ساقشىعا سوقتىعۋ قىلمىستىق ىستەر زاڭىنا ەنگىزىلگەننەن كەيىن ءبىر ايدا 405 ادامدى تۇتقىنداۋ بەكىتىلگەن
سۇن فىڭجۋان
2021.05.19 14:50 كەلۋ قاينارى : حالىق تورابى
حالىق گازەتىنىڭ جالپىلىق اقپارات قۇرالدارى ءتىلشىسى سۇن فىڭجۋان 5 – ايدىڭ 17 – كۇنى بەيجيڭنەن حابارلايدى. ءتىلشىنىڭ بۇگىن ەڭ جوعارى حالىق پروكۋراتۋراسىنان ۇعىسۋىنشا، 2021 – جىلى 3 – ايدىڭ 1 – كۇنى قىلمىستىق ىستەر زاڭىنا وزگەرىس ەنگىز جوباسى (ون ءبىرىنشى) رەسمي اتقارىلعاننان 3 – ايدىڭ سوڭىنا دەيىن، بۇكىل ەلىمىزدەگى پروكۋراتۋرا ورگاندارى ساقشىعا سوقتىعۋ قىلمىس كۇماندىلارىنان 405 ادامدى قولعا الۋدى بەكىتىپ، 101 ادامنىڭ ۇستىنەن شاعىم ايتىپ، حالىق ساقشىلارىنىڭ زاڭ اتقارۋ بەدەلىن، جەكە باسىنىڭ حاۋىپسىزدىگىن شىنايى قورعاعان.
ءتىلشىنىڭ ۇعىسۋىنشا، ساقشىعا سوقتىعۋ قىلمىسىنىڭ تومەندەگىدەي ءۇش ءتۇرلى بەلگىسى بولادى: ءبىرىنشىسى، كوبىنەسە ماس بولۋمەن تىعىز قاتىستى بولادى؛ ەكىنشىسى، جەڭىل دارەجەدەگى زورلىقتى كۇشپەن ساقشىعا سوقتىعۋ دەلولارىنىڭ ۇستايتىن سالىستىرماسى ءبىرشاما جوعارى؛ ءۇشىنشىسى، قىلمىسىن مويىنداۋ، جازاعا مويىنسال بولۋ جونىندەگى بەلگىلەمەلەرگە ۇيلەسۋ سالىستىرماسى ءبىرشاما جوعارى. ساقشىعا سوقتىعۋ قىلمىستارىنىڭ كوبىندە قىلمىس كۇماندىلارىنىڭ قىلمىستىق ارەكەتكە بارۋى اياق استىنان تۋىلادى، باسىم كوپ سانداعى جاعدايدا، ارەكەت يەسى ىشتەي قارسىلاسۋدان بىرتىندەپ داۋلاسۋعا، ودان قاقتىعسۋعا، ءتىپتى قۇرال – جابدىق الىپ قارسىلىق كورسەتۋگە وتەدى. مۇندا ماس بولعان سوڭ كوڭىل – كۇيىن مەڭگەرە الماۋ، ىشتەگى نارازىلىعىنىڭ ءوشىن زاڭ اتقارۋشى حالىق ساقشىلارىنان الۋ سياقتىلاردىڭ ۇستايتىن سالماعى ءبىرشاما كوپ. مۇنان سىرت، اتالعان قىلمىس بويىنشا، قىلمىس كۇماندىلارى ۇنەمى بالاعاتتاۋ، يتەرمەلەۋ، جۇلقىلاۋ، سوققىلاۋ قاتارلى تاسىلدەر ارقىلى ساقشىنىڭ ۇكىمەت قىزمەتىن اتقارۋىنا كەسە – كولدەنەڭ بولادى. مىسالى، حۋبەي ولكەلىك پروكۋراتۋرا ورگانى بىتىرگەن، ساقشىعا سوقتىعۋعا قاتىستى 16 دەلونىڭ ىشىندە، 12 دەلوداعى قىلمىس كۇماندىلارى جۇدىرىقتاۋ، تەپكىلەۋ، جۇلقىلاۋ، تىستەۋ قاتارلى جەڭىل جاراقاتتايتىن ارەكەتتەر ارقىلى زاڭ اتقارۋعا كەدەرگى بولعان دەلولار %75 ىن ۇستاعان. سونىمەن بىرگە، وسى تەكتەس دەلولاردىڭ كوبىندە سول ساتتە تۇسىرىلگەن دىبىستى، كەسكىندى ىسپاتتار بار بولاتىندىقتان، قىلمىس كۇماندىلارى ادەتتە تەرىستەي المايدى، ىرىقتىلىقپەن قىلمىسىن مويىنداپ، جازانى قابىلدايتىندىقتان، جازاسى جەڭىلدەتىلىپ ءبىرجاقتى ەتىلەدى، اراق ىشكەن سوڭ، كوڭىل – كۇيىن تەجەي الماي ساقشىعا سوقتىعاتىن قىلمىس كۇماندىلارىنىڭ باسىم كوپ ساندىسى ماستىعى تاراعان سوڭ نەمەسە سوگىس، تاربيە بەرىلگەن سوڭ ءوزىنىڭ قاتەلىگىن تانىپ، ءوزىنىڭ قىلمىسىن شىنايى بايانداپ، شىنايى وكىنەتىنىن بىلدىرەدى ءارى كەشىرىم سۇرايدى.
ۇعىسۋعا قاراعاندا، كەلەسى قادامدا پروكۋراتۋرا ورگاندارى تولىق تەكسەرۋ – زەرتتەۋ جۇرگىزۋ نەگىزىندە، ءادىليالىق اماليات بارىسىندا بايقالعان ماسەلەلەردى رەتتەۋدى جانە وعان تالداۋ جاساۋدى كۇشەيتەدى. ءىشىنارا پروكۋراتۋرا ورگاندارى اڭىس ەتكەن ساقشىعا سوقتىعۋ قىلمىسىنىڭ وبيەكتىلەرى، زورلىقتى كۇش دارەجەسىن تۇراقتاندىرۋ، قىلمىستى دەپ قاراۋ ولشەمدەرىن مەڭگەرۋ قاتارلى زاڭدى ۇيلەسىمدى قولدانۋ ماسەلەلەرى جونىندە، ەڭ جوعارى حالىق پروكۋراتۋراسى دەر كەزىندە ەڭ جوعارى سوتپەن كەڭەسىپ، ءادىليالىق تۇسىندىرمە بەلگىلەۋ جانە جەتەكشى پىكىر شىعارۋ قاتارلى تاسىلدەر ارقىلى ءادىليالىق زاڭ اتقارۋ ولشەمىن ىشكەرىلەي بىرلىككە كەلتىرەدى. ەڭ جوعارى حالىق پروكۋراتۋراسى وزىنەن تومەنگى دارەجەدەگى پروكۋراتۋرا ورگاندارىنىڭ تەكتەس ماسەلەلەردى ءبىتىرۋ قىزمەتىنە جەتەكشىلىك ەتۋدى ىشكەرىلەي كۇشەيتىپ، ۇيلەسىمدى ۋاقىتتا تيپتىك دەلولاردى نەمەسە جەتەكشى سيپاتتى دەلولاردى جاريالايدى. جەر – جەردەگى پروكۋراتۋرا ورگاندارى ۋيچات، ميكروبلوگ، كليەنت، زاڭمەن جونگە سالۋ ساباعى قاتارلى ءتۇرلى ۇگىت تەكشەلەرىنەن تولىق پايدالانىپ، كەڭ كولەمدە ۇگىت جۇرگىزىپ، «زاڭدى قۇرمەتتەپ، زاڭعا بويسۇناتىن، زاڭ اتقارۋدى ارداقتايتىن» تاماشا قوعامدىق اۋقىم قالىپتاستىرۋدى ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
