مەملەكەت بويىنشا حالىق سانىن 7 – رەت جاپپاي تەكسەرۋدىڭ باستى ساندى مالىمەتى جاريالاندى
حالىق سانىنىڭ جالپى مولشەرى ورنىقتى ارتتى
«حالىق گازەتىنىڭ» ءتىلشىسى لۋ يانان
2021.05.12 19:03 كەلۋ قاينارى : حالىق تورابى
5 - ايدىڭ 11 - كۇنى مەملەكەتتىك ساناق مەكەمەسى، مەملەكەتتىك كەڭەستىڭ 7 – رەتكى مەملەكەتتىك حالىق سانىن جاپپاي تەكسەرۋگە باسشىلىق ەتۋ گرۋپپاسى كەڭسەسى بىلاي دەپ جاريالادى: 2020 – جىلى 11 - ايدىڭ 1 – كۇنى ساعات نولگە دەيىن بۇكىل ەل بويىنشا حالىق سانى جالپى ءبىر ميلليارد 411 ميلليون 780 مىڭ ادام بولىپ، 2010 – جىلعى 6 – رەتكى حالىق سانىن جاپپاي تەكسەرۋدەگى ءبىر ميلليارد 339 ميلليون 720 مىڭ اداممەن سالىستىرعاندا 72 ميلليون 60 مىڭ ادام كوبەيىپ، %5.38 ارتىپ، جىلدىق ورتاشا ارتۋ شاماسى %0.53 بولىپ، 2000 – جىلدان 2010 – جىلعا دەيىنگى %0.57 جىلدىق ورتاشا ارتۋ شاماسىنان 0.04 پايىز تومەندەگەن.
«ەلىمىزدىڭ حالىق سانى جالپى مولشەرىنىڭ ارتۋ قارقىنى باياۋ بولعانىمەن، ءالى دە ورنىقتى ارتۋدى ساقتادى. 2020 – جىلى ەلىمىزدىڭ جالپى حالىق سانى بۇكىل دۇنيە جۇزىندەگى جالپى حالىق سانىنىڭ شامامەن %18 ىن ۇستاپ، حالىق سانى جاعىندا ءالى دە دۇنيە جۇزىندەگى ءبىرىنشى ءىرى ەل بولىپ وتىر» دەدى مەملەكەتتىك كەڭەستىڭ 7 - رەتكى حالىق سانىن جاپپاي تەكسەرۋ باسشىلىق گرۋپپاسى باستىعىنىڭ ورىنباسارى، مەملەكەتتىك ساناق مەكەمەسىنىڭ باستىعى نيڭ جيجى.
بۇكىل ەلدىڭ حالىق سانى دەپ ەلىمىزدىڭ ۇلى قۇرلىعىنداعى 31 ولكە، اۆتونوميالى رايون، توتە قاراستى قالانىڭ جانە مىندەت وتەپ جاتقان اسكەريلەردىڭ حالىق سانى ايتىلىپ وتىر، بۇندا 31 ولكە، اۆتونوميالى رايون، توتە قاراستى قالادا تۇراتىن شياڭگاڭ، اۋمىن، تايۋان تۇرعىندارى مەن شەتەلدىك ازاماتتار قامتىلمايدى.
نوپوس جاعدايىنا كوز جىبەرسەك، وتباسى نوپوس كولەمى ۇزدىكسىز كىشىرەيگەن. بۇكىل ەل بويىنشا جالپى وتباسى نوپوسى 494 ميلليون 160 مىڭ، وتباسى نوپوسىنىڭ حالىق سانى ءبىر ميلليارد 292 ميلليون 810 مىڭ؛ كوللەكتيۆ نوپوس 28 ميلليون 530 مىڭ، كوللەكتيۆ نوپوس حالىق سانى 118 ميلليون 970 مىڭ ادام. ءار وتباسى نوپوسىنىڭ حالىق سانى ورتا ەسەپپەن 2.62 ادام بولىپ، 2010 - جىلعى 3.10 ادامنان 0.48 ادام ازايدى. «وتباسى نوپوسى كولەمىنىڭ ۇزدىكسىز كىشىرەيۋى، باستىسى، ەلىمىز حالىق سانىنىڭ كۇن سايىن ءجيى اعىلۋى، تۇرعىن ءۇي شارت - جاعدايىنىڭ جاقسارۋى، جاستاردىڭ نەكەلەنگەننەن كەيىن دەربەس قونىستانۋى سياقتى فاكتورلاردىڭ ىقپالىنا ۇشىراپ وتىر» دەدى نيڭ جيجى.
وڭىرلەر بويىنشا كوز جىبەرسەك، شىعىس بولەكتەگى رايونداردىڭ حالىق سانىنىڭ سالىستىرماسى جوعارىلاعان. شىعىس بولەكتەگى رايونداردىڭ حالىق سانى %39.93 تى، ورتا بولەكتەگى رايونداردىڭ حالىق سانى %25.83 تى، باتىس بولەكتەگى رايونداردىڭ حالىق سانى %27.12 تى، شىعىس سولتۇستىك رايونداردىڭ حالىق سانى %6.98 تى ۇستادى. 2010 - جىلداعىمەن سالىستىرعاندا، شىعىس بولەكتەگى رايونداردىڭ حالىق سانىنىڭ ۇستاعان سالىستىرماسى 2.15 پايىز جوعارىلاپ، ورتا بولەكتەگى رايونداردىكى 0.79 پايىز تومەندەگەن، باتىس بولەكتەگى رايونداردىكى 0.22 پايىز جوعارىلاپ، شىعىس سولتۇستىك رايونداردىكى 1.20 پايىز تومەندەگەن. گۋاڭدۇڭ ولكەسىنىڭ، شاندۇڭ ولكەسىنىڭ حالىق سانى 100 ميلليون ادامنان اسقان.
جىنىس بويىنشا نازار سالساق، حالىق سانىنىڭ جىنىس قۇرىلىمى ۇزدىكسىز جاقسارعان. ەرلەردىڭ حالىق سانى 723 ميلليون 340 مىڭ ادام بولىپ، %51.24 ىن ۇستاعان؛ ايەلدەردىڭ حالىق سانى 688 ميلليون 440 مىڭ ادام بولىپ، %48.76 ىن ۇستاعان. جالپى حالىق سانىنىڭ جىنىس سالىستىرماسى (ايەلدەردى 100 دەپ قاراپ، ەرلەردىڭ ايەلدەرگە قاراتىلعان سالىستىرماسى ايتىلادى) 105.07 بولىپ، 2010 - جىلداعىمەن نەگىزىنەن قارايلاس بولىپ، ءسال تومەندەگەن. جالپى حالىق سانىنىڭ جىنىس سالىستىرماسى 100 دەن تومەن ولكەلەر لياۋنيڭ ولكەسى مەن جيلين ولكەسى بولعان. ەلىمىزدە تۋىلعان بالالاردىڭ جىنىس سالىستىرماسى 111.3 بولىپ، 2010 - جىلداعىدان 6.8 شاما تومەندەگەن.
جاس شاماسىنا كوز جىبەرسەك، حالىق سانىنىڭ قارتتانۋ دارەجەسى ونان ارى كورنەكتىلەنگەن. ەلىمىزدە 0 جاستان 14 جاسقا دەيىنگى حالىق سانى 253 ميلليون 380 مىڭ ادام بولىپ، %17.95 ىن ۇستاعان؛ 15 جاستان 59 جاسقا دەيىنگى حالىق سانى 894 ميلليون 380 مىڭ ادام بولىپ، %63.35 ىن ۇستاعان؛ 60 جاستان جوعارى (60 جاستى قامتيدى) حالىق سانى 264 ميلليون 20 مىڭ ادام بولىپ، %18.70 تى ۇستاعان. 2010 - جىلداعىمەن سالىستىرعاندا، 0 جاستان 14 جاسقا دەيىنگى، 15 جاستان 59 جاسقا دەيىنگى، جاستان جوعارى (60 جاستى قامتيدى) حالىق سانىنىڭ ارا سالماعى جەكە - جەكە 1.35 پايىز جوعارىلاعان، 6.79 پايىز تومەندەگەن، 5.44 پايىز جوعارىلاعان.
قالا، اۋىل بويىنشا كوز جىبەرسەك، قالا - قالاشىقتا تۇراتىن حالىق سانى 901 ميلليون 990 مىڭ ادام بولىپ، %63.89 ىن ۇستاعان؛ اۋىل - قىستاقتا تۇراتىن حالىق سانى 509 ميلليون 790 مىڭ ادام بولىپ، %36.11 ىن ۇستاعان. 2010 - جىلداعىمەن سالىستىرعاندا، قالا - قالاشىق حالىق سانى 236 ميلليون 420 مىڭ ادام ارتىپ، اۋىل - قىستاق حالىق سانى 164 ميلليون 360 مىڭ ادام ازايىپ، قالا - قالاشىق حالىق سانىنىڭ سالىستىرماسى 14.21 پايىز جوعارىلاعان. «ەلىمىزدىڭ جاڭاشا ونەركاسىپتەنۋىنىڭ، ينفورماتسيالانۋىنىڭ، اۋىل شارۋاشىلىعىن وسىزامانداندىرۋىنىڭ ىشكەرىلەي دامۋىنا، سونداي - اق اۋىل شارۋاشىلىعىنان اۋىسقان حالىقتى قالا تۇرعىنىنا اينالدىرۋ ساياساتىنىڭ تياناقتاندىرىلۋىنا بايلانىستى، 10 جىلدان بەرى ەلىمىزدىڭ جاڭاشا قالا - قالاشىقتانۋ اياق الىسى ورنىقتى ىلگەرىلەپ، قالا - قالاشىقتاندىرۋ قۇرىلىسىندا تاريحي تابىستارعا قول جەتتى» دەدى نيڭ جيجى.
ۇلت بويىنشا كوز جىبەرسەك، ءار ۇلت حالقى جاپپاي دامىپ، العا باسقان. ەلىمىزدە حانزۋ ۇلتىنىڭ حالىق سانى ءبىر ميلليارد 286 ميلليون 310 مىڭ ادام بولىپ، %91.11 ىن ۇستاعان؛ از ۇلتتاردىڭ حالىق سانى 125 ميلليون 470 مىڭ ادام بولىپ، %8.89 ىن ۇستاعان. 2010 - جىلداعىمەن سالىستىرعاندا، حانزۋ ۇلتىنىڭ حالىق سانى %4.93 ارتقان، از ۇلتتاردىڭ حالىق سانى %10.26 ارتقان، از ۇلتتاردىڭ حالىق سانىنىڭ ارا سالماعى 0.40 پايىز جوعارىلاعان.
ءبىلىم الۋ دارەجەسىنەن قاراعاندا، حالىق سانى ساپاسى كورنەكتى جوعارىلاعان. ەلىمىزدە داشۋە ماعلۇماتىنا يە حالىق سانى 218 ميلليون 360 مىڭ ادام بولعان. 2010 - جىلداعىمەن سالىستىرعاندا، ءار 100 مىڭ ادامنىڭ ىشىندە جوعارى داشۋە ماعلۇماتى بارلار 8 مىڭ 930 ادامنان 15 مىڭ 467 ادامعا كوبەيگەن، 15 جاستان جوعارعى حالىق سانىنىڭ ورتاشا ءبىلىم الۋ جىل شەگى 9.08 جىلدان 9.91 جىلعا جوعارىلاعان، ساۋاتسىزدىق شاماسى %4.08 تەن %2.67 كە تومەندەگەن.
نيڭ جيجى مىنانى ءبىلدىردى: حالىق سانى وزگەرىسىنىڭ ەكونوميكا مەن قوعامعا جاسايتىن ىقپالىنا ديالەكتيكالىق تۇرعىدان قاراۋ كەرەك. ەلىمىزدىڭ حالىق سانى كوپ، حالىق سانى كوپ بولۋ سىندى نەگىزگى مەملەكەت جاعدايى وزگەرگەن جوق، ەرەكشە كەڭ كولەمدى ەل ءىشى بازارىنىڭ ابزالدىعى ۇزاق ۋاقىت ءومىر سۇرەدى، حالىق سانى مەن بايلىق ورتاسى ءالى دە تىعىز تەپە - تەڭ كۇيدە تۇرادى.
سونىمەن بىرگە، حالىق سانىنىڭ ارتۋى باياۋلايدى، شارا قولدانىپ، حالىق سانىنىڭ ۇزاق ۋاقىت بىركەلكى دامۋىن جەبەۋگە تۋرا كەلەدى. ەلىمىزدىڭ ەڭبەككۇش بايلىعى ءالى دە مول، حالىق سانىنىڭ پايداسى ۇزدىكسىز ءومىر ءسۇرىپ وتىر، سونىمەن بىرگە، ەڭبەك جاسىنداعى حالىق سانى جىل سايىن بىرتىندەپ ازايىپ، شارۋاشىلىق قۇرىلىمى مەن عىلىم - تەحنيكانىڭ دامۋىن رەتتەۋگە، سايكەستىرۋگە تۋرا كەلەدى. بالالاردىڭ حالىق سانى مەن قارتتاردىڭ ارا سالماعىنىڭ بىردەي جوعارىلاۋى تۋىت ساياساتىن رەتتەۋدىڭ بەلسەندى ونىمدىلىگىن بەينەلەدى، سونىمەن بىرگە، «ءبىر قارت، ءبىر بالا» ماسەلەسىنىڭ ماڭىزدىلىعى كورنەكتىلەنىپ وتىر، تۋىت ساياساتىن ساپالىلاندىرىپ، قارتتاردى كۇتىمدەۋ، بالا تاربيەلەۋ سياقتى حالىق سانىنا قىزمەت وتەۋ جۇيەسىن كەمەلدەندىرۋ قاجەت.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
