19 – كەزەكتى ورتالىق كوميتەتتىڭ 7 – رەتكى شارلاۋى بويىنشا جايعاسۋ جۇمىسى اياقتالدى
شارلاۋ جۇرگىزىلەتىن ورىنداردا 2 اي اينالاسىندا قىزمەت ىستەيدى
2021.05.12 19:00 كەلۋ قاينارى : حالىق تورابى
«حالىق گازەتى»، 5 - ايدىڭ 11 - كۇنى، بەيجيڭ (ءتىلشى جاڭ ياڭ). ءتىلشىنىڭ ورتالىقتىڭ شارلاۋ كەڭسەسىنەن ۇعىسۋىنشا، 5 - ايدىڭ 10 - كۇنىنە دەيىن 19 – كەزەكتى ورتالىق كوميتەتتىڭ 7 – رەتكى شارلاۋىنداعى 15 شارلاۋ گرۋپپاسى 32 ورىنعا جايعاسۋ جۇمىسىن تامامداعان، وسىلايشا 19 – كەزەكتى ورتالىق كوميتەتتىڭ 7 – رەتكى شارلاۋ قىزمەتى جاپپاي ورىستەتىلگەن.
پارتيا ورتالىق كوميتەتىنىڭ بەكىتۋىمەن 19 – كەزەكتى ورتالىق كوميتەتتىڭ 7 – رەتكى شارلاۋى بويىنشا وقۋ - اعارتۋ مينيسترلىگى، بەيجيڭ داشۋەسى، چيڭحۋا داشۋەسى، جۇڭگو حالىق داشۋەسى، بەيجيڭ پەداگوگيكا داشۋەسى، فۋدان داشۋەسى، شاڭحاي قاتىناس داشۋەسى، شي - ان قاتىناس داشۋەسى، جۇڭگو عىلىم - تەحنيكا داشۋەسى، جۇڭگو اۋىل شارۋاشىلىق داشۋەسى، بەيجيڭ جاراتىلىستىق عىلىمدار داشۋەسى، بەيجيڭ اۆياتسيا - عارىش داشۋەسى، باتىس سولتۇستىك ونەركاسىپ داشۋەسى، حاربين ونەركاسىپ داشۋەسى، جىجياڭ داشۋەسى، نانجيڭ داشۋەسى، سىچۋان داشۋەسى، نانكاي داشۋەسى، تيانجين داشۋەسى، ۋحان داشۋەسى، جۇڭشان داشۋەسى، باتىس سولتۇستىك اۋىل شارۋاشىلىق عىلىم - تەحنيكا داشۋەسى، جيلين داشۋەسى، ورتا جۇڭگو عىلىم - تەحنيكا داشۋەسى، شاندۇڭ داشۋەسى، دۇڭنان داشۋەسى، شيامىن داشۋەسى، تۇڭجي داشۋەسى، جۇڭنان داشۋەسى، داليان جاراتىلىستىق عىلىمدار داشۋەسى، چۇڭچيڭ داشۋەسى، لانجوۋ داشۋەسى قاتارلى 32 ورىننىڭ پارتيا ۇيىمدارىندا داعدىلى شارلاۋ ورىستەتىلەتىن بولدى.
تاياۋدا شارلاۋ جۇرگىزىلەتىن ورىندار جەكە - جەكە شارلاۋ قىزمەتىنە جۇمىلدىرۋ ءماجىلىسىن اشتى. ماجىلىستەن بۇرىن ورتالىقتىڭ شارلاۋ گرۋپپالارى شارلاۋ جۇرگىزىلەتىن ورىندارداعى پارتيا ۇيىمدارىنىڭ نەگىزگى جاۋاپتىلارىنا باس شۋجي شي جينپيڭنىڭ شارلاۋ قىزمەتى جونىندەگى ماڭىزدى نۇسقاۋىنىڭ رۋحىن جەتكىزىپ، قاتىستى قىزمەت ورنالاستىرۋلارىن حابارلاندىردى. ماجىلىستە ورتالىقتىڭ شارلاۋ گرۋپپاسىنىڭ باستىقتارى شارلاۋ قىزمەتىن ويداعىداي ىستەۋ جونىندە تالاپ قويدى.
تالاپ بويىنشا، ورتالىقتىڭ شارلاۋ گرۋپپاسى شي جينپيڭ جاڭا ءداۋىر جۇڭگوشا سوتسياليزم يدەياسى مەن باس شۋجيدىڭ وقۋ - اعارتۋ قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، جاڭا ءداۋىر، جاڭا جورىقتىڭ پارتيا مەن مەملەكەت ىستەرى دامۋىنىڭ جوعارى دارەجەلى وقۋ - اعارتۋعا قويعان جاڭا تالابىن شىنايى يگەرىپ، جوعارى مەكتەپ پارتكومدارىنىڭ فۋنكتسيالىق جاۋاپكەرلىگى مەن نەگىزگى جاۋاپكەرلىگىنە، نەگىزگى كاسىبىنە نازار اۋدارىپ، ءبىرىنشى باسشى مەن باسشىلىق القاعا قاداعالاي نازار سالىپ، ساياسي اعاتتىقتاردى ىشكەرىلەي ىزدەستىرىپ، جوعارى دارەجەلى وقۋ - اعارتۋدىڭ ساپالى دامۋىنا ىقپال جاسايتىن باستى قايشىلىقتى، تەرەڭ قاتپارلى ماسەلەلەردى بايقاۋعا جانە شەشۋگە كۇش سالىپ، جوعارى مەكتەپتەردىڭ احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتىلى جەتىلگەن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ سىندى كەلەلى مىندەتتى اناعۇرلىم ويداعىداي ارقالاۋىن جەبەيدى.
ۇعىسۋعا قاراعاندا، ورتالىقتىڭ 15 شارلاۋ گرۋپپاسى شارلاۋ جۇرگىزىلەتىن ورىنداردا 2 اي شاماسىندا قىزمەت ىستەيدى ەكەن، وسى مەزگىلدە ارناۋلى كەزەكشىلىك تەلەفونى مەن پوچتا حات ساندىعىن ورناتادى، مۇندا باستىسى شارلاۋ جۇرگىزىلەتىن پارتيا ۇيىمىنىڭ باسشىلىق القاسى مەن ونىڭ مۇشەلەرى، وزىنەن ءبىر دارەجە تومەن پارتيا ۇيىمىنىڭ باسشىلىق القاسىنىڭ نەگىزگى جاۋاپتىلارى مەن ماڭىزدى قىزمەت ورنىنداعى باسشى كادرلار ماسەلەسى اڭىس ەتىلگەن حاتتار مەن ارىزداردى قابىلدايدى، مۇندا ساياسي تارتىپكە، ۇيىمدىق تارتىپكە، پاكتىك تارتىبىنە، بۇقارالىق تارتىپكە، قىزمەت تارتىبىنە جانە تۇرمىس تارتىبىنە قايشىلىق جاساۋ سياقتى جاقتارداعى اشكەرەلەۋلەر مەن اڭىستار ءتۇيىن ەتىلەدى. شارلاۋ گرۋپپاسىنىڭ ارىز - ارمان قابىلداۋ ۋاقىتى 2021 – جىلى 6 - ايدىڭ 30 - كۇنىنە دەيىن بولادى.
ءتىلشى تاعى مىنالاردى ۇعىستى: ولكە، اۆتونوميالى رايون، توتە قاراستى قالالاردىڭ پارتكومدارى، وقۋ - اعارتۋ مينيسترلىگى پارتيا باسشىلىق گرۋپپاسىنىڭ شارلاۋ قۇرىلىمى دا پارتيا ورتالىق كوميتەتىنىڭ ورنالاستىرۋىنا تۋرالانىپ، وزىنە قاراستى جوعارى مەكتەپتەردى شارلاۋ قىزمەتىن ءبىر تۇتاس ورنالاستىرىپ، جوعارى مەكتەپتەردىڭ دامۋىنا ىقپال جاسايتىن ءبىر توپ كورنەكتى ماسەلەلەردى شىن مانىندە بايقاپ جانە شەشىپ، باقىلاۋ، قامتاماسىز ەتۋ، اتقارۋ، كەمەلدەندىرۋدى جەبەۋ رولىن تولىق ساۋلەلەندىرىپ، جاڭا داۋىردەگى پارتيانىڭ وقۋ - اعارتۋ ىستەرىنىڭ ۇزدىكسىز العا باسۋىن ىلگەرىلەتپەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
