لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ءبىر ءبولىم اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىستاندىرۋدى كەڭەيتۋ ساياساتىنىڭ مەرزىم شەگىن بيىل جىل سوڭىنا دەيىن ۇزارتىپ، يكەمدى جۇمىستاندىرۋ شارالارىن اناعۇرلىم قولداۋدى بەلگىلەدى؛ ىندەتتىڭ ىقپالىنا ۇشىراعان كاسىپتەر مەن كاسىپورىندارعا فينانستىق قولداۋ كورسەتۋدى كۇشەيتۋ جونىندە ورنالاستىرۋ جاسادى؛ «قۇرىلىس ينجەنەريالارىندا سىلكىنىسكە توتەپ بەرۋدى باسقارۋ ەرەجەسىن (جوبا)» ماقۇلدادى
2021.05.14 14:57 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 12 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 5 - ايدىڭ 12 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ءبىر ءبولىم اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىستاندىرۋدى كەڭەيتۋ ساياساتىنىڭ مەرزىم شەگىن بيىل جىل سوڭىنا دەيىن ۇزارتىپ، يكەمدى جۇمىستاندىرۋ شارالارىن اناعۇرلىم قولداۋدى بەلگىلەدى؛ ىندەتتىڭ ىقپالىنا ۇشىراعان كاسىپتەر مەن كاسىپورىندارعا فينانستىق قولداۋ كورسەتۋدى كۇشەيتۋ جونىندە ورنالاستىرۋ جاسادى؛ «قۇرىلىس ينجەنەريالارىندا سىلكىنىسكە توتەپ بەرۋدى باسقارۋ ەرەجەسىن (جوبا)» ماقۇلدادى.
ءماجىلىس مىنالاردى اتاپ كورسەتتى: بىلتىر پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، اۋىرتپالىقتى جەڭىلدەتىپ، جۇمىس ورنىن ورنىقتىرىپ، جۇمىستاندىرۋدى كەڭەيتۋدەگى ءبىرقىدىرۋ جەلىلەس شارالار العا قويىلىپ، كورنەكتى ونىمدىلىككە قول جەتتى. بيىل جۇمىستاندىرۋ قىسىمى ءالى دە ءبىرشاما اۋىر بولادى، جۇمىستاندىرۋدى الدىڭعى ورىنعا قويۋدا ۇزدىكسىز تاباندى بولىپ، بازار تۇلعالارىنا، اسىرەسە، ورتا، شاعىن، ۇساق كاسىپورىندارعا قاراتىلعان جۇمىس ورنىن ورنىقتىرۋ، ءتۇيىندى بۇقارالىق توپتى جۇمىستاندىرۋ ساياساتى بويىنشا قولداۋدى جالعاستىرۋ كەرەك. ءماجىلىس مىنالاردى ۇيعاردى: ءبىرىنشى، جۇمىسسىزدىقتى قامسىزداندىرۋ قاراجاتىن قايتارىپ بەرۋ ساياساتى ءۇرتىس اتقارىلادى. وتكەن جىلعى جۇمىسسىزداردى قامسىزداندىرۋ قورىنىڭ قالدىق اقشا تولەۋ مەرزىم شەگى ءبىر جىلدان جوعارى بولعان ءٴبىر تۇتاس جوسپارلانعان رايوندا بيىل بەلگىلەمە بويىنشا شارتقا ۇيلەسەتىن ءىرى كاسىپورىندارعا وتكەن جىلى تاپسىرعان جۇمىسسىزدىقتى قامسىزداندىرۋ قاراجاتىنىڭ %30 ى قايتارىلادى، ورتا، شاعىن، ۇساق كاسىپورىنداردىكى %60 تەن اسىرىلمايتىن شامادا قايتارىلادى. ەكىنشى، كاسىپتىك كۋرستان وتكىزۋ، تەحنيكالىق قابىلەتىن جوعارىلاتۋ قوسىمشا قاراجاتى، سونداي - اق جۇمىسسىزدارعا بەرىلەتىن قوسىمشا قاراجات جانە ۋاقىتتىق تۇرمىستىق كومەك قاراجات، جوعارى مەكتەپ بىتىرگەن وقۋشىلاردىڭ نەگىزگى ساتى بويىنشا جۇمىستانۋىن قولداۋ سياقتى ساياساتتار بيىل جىل سوڭىنا دەيىن جالعاسادى. كاسىپورىندار ءتۇيىندى قاۋىمدى جۇمىسقا قابىلداسا، بەلگىلەمە بويىنشا سالىقتى ازايتۋ، اقىنى تومەندەتۋ، قوعامدىق قامسىزداندىرۋىنا قوسىمشا قاراجات بەرۋ سياقتى جەڭىلدىك شارالارى اتقارىلادى. ءۇشىنشى، بازارلانعان جۇمىستاندىرۋ جەبەلىپ، «كوپ بولىپ يگىلىك جاراتۋعا، جالپى قاۋىم جاڭالىق اشۋعا» ساياساتتىق قولداۋ كۇشەيتىلىپ، يگىلىك جاراتۋ كەپىل قارىز اقشاسى مەن ءوسىم جاعىندا تيمدىلىك جاسالىپ، جوعارى مەكتەپ بىتىرگەن وقۋشىلاردىڭ جۇمىستانۋى، يگىلىك جاراتۋى جەبەلەدى.
يكەمدى جۇمىستاندىرۋ − بۇقارانىڭ جۇمىستانىپ كىرىستى ارتتىرۋىنداعى ماڭىزدى ارنا، قازىر ەل بويىنشا يكەمدى جۇمىستانعاندار 200 ميلليون ادامعا جەتتى.
ءماجىلىس يكەمدى جۇمىستاندىرۋ شارالارىن اناعۇرلىم قولداۋدى بەلگىلەدى. ءبىرىنشى، يكەمدى جۇمىستانعانداردى قالا - اۋىل تۇرعىندارىنىڭ نەگىزدىك زەينەتكەرلىك قامسىزداندىرۋىنا قاتىناسۋداعى ەڭ تومەنگى شەكتەن تۇسىرمەۋ شاراسىن بەلگىلەپ، جۇمىستانعان جەردە قوعامدىق قامتاماسىزداندىرۋعا قاتىناسۋداعى ناپوس شەكتەمەسىن ەركىنە قويا بەرۋ كەرەك. ەكىنشى، تۇعىردا يكەمدى جۇمىستانۋشىلاردىڭ كاسىپتىك زاقىمدالۋىن قامتاماسىز ەتۋدى تۇيىندە سىناق ەتىپ، تۇعىر مەن كاسىپورىننىڭ جاۋاپكەرلىگىن لايىقتى ايىرىپ، جۇمىسشى ىستەتەتىن كاسىپورىنداردىڭ ساۋدالىق قامسىزداندىرۋدى ساتىپ الۋى، قامسىزداندىرۋ سەرىكتەستىكتەرىنىڭ لايىقتى پايدا جەتكىزۋى، ۇكىمەتتىڭ قولداۋدى كۇشەيتۋ مەحانيزمى جونىندە ىزدەنىس جاساۋ كەرەك. ءۇشىنشى، زاڭعا ۇيلەسپەيتىن نەمەسە ۇيلەسىمسىز اقى الاتىن، ايىپ سالاتىن بەلگىلەمەلەردى اداقتاپ جانە كۇشىنەن قالدىرىپ، يكەمدى جۇمىستاندىرۋعا تاماشا ورتا جاراتۋ كەرەك.
ىندەتتىڭ ىقپالىنا ءۇرتىس ۇشىراعان كاسىپتەر مەن كاسىپورىنداردى فينانستىق جاقتان قولداۋدى كۇشەيتۋ ءۇشىن، ماجىلىستە مىنالار بەلگىلەندى: ءبىرىنشى، حالىقتىق اۆياتسيا كاسىپورىندارى مەن فينانس قۇرىلىمدارىن شۇعىل جاعدايعا توتەپ بەرۋ قارىز اقشا ساياساتىنان ويداعىداي پايدالانۋعا جەتەكتەۋ كەرەك. مادەنيەت، ساياحات، جەلى سىرتىندا بولشەك ساتۋ، تۇسەلحانا سياقتى ىندەتتىڭ ىقپالىنا ءبىرشاما زور دارەجەدە ۇشىراعان كاسىپتەرگە باعىتتامالى فينانستىق قىزمەت وتەۋدى كۇشەيتۋ كەرەك. جاساۋ كاسىبىنىڭ دارەجەنى جوعارىلاتۋ نەگىزىندە دامۋىنا قاراتىلعان قارجى قۇراۋ جاعىنداعى قولداۋدى ءۇرتىس ويداعىداي ىستەۋ كەرەك. ەكىنشى، شاعىن، ۇساق كاسىپورىندارعا فينانستىق قىزمەت وتەۋدى اناعۇرلىم كۇشەيتۋ كەرەك. جەكە ونەركاسىپشىلەر مەن ساۋداگەرلەرگە سەنىمدىلىك بويىنشا قارىز اقشا بەرۋدى باعالاۋ جۇيەسىن قۇرۋدى تۇيىندە سىناق ەتىپ، قارجى قۇراۋدىڭ قولايلىعىلىن جوعارىلاتۋ كەرەك. شاعىن، ۇساق كاسىپورىنداردى قولداۋ ءۇشىن 300 ميلليارد يۋاننان تومەن بولمايتىن ارناۋلى فينانس قارىزىن تاراتۋعا قولداۋ كورسەتۋ كەرەك. بانكە سالاسىنىڭ جالپىعا ءتيىمدى شاعىن سوماداعى قارىز اقشاسىنىڭ ارتۋ قارقىنىنىڭ، قارىز بەرىلەتىندەر سانىنىڭ بىردەي ارتۋىنا كەپىلدىك ەتىپ، مەملەكەت مەنشىگىندەگى 5 ءىرى ساۋدا بانكەسىنىڭ جالپىعا ءتيىمدى شاعىن قارىز اقشا مولشەرىنىڭ %30 تەن استام ارتۋىنا كەپىلدىك ەتۋ كەرەك. ءۇشىنشى، فينانس قۇرىلىمدارىن بازار تۇلعالارىن ارقاۋ ەتىپ، وڭىرلىك قارجى قۇراۋدى ويداعىداي قولداۋعا جەتەكتەۋ كەرەك. فينانس حاۋىپ - قاتەرىنەن ءونىمدى ساقتانۋ - جويۋ كەرەك. ءماجىلىس مىنالاردى تالاپ ەتتى: ىشكى - سىرتقى جاعداي مەن بازار وزگەرىسىنە قاداعالاي تالداۋ جاساپ، كوپ قولدى تاۋارلار باعاسىنىڭ تىم تەز وسۋىنە جانە ونىڭ ىلىكتەس ىقپالىنا ءونىمدى توتەپ بەرۋ كەرەك. اقشا ساياساتى مەن باسقا ساياساتتاردىڭ سايكەسۋىن كۇشەيتىپ، ەكونوميكانىڭ ورنىقتى اينالىمىن ساقتاۋ كەرەك.
ءماجىلىس «قۇرىلىس ينجەنەريالارىندا سىلكىنىسكە توتەپ بەرۋدى باسقارۋ ەرەجەسىن (جوبا)» ماقۇلدادى، وندا قۇرىلىس ينجەنەريالارىنداعى سىلكىنىسكە توتەپ بەرۋ، قورعانۋدى ولشەمگە جەتكىزۋ تالابى مەن شارالارى ايقىندالدى، سالىنىپ بولعان قۇرىلىستاردىڭ سىلكىنىسكە توتەپ بەرۋىن ساراپتاۋ، بەكەمدەۋ جانە قورعاۋ ارناعا ءتۇسىرىلىپ، اۋىل - قىستاق قۇرىلىس ينجەنەريالارىنىڭ سىلكىنىسكە توتەپ بەرۋ - ساقتانۋ دەڭگەيىن كۇشەيتۋ، جاۋاپكەرلىكتى ناقتىلاندىرىپ، باقىلاۋ - باسقارۋدى كۇشەيتىپ، جازالاۋ تەبىنىن ارتتىرىپ، ينجەنەريانىڭ ساپاسىنا كەپىلدىك ەتىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ ورتاعا قويىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
