دەرەۋ تەكسەرىڭىز! شوفەرلىك كۋالىك، نوپوس ءبىتىرۋ قاتارلىلاردا جاڭا وزگەرىس بولدى
2021.05.11 13:34 كەلۋ قاينارى : حالىق تورابى
بۇگىن (5 – ايدىڭ 10 – كۇنى) قوعام حاۋىپسىزدىگى مينيسترلىگى اقپار جاريالاۋ ءماجىلىسىن اشىپ، «ەلەكتروندى شوفەرلىك كۋالىگىن تۇيىندە جالپىلاستىرۋ، اۆتوماتتى قارقىن وزگەرتكىشتى اۆتوموبيلدىڭ ەكىنشى ساباعىنىڭ سىناۋىن 4 تۇرگە ازايتۋ» قاتارلى حالىققا قولايلى 12 ءتۇرلى شارانى جاريالادى.
ەلەكتروندى شوفەرلىك كۋالىگىن تاراتۋ تۇيىندە سىناق ەتىلەدى
6 – ايدىڭ 1 – كۇنىنەن باستاپ، تيانجين، چىڭدۋ، سۋجوۋ سىندى ءۇش قالادا ەلەكتروندى شوفەرلىك كۋالىگىن تاراتۋ تۇيىندە سىناق ەتىلەدى. ەلەكتروندى شوفەرلىك كۋالىگى مەملەكەتتىك قوعام حاۋىپسىزدىگى قاتىناس باسقارۋ تاراۋلارىنىڭ ەلەكتروندى كۋالىكتەردى باسقارۋ جۇيەسى ارقىلى ىسكە قوسىلىپ، شوفەرلىك كۋالىكتىڭ سول مەزەتتەگى جاعدايىن كورۋگە بولادى، بۇل دەر كەزىندە تەكسەرۋگە، دەر كەزىندە كورسەتۋگە، دەر كەزىندە ساراپتاۋدان وتكىزۋگە قولايلى بولادى. بيىل سوڭعى جارىم جىلدا تاعى ءبىر ءبولىم جەرلەردى تاڭداپ، تۇيىندە سىناق ەتۋ كولەمى كەڭەيتىلەدى، 2022 – جىلى بۇكىل ەلىمىز بويىنشا جالپىلاستىرىلادى.
شوفەرلىك كۋالىك ەمتيحانىندا جاڭا وزگەرىس بولادى
6 – ايدىڭ 1 – كۇنىنەن باستاپ، اۆتوماتتى قارقىن وزگەرتكىشتى شاعىن تۇرپاتتى اۆتوموبيلدەردىڭ شوفەرلىك كۋالىگىن الۋ ەمتيحانىنىڭ ەكىنشى ساباعىنىڭ ەمتيحانىندا «قايقاڭ جولداعى بەلگىلەنگەن ورىنعا اۆتوموبيلدى توقتاتۋ جانە جۇرگىزۋ» ءتۇرى كۇشىنەن قالدىرىلادى.
ءۇشىنشى ساباق ەمتيحانىنا الدىن الا ۋاقىت بەلگىلەۋ ارالىعى ءبىرىنشى ساباق ەمتيحانىندا تولىمدى بولعاننان كەيىنگى 30 كۇننەن 20 كۇنگە وزگەرتىلدى.
ءىرى، ورتا تۇرپاتتى جولاۋشىلار اۆتوموبيلى مەن جۇك اۆتوموبيلىنىڭ شوفەرلىك كۋالىگىن ۇيرەنۋشىلەردىڭ ءۇشىنشى ساباق ەمتيحانىنا الدىن الا ۋاقىت بەلگىلەۋ ارالىعى ءبىرىنشى ساباق ەمتيحانىندا تولىمدى بولعاننان كەيىنگى 40 كۇننەن 30 كۇنگە وزگەرتىلدى.
وتكەرمەلەپ ساتىپ العان اۆتوموبيلدەرگە قاتىستى بارلىق رەسميەتتەردى ينتەرنەت ارقىلى بىتىرۋگە بولادى
جولاۋشى تاسىمالداۋعا پايدالانبايتىن وتكەرمەلەپ ساتىپ الىنعان شاعىن تۇرپاتتى اۆتوموبيلدەرگە قاتىستى ساۋدالاسۋدى تىزىمگە الدىرۋدا «ولكە اتتاپ جۇمىس بىتىرۋگە» بولادى، ارحيۆ ماتەريالدارىن ەلەكتروندى تۇردە ينتەرنەت ارقىلى جوتكەپ تاپسىرۋعا بولادى، جۇرتشىلىق اۆتوموبيلدى اپارعان جەردە ساۋدالاسۋدى تىزىمگە الدىرۋ رەسميەتىن تىكەلەي بىترە الادى، ەكى جەر اراسىندا بارىپ – كەلىپ سابىلمايدى.
قالا – قالاشىقتارداعى ەسكىرگەن الەۋمەتتىك اۋماقتاردىڭ ماڭىنداعى تاس جولداردان تولىق پايدالانىپ، جولى كەڭ، اۆتوموبيل ءبىرشاما از تارماق جولداردى سارالاي وتىرىپ، تۇرعىنداردىڭ ءتۇن، اپتا سوڭى، زاڭدا بەلگىلەنگەن دەمالىس كۇندەرى قاتارلى نەگىزگى كولىك توقتاتۋ قاجەتتەرى ءبىرشاما زور بولعان مەزگىلدەردە وسى جەرلەرگە اۆتوموبيل توقتاتۋىنا رۇقسات بەرۋ كەرەك. بۇكىل قالا بويىنشا 24 ساعات بويى جۇك اۆتوموبيلىنىڭ قاتىناۋىنا تيىم سالۋ سىندى «ءبىر تاياقپەن ايداعان» ساياساتتاردى اداقتاۋ قاجەت، قالانىڭ وزەكتى رايوندارى قاتارلى ەرەكشە رايوندارداعى ءىشىنارا جولداردان سىرت، باسقا جولداردا جۇك اۆتوموبيىلىنىڭ قاتىناۋىن 24 ساعات بويى شەكتەۋگە بولمايدى، ءار كۇنى قاتىناۋعا رۇقسات بەرەتىن ۋاقىت، پرينسيپتىك جاقتان، 6 ساعاتتان كەم بولماۋى كەرەك.
قاتىناس باسقارۋعا قاتىستى ينتەرنەتتە بىتىرۋگە بولاتىن ىستەردىڭ سانى كوبەيتىلدى
6 – ايدىڭ 1 – كۇنىنەن باستاپ، جۇرتشىلىق شوفەرلىك كۋالىگىن تىزىمگە الدىرۋ، كۋالىكتى تولىقتاۋ جانە اۋىستىرۋ، الۋ قاتارلى قاتىناس باسقارۋعا قاتىستى ىستەردى بىتىرگەن كەزدە، ەگەر ءوزى ناق مايدانعا بارىپ بىتىرۋگە قولايسىز بولسا، «قاتىناس باسقارۋ 12123» App قولدانباسى ارقىلى باسقالاردىڭ ونىڭ اتىنان ءبىتىرىپ بەرۋىنە بولادى، قاعاز جۇزىندەگى اماناتتاۋ حاتىن كورسەتۋدىڭ قاجەتى جوق.
6 – ايدىڭ 1 – كۇنىنەن باستاپ، شاڭحاي، جياڭسۋ، شاندۇڭ، گۋاڭدۇڭ، چۇڭچيڭ، سىچۋان قاتارلى 6 ولكەدە (توتە قاراستى قالادا) قاتىناس شىرعالاڭىنا قاتىستى ىسپات ماتەريالدارىن ينتەرنەت ارقىلى تەكسەرىپ كورۋ تۇيىندە سىناق ەتىلەدى. 60 جاستان اسقان قارتتار 6 – ايدىڭ 1 – كۇنىنە باستاپ، تۋىس – تۋعاندارى مەن دوس – جاراندارىنىڭ «قاتىناس باسقارۋ 12123» App قولدانباسىنداعى نومىرىنەن پايدالانىپ، تۋىس – تۋعاندارى جانە دوس – جاراندارىنىڭ كومەگىندە اۆتوموبيل كۋالىگى، شوفەرلىك كۋالىگى قاتارلىلاردى بىتىرە الادى. جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعاندىقتان، شەتەلدەن دەر كەزىندە قايتىپ كەلىپ شوفەرلىك كۋالىگىن بىتىرە المايتىن شوفەرلەرگە دە سايكەستى شەشىم ەتۋ شارالارى ويلاستىرىلعان.
نوپوسقا قاتىستى 6 ءتۇرلى جۇمىستى «ولكە اتتاپ بىتىرۋگە» مۇمكىندىك جاساۋ جىل سوڭىنان بۇرىن ورىندالادى
مۇنان سىرت، قوعام حاۋىپسىزدىگى مينيسترلىگىنىڭ قاتىستى جاۋاپتىسىنىڭ ايتۋىنشا، بيىل جىل سوڭىنان بۇرىن، نوپوسقا قاتىستى 6 ءتۇرلى جۇمىستى بۇكىل ەلىمىز كولەمىندە «ولكە اتتاپ بىتىرۋگە» مۇمكىندىك جاسالادى، ولار مىنالار:
نوپوسقا قاتىستى ىسپاتتار
قىزمەتى اۋىسقان سوڭ، نوپوسىن جوتكەۋ
ارناۋلى كۋرس، ورتا تەحنيكۋم مەكتەپتەرىنە قابىلدانعانداردىڭ نوپوسىن جوتكەۋ
ارناۋلى كۋرس، ورتا تەحنيكۋم مەكتەپتەرىنەن وقۋ تاۋىسقانداردىڭ نوپوسىن جوتكەۋ
ەرلى – زايىپتىلاردىڭ بىرەۋىنىڭ نوپوسىن بەلگىلى شارتقا ساي ەندى بىرەۋىنىڭ نوپوسى تۇرعان جەرگە جوتكەۋ
اتا – اناسىنىڭ نوپوسىن بەلگىلى شارتقا ساي پەرزەنتتەرىنىڭ نوپوسى تۇرعان جەرگە جوتكەۋ
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
