موتورلى كولىك شوفەرلىك كۋالىگىن ەلەكترونداندىرۋ 3 قالادا تۇيىندە سىناق ەتىلەدى، كەلەر جىلى جاپپاي جالپىلاستىرىلادى
2021.05.14 15:23 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 10 - كۇنى، بەيجيڭ (ءتىلشى ليۋ ي - جان) ءتىلشىنىڭ 5 - ايدىڭ 10 - كۇنى قوعام حاۋىپسىزدىگى مينيسترلىگىنىڭ اقپار جاريالاۋ ماجىلىسىنەن ۇعىسۋىنشا، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ونان ارى ىلگەرىلەتىپ، كۋالىكتى ازايتىپ، حالىققا قولايلىلىق جاساپ، ينتەرنەتتەگى اكىمشىلىك قىزمەت وتەۋ دەڭگەيىن جوعارىلاتۋ ءۇشىن، قوعام حاۋىپسىزدىگى مينيسترلىگى 2021 - جىلى 6 - ايدىڭ 1 - كۇنىنەن باستاپ تيانجين، چىڭدۋ، سۋجوۋ سىندى 3 قالادا موتورلى كولىك شوفەرلىك كۋالىگىن ەلەكترونداندىرۋدى تۇيىندە سىناق ەتىپ، جۇرگىزۋشىلەردى جەلىدە «كۋالىك كورسەتۋ»، «ەكىلىك ءنومىر كورسەتۋ» قىزمەت وتەۋىمەن قامداپ، بۇقارانىڭ ءىس بىتىرۋىنە، جول جۇرۋىنە اناعۇرلىم قولايلىلىق جاساۋدى ۇيعارعان.
قوعام حاۋىپسىزدىگى مينيسترلىگى قاتىناس باسقارۋ مەكەمەسى باستىعىنىڭ ورىنباسارى ليۋ يۇيپىڭ مىنانى ءبىلدىردى: ەلەكتروندى شوفەرلىك كۋالىگى بىرلىككە كەلۋ، ۋاقىت سيپاتى كۇشتى بولۋ، حاۋىپسىز بولۋ سىندى 3 ءتۇرلى ەرەكشەلىككە يە: «قاتىناس باسقارۋ 12123» App دەتالى ارقىلى تاراتىلادى، ەلەكتروندى شوفەرلىك كۋالىگىنىڭ ۇلگىسى بۇكىل ەل بويىنشا بىرلىككە كەلتىرىلگەن، قاعاز شوفەرلىك كۋالىگىمەن ۇقساس زاڭدىق كۇشكە يە؛ ەلەكتروندى شوفەرلىك كۋالىگى بۇكىل ەلدەگى قوعام حاۋىپسىزدىگى قاتىناس باسقارۋ ەلەكتروندى كۋالىك جۇيەسى ارقىلى قالىپتاسادى، شوفەرلىك كۋالىكتىڭ جاعدايىن يكەمدى كورسەتىپ، دەر كەزىندە تەكسەرىپ كورۋگە، دەر كەزىندە كورسەتۋگە، دەر كەزىندە تەكسەرۋدەن وتكىزۋگە قولايلى بولادى؛ سيفرلى قول قويۋ، جالعاندىقتان ساقتانۋ تەحنيكاسى قولدانىلعان، جالعاننان جاساۋدان ۇتىمدى ساقتانىپ، ەلەكتروندى شوفەرلىك كۋالىكتىڭ شىنايى، بىردەن – ءبىر، حاۋىپسىز، سەنىمدى بولۋىنا كەپىلدىك ەتۋگە بولادى.
ەلەكتروندى شوفەرلىك كۋالىگىنىڭ قولدانىلۋىندا «ءۇش ءتۇرلى قولايلىلىق» جۇزەگە اسىرىلادى: ءبىرىنشى، ءوتىنىش ەتىپ الۋعا قولايلىلىق جاراتىلادى. سىناق ءتۇيىنى ەتىلگەن 3 قالاداعى شوفەرلەردىڭ «قاتىناس باسقارۋ 12123» App دەتالىنداعى جەكەلىك ەسەپ نومىرىنە شىعىپ ەلەكتروندى شوفەرلىك كۋالىگىن الۋىنا بولادى، ءوتىنىش ەتكەن كەزدە شوفەرلىك كۋالىگى كۇشكە يە مەرزىم ىشىندە بولۋى، ءوزىنىڭ 6 اي ىشىندەگى ەلەكتروندى كۋالىك سۋرەتىن تاپسىرۋى كەرەك. ەكىنشى، كورسەتۋگە قولايلى بولادى. ەلەكتروندى شوفەرلىك كۋالىگى زاڭ اتقارۋدى باسقارۋ، الەۋمەتتىك قىزمەت وتەۋ سياقتى كوپتەگەن ورىندا پايدالانۋعا ۇيلەسەدى. شوفەرلەردىڭ «قاتىناس باسقارۋ 12123» App دەتالىن اشىپ، ءوزىنىڭ ەلەكتروندى شوفەرلىك كۋالىگىن قالاعان ۋاقىتتا تەكسەرىپ كورۋىنە، كورسەتۋىنە بولادى، توراپسىز جاعدايدا دا App دەتالىندا كۇن ىلگەرى قالىپتاسقان ەلەكتروندى شوفەرلىك كۋالىگىن ىستەتۋگە بولادى. ءۇشىنشى، پايدالانۋعا قولايلى. قاتىناس باسقارۋ كاسىبى، كولىك ايداپ ساپارعا شىعۋ، كولىكتى مايعا بەرۋ سياقتى قيمىلدار بارىسىندا قوعام حاۋىپسىزدىگى قاتىناس باسقارۋ تاراۋلارىنىڭ، قاتىستى كاسىپتەردىڭ ەلەكتروندى شوفەرلىك كۋالىگىن توراپتا تەكسەرۋىنە بولادى. زاڭ اتقارۋ تۇرعىسىنان تەكسەرگەن كەزدە شوفەرلەر ەلەكتروندى شوفەرلىك كۋالىگىن كورسەتسە، قوعام حاۋىپسىزدىگى قاتىناس باسقارۋ تاراۋلارى قاعاز شوفەرلىك كۋالىگىن تەكسەرمەيدى، زاڭ اتقارۋ تەرمينالى ارقىلى توراپتا شوفەرلىك كۋالىك ينفورماتسياسىن تەكسەرەدى. قاتىناس باسقارۋ كاسىبىن بىتىرگەندە، شوفەردىڭ ەلەكتروندى شوفەرلىك كۋالىگىن كورسەتىپ كولىك باسقارۋ، قاتىناس زاڭىنا قايشىلىق جاساۋ، قاتىناس شىرعالاڭىن ءبىر جاقتى ەتۋ سياقتى كاسىپتەردى بىتىرۋىنە بولادى، ەندىگارى قاعاز شوفەرلىك كۋالىگىن تاپسىرۋدىڭ قاجەتى جوق. قامسىزداندىرۋ تولەمى، مايعا العان كولىك، كاسىپتىك قىزمەتكەر قابىلداعان كەزدە شوفەردىڭ ەلەكتروندى شوفەرلىك كۋالىگىن كورسەتۋىنە بولادى، قاتىستى ورىندار توراپتا جۇرگىزۋ تولىمدىلىعىن تەكسەرەدى. تۇسىندىرە كەتۋگە ءتيىستىسى، ەلەكتروندى شوفەرلىك كۋالىكتىڭ قولدانىلۋ ونىمدىلىگىنە كەپىلدىك ەتۋ ءۇشىن، سىناق ءتۇيىنى ەتىلگەن 3 قالا تاراتقان ەلەكتروندى شوفەرلىك كۋالىگى بۇكىل ەل كولەمىندە كۇشكە يە بولادى.
ۇعىسۋعا قاراعاندا، قوعام حاۋىپسىزدىگى مينيسترلىگى «سىناق تۇيىندەرىندە الدىمەن اتقارۋ، بىرتىندەپ كەڭەيتۋ» پرينسيبى بويىنشا، سىناق ءتۇيىنى نەگىزىندە ينفورماتسيا جۇيەسىن اناعۇرلىم كەمەلدەندىرىپ، سايكەستى تۇزىمدەردى اقاۋسىزداندىرىپ، قولدانىلۋ ورىندارىن كەڭەيتىپ، سوڭعى جارتى جىلدا تاعى دا ءىشىنارا جەرلەردى تاڭداپ تۇيىندە سىناق ەتۋ كولەمىنە قوسىپ، 2022 - جىلى بۇكىل ەل كولەمىندە جاپپاي جالپىلاستىرادى ەكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
