ءمورالدى دا قابىلەتتى جوعارى دەڭگەيلى دارىندىلاردى كوپتەپ باۋلىدى
− شينجياڭدى اشۋ، گۇلدەندىرۋ سيلىعىنىڭ يەگەرى يۇي جيۇڭ جونىندە
□ انار بۇلت / شينجياڭ گازەتىنىڭ ءتىلشىسى جاۋ مين
2021.05.14 14:20 كەلۋ قاينارى : شينجياڭ گازەتى
”وقىتۋشىلىق − كاسىپ، ول بۇكىل ومىرىڭمەن بەرىلۋدى قاجەت ەتەتىن ۇلى ءىس“. جاڭا عانا شينجياڭدى اشۋ، گۇلدەندىرۋ سيلىعىنا يە بولعان شينجياڭ داشۋەسى اسپيرانتۋراسىنىڭ باستىعى يۇي جيۇڭ ءتىلشىنىڭ سۇحباتىن قابىلداعاندا تولعانىسپەن وسىلاي دەدى.
يۇي جيۇڭ 1986 - جىلدان باستاپ وقۋ - اعارتۋ قىزمەتىنە ارالاسقان، سول كەزدەگى شينجياڭ ونەركاسىپ شۋەيۋانىنان (2000 - جىلى شينجياڭ داشۋەسىنە بىرىكتىرىلگەن) شينجياڭ داشۋەسى ينتەرنەت ورتالىعىنا، ەسەپتەۋ ورتالىعىنا، ينفورماتسيا شۋەيۋانىنا، جۇمساق بولشەك شۋەيۋانىنا دەيىن، ونان بۇگىنگى اسپيرانتۋراسىنا دەيىن 35 جىلدان بەرى وقىتۋشىلىقپەن شۇعىلدانىپ كەلەدى. 35 جىلدان بەرى يۇي جيۇڭ جالپى 3000نان استام وقۋشىعا ساباق ءوتىپ، سونداي - اق ”ءبىلىم بەرىپ ادام تاربيەلەۋدىڭ مەملەكەتتىك ۇلگىسى“، مەملەكەتتىڭ ”10 مىڭ ادام جوسپارى“ بويىنشا وقۋ - وقىتۋداعى ايگىلى ۇستاز، اۆتونوميالى رايوننىڭ كورنەكتى ۇلەس قوسقان ۇزدىك مامانى، اۆتونوميالى رايوننىڭ ”تيانشان جەتەكشى دارىندىلارى“ سياقتى داڭقتى اتاقتارعا يە بولىپ، مەملەكەتتىك كەڭەستىڭ ارنايى سياقىسىنان يگىلىكتەنىپ وتىر.
شينجياڭ داشۋەسى جۇمساق بولشەك شۋەيۋانىنىڭ باستىعى بولعان 10 جىلدان استام ۋاقىتتا يۇي جيۇڭ جۇمساق بولشەك شۋەيۋانى وقۋشىلارىنىڭ جاڭالىق اشۋ، شارۋاشىلىق قۇرۋ امالياتى ورتالىعىن قۇرۋدى ىلگەرىلەتىپ، جاڭالىق اشۋ، شارۋاشىلىق قۇرۋ بازاسىن قۇرىپ، اۆتونوميالى رايونداعى داشۋە وقۋشىلارىن جاڭالىق اشۋعا، شارۋاشىلىق قۇرۋعا جەتەكتەدى؛ 100دەن استام وقۋشىنىڭ كوپتەگەن جۇمساق بولشەك جاساۋ نىساندارىنا قاتىناسۋىنا جەتەكشىلىك ەتىپ، شينجياڭنىڭ ءىشى - سىرتىنداعى ءار تۇردەگى عىلىم - تەحنيكا جارىستارى سيلىعىنان 30دان استامىنا يە بولدى، مۇنىڭ ىشىندە 7 مۇگەدەك وقۋشى مەملەكەتتىك جۇمساق بولشەك جوبالاۋ جارىسىنىڭ كوپ ءتۇرلى سيلىعىن الدى.
وسى ارالىقتا ول ءوزىن ”تۇنگى ءپىر“ اتاعان ”ويىن پاتشاسىن“ اداسقان جولىنان قايتارىپ، ءتانى مۇگەدەك وقۋشىنىڭ جۇمساق بولشەك ينجەنەرى بولۋ ارمانىن ورىنداۋىنا مۇمكىندىك جاسادى...
شۋەيۋاندا مي سالدانۋىنىڭ كەيىنگى زاردابى مازالاعان ءبىر وقۋشى كومپيۋتەر باعدارلامالارىن جوبالاۋعا ايرىقشا قىزىعاتىن، ءجۇرىس - تۇرىسى اقىرىن بولسا دا، جاپاعا شىدامدى، ىنتالى ەدى. يۇي جيۇڭنىڭ شابىتتاندىرۋىندا بۇل وقۋشى كوپتەگەن جۇمساق بولشەك جاساۋ نىسانىنا قاتىناسىپ، جۇمساق بولشەك جوبالاۋ بويىنشا مەملەكەتتىك جارىستا 2 - دارەجەلى سيلىققا يە بولدى، سونداي - اق ۇزدىك ناتيجەمەن ماگيستراتۋرانى ەمتيحانسىز وقۋعا كورسەتىلىپ، كەيىن تاعى ماگيستراتۋرا مەن دوكتورانتۋرانى جالعاپ وقۋعا ءوتىنىش بەردى.
”بيىل ول دوكتورانتۋرادان وقۋ تاۋىسادى، بەيجيڭدەگى ينتەرنەت سەرىكتەستىكتەرىنىڭ ءبىرتالايىنان جۇمىسقا شاقىرۋ ءوتىنىشىن تاپسىرىپ الىپتى، ونىڭ ءوسىپ - جەتىلگەنىن كورىپ مەن ىشتەي ريزا بولىپ وتىرامىن“، - دەيدى يۇي جيۇڭ.
ساباقحانادا يۇي جيۇڭ ”ءار ساباقتا، ءسوز جوق، جاڭالىق بولۋعا“ تاباندى بولىپ، قابىلەتتى نەگىز ەتكەن، سۇرانىسقا بەت العان ساباق جۇيەسىن ورناتتى، ونىڭ ساباعى دا وقۋشىلار ەڭ جاقسى قارسى الاتىن ساباققا اينالدى.
”مەن تولىق كۋرستا يۇي جيۇڭ مۇعالىمنان ساباق العانمىن، اسپيرانتۋراعا تۇسكەن سوڭ، ونى جەتەكشى ۇستاز ەتىپ تاڭدادىم، دوكتورانتۋرا وقىعاندا دا وعان ۇزدىكسىز ىلەسىپ زەرتتەۋمەن شۇعىلداندىم“، - دەيدى دوكتورانتۋرادان وقۋ تاۋىسۋ الدىندا تۇرعان چۋ جىڭ.
”ءبىلىم بەرۋ − ءتاسىل، ناعىز ماقسات − ادام تاربيەلەۋ“، - دەيدى يۇي جيۇڭ ۇنەمى، وقۋشىلاردىڭ العا باسقانىن كورسە بولدى، ول ايرىقشا تابىس سەزىمىنە بولەنەدى. ول ءوزى باس بولىپ كىرىسىپ، وقۋشىلاردىڭ دامۋ باعىتىن تابۋىنا كومەكتەسۋدى قالايدى.
2016 - جىلى 6 - ايدىڭ سوڭىندا يۇي جيۇڭ شينجياڭ داشۋەسى اسپيرانتۋراسىنىڭ باستىعى بولدى، سول كەزدەن باستاپ اسپيرانت باۋلۋ ساپاسىن جانە تاربيەلەۋ دەڭگەيىن قايتكەندە ۇزدىكسىز جوعارىلاتۋ يۇي جيۇڭنىڭ ەڭ ماڭىزدى تاقىرىبىنا اينالدى.
سۇرانىستى باعدار ەتۋگە، ءپان ورنالاستىرىلىمىن ساپالىلاندىرۋعا تاباندى بولىپ، ەرەكشەلىگى ايقىن، باسىمدىعى كورنەكتى ءپان جۇيەسىن ورناتىپ، جوعارى دەڭگەيلى دارىندىلار باۋلۋدىڭ كولەمى مەن قۇرىلىمىن ساپالىلاندىرىپ، اسپيرانتتاردان توپ جاراتىن جاڭالىق اشۋشى دارىندىلار باۋلۋ مەحانيزمىن ورناتتى... ءبىرسىپىرا رەفورما شارالارى ارقىلى يۇي جيۇڭنىڭ جەتەكشىلىگىندە، 2020 - جىلى 9 - ايعا دەيىن شينجياڭ داشۋەسىندەگى اسپيرانتتار سانى 9870 ادامعا جەتىپ، 2016 - جىلداعىنىڭ 2.07 ەسەسى بولدى؛ ماماندىق عىلمي دارەجەسى ماگيسترلىق اسپيرانت وقۋشىلار ％57تى يەلەپ، 2016 - جىلداعىدان ％25 ءوستى.
”ءبىز تاعى ماگيستر اسپيرانتتار تاربيەسىنىڭ تيبىن وزگەرتۋدى ورىنداپ، عىلمي تيپتەگى ماگيستردى نەگىز ەتۋدەن عىلمي تيپ پەن ماماندىق تيپتەگى ماگيسترلىققا بىردەي ءمان بەرۋگە بۇرىلىس جاساۋدى جۇزەگە اسىردىق“. يۇي جيۇڭنىڭ ايتۋىنشا، بۇل شينجياڭنىڭ جوعارى دەڭگەيلى دارىندىلار قوسىنىن بەلگىلى دەڭگەيدە تولىقتىرعان.
يۇي جيۇڭ بىلاي دەيدى: ”مەن جاڭا داۋىردەگى اسپيرانتۋرا تاربيەسىن رەفورمالاۋدى، دامىتۋدى ىلگەرىلەتۋ جونىندە ۇزدىكسىز ىزدەنىس جاساپ، شينجياڭعا اناعۇرلىم كوپ ءمورالدى دا قابىلەتتى جوعارى دەڭگەيلى دارىندىلار باۋلۋ ءۇشىن قۇلشىنامىن“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
