اۋىس - كۇيىستى تەرەڭدەتىپ، سەلبەستىكتى بىرگە جوسپارلاپ، ءار ەل حالىقتارىنا ءتىپتى دە زور باقىت جاراتايىق
«حالىق گازەتىنىڭ» شولۋشىسى
2021.05.08 16:05 كەلۋ قاينارى : حالىق تورابى
جۇڭگونىڭ دامۋى دۇنيە جۇزىنەن قول ۇزە المايدى، دۇنيە ءجۇزىنىڭ گۇلدەنۋى دە جۇڭگوعا مۇقتاج.
5 - ايدىڭ 6 - كۇنى كوكوس اعاشى جايقالىپ، جەلمەن تەربەلىپ، كوگىلدىر تەڭىزى كوك اسپانمەن تۇتاسقان حاينان تەڭىز ساعاسىندا تۇڭعىش كەزەكتى جۇڭگو حالىقارالىق تۇتىنۋ بۇيىمدارى كورمەسى اشىلدى. مەملەكەت ءتوراعاسى شي جينپيڭ قۇتتىقتاۋ حاتىن جولداپ بىلاي دەپ اتاپ كورسەتتى: جۇڭگو حالىقارالىق تۇتىنۋ بۇيىمدارى كورمەسىن وتكىزۋ دۇنيە جۇزىلىك تۇتىنۋ سارا تۋىندىلارىن ايگىلەۋ ساۋدا تەكشەسىمەن قامدايدى، بۇل دۇنيە جۇزىندەگى ءار ەلدىڭ جۇڭگو بازارىنىڭ ورايىنان بىرگە يگىلىكتەنۋىنە، دۇنيە ءجۇزى ەكونوميكاسىنىڭ قالپىنا كەلۋى مەن ارتۋىنا ءتيىمدى، سونداي - اق جۇڭگونىڭ دۇنيە ءجۇزىن ءتىپتى دە كوپ ساپالى تۇتىنۋ بۇيىمدارىمەن قامداۋىنا دا ءتيىمدى، ءار ەلدىڭ سيلى قوناقتارى مەن ءار سالا قايراتكەرلەرىنىڭ اۋىس - كۇيىستى تەرەڭدەتىپ، سەلبەستىكتى بىرگە جوسپارلاپ، ءار ەل حالىقتارىنا ءتىپتى دە زور باقىت جاراتۋىن ءۇمىت ەتەمىن.
مەملەكەت بويىنشا تۇڭعىش رەتكى تۇتىنۋ سارا تۋىندىلارىن نەگىزگى تاقىرىپ ەتكەن مەملەكەت دارەجەلى كورمە رەتىندە تۇڭعىش كەزەكتى تۇتىنۋ بۇيىمدارى كورمەسىنىڭ كورىنەۋ تۇيىندەرى ارت - ارتىنان جارىققا شىعىپ، جۇرت نازارىن اۋداردى. ازيا - تىنىق مۇحيت وڭىرىندەگى وسى ەڭ ۇلكەن تۇتىنۋ سارا تۋىندىلارى كورمەسىنىڭ جالپى اۋماعى 80 مىڭ شارشى مەتر، كورمەگە ەل ءىشى - سىرتىنان ءبىر مىڭ 500 گە جۋىق كاسىپورىن قاتىناستى، بۇلار 70 كە جۋىق مەملەكەت پەن رايوننان كەلگەن. كورمەگە قاتىناسقان كاسىپورىنداردىڭ ىشىندە دامىعان ەلدەردەن كەلگەن ءجۇز جىلدىق كونە دۇكەندەر دە، ەل ىشىندەگى ايگىلى ماركالار مەن كونە ماركالار دا بار. كورمە كەزىندە ءار ەلدىڭ سارا بۇيىمدارى مەن تاڭداۋلى بۇيىمدارى توپتالىپ، كوپتەگەن كاسىپتەگى جاڭا ونىمدەر ورتاعا سالىندى، قاتىستى كاسىپتىك ۇيىمدار مەن باستاماشى كاسىپورىندار كورمەنى بەلسەنە تاماشالاپ، زات ساتىپ الىپ، جۇڭگونىڭ ەرەكشە كەڭ كولەمدى بازارىنىڭ جالىندى ومىرشەڭدىك كۇشى مەن وراسان زور باۋراۋ قۋاتى تولىق ايگىلەندى. كورمە ءار ەلدىڭ تۇتىنۋ سارا تۋىندىلارىنىڭ جۇڭگو بازارىنا كىرۋىنە كورمەگە قويۋ، ساۋدالاۋ تەكشەسىن ازىرلەپ بەردى، سونداي - اق جۇڭگونىڭ جەر - جەرى مەن ءار ەلدىڭ تۇتىنۋ سارا تۋىندىلارىنىڭ دۇنيە ءجۇزىنىڭ جەر - جەرىنە ساتىلۋىنا ساۋدا ورايىن جاراتىپ، جۇڭگونىڭ ءىس جۇزىندىك ارەكەتى ارقىلى سەلبەستىك ورتاق تانىمىن ۇيىستىرىپ، ءوزارا پايدا جەتكىزىپ، تەڭ يگىلىككە كەنەلۋدى جەبەيتىن بەرىك بەكىمىن تولىق ايگىلەدى.
قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل دۇنيە جۇزىندە تارالىپ، دۇنيە ءجۇزى ەكونوميكاسىنا اۋىر سوققى بولۋدا، دۇنيە ءجۇزى ەكونوميكاسىنىڭ قالپىنا كەلۋ مىندەتى توتەنشە جاپالى. ەكونوميكانىڭ جاھاندانۋى جاعدايىندا ءار ەل ەكونوميكاسى ءبىر - بىرىنە سۇيەنىپ ءومىر سۇرەدى، مۇددەلەردىڭ توعىسۋى بۇرىن بولىپ كورمەگەن دارەجەدە بولادى، ەسىك اشۋ، توعىسۋ − بوگەۋ بەرمەس تاريحي بەتالىس، تەك شىنايى مامىلە جاساۋ، جالپىعا ءتيىمدى بولۋ، بىرگە يگىلىكتەنۋ عانا ءتۇبىرلى شارا بولىپ تابىلادى. ءتوراعا شي جينپيڭ تەرەڭ اتاپ كورسەتكەندەي: «ەسىك اشۋ − دامۋدىڭ، العا باسۋدىڭ، ءسوزسىز، باسىپ وتەتىن جولى ءارى ىندەتتەن كەيىنگى ەكونوميكانىڭ قالپىنا كەلۋىن جەبەۋدىڭ تەتىگى». ىندەتتىڭ سوققىسىنا قاراتا دۇنيە جۇزىندەگى ءار ەل ىندەتكە قول ۇستاسا قارسى اتتانىپ، قيىنشىلىقتى بىرگە جەڭىپ، اشىق دۇنيە ءجۇزى ەكونوميكاسىن قۇرعاندا عانا، دۇنيە ءجۇزى ەكونوميكاسىنىڭ تەز ارادا قالپىنا كەلۋىن ىلگەرىلەتىپ، ىندەتتىڭ قىسپاعىنان شىعا الامىز. گۋاڭجوۋ جارمەنكەسىنەن، قىزمەت وتەۋ ساۋداسى جارمەنكەسىنەن، يمپورت كورمەسىنەن كەيىن جۇڭگو تاعى دا تۇتىنۋ بۇيىمدارى كورمەسىن وتكىزىپ، جۇڭگونىڭ دۇنيە جۇزىمەن بازار ورايىنان تەڭ يگىلىكتەنىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋدەگى شىنايى تىلەگى مەن ءىرى ەلدىك جاۋاپكەرلىگىن ايگىلەدى.
جۇڭگو حالقى جاپالى قۇلشىنىس ارقىلى ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزدى، جۇڭگو ەكونوميكاسىندا ورنىعۋ، جاقسارۋ جاعدايى جارىققا شىقتى. بيىل ءبىرىنشى توقساندا جۇڭگودا ەكونوميكانىڭ ارتۋ قارقىنى، تۇتىنۋدىڭ ارتۋ قارقىنى، قارجى قوسۋدىڭ ارتۋ قارقىنى سياقتى باستى كورسەتكىشتەر تۇگەلدەي ەكى ورىندى سانمەن ارتتى، مۇنىڭ ىشىندە تۇتىنۋ بۇيىمدارىنىڭ يمپورت ەتىلۋى سايكەس مەزگىلدەگىدەن %18.1 ارتىپ، جەدەل ارتۋ جاعدايى ۇزدىكسىز جارىققا شىقتى. بۇل جۇڭگو ەكونوميكاسىنىڭ پارمەندى سەرپىمدىلىگى مەن وراسان زور دامۋ كومەسكى كۇشىن تولىق ايگىلەپ، دۇنيە جۇزىندەگى ءار ەل كاسىپورىندارىن اناعۇرلىم كوپ ساۋدا ورايىمەن جانە اناعۇرلىم كەڭ دامۋ ورەسىمەن قامدايدى. ءتوراعا شي جينپيڭ دارىپتەگەندەي: «جۇڭگو حاينان ەركىن ساۋدا پورتىنىڭ رەفورمانى جاپپاي تەرەڭدەتۋ جانە ەڭ جوعارى دەڭگەيدەگى ەسىك اشۋ ساياساتىن تاجىريبەدەن وتكىزۋ ابزالدىعىن ساۋلەلەندىرىپ، ەكى جاقتى، كوپ جاقتى، وڭىرلىك سەلبەستىكتى تەرەڭدەتىپ، ءار جاقپەن بىرگە ادامزاتتىڭ اناعۇرلىم كوركەم بولاشاعىن قول ۇستاسا وتىرىپ بىرگە جاراتۋدى قالايدى». جۇڭگو جاڭا دامۋ كەزەڭىن عىلمي يگەرىپ، جاڭا دامۋ ۇستانىمىن باتىل دايەكتىلەندىرىپ، جاڭا دامۋ جاعدايىن بەلسەنە قالىپتاستىرىپ، ەسىك اشۋ، سەلبەسۋ، ىنتىماقتاسۋ، تەڭ يگىلىككە كەنەلۋ سەنىمىنەن جازباي، ەسىك اشۋدى تاباندىلىقپەن جاپپاي كەڭەيتىپ، ىشكى - سىرتقى بازاردىڭ ۇلاسۋىن، فاكتورلار بايلىعىنان بىرگە يگىلىكتەنۋدى اناعۇرلىم ءونىمدى تۇردە جۇزەگە اسىرىپ، جۇڭگو بازارىن دۇنيە ءجۇزىنىڭ بازارىنا، بىرگە يگىلىكتەنەتىن بازارعا، كوپشىلىكتىڭ بازارىنا اينالدىرىپ، دۇنيە ءجۇزى ەكونوميكاسىنىڭ قالپىنا كەلۋى مەن دامۋىنا اناعۇرلىم كوپ وڭ ەنەرگيا قوسادى.
تار جول، تايعاق كەشۋلەردەن بىرگە ءوتىپ، جەلكەن جايىپ، تولقىن جارا العا تارتتى. بولاشاقتى بەتكە العاندا، جۇڭگو ءار ەلمەن بىرگە اۋىس - كۇيىستى تەرەڭدەتىپ، سەلبەستىكتى بىرگە جوسپارلاپ، ەسىك اشۋ بارىسىندا وراي جاراتىپ، سەلبەستىك بارىسىندا قيىن ماسەلەلەردى شەشىپ، ادامزاتتىڭ اناعۇرلىم كوركەم بولاشاعىن قول ۇستاسا جاراتۋعا پەيىل!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
