لاتىن امەريكاسى جانە كارايب ەلدەرىنىڭ جۇڭگودا تۇراتىن ەلشىلەرى، سونداي - اق ديپلوماتتارى شينجياڭعا كەلىپ ەكسكۋرسيالادى، ساپاردا بولدى
2021.05.17 16:33 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي شيڭ 5 - ايدىڭ 14 - كۇنى ۇرىمجىدەن حابارلايدى. 5 - ايدىڭ 13 - كۇنى لاتىن امەريكاسى جانە كارايب ەلدەرىنىڭ جۇڭگودا تۇراتىن ەلشىلەرىنەن، سونداي - اق ديپلوماتتارىنان قۇرالعان 20 نەشە ادامدىق ۋاكىلدەر ۇيىرمەسى شينجياڭعا كەلىپ ەكسكۋرسيالادى، ساپاردا بولدى.
ەكسكۋرسيادا، ساپاردا بولعان ەلشىلەر مەن ديپلوماتتار ۋرۋگۆاي، يامايكا، باحاما، پەرۋ، دومينيكا، چيلي، برازيليا، كولۋمبيا، كۋبا، ۆەنەسۋەلا، سالۆادور، پاناما، مەكسيكا، كوستاريكا، گرەنادا، سۋرينام، گۆيانا، گايتي سياقتى ەلدەردەن كەلگەن.
5 - ايدىڭ 13 - كۇنى ۇرىمجىگە جەتكەننەن كەيىن ۋاكىلدەر ۇيىرمەسى ءبىرىنشى بەكەتىندە شينجياڭ حالىقارالىق ۇلكەن بازارىنا بارىپ، شينجياڭنىڭ ايرىقشا ەرەكشەلىككە يە جەر جايى مەن جۇرت سالتىن تولىق ءتۇسىنىپ جانە سەزىنىپ، شينجياڭنىڭ ەرەكشە ءدامدى تاعامدارىنان اۋىز ءتيدى. بۇكىلدەي قولمەن جاسالعان مىس بۇيىمدار مەن مۋزيكا اسپاپتارىنا، كوزدىڭ جاۋىن الاتىن اتلاس كيىم - كەشەكتەرى مەن جىبەك جاۋلىقتارعا، ءتۇرلى رەڭدەگى، ۇلگىدەگى دوپپالارعا ۋاكىلدەر ۇيىرمەسىنىڭ مۇشەلەرى قاتتى قىزىعىپ، ءدامى ءتىل ۇيىرەتىن نان مەن ءسۇتتى شايدى، ىرىمشىكتى، بالدى ۋاكىلدەر ۇيىرمەسىنىڭ مۇشەلەرى اۋىز جاپپاي ماقتادى. ىقىلاستى دا ويناقى ۇيعۇر ءان - ءبيىن كورگەننەن كەيىن ۋاكىلدەر ۇيىرمەسىنىڭ مۇشەلەرى جەرگىلىكتى بۇقارامەن جانە ساياحاتشىلارمەن بىرگە شاتتانا بيگە باستى.
ءۇرىمجى قالاسى تيانشان رايونىنداعى اق مەشىتتى ەكسكۋرسيالاعاننان كەيىن ۋاكىلدەر ۇيىرمەسىنىڭ مۇشەلەرى دىنگە سەنەتىن بۇقارانىڭ كۇندەلىكتى ءدىني قيمىلدارىن جانە شينجياڭنىڭ ءدىني قيمىل ورىندارىنىڭ شارت - جاعدايىن جاقسارتقان جاعدايىن تىكەلەي ۇعىسىپ، جۇڭگو ۇكىمەتىنىڭ دىنگە سەنەتىن بۇقاراعا تاماشا ءدىني قيمىل ورىندارىن ازىرلەگەندىگىن، ءار ۇلت بۇقاراسىنىڭ ءدىني سەنىم ەركىندىگىنە تولىق قۇرمەت ەتىلگەندىگىن، قورعالعاندىعىن القادى.
شينجياڭ حالىقارالىق كورمە ورتالىعىندا ۋاكىلدەر ۇيىرمەسى ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ كوردى. كوپ مولشەردەگى سۋرەتتەردى، ناقتى زات كورمەسىن كورۋ ارقىلى ۋاكىلدەر ۇيىرمەسى جۇڭگو شينجياڭىنىڭ لاڭكەستىككە قارسى تۇرۋداعى جانە ۇشقارىلىقتى الاستاۋداعى جەتىستىكتەرىنە جوعارى باعا بەرىپ، جۇڭگو شينجياڭىنىڭ لاڭكەستىك پەن ۇشقارىلىققا سوققى بەرۋ جولىندا جاساعان قۇلشىنىسىن قولدايتىندىقتارىن ءبىلدىردى.
ۆەنەسۋەلانىڭ جۇڭگوداعى باس ەلشىسى فەليكس پلاسينسيا بىلاي دەدى: جۇڭگو ۇكىمەتىنىڭ جۇڭگوداعى ەلشىلەردى شينجياڭعا كەلىپ ەكسكۋرسيالاۋعا، ساپاردا بولۋعا ۇسىنىس ەتىپ، ءبىزدىڭ شىنايى شينجياڭدى كورۋىمىزگە مۇمكىندىك جاساعاندىعىنا ايرىقشا العىس ايتامىن. شينجياڭ كورىكتى، باي جەر، جۋىرداعى جىلداردان بەرى ەكونوميكا، مادەنيەت، قوعامدىق دامۋ سياقتى جاقتاردا تۇگەلدەي وراسان زور تابىستارعا قول جەتكىزدى. وسى رەتكى ەكسكۋرسيالاۋ، ساپاردا بولۋ جانە اڭگىمەلەسىپ ىقپالداستىق قالىپتاستىرۋ ارقىلى شينجياڭ جونىندەگى تۇسىنىكتى ونان ارى تەرەڭدەتىپ، ەكى جاقتىڭ ەكونوميكا، مادەنيەت سياقتى كوپتەگەن جاقتاردا اۋىس - كۇيىس جانە سەلبەستىك ورىستەتۋىن ىلگەرىلەتۋدى ءۇمىت ەتەمىن، شينجياڭنىڭ كەلەشەگىنىڭ، ءسوز جوق، ءتىپتى دە تاماشا بولاتىندىعىنا سەنەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
