اينىماس اعايىندار
□ انار بۇلت / شينجياڭ گازەتىنىڭ ءتىلشىسى جاڭ حايفىڭ، ەرىكتى ءتىلشى لي ۋىنتيڭ
2021.05.12 14:35 كەلۋ قاينارى : شينجياڭ گازەتى
5 - ايدىڭ 1 - كۇنى تاڭ بوزىنان اراسان اۋدانى حاربۋح قالاشىعى گۇنجۇق قىستاعىنىڭ تۇرعىنى سەرىك قيزات وسى قىستاقتاعى ي جين - يدىڭ ۇيىنە كەلىپ، قاقپادان كىرە سالىسىمەن اۋلا سىپىردى، ونان سوڭ سيىر قوراعا بارىپ قاربالاس بولدى... سەرىك پەن ي جين - يدىڭ توننىڭ ىشكى باۋىنداي اعايىن ەكەندىگىن قىستاقتاعىلاردىڭ ءبارى بىلەدى.
بيىل 32 جاستاعى سەرىك پەن 39 جاستاعى ي جين - يدىڭ تانىسقانىنا 8 جىل بولدى. 2013 - جىلى سەرىك التايدان گۇنجۇق قىستاعىنا تۋىسىن پانالاي كەلىپ، بىرەۋدىڭ مالىن باعىپ ءجۇرىپ ي جين - يمەن تانىسادى.
ي جين - ي قىستاقتاعى اتى ايگىلى باعىمشىلىق ءىرى وتباسى جانە اۋىل شارۋاشىلىق ماشينالارىن جۇرگىزۋشى ەدى، ەگىس جۇمىسىنىڭ قاربالاس كەزىندە ىلعي كومەكشى تاپپاي قالاتىندىقتان، تاباندى دا ەڭبەكشىل سەرىككە كوزى تۇسەدى.
2018 - جىلى مال باقتىرعان جالداۋشىسى بەلگىلى سەبەپپەن سەرىكتىڭ جالاقىسىن كەشەۋىلدەتەدى، سەرىكتىڭ شاراسى تاۋسىلىپ تۇرعاندا، ي جين - ي وعان كومەك قولىن سوزىپ، سەرىكتى سيىرى مەن قويىن باعۋعا شاقىرىپ، اي سايىن 4000 يۋان جالاقى بەرمەكشى بولادى. ”ي اعاممەن بىرگە ىستەپ، تۇرمىسىم بارعان سايىن جاقسارىپ كەلەدى“، - دەيدى سەرىك ۇيالا ءتىل قاتىپ.
سەرىك پەن ايەلى ارزىگۇل ابىلابەك ءۇي جالداپ تۇراتىندىعىن بىلگەن ي جين - ي مەن ايەلى جىڭ ليجۋان اۋلاسىنداعى ءبىر ۇلكەن بولمەنى بوساتىپ ەرلى - زايىپتىلاردىڭ تۇرۋىنا بەرەدى. ”كىمدە - كىمنىڭ قينالاتىن كەزى بولادى، بۇل ەرلى - زايىپتىلار مومىن جاندار ەكەن، ولارعا كومەكتەسكىم كەلدى“، - دەيدى ي جين - ي.
ءبىر اۋلادا تۇرىپ ءبىر ءۇيلى جانعا اينالدى. كوكتەم، كۇز ماۋسىمدارىندا ي جين - ي الىسقا تۇقىم سەبۋگە، ەگىن ورۋعا كەتكەندە، ۇيدەگى ءبىرتالاي شارۋانى الاڭسىز سەرىككە تاپسىرىپ كەتەدى. ”سەرىك ۇيدە بولسا، ەشتەڭەدەن ۋايىمدامايمىن“. ي جين - يدىڭ ايتۋىنشا، مەيلى جىلقى، سيىر، قوي سياقتى مالداردى باعۋ بولسىن، الدە اۋلاداعى قاۋىن - قاربىز، كوكونىستەردى باپتاۋ بولسىن، سەرىك بارلىعىن تاپ - تۇيناقتاي تىندىرىپ قويادى.
2018 - جىلى قىستا ارزىگۇل اياق استىنان سىرقاتتانىپ قالعاندا، جىڭ ليجۋان ونى سول جەردەگى شيپاحاناعا الىپ بارادى، كەيىن تاعى ارزىگۇلدى ۇرىمجىگە ەمدەتۋگە الىپ بارادى. سەرىكتىڭ قوڭىر قالتا ەكەندىگىن بىلگەن سوڭ، ي جين - ي 30 مىڭ يۋان اقشانى سەرىكتىڭ قولىنا ۇستاتىپ، ”الدىمەن اۋرۋدى ەمدەتىڭدەر، اقشا جەتپەسە ايتىڭدار. ءبىر ءۇيلى جانبىز ەمەس پە، الاڭداۋىڭ قاجەتسىز“، - دەيدى. ابزال اعاسىنىڭ بۇل ءسوزىن ەستىگەن سەرىك ەرىكسىزدەن كوزىنە جاس الادى.
ۇرىمجىدە ەمدەلىپ قايتىپ كەلگەن سوڭ، ارزىگۇل تاعى ءار ۋاقىت بۇراتالاداعى شيپاحاناعا بارىپ تەكسەرىلۋى، ءدارى الۋ كەرەك بولادى، ءار جولى ونى جىڭ ليجۋان ەرتىپ بارادى، تاعى ۇنەمى وعان قۋاتتىق بۇيىمدار الىپ بەرەدى. وسىلايشا، ي جين - ي ەرلى - زايىپتىلاردىڭ قارايلاسۋىمەن، ارزىگۇلدىڭ اۋرۋ جاعدايى جاقسارىپ، سەرىكتىڭ دە كوڭىلى جاي تابادى.
2020 - جىلى 7 - ايدا سەرىك قىستاقتاعى ءبىر اۋلاعا قىزىعادى، الايدا ايەلى ۇزاق ۋاقىت ءدارى ءىشۋى كەرەك بولعاندىقتان، امالسىز ءۇي الۋ ويىنان قايتادى. ي جين - ي مۇنى بىلگەن سوڭ، ونىڭ ءوزىن جان تارتپاعانىنا رەنجيدى، قولما - قول ونىڭ اقشاسىن تولىقتاپ، وسى اۋلانى الىپ بەرەدى. سەرىكتىڭ قولى قىسقا ەكەندىگىن بىلگەن سوڭ، ي جين - ي تاعى وعان كومەكتەسىپ ءۇيىن اشەكەيلەپ، ءۇي جيھازدارىن الىپ بەرەدى. سەرىك جاڭا ۇيگە كوشىپ كىرگەن سوڭ، ي جين - يدىڭ كومەكتەسۋىندە تاعى 4 سيىر الىپ باعادى.
قازىر سەرىكتىڭ ءۇيى مەن ي جين - يدىڭ ءۇيىنىڭ اراسىن ءبىر كىشكەنە جول ءبولىپ قانا جاتادى، اراسى نەبارى 100 مەتردەي عانا، ي جين - يدىڭ ءۇيى سەرىك ءار كۇنى، ءسوزسىز، باراتىن جەر. ”سەرىك مەنىڭ ۇيدەگى جۇمىستارىمدى ىڭعايلاپ قويسا، مەن سىرتقا شىعىپ اۋىل شارۋاشىلىق ماشينالارى جۇمىستارىن الاڭسىز جۇرگىزە الامىن. مەن تاعى سەرىككە اۋىل شارۋاشىلىق ماشينالارىن جۇرگىزۋ كۋالىگىن الدىرىپ، كىرىسىن ارتتىرۋ جولىن مولايتۋدى جوسپارلاپ وتىرمىن“، - دەيدى ي جين - ي.
”ي اعامنىڭ كومەگى مەن ىنتالاندىرۋى بولعاندىقتان، بولاشاق تۇرمىسىما توتەنشە سەنىمدىمىن“. سەرىكتىڭ جانارىنان قۋانىش پەن ءۇمىتتىڭ ساۋلەسى جارقىرايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
