اۋىل شارۋاشىلىعىنىڭ ساپالى دامۋ جاعدايى جاقسى بولۋدا (جاڭا ساندى مالىمەت، جاڭا ءتۇيىن)

«حالىق گازەتىنىڭ» تىلشىلەرى گاۋ يۇنساي، يۇي جيڭشيان

2021.05.11 16:41 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　جيلين ولكەسى شۋاڭلياۋ قالاسى دۇڭميڭ قالاشىعى گۇڭ - ان قىستاعىنداعى استىق ەگەتىن ءىرى وتباسى مۇشەسى پىڭ ۋ - چىڭ بىلاي دەدى: «كۇرىشتەن مول ءونىم الۋدا مايسا جەتىلدىرۋ، وتىرعىزۋ ەڭ شەشۋشى ءتۇيىن سانالادى. بيىل بۇكىلدەي اۆتوماتتى كۇرىش مايساسىن ءوسىرۋ ماشيناسىن پايدالاندىق. ماشينا توپىراقپەن اۆتوماتتى جاۋىپ، ۇرىق ءتۇسىرىپ، قىر شىعارادى، ءبىر ساعاتتا 600 تاقسى مايسا شىعادى، 3 كۇرىش تاقتاسىنا قاجەتتى كۇرىش مايساسى 2 ساعاتتان استام ۋاقىتتا وتىرعىزىلىپ بولادى». جيلين ولكەسىندەگى ءتۇرلى كۇرىش مايساسىن جەتىلدىرۋ قالتقىسىندا 125 مىڭ 700 مۋ جەردىڭ مايساسى ءوسىرىلىپ، ەگىس ءوندىرىسى ءتارتىپتى ورىستەتىلۋدە.

　　مەملەكەتتىك ساناق مەكەمەسى جاريالاعان ساندى مالىمەتتە كورسەتىلۋىنشە، 1 - توقساندا اۋىل شارۋاشىلىعىنىڭ، اۋىل - قىستاقتىڭ ەكونوميكالىق اينالىمى ورنىقتى، جاعدايى جاقسى بولعان، ءبىرىنشى كاسىپتىڭ ارتقان قۇنى ءبىر تريلليون 133 ميلليارد 200 ميلليون يۋان بولىپ، سايكەس مەزگىلدەگىدەن %8.1 ارتىپ، «14 - بەسجىلدىقتا» جاقسى باستاما باستاپ، جاقسى قادام تاستاۋعا بەرىك نەگىز قالاعان. %8.1 استىق حاۋىپسىزدىگىنىڭ ىرىقتىلىق ۇقىعى ءوز قولىمىزدا ەكەنىنەن، ەكونوميكالىق، قوعامدىق دامۋدىڭ «ورنىقتىرعىشى» بارعان سايىن نىعايا تۇسكەنىنەن دەرەك بەرەدى.

　　− %8.1 تىڭ استارىندا اۋىل شارۋاشىلىق ەگىمشىلىك قۇرىلىمىنىڭ ۇزدىكسىز ساپالىلانۋى جاتىر.

　　شاندۇڭ ولكەسىنىڭ شاڭحى اۋدانىنداعى مەملەكەتتىك ەگىس داقىلدارى تۇقىمىن كورمەگە قويۋدان ۇلگى كورسەتۋ ورتالىعىندا، 400 دەن استام ۇلگى رەتىندە ەگىلگەن ءبيداي سورتىنىڭ ءوسۋى جاقسى ەكەن. ورتالىقتىڭ جاۋاپتىسى يە شيۋچين بىلاي دەدى: «جاڭا سورت وسى ارادا ءبىر مايداندا <باسەكەگە تۇسەدى>، كەم دەگەندە 6 جىلدىق دايىندىق سىناقتان، وڭىرلىك سىناقتان جانە وندىرىستىك سىناقتان كەيىن، مامانداردىڭ باعالاۋىنان وتكەننەن سوڭ عانا ۇزاققا سوزىلعان سورتتى تۇقىم تاڭداۋ جۇمىسىنىڭ ناتيجەسى شىعادى».

　　تۇقىم سورتىن رەتتەپ، قۇرىلىمدى ساپالىلاندىرىپ، ماڭىزدى اۋىل شارۋاشىلىق ونىمدەرىمەن ءونىمدى قامداۋعا كەپىلدىك ەتتى. حىنان ولكەسىندە بيىل ساپالى ارناۋلى ءبيداي ەگىلگەن جەر كولەمى 15 ميلليون 330 مىڭ مۋعا جەتىپ، وتكەن جىلداعىدان ءبىر ميلليون 830 مىڭ مۋ ارتتى؛ حيلۇڭجياڭ ولكەسى مۋ باسىندىق ءتۇسىمى مىڭ جىڭنان اساتىن كراحمال جۇگەرىسىن، مۋ باسىندىق ءتۇسىمى 350 جىڭنان اساتىن جوعارى ءونىمدى، جوعارى بەلوكتى سويا بۇرشاق پەن ءدامى جاقسى جاتاعان كۇرىشتى ءتۇيىندى تۇردە جالپىلاستىرادى.

　　اۋىل شارۋاشىلىعى، اۋىل – قىستاق مينيسترلىگى ەكپەشىلىكتى باسقارۋ تارماق مەكەمەسىنىڭ باستىعى پان ۋىنبو تانىستىرىپ بىلاي دەدى: بيىل شىعىس سولتۇستىك، حۋاڭحى، حۋايحاي سياقتى رايونداردا 10 ميلليون مۋدان استام جۇگەرى ەگىلىپ، سويا بۇرشاق ەگىلەتىن جەر كولەمى 140 ميلليون مۋ نەگىزىندە ورنىقتىرىلادى. چاڭجياڭ وزەنى الابىندا كۇرىش ەگۋ ۇلگىسى جۇرگىزىلىپ، قوس ءتۇسىمدى كۇرىش اۋماعى بەكەمدەلۋمەن بىرگە، كۇزدىك قىشى ەكپەشىلىگى زور كۇشپەن دامىتىلىپ، مايلى داقىلدارمەن قامداۋ، قامتاماسىزداندىرۋ قۋاتى جوعارىلاتىلادى.

　　− %8.1 تىڭ استارىندا اۋىل شارۋاشىلىق ءوندىرىس ءتاسىلىنىڭ تيبىن وزگەرتىپ، دارەجەسىن جوعارىلاتۋ جاتىر.

　　جياڭسۋ ولكەسىنىڭ شى - ياڭ اۋدانىندا جاسىل مايسا سۋلى اتىزعا كورىك قوستى. بۇل ارا الىس - جاقىنعا ايگىلى «كۇن نۇرىنان قۋات العان كۇرىش» وندىرەتىن جەر. شى - ياڭ كۇرىش توبىنىڭ باس جوراسى داي يۇييوۋ اۋىل شارۋاشىلىق تەحنيكتەرىن باستاپ ، مايسانىڭ ءوسۋ جاعدايىن كوزدەن كەشىرىپ، حيميالىق تىڭايتقىشتىڭ، ەگىس دارىلەرىنىڭ ىستەتىلۋىن ازايتتى. توپ جاسىل كۇرىش وندىرۋدە تاباندى بولىپ، وسى زامانعى اۋىل شارۋاشىلىعىنىڭ تۇتاس كاسىپ تىزبەگىن دامىتۋ ارقىلى استىق ەگەتىن شارۋالاردىڭ كىرىسىن ارتتىرىپ، اۋقاتتانۋىنا جەتەكشىلىك ەتتى. قازىر توپ اۋدانداعى استىق ەگەتىن ءىرى وتباسىلارمەن جانە قىستاق كوللەكتيۆ سەلبەستىك كووپەراتيۆىمەن 200 مىڭ مۋدان استام اتىزدا «وڭتۇستىك جاتاعان 9108» سياقتى ساپالى كۇرىش تۇقىمدارىن ەگۋگە قول قويىسىپ، 20 مىڭنان استام ەگىنشى وتباسىنىڭ كىرىسىن ارتتىرۋعا جەتەكشىلىك ەتتى.

　　اۋىل شارۋاشىلىعىنىڭ جاسىل دامۋى نىق قاداممەن ىلگەرىلەپ، ىشكەرىلەي كەڭەيدى. بيىل جىل باسىنان بەرى اۋىل شارۋاشىلىق قوسىلىمىندا سورتتى ازايتىپ، ونىمدىلىگىن ارتتىرۋ ۇزدىكسىز ىلگەرىلەتىلىپ، 300 دەن استام اۋدان جاسىل، ساپالى، جوعارى ءونىمدى بولۋ ارەكەتىن تۇتاس قۇرىلىم بويىنشا ورىستەتىپ، اۋىل شارۋاشىلىق وندىرىسىندە «3 سورت، ءبىر ولشەمدى» جوعارىلاتۋ ارەكەتىن جاپپاي اتقاردى. ءبىرىنشى توقساندا اۋىل شارۋاشىلىق ونىمدەرىنىڭ ساپا حاۋىپسىزدىگىن داعدىلى باقىلاپ – ولشەۋدەگى تولىمدىلىق شاماسى %97 تەن جوعارى بولدى، جاسىل، ورگانيكالىق جانە جاعراپيالىق بەلگىسى بار اۋىل شارۋاشىلىق ونىمدەرىنىڭ مولشەرى 10 مىڭ 934 كە جەتتى، قازىرگە دەيىن جالپى مولشەرى 54 مىڭ 790 عا جەتتى.

　　− %8.1 تىڭ استارىندا اۋىل شارۋاشىلىعىنىڭ ءۇش كاسىپپەن توعىسا دامۋىنىڭ ۇزدىكسىز تەزدەۋى جاتىر.

　　حۋبەي ولكەسى جىجياڭ قالاسى بايليجوۋ قالاشىعى سانجوۋ قىستاعى پارتيا ياچەيكاسىنىڭ شۋجيى لەي شيان - ۋ تانىستىرىپ بىلاي دەدى: 3 - ايدا المۇرت گۇلى مەرەكەسىندە المۇرت گۇلدەرى باقشاسىندا ساياحاتشىلار گۇل تاماشالاپ، سۋرەتكە ءتۇسىپ، اياعى ۇزىلمەدى. قازىر بايليجوۋ قالاشىعىنىڭ المۇرت ەگىلگەن جەر اۋدانى 36 مىڭ مۋعا جەتىپ، ەگىمشىلىك، مانەرلەۋ، تاماشالاۋ سياقتى تۇتاس كاسىپ تىزبەگىن قامتىپ، ءونىم قۇنى ءبىر ميلليارد يۋاننان اسىپ، 20 مىڭنان استام باعبان وتباسىنىڭ كىرىستى ارتتىرۋىنا جەتەكشىلىك ەتتى.

　　كاسىپ تىزبەگىن قالىپتاستىرىپ، اۋىل - قىستاق كاسىپ سالاسىنىڭ توعىسپالى دامۋىنا دەم بەردى. ءبىرىنشى توقساندا بۇكىل ەل بويىنشا اۋىل شارۋاشىلىق قوسىمشا ازىق - تۇلىك مانەرلەۋ كاسىبىنىڭ ارتقان قۇنى سايكەس مەزگىلدەگىدەن %15.2 ارتىپ، ەگىنجايلارعا بارىپ ەگىنشىلىكتىڭ قىزىعىن سەزىنىپ، ۇلتتىق سالت - سانانى ءتۇسىنۋ تۇرعىنداردىڭ ساياحاتقا شىعۋداعى جاڭا تالعامىنا اينالدى.

　　اۋىل شارۋاشىلىعىن، اۋىل - قىستاقتى الدىمەن دامىتۋدا بۇلجىماستان تاباندى بولىپ، اۋىل شارۋاشىلىعىنىڭ ساپالى، جوعارى ءونىمدى بولۋىن، اۋىل - قىستاقتىڭ قونىستانۋعا، كاسىپكە قولايلى بولۋىن، شارۋالاردىڭ باي - باقىتتى بولۋىن جەبەدى. %8.1 دەگەن وسى ءمان اۋىل شارۋاشىلىعى، اۋىل - قىستاق، شارۋالار قىزمەتىنىڭ العاشقى توقسانداعى تاماشا باستاماسىن ايگىلەپ، تۇتاس جىلداعى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋگە نەگىز قالاپ، كەدەيلىكتەن ارىلتۋدان قامال الۋدىڭ جەتىستىكتەرىن باتىل ساقتاپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىنا ءتيىمدى شارت - جاعداي ازىرلەدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved