شينجياڭ ”100 ميللياردتىق، 10 ميللياردتىق باقشا رايونى“ قۇرىلىسىن جەدەل ىلگەرىلەتەدى
”14 - بەسجىلدىق“ مەزگىلىندە 100 ميللياردتىق باقشا رايونىنان بەسەۋىن، 10 ميللياردتىق باقشا رايونىنان جيىرماسىن تۇلعالاۋعا كۇش سالادى
2021.05.14 14:17 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 5 - ايدىڭ 12 - كۇنى ۇرىمجىدەن حابارلايدى. 5 - ايدىڭ 12 - كۇنى اشىلعان 2021 - جىلعى اۆتونوميالى رايوننىڭ باقشا رايون قىزمەتىن ىلگەرىلەتۋ ماجىلىسىنەن ۇعىسۋىمىزشا، ”14 - بەسجىلدىق“ مەزگىلىندە شينجياڭ ”100 ميللياردتىق، 10 ميللياردتىق باقشا رايونى“ قۇرىلىسىن جەدەل ىلگەرىلەتىپ، 100 ميللياردتىق باقشا رايونىنان بەسەۋىن، 10 ميللياردتىق باقشا رايونىنان جيىرماسىن جەتىلدىرۋگە جانە تۇلعالاۋعا كۇش سالادى ەكەن.
”14 - بەسجىلدىق“ مەزگىلىندە رايونىمىز جىبەك جولى ەكونوميكالىق بەلدەۋ وزەكتى رايون قۇرىلىسى ورايىن مىقتاپ يگەرىپ، باقشا رايونىن دامىتۋدى جاڭا بەلەسكە كوتەرۋدى بار كۇشپەن ىلگەرىلەتىپ، جاڭا ناتيجە جاراتۋدى جۇزەگە اسىرادى. 2025 - جىلعا بارعاندا 100 ميللياردتىق باقشا رايونىنان بەسەۋىن، 10 ميللياردتىق باقشا رايونىنان جيىرماسىن جەتىلدىرۋگە جانە تۇلعالاۋعا كۇش سالادى؛ اۆتونوميالى رايوننىڭ باقشا رايونىن ورنالاستىرۋى اناعۇرلىم ساپالىلانىپ، ءوز كۇشىنە سۇيەنىپ جاڭالىق اشۋ قابىلەتى كورنەكتى كۇشەيەدى، ءتۇزىلىس - مەحانيزمدە ۇزدىكسىز جاڭالىق اشىپ، جاڭالىق اشۋ، شارۋاشىلىق قۇرۋ ورتاسى كورنەكتى جاقسارىپ، باقشا رايونىنىڭ وسى زامانعى كاسىپ سالاسى جۇيەسى نەگىزىنەن قالىپتاسادى؛ ەل ءىشى - سىرتىندا باسەكەلىك قۋاتقا يە ءبىر توپ كاسىپ سالاسى شوعىرىن قالىپتاستىرىپ، ەل ىشىندە ىقپالى بار بىرنەشە جاڭاشىل ەرەكشە باقشا رايونىن قۇرىپ، باقشا رايونىن جونگە سالۋ جۇيەسى مەن جونگە سالۋ قابىلەتىن بىرتىندەپ وسىزامانداندىرادى.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى نازاردى اۆتونوميالى رايوننىڭ ”ون ءىرى كاسىپ سالاسىن“ دامىتۋ شەشىمدەرىن، ورنالاستىرۋلارىن تياناقتاندىرۋعا شوعىرلاندىرىپ، كاسىپ سالاسىن شوعىرلاندىرۋدى، دامىتۋدى ىلگەرىلەتۋدى نەگىزگى جەلى ەتىپ، دامۋ كەڭىستىگى زور، باقشاعا ىرگە تەپكەن كاسىپورنى كوپ، كاسىپ سالاسى ەرەكشەلىگى كورنەكتى ءبىر توپ باقشا رايونىنىڭ تەز قارقىنمەن دامۋىنا قولداۋ كورسەتەدى. ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى)، شىحىزى ەكونوميكالىق - تەحنيكالىق اشۋ رايونى، ۋجياچۇي ەكونوميكالىق - تەحنيكالىق اشۋ رايونى، قورعاس ەكونوميكالىق اشۋ رايونى، جۇندۇڭ ەكونوميكالىق - تەحنيكالىق اشۋ رايونى سياقتى ءونىم قۇنى 100 ميللياردتىق باقشا رايونىنان بەسەۋى مەن اراتۇرىك ونەركاسىپ باقشا رايونى، كورلا جالپىلىق كاسىپ سالاسى باقشا رايونى سياقتى 10 ميللياردتىق باقشا رايونىنان جيىرماسىن ءتۇيىندى تۇردە جەتىلدىرەدى.
”14 - بەسجىلدىق“ مەزگىلىندە، شينجياڭ باقشا رايونى ءتۇزىلىس - مەحانيزم رەفورماسىن ونان ارى ىشكەرىلەي تەرەڭدەتىپ، شينجياڭعا كومەكتەسەتىن ولكە، قالالارمەن، ورتالىق كاسىپورىندارمەن بولعان بارىس - كەلىس سەلبەستىگىن كۇشەيتىپ، شىعىس بولىكتەگى كاسىپ سالاسىن ءتارتىپتى تۇردە شينجياڭعا بىرتىندەپ ويىستىرۋعا جەتەكشىلىك ەتەدى، كاسىپ سالاسىن ءوڭىر اتتاپ ويىستىرۋ ارقىلى مۇددەدەن بىرگە يگىلىكتەنۋ سەلبەستىك مەحانيزمىن ورناتۋعا ىزدەنىس جاسايدى، كاسىپ سالاسىن ويىستىرۋدا ۇلگى كورسەتۋ رايونىن قۇرۋعا ىزدەنىس جاسايدى، شينجياڭعا كومەكتەسەتىن ولكە، قالالاردىڭ شينجياڭدا ءوڭىر اتتاپ ”كىرمە جەر باقشا رايونىن“، ”بىرگە قۇرۋ باقشا رايونىن“ قۇرۋىنا قولداۋ كورسەتەدى. كورشى، جاقىن ورنالاسقان، كاسىپ سالاسى بايلانىسقان، توركىندەس كەلەتىن كاسىپ سالاسى باقشا رايوندارىنىڭ كەڭىستىگىن بىرىكتىرۋىنە، بايلىعىن بىرىكتىرۋىنە جانە كاسىپ سالاسىن بىرىكتىرۋىنە قولداۋ كورسەتىپ، رەفورما جاساۋ ارقىلى جاڭالىق اشۋ تىزبەگىنىڭ، كاسىپ سالاسى تىزبەگىنىڭ بازار قاجەتىمەن ورگانيكالى بىرىگۋىن جەبەيدى.
ۇعىسۋعا قاراعاندا، ”13 - بەسجىلدىقتىڭ“ سوڭعى مەزگىلىندە، شينجياڭ جالپى اۆتونوميالى رايون دارەجەلى جانە ودان جوعارى باقشا رايونىنان 91ىن قۇرعان، مۇنىڭ ىشىندە، مەملەكەت دارەجەلى باقشا رايونى 23، اۆتونوميالى رايون دارەجەلى باقشا رايونى 68. شينجياڭ 23 باقشا رايونىندا ءتۇزىلىس - مەحانيزم رەفورماسى سىناق ءتۇيىنىن ورىستەتتى، 20 باقشا رايونىندا ”كىرمە جەر باقشا رايونى“، ”بىرگە قۇرۋ باقشا رايونى“ سىناق ءتۇيىنىن ورىستەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
