شينجياڭنىڭ ايگىلى ماركالارى ۇيىرمە قۇراپ، جۇڭگو ايگىلى ماركالار كۇنى قيمىلىندا ءوزىن ايگىلەدى
2021.05.14 14:23 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى شى شين 5 - ايدىڭ 10 - كۇنى شاڭحايدان حابارلايدى. 5 - ايدىڭ 10 - كۇنى 2021 - جىلعى جۇڭگو ايگىلى ماركالار كۇنى قيمىلى شاڭحايدا باستالدى. شينجياڭ جيىنى 30 ايگىلى ماركالى كاسىپورىندى ۇيىمداستىرىپ كورمەگە قاتىناستىرىپ، دۇنيە جۇزىنە شينجياڭ ماركالارىنىڭ باۋراۋ قۋاتىن ايگىلەدى، مۇنىڭ ىشىندە ”14 - بەسجىلدىق“ كەزىندە اۆتونوميالى رايون ءتۇيىندى دامىتاتىن ”10 ءىرى كاسىپ سالاسىنىڭ“ 10 دەربەس ايگىلى ماركاسى جەلىدەن تىس كورمەگە قاتىناستى.
شينجياڭ كورمە سارايى ”شينجياڭدى ايگىلى ماركا ارقىلى گۇلدەندىرۋ“ نەگىزگى تاقىرىبىندا ”14 - بەسجىلدىق“ كەزىندە اۆتونوميالى رايون ءتۇيىندى دامىتاتىن مۇناي، مۇناي حيميا، كومىر، كومىر حيميا ونەركاسىبى، ەلەكتر كۇشى، توقىماشىلىق، كيىم - كەشەك، جەمىس ورمان، اۋىل شارۋاشىلىق قوسىمشا ونىمدەرىن مانەرلەۋ سياقتى 10 ءىرى كاسىپ سالاسىن نەگىزگى ارقاۋ ەتىپ، شينجياڭ لانشان تۇنحى حيميا ونەركاسىپ جارنا شەكتى سەرىكتەستىگى، شينجياڭ جينفىڭ عىلىم - تەحنيكا جارنا شەكتى سەرىكتەستىگى، شينجياڭ ۋاڭيۋان بيو عىلىم - تەحنيكا توبى شەكتى سەرىكتەستىگى، ىلە زىسۋليرىن بيو عىلىم - تەحنيكا شەكتى سەرىكتەستىگى، شينجياڭ حىحى ءىنجۋ - مارجان، قاس تاسى بۇيىمدارى جارنا شەكتى سەرىكتەستىگى قاتارلى ايگىلى ماركا كاسىپورىندارىن تاڭداپ الىپ، شينجياڭنىڭ جىبەك جولى ەكونوميكالىق بەلدەۋى وزەكتى رايونىن قۇرۋ، ەرەكشە، باسىمدىققا يە كاسىپ سالالارىن جەتىلدىرۋ، ۇلعايتۋ، ايگىلى ماركا قۇرىلىسىن كۇشەيتۋ سياقتى جاقتاردا قول جەتكىزگەن تابىستارىن شوعىرلى ايگىلەدى.
شينجياڭ شىجي جىڭتۇڭ مادەنيەت تاراتۋ شەكتى سەرىكتەستىگىنىڭ باس جوراسى لين دۇڭدۇڭ تانىستىرىپ بىلاي دەدى: شينجياڭ كورمە سارايىنىڭ جەر اۋدانى 151 شارشى مەتر، تۇتاس تۇلعالىق جوبالاۋ ماقساتى شىعىس، باتىس ەكى كىرەر اۋىزداعى ۇقسامايتىن كورۋ تۇرعىسى ارقىلى كوركەم شينجياڭدى كورسەتۋ بولىپ، ابونتتار ”شينجياڭ جاقسى جەر“ دەگەن كورىنىسكە تەرەڭ بويلاعان كەزدە شينجياڭنىڭ ايگىلى ماركا قۇرىلىسىنىڭ تابىستارىن ىشكەرىلەي سەزىنەتىن بولادى. كورمە سارايىنىڭ 4 بۇرىشىنا جەكە - جەكە شينجياڭنىڭ كەپتىرىلگەن جەمىستەرى، نانى، ءجۇزىم اراعى، لاۆاندا قاتارلى 10 ءىرى كاسىپ سالاسىنىڭ ۋاكىلدىك ونىمدەرى قويىلىپ، كوزبەن كورىپ، قولمەن ۇستاۋ ارقىلى كورەرمەندى باۋراۋ ماقساتىنا جەتتىك.
اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى لي چاڭشيۋ مىنالاردى ءبىلدىردى: ايگىلى ماركا ءوندىرۋشى مەن تۇتىنۋشىنىڭ ورتاق تالپىنىسى، كاسىپورىننىڭ، ءتىپتى، مەملەكەتتىڭ جالپىلىق باسەكەلىك قۋاتىنىڭ ماڭىزدى بەينەسى. رايونىمىز جۇڭگو ايگىلى ماركالار كۇنى قيمىلىن تۇتقا ەتىپ، شينجياڭنىڭ وزىندەگى ايگىلى ماركالار قۇرىلىسىن جەدەل ىلگەرىلەتىپ، ايگىلى ماركا قۇرىلىسى ارقىلى ەكونوميكانىڭ جوعارى ساپالى دامۋىنا جەتەكشىلىك ەتىپ، شينجياڭنىڭ ءتىپتى دە كوپ ايگىلى ماركاسىن بۇكىل مەملەكەتكە ايگىلەيدى، دۇنيە جۇزىنە بەت الدىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
