ساۋان قالاسى شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆى:
جەر تەلىمدەرى بىرىكتىرىلىپ، شارۋالار كوپ ارنامەن كىرىستەرىن ارتتىردى
انار بۇلت / شينجياڭ گازەتىنىڭ ءتىلشىسى ءرايدا، ەرىكتى ءتىلشى زىڭ جاۋمەي
2021.05.14 14:18 كەلۋ قاينارى : شينجياڭ گازەتى
5 - ايدىڭ باسىندا ساۋان قالاسى داچۋان اۋىلى شاۋفاڭجۋاڭزى قىستاعىندا ۇشىنا كوز جەتپەيتىن جاپ - جازىق ماقتا اتىزىندا ماقتا مايسالارى تەپ - تەگىس قاۋلاپ ءوسىپ تۇر. مىڭ مۋدان اساتىن وسى بولىك جەر ساۋان قالاسى شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆى (تومەندە قىسقاشا شۋاڭچۋان سەلبەستىك كووپەراتيۆى دەلىندى) بىرىكتىرگەن جەرلەردىڭ ءبىرى.
شۋاڭچۋان سەلبەستىك كووپەراتيۆى وسى قىستاقتا ەڭ ەرتە قۇرىلعان شارۋالار كاسىپتىك سەلبەستىك كووپەراتيۆى سانالادى. 8 جىلدا كووپەراتيۆ مۇشەلەرى العاشىنداعى 67 وتباسىنان قازىر 887 وتباسىنا كوبەيىپ، جەرى بۇرىنعى 2800 نەشە مۋدان قازىرگى 48 مىڭ 600 مۋعا مولايدى. سەلبەستىك كووپەراتيۆى جەردى بىرىكتىرۋ ارقىلى كولەمدەنگەن، شوعىرلانعان اۋىل شارۋاشىلىعى ءوندىرىس ءتاسىلىن قالىپتاستىردى، سول جەردەگى ارتىق ەڭبەككۇشتەر اتىز باسىنان شىعىپ، كىرىستى ارتتىرىپ، بايۋدىڭ اناعۇلىم كوپ ورايىنا قول جەتكىزدى.
جەردى بىرىكتىرىپ، كولەمدەنگەن ەگىمشىلىكپەن شۇعىلداندى
جەردى بىرىكتىرۋ تۋرالى ءسوزدى سەلبەستىك كووپەراتيۆىنىڭ القا باستىعى حى حۇڭتاۋدان باستاۋعا تۋرا كەلەدى.
2012 - جىلى كوكتەمدە شاۋفاڭجۋاڭزى قىستاعى جەردى بىرىكتىرە باستادى. ”شارۋالاردىڭ قولىنداعى بولشەك - بولشەك، بىتىراندى جەر تەلىمدەرىن شوعىرلاندىرىپ بىرگە ەكەندە ەڭبەككۇش وزىندىك قۇنىن ازايتۋمەن بىرگە، ءتۇسىمدى دە جوعارىلاتۋعا بولادى“، - دەيدى حى حۇڭتاۋ.
شارۋالاردىڭ جەرىن اينالىمعا الاڭسىز سالۋىنا قايتكەندە مۇمكىندىك جاساۋعا بولادى؟ حى حۇڭتاۋ بىلاي دەدى: ”مەن سول كەزدە ماقتانى ’جەردى قۇرعاقتاي جىرتىپ، دىمقىلداندىرىپ تۇقىم ءسىڭىرۋ‘ بويىنشا ەگۋ تەحنيكاسىن جالپىلاستىردىم، قىستاق تۇرعىندارى سەبىلگەن تۇقىمنىڭ وزدەرىنىڭ بۇرىنعى تۇقىمدارىنا ۇقسامايتىندىعىن كورىپ، ءتۇرلى تاسىلدەرمەن بۇل جاڭا تەحنيكاعا سەلقوس مامىلە جاسادى“. مايسا ءونىپ شىققاننان كەيىن عانا، قىستاق تۇرعىندارى ماقتانىڭ ءونۋ مولشەرىنىڭ ەشقاشان وسىنداي جاقسى بولىپ كورمەگەندىگىن بايقاعان سوڭ عانا حى حۇڭتاۋعا سەنگەن ەكەن.
وسىدان سوڭ ءار ءتۇرلى اۋىل شارۋاشىلىعى تەحنيكالارىنىڭ جالپىلاستىرىلۋى مەن قولدانىلۋى قىستاق تۇرعىندارىنا ناقتى ناتيجەنى كورسەتتى.
2013 - جىلى 1 - ايدا ساۋان قالاسى شۋاڭچۋان اۋىل شارۋاشىلىعى كاسىپتىك سەلبەستىك كووپەراتيۆى رەسمي تىركەۋگە الىنىپ، قۇرىلدى. كووپەراتيۆتىڭ قۇرىلۋى جەردى بىرىكتىرۋدىڭ اياق الىسىن تەزدەتتى، بۇكىل قىستاقتاعى 700گە جۋىق بىتىراندى جەرلەر بىرىكتىرىلۋ ارقىلى 3000 مۋدان استام جەر كووپەراتيۆكە بەرىلىپ، بىرىكتىرىلگەن 11 بولەك جەر بولىپ قالىپتاستى.
بىلتىر شاۋفاڭجۋاڭزى قىستاعى اۋىل - قىستاق جەرلەرىن كوتەرمەگە الىپ شارۋاشىلىق جۇرگىزۋ ۇقىعىن ايقىنداپ، تىركەۋگە الىپ كۋالىك بەرۋ قىزمەتىن ورىستەتتى. ”قىستاق تۇرعىندارىنىڭ قولىنا جەر مۇلىك كۋالىگى ءتيىپ، جەردى كووپەراتيۆكە اناعۇرلىم الاڭسىز تاپسىراتىن بولدى“، - دەيدى حى حۇڭتاۋ.
قازىر داچۋان اۋىلىنان سىرت، شۋاڭچۋان سەلبەستىك كووپەراتيۆى تاعى قورعاس قالاشىعى جانە بورتۇنكە مال فەرماسى سياقتى جەرلەرگە بارىپ جەردى بىرىكتىرۋ جۇمىسىن ورىستەتتى، كووپەراتيۆتىڭ جەرىن 48 مىڭ مۋدان استامعا جەتكىزدى.
زەردەلى اۋىل شارۋاشىلىعى ساپانى كوتەرىپ، ونىمدىلىكتى جوعارىلاتتى
”شارۋالاردىڭ سەنىمىنە يە بولعان سوڭ، سەلبەستىك كووپەراتيۆى بىرىكتىرگەن جەرلەر بارعان سايىن كوبەيدى. كەلەسى كەزەكتە قايتكەندە اناعۇرلىم كوپ قۇن جاراتۋ باستى تەتىك بولىپ تابىلادى“، - دەيدى حى حۇڭتاۋ.
ماقتانىڭ ساپاسىن جوعارىلاتىپ، پايداسىن كوبەيتۋ ءۇشىن، شۋاڭچۋان سەلبەستىك كووپەراتيۆى ماقتا ەگۋشى كاسىپورىندارمەن ماقتا سورتىن سىناق ەتۋ جانە ودان ۇلگى كورسەتۋ بازاسىن بەلسەندى تۇردە سەلبەسىپ قۇردى. قازىرگە دەيىن ماقتا ەگۋشى 5 كاسىپورىنمەن 6 سورت وسىرىلەتىن 6000 مۋلىق سىناق اتىزىن اشتى.
حى حۇڭتاۋ بىلاي دەدى: ”سورتتى سالىستىرۋ ارقىلى ءبىز سوڭىندا وسى وڭىرگە ۇيلەسەتىن، ساپاسى ءبىرشاما جاقسى ءونىمدى تاڭداپ، كەلەسى جىلى ەگەتىن باستى سورت ەتتىك. از قارجى قوسىپ، جاقسى باپتاۋ ارقىلى ماقتانىڭ ساپاسىن جوعارىلاتىپ، ساپا ارقىلى باعا بەلگىلەپ، بۇقارانىڭ كىرىسىن ارتتىردىق“.
جاقسى سورت بولعان ەكەن، ەندى ونى قالاي ەگۋ كەرەك؟ حى حۇڭتاۋ زەردەلى اۋىل شارۋاشىلىعىن تاڭدادى. اۋىل شارۋاشىلىعى ماشينالارى جاعىندا، شۋاڭچۋان سەلبەستىك كووپەراتيۆى اۋىل شارۋاشىلىعى ماشينالارىن باسقارۋ تۇعىرىنان، اۋىل شارۋاشىلىعى ماشينالارىن باقىلاۋ، مەڭگەرۋ جۇيەسىنەن، بەيدوۋ باعدار نۇسقاۋ جۇيەسىنەن، اۋىل شارۋاشىلىعى ماشينالارى ءىرى ساندى مالىمەت تۇعىرىنان پايدالاندى؛ ەگىن سۋارۋ، تىڭايتقىش بەرۋ جاعىندا، سەلبەستىك كووپەراتيۆى سەرىكتەستىكپەن سەلبەستىك جاساۋدى تاڭداپ، زياندى جاندىكتەر جاعدايىن ولشەۋ جانە مالىمدەۋ شىراعى، دىمقىلدىقتى ولشەۋ اسپابى سياقتىلاردى ورناتۋ ارقىلى اۋىل شارۋاشىلىعى عىلىم - تەحنيكاسىنان پايدالانۋ دەڭگەيىن جوعارىلاتتى.
”قاراڭىز، قول تەلەفونعا ورناتقان سۋارۋ، تىڭايتقىش بەرۋ اۆتوماتتى جۇيەنى اشقان سوڭ، ەكراندى اقىرىن بىرنەشە رەت باسساڭىز، سۋارۋ جۇمىسى باستالادى، پايدالاناتىن سۋدى ۇنەمدەپ قانا قالماستان، ەڭبەك كۇشەمەلىلىگىن دە جەڭىلدەتتى“. حى حۇڭتاۋ قول تەلەفوندا تىلشىگە بىلتىر ورناتقان زەردەلى جۇيەنى ىستەتىپ كورسەتتى.
كولەمدەندىرىپ ەگۋمەن بىرگە، وسى زامانعى عىلىم - تەحنيكا مەن تۇتاس بارىستى ماشينالاندىرۋدى ىسكە اسىرعاندىقتان، سەلبەستىك كووپەراتيۆى ەككەن ماقتانىڭ العاشقى كەزدەگى مۋ باسىندىق ءشيتتى ماقتا ءونىم مولشەرى 300 نەشە كيلوگرامنان بىلتىر مۋ باسىنا 420 كيلوگرامعا جوعارىلادى. ”ماقتا قوسىمشا قاراجاتىن قوسقاندا، كووپەراتيۆ مۇشەلەرى ءار مۋدان 1200 يۋان اقشا تاپتى“، - دەدى حى حۇڭتاۋ ماقتانىشپەن.
كوپ نەگىزدى دامىپ، كىرىس ەسەلەپ ارتتى
قازىر سەلبەستىك كووپەراتيۆى كولەمدەنگەن تيجارات جۇرگىزۋ ارقىلى جەردى جارناعا قوسىپ پايدا ءبولىسۋدى جولعا قويدى. ”كووپەراتيۆدى باسقارۋعا قاتىناسقان قىستاق تۇرعىنى 130دان استى، ءاربىر باسقارۋشىنىڭ پايدا ءبولىسى ءوزى ەگىن ەگىپ تاپقان اقشاسىنان دا كوپ“، - دەدى حى حۇڭتاۋ.
قىستاق تۇرعىنى، بيىل 63 جاسقا كەلگەن قايروللا شەريزا وتباسىنداعى 20 مۋدان ارتىق جەردى سەلبەستىك كووپەراتيۆىنە بەرگەن سوڭ، كووپەراتيۆتە باسقارۋشى بولىپ، ەڭ كوپ بولعان جىلى پايدا بولىسىنەن 80 مىڭ يۋان الدى، ەڭ از بولعان جىلى دا 30 نەشە مىڭ يۋان الدى. قايروللا بىلاي دەدى: ”جەردى سەلبەستىك كووپەراتيۆىنە تاپسىرعاننان كەيىن الاڭسىز بولدىم، پايدادان ۇلەس الىپ عانا قويماي، باسقارۋشى بولۋدان دا كىرىس كىرگىزەمىز، بۇل بۇرىن ءبىز ويلاپ كورمەگەن ءىس“.
قىستاق تۇرعىنى ەرلى - زايىپتى شۇي ليحاي مەن ليۋ پيڭ وتباسىنداعى 30 مۋعا جۋىق جەردى سەلبەستىك كووپەراتيۆىنە بەرگەن سوڭ، تاسىمال جۇمىسىمەن اينالىستى، 3 جىلدىڭ الدىندا 280 مىڭ يۋانعا جاڭا جەڭىل اۆتوكولىك ساتىپ الدى.
”مەن ۇساق - تۇيەك جۇمىس ىستەپ جىلىنا ءبىرتالاي اقشا تابامىن، ونىڭ سىرتىندا وتباسىما قارايمىن، كۇيەۋىم تاسىمال جۇمىسىمەن اينالىسىپ، جىلىنا 70 مىڭ يۋاننان ارتىق اقشا تابادى. بۇل جەردە جەرىن سەلبەستىك كووپەراتيۆىنە بەرگەن قىستاق تۇرعىندارىنىڭ ەكى ءتۇرلى كىرىس كىرگىزۋى قالىپتى جاعداي“، - دەدى ليۋ پيڭ.
قازىرگە دەيىن شاۋفاڭجۋاڭزى قىستاعىندا 300 نەشە ادام اس - سۋ، تاسىمال سياقتى جۇمىستارمەن اينالىسىپ، شارۋالار كوپ ارنامەن كىرىستى ارتتىرۋ جاڭا جولىنا ءتۇستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
