حالىقارالىق شاڭعى بىرلەستىگىنىڭ دالالىق شاڭعى جارىسى التايدا باستالدى
2021.05.10 15:18 كەلۋ قاينارى : حالىق تورابى
شينجياڭ گازەتىنىڭ 5 – ايدىڭ 9 – كۇنى التايدان بەرگەن حابارى. انار بۇلت \ شينجياڭ گازەتى تىلشىلەرى دۇڭ لياڭ، حۋاڭ شيڭ حابارلايدى: 5 – ايدىڭ 9 – كۇنى تۇستەن بۇرىن، 2021 — 2022 – جارىس ماۋسىمىنداعى حالىقارالىق شاڭعى بىرلەستىگىنىڭ دالالىق شاڭعى FIS ءنومىر جيناۋ جەلىلەس جارىسى (التاي بەكەتى) التاي قالاسى سارقوبى دالالىق شاڭعى الاڭىندا باستالدى.
بۇل رەتكى جارىس 3 كۇن وتكىزىلەدى، مەملەكەتتىك كوماندادان كەلگەن 41 سپورتشى مەن شينجياڭ دالالىق شاڭعى كومانداسىنداعى 4 سپورتشى جارىسقا قاتىناسادى، ولار جەكە – جەكە ايەلدەردىڭ 10 كيلومەترلىك جارىسى مەن ەرلەردىڭ 10 كيلومەترلىك جارىسى، ءداستۇرلى جانە قۋالامالى جارىس قاتارلى 3 ءتۇر بويىنشا جارىسقا قاتىناسادى.
حالىقارالىق شاڭعى بىرلەستىگىنىڭ دالالىق شاڭعى بويىنشا جۇڭگودا وتكىزىلەتىن ءنومىر جيناۋ جارىسى حالىقارالىق كاسىپتىك دالالىق شاڭعى جارىسى ەسەپتەلەدى. بۇل رەت التاي بەكەتىندە وتكىزىلگەن جارىس 2021 — 2022 – جارىس ماۋسىمىنداعى العاشقى جارىس بولىپ، بۇل جارىس ماۋسىمىنداعى جيناعان ءنومىرىنىڭ رەتى 2022 – جىلعى بەيجيڭ قىسقى وليمپياداسىنا قاتىناسۋ تولىمدىلىعىنا قاتىستى بولادى.
العاشقى كۇنى وتكىزىلگەن ەركىن سىرعاناۋ جارىسىندا چى چۇنشۋە، لي شين، لي حۇڭشۋە ايەلدەردىڭ 10 كيلومەترلىك جارىسىنىڭ الدىڭعى ءۇش ورنىنا يە بولادى، ەرلەردىڭ 15 كيلومەترلىك جارىسىنىڭ الدىڭعى ءۇش ورنىنا يە بولعاندار جەكە – جەكە ءابدىلحان ەرنار ۇلى، چىن دىگىن جانە ۋاڭ چياڭ.
«نولدەن جوعارى 20 سەلسي گرادۋستىق تەمپەراتۋرادا جارىسقا قاتىناسۋ شاباندوزدار جونىنەن العاندا وتە راحات سەزىلەتىنى راس»، — دەيدى حاربيننەن كەلگەن لي شين، ول 13 – كەزەكتى مەملەكەتتىك قىسقى سپورت جارىسىندا 4 التىن مەدال العان، ول: «مەن تەك ەكىنشى ورىنعا يە بولعانىممەن، فيزولوگيالىق كۇيىمنىڭ بارعان سايىن جاقسارعانىن سەزىندىم، الداعى جارىستاردا مۇنان دا جاقسى ورىنعا يە بولاتىنىما سەنەمىن. 2022 – جىلعى بەيجيڭ قىسقى وليمپياداسىنا قاتىناسۋ تولىمدىلىعىنا يە بولاتىنىما سەنىمىم كامىل»، — دەيدى.
مەملەكەتتىك دالالىق شاڭعىعا توپتىق جاتتىعۋ كومانداسىنىڭ جەتەكشىسى جاڭ بەي بىلاي دەپ تانىستىردى: جەلىلەس جارىس 5 – ايدان باستاپ، جارىس ماۋسىمى اياقتاعانعا دەيىن، جيىنى 8 بەكەتتە وتكىزىلەدى. وسىنداي جارىستار ارقىلى سپورتشىلاردىڭ جارىس بارىسىنداعى تاجىريبەلەرىن ارتتىرىپ، ولقىلىقتارىن بايقاپ، كەلەسى ساتىداعى جاتتىعۋعا نەگىز قالايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
