋىس - كۇيىس جاسايتىن تۇعىرىن قۇردى، بايلانىس جاسايتىن كوپىرىن سالدى، ول سۋرينام مەن جۇڭگونىڭ شينجياڭىنىڭ اۋىس - كۇيىسى مەن سەلبەستىگىن ىلگەرىلەتۋگە قۇلشىنىس جاساپ، ەكى جاقتىڭ تۇسىنىستىكتى تەرەڭدەتۋىنە، جاڭا سەلبەستىك ورايىن قاراستىرۋىنا كومەكتەسۋدى ەرەكشە قالايدى ەكەن.
5 - ايدىڭ 15 - كۇنى تۇرپان وۋباي ەلەكتروندىق ساۋدا سەرىكتەستىگىندە سەرىكتەستىك جاۋاپتىسى ابەيدوللا ءومار كوپشىلىككە سەرىكتەستىكتىڭ 2019 - جىلى قۇرىلعاندىعىن، شينجياڭنىڭ ەرەكشە اۋىل شارۋاشىلىق ونىمدەرىن تىكە تاراتۋدا ساتۋ ارقىلى ءار كۇنى 5000نان 10 مىڭعا دەيىن نان ساتۋعا بولاتىندىعىن، 2020 - جىلى سەرىكتەستىكتىڭ ساتىلىم سوماسى 10 ميلليون يۋاننان اسقاندىعىن، بيىلعى نىسانا 30 ميلليون يۋاننان اسىرۋ ەكەندىگىن تانىستىردى. ول ءاسىلى ۇيىندە ەگىن جۇمىستارىمەن اينالىساتىن، ۇكىمەتتىڭ كومەگىندە مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، ەلەكتروندىق ساۋدا ىستەرى شەبەرلىگى كۋرسىنا قاتىناسىپ، بۇرىنعىدان مۇلدە باسقاشا ءومىردى قارسى العان. ونىڭ تانىستىرۋىن تىڭداعاننان كەيىن، ۋاكىلدەر ۇيىرمەسىنىڭ مۇشەلەرى ابەيدوللاعا باسبارماعىن كوتەرىپ، تۇس - تۇستان ونىڭ تىكە تاراتۋ بولمەسىنەن شينجياڭنىڭ ەرەكشە ونىمدەرىن ساتىپ الاتىندىعىن ءبىلدىردى.
شينجياڭعا تالاي كەلگەن كۋبانىڭ جۇڭگودا تۇراتىن باس ەلشىسى كارلوس ميگەل پەرەيرا مىنالاردى ءبىلدىردى: كورىكتى شينجياڭعا تاعى ساپارلاي كەلگەنىمە قۋانىشتىمىن، توتەنشە جاقىن سەزىندىم. شينجياڭنىڭ ەكونوميكالىق، قوعامدىق دامۋىندا قۋانارلىقتاي وزگەرىستەر جارىققا شىعىپتى، وراسان زور تابىستارعا قول جەتكىزىپتى، تەرەڭ اسەر قالدىردى، وسى ىرىستى توپىراقتىڭ جەر - جەرىنەن تىڭ تىنىس جانە ومىرشەڭدىك قاۋلاپ تۇر ەكەن. ”جۇڭگو مەن كۋبا قيىندىقتى بىلەك بىرىكتىرە جەڭەتىن، ەتەنە بايلانىس ورناتقان جاقسى دوس، جاقسى جولداس، جاقسى اعايىن“. پەرەيرا بىلاي دەدى: تالاي جىلدان بەرى كۋبا مەن جۇڭگونىڭ ساياسي، ەكونوميكا، مادەنيەت اۋىس - كۇيىسى مەن سەلبەستىگى كۇن سايىن قويۋلاستى. ەكى جاقتىڭ ەكونوميكا، ساۋدا بارىس - كەلىسى، عىلىم - تەحنيكا جانە وقۋ - اعارتۋ، مادەنيەت، ساياحات سياقتى سالالارداعى اۋىس - كۇيىس، سەلبەستىكتى ونان ارى كۇشەيتىپ، ءوزارا پايدا جەتكىزىپ، ءوزارا تيىمدىلىك جاساۋدى، بىرگە يگىلىككە كەنەلىپ دامۋدى جۇزەگە اسىرۋىن ءۇمىت ەتەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
