مادەنيەت - ساياحات ارقىلى شينجياڭعا كومەكتەسۋ تىڭ دەڭگەيگە كوتەرىلدى
2021.05.17 16:38 كەلۋ قاينارى : شينجياڭ گازەتى
4 - ايدىڭ 28 - كۇنى ساعات 14تەن 16 مينۋت وتكەندە، ءبىر ۇشاق اقسۋ اۋەجايىنا قالىقتاي كەلىپ قوندى، ”مەن جىجياڭ مەن شينجياڭدى سۇيەمىن“ اياسىنداعى ”كورىكتى جىجياڭ - شينجياڭ“ 100 ۇيىرمە، 10 مىڭ ادام ساياحاتى − قىزمەتشىلەردىڭ ەمدەلۋ - دەمالۋى ارقىلى شينجياڭعا كومەكتەسۋ ماقساتىندا ۇشاق جالداپ كەلۋشىلەردىڭ العاشقى توبى شينجياڭعا جەتتى، جىجياڭدىق 152 ساياحاتشى كوركەم شينجياڭعا ساياحاتىن باستادى.
مادەنيەت - ساياحات ارقىلى شينجياڭعا كومەكتەسۋ شينجياڭعا باعىتتامالى كومەكتەسۋ قىزمەتىنىڭ ماڭىزدى مازمۇنى رەتىندە، ءوزىنىڭ دارا ءارى ماڭىزدى رولىن كۇننەن - كۇنگە ساۋلەلەندىرىپ كەلەدى. مادەنيەت جانە ساياحات مينيسترلىگى، مەملەكەتتىك مادەني مۇرا مەكەمەسى، سونداي - اق شينجياڭعا باعىتتامالى كومەكتەسەتىن 19 ولكە، قالانىڭ مادەنيەت - ساياحات تاراۋلارى، ت. ب ءوز ارتىقشىلىقتارىن تولىق ساۋلەلەندىرىپ، كاسىپ سالاسى، نىسان، دارىندى سياقتى جاقتاردان ۇزدىكسىز كۇش سالىپ، شينجياڭنىڭ مادەنيەت جانە ساياحات شارۋاشىلىعىنىڭ جوعارى ساپالى دامۋىنا بار كۇشپەن قولداۋ كورسەتتى.
ناقتى شارا قولدانىپ، ناقتى ونىمدىلىككە جەتتى
حوتان قالاسى تۋانچىڭ كورىنىس اۋماعىندا سەيىلدەپ جۇرسەڭىز، كوشە بويىنداعى قۇرىلىستاردىڭ جەرگىلىكتى ەرەكشەلىكپەن قوسا وسى زامانعى كوركەمدىكپەن قابىسقان تىنىس - تىرشىلىگىن كورەسىز. ساۋدا دۇكەندەرى قاتار - قاتار ءتىزىلىپ، تۇرعىنداردىڭ جۇزىنەن ريزالىق لەبى ەسەدى. بۇل ارانى قيماي اينالسوقتاعان ساياحاتشىلار بۇل جەردىڭ بۇرىن تۇگەلدەي الاسا، ەسكى تام ۇيلەر بولعانىن قايدان ءبىلسىن. تۇرعىندارى كوبىنەسە كەپتەر، گۇل - ءشوپ، قۇس، قۇرت - قۇمىرىسقا، بالىق سياقتىلاردى ايىرباستاۋمەن كۇنەلتەتىندىكتەن، بۇل جەر كەزىندە ”كەپتەر ءمالىسى“ اتانعان - دى.
2016 - جىلدان بەرى بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى 170 ميلليون يۋان قارجى سالىپ، حوتان قالاسى تۋانچىڭ اۋماعىنا، قاراقاش اۋدانى كونە قالا اۋماعىنا جاڭالاۋ جۇمىستارىن جۇرگىزىپ، ”ەرەكشەلىككە يە كوشە اۋماعى + كورىنىس اۋماعى“ سىندى قۇرىلىس ءتاسىلىن قولدانىپ، تۋانچىڭدى دارا مادەنيەت تارتىمدىلىعىنا يە تاريحي كوشە اۋماعى ەتىپ قۇرىپ شىقتى. قازىر 2 كونە قالانىڭ ەكەۋى دە مەملەكەتتىك 4A دارەجەلى ساياحات كورىنىس اۋماعى بولىپ باعالانىپ وتىر.
بۇرىنعى ”كەپتەر ءمالىسى“ مىنە بۇگىن ساياحاتشىلاردىڭ اياعى ۇزىلمەيتىن كورىنىس اۋماعىنا اينالدى. 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى ورتالىق پەن شينجياڭعا كومەكتەسەتىن ءارقايسى ولكە - قالالار مادەنيەت جانە ساياحات جاعىندا 12 ميلليارد يۋاننان استام قارجى سالىپ، مادەنيەت مۇراجاي - سارايلارى نەگىزدىك قۇرىلعى نىساندارىنان 10 مىڭنان استامىن كومەكتەسىپ سالىپ بەرىپ (جاڭالاپ)، ساياحات نەگىزدىك قۇرىلعى نىساندارىنان 350دەن استامىن سالىپ (جوندەپ)، مادەنيەت جانە ساياحات كادرلارىنان جيىنى 2100دەن استام ادام جىبەرىپ، 86 مىڭنان استام دارىندى تاربيەلەپ بەردى.
مادەنيەت - ساياحات ارقىلى شينجياڭعا كومەكتەسۋ قىزمەتى قازىر تولىق، كەمەلدى مەحانيزم قالىپتاستىردى. مۇندا جوعارى دەڭگەيدە جوبالاۋ دا، جوعارى دەڭگەيدە ىلگەرىلەتۋ دە بولۋمەن قوسا، تاعى ءتۇيىندى تۇردە ناقتى شارالار قولدانىلىپ، ناقتى ونىمدىلىككە قول جەتكىزىلدى. مادەنيەت جانە ساياحات مينيسترلىگى باستاماشى بولىپ «وڭتۇستىك شينجياڭداعى 4 ايماق - وبلىستا ساياحات ارقىلى كەدەيلەردى سۇيەمەلدەۋ ارناۋلى جوسپارى»، «شينجياڭ ۇيعۇر اۆتونوميالى رايونىنىڭ اۋىل - قىستاق ساياحاتى ارقىلى كەدەيلەردى سۇيەمەلدەۋ جوسپارى»، «شينجياڭ ءوندىرىس - قۇرىلىس بيڭتۋانىنىڭ اۋىل - قىستاق ساياحاتى ارقىلى كەدەيلەردى سۇيەمەلدەۋ جوسپارى» سياقتىلاردى جاساپ، ساياحات كاسىبىنىڭ دامۋىنا بەرىك نەگىز قالادى. 2019 - جىلى 12 - ايدا، 2020 - جىلى 9 - ايدا ”كوڭىل كوكجيەگىندەگى ءتورت ماۋسىم، كورىكتى جۇڭگو“ ماركاسىن جالپىلاستىرۋ قيمىلى 2 رەت شينجياڭدا ورنالاستىرىلىپ وتكىزىلدى، ورتالىقتىڭ ءىرى كاسىپورىندارى، مەملەكەتتىك ايگىلى مادەنيەت - ساياحات كاسىپورىندارى، شينجياڭعا كومەكتەسەتىن ولكە - قالالاردىڭ مادەنيەت - ساياحات تاراۋلارى بەلسەنە قاتىناسىپ جانە ستراتەگيالىق سەلبەستىك كەلىسىمىنە قول قويىپ، شينجياڭنىڭ مادەنيەت - ساياحات شارۋاشىلىعىنىڭ دامۋىنا قولداۋ كورسەتتى.
كومەك بەرۋ مەن ءوز كۇشىنە سۇيەنۋگە تەڭ ءمان بەرىلدى
”مەن اقسۋعا العاش كەلىپ وتىرمىن، بۇل جەردىڭ كوركەم كورىنىستەرىنەن جاقسىلاپ ءلاززات الىپ، بۇل جەردىڭ ءدامدى تاعامدارىنان اۋىز ءتيىپ، سونداي - اق قولىمداعى اپپارات كوزى ارقىلى اناعۇرلىم كوپ ادامنىڭ اقسۋدى كورۋىنە، اقسۋدى سۇيۋىنە، اقسۋعا كەلۋىنە مۇمكىندىك جاسايمىن“، - دەدى 4 - ايدىڭ 28 - كۇنى ۇشاقپەن كەلگەن العاشقى توپتىڭ مۇشەسى سۋ گى اۋەجايدان شىعا بەرە ايرىقشا تەبىرەنىسپەن.
اۋا رايىنىڭ جىلىنۋىنا مەڭزەس، شينجياڭعا باعىتتامالى كومەكتەسەتىن 19 ولكە - قالانىڭ ساياحات ماقساتىندا جالداعان ۇشاقتارى، ارناۋلى پويەزدارى ىركەس - تىركەس شينجياڭعا كەلدى.
4 - ايدىڭ 25 - كۇنى بيىلعى تۇڭعىش ”جيلين - التاي ءنومىرلى“ شينجياڭعا كومەكتەسۋ بويىنشا قاتىنايتىن ساياحات ارناۋلى پويەزى التاي ايماعىنا جەتتى؛
5 - ايدىڭ 1 - كۇنى شاندۇڭ جياحۋا حالىقارالىق ساياحات ۇيىمىنىڭ تۇڭعىش كەزەكتى شاندۇڭنىڭ شينجياڭعا كومەكتەسۋى بويىنشا قاتىنايتىن ارناۋلى پويەزى 767 ساياحاتشىنى الىپ قاشقارعا جەتتى؛
5 - ايدىڭ 8 - كۇنى فۋجياننىڭ شينجياڭعا كومەكتەسۋى بويىنشا جالدانعان ساياحات ۇشاعىمەن 508 ساياحاتشى سانجى حۇيزۋ اۆتونوميالى وبلىسىنا جەتتى...
شينجياڭعا كومەكتەسەتىن ءارقايسى ولكە - قالالار شينجياڭعا ساياحاتشى جەتكىزۋ تەبىنىن ۇزدىكسىز ارتتىردى. 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى بۇل نىسان شينجياڭ ءۇشىن جالپى 6 ميلليون 95 مىڭ ادام - رەت ساياحاتشى اكەلدى.
شينجياڭعا كومەكتەسەتىن 19 ولكە - قالا تاعى ماركا قالىپتاستىرۋ، جوبالاۋ ارقىلى شينجياڭعا كومەكتەسۋ، دارىندى ارقىلى شينجياڭعا كومەكتەسۋ، شارۋاشىلىق - ساۋدامەن ءوزارا ىقپال ەتۋ سياقتى كوپ ءتۇرلى تاسىلدەردەن پايدالانىپ، كومەك بەرۋ مەن ءوز كۇشىنە سۇيەنۋىنە تەڭ ءمان بەرۋ ءتاسىلىن قولدانىپ، مادەنيەت - ساياحات ارقىلى شينجياڭعا كومەكتەسۋ قىزمەتىن ىلگەرىلەتتى. شاڭحاي قالاسىنىڭ شينجياڭعا كومەكتەسۋ قولباسشىلىق شتابى قاشقار ايماعىنىڭ وزگەشە كورىنىسى مەن سالت - ساناسىن جانە مادەنيەت ەرەكشەلىگىن نەگىزگى تاقىرىپ ەتىپ، شاڭحاي تەلەۆيزياسىمەن، ىزدەنۋ جۋرنالى رەداكسياسىنىڭ كينو - تەلەۆيزيا ورتالىعىمەن، شاڭحاي اسەمونەر كينو ستۋدياسىمەن جانە شاڭحاي تەاتر شۋەيۋانىمەن سەلبەستىك جاساپ، «قاشقار حيكايالارى»، «التىن اققان وزەن»، «قوجاناسىردىڭ جاڭا اڭىزى»، «قوجاناسىردىڭ حيكىمەت كەشىرمەسى» قاتارلى ادەبيەت - كوركەمونەرلىك جاۋھار تۋىندىلاردى جاسادى، مۇنىڭ ىشىندە «التىن اققان وزەن» 19 - كەزەكتى شاڭحاي حالىقارالىق كينو فەستيۆالىندا تۇڭعىش قويىلدى ءارى كورمەدە قويىلاتىن كينو قاتارىنا ەنگىزىلدى.
جاڭا كەزەڭدە جاڭا ىسكەرلىك كورسەتتى
5 - ايدىڭ 6 - كۇنى كوكتوعاي اۋدانىنا ورنالاسقان التاي تاۋى كوكتوعاي حالىقارالىق قار شاڭعى الاڭىندا چىڭدۋلىق قار شاڭعى اۋەسكەرى ۋاڭ رۇڭجيە بيىك تاۋ باسىنان تومەن قاراي زىمىراپ، وسى قارلى ماۋسىمدا ەڭ سوڭعى رەت قۇمارى قانعانشا شاڭعى تەپتى. بىلتىر قىستان بەرى ول كوكتوعايعا 4 رەت كەلىپ قاردا شاڭعى تەپتى.
بۇكىل ەلدەگى قار شاڭعى تەبەتىن دوستار جاعىنان «جۇڭگوداعى ەڭ جاقسى دالا قار شاڭعى الاڭى» اتالعان كوكتوعاي حالىقارالىق قار شاڭعى الاڭى ەكپىندەي دامۋدىڭ ورايىنا ءدوپ كەلدى. بيىل 3 - ايدا شينجياڭ مەن جيلين ستراتەگيالىق سەلبەستىك جۇلگەلىك كەلىسىمىنە قول قويىپ، جۇڭگو (چاڭبايشان تاۋ سىلەمى −− التاي تاۋ سىلەمى) قار - مۇز ەكونوميكاسىن جوعارى ساپالى دامىتۋ سىناق رايونىن بىرلەسىپ تۇلعالاپ، 2 ولكە - رايوننىڭ قار - مۇز كاسىپ سالاسىنىڭ جوعارى ساپالى دامۋىن قول ۇستاسا ىلگەرىلەتىپ، سىناق رايونىن شينجياڭعا باعىتتامالى كومەكتەسۋدىڭ باستاماشى ينجەنەرياسى، شينجياڭنىڭ ”14 - بەسجىلدىق“ جوباسى باستاماسىنىڭ نىشاندىق ينجەنەرياسى ەتىپ قالىپتاستىرۋعا قۇلشىنىپ، جۇڭگونىڭ قار - مۇز سپورتى مەن قار - مۇز كاسىپ سالاسىنىڭ جوعارى ساپالى دامۋىنا بەلسەندى ۇلەس قوستى.
بۇل شينجياڭعا كومەكتەسەتىن ولكە - قالالاردىڭ مادەنيەت - ساياحات ارقىلى شينجياڭعا كومەكتەسۋ قىزمەتىن ىشكەرىلەي ىلگەرىلەتۋىنىڭ ناقتى ءبىر مىسالى. قازىر مادەنيەت - ساياحات ارقىلى شينجياڭعا كومەكتەسۋ قىزمەتى جاڭا كەزەڭگە ءوتتى، مادەنيەت جانە ساياحات مينيسترلىگى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى بويىنشا، جاڭا كەزەڭدەگى مادەنيەت - ساياحات ارقىلى شينجياڭعا كومەكتەسۋ قىزمەتى جونىندە جاڭا جەتەكشى پىكىر مەن ءبىر قىدىرۋ جاڭا شارالار جاساپ شىعارۋ ءۇشىن، مەملەكەتتىك مادەني مۇرا مەكەمەسىمەن بىرگە مادەنيەت - ساياحات ارقىلى شينجياڭعا كومەكتەسۋ قىزمەتىن جالپى بەتتىك ىلگەرىلەتىپ، ”شينجياڭدى مادەنيەتپەن نارلەندىرۋ“ ينجەنەرياسىنىڭ ورىستەتىلۋىنە جانە ”ساياحات ارقىلى شينجياڭدى گۇلدەندىرۋ“ ستراتەگياسىنىڭ اتقارىلۋىنا كۇش قوسىپ، شينجياڭعا كومەكتەسەتىن ءارقايسى ولكە - قالالاردى مادەنيەت - ساياحات ارقىلى شينجياڭعا كومەكتەسۋ قىزمەتىن ورىستەتۋگە جەتەكتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
