شينجياڭ ۇيعۇر اۆتونوميالى رايوندىق حالىق ۇكىمەتى بەيجيڭدە ورازا ايت مەرەكەسى قوناعاسىن وتكىزدى
2021.05.17 16:36 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 5 - ايدىڭ 14 - كۇنى بەيجيڭنەن حابارلايدى. 5 - ايدىڭ 13 - كۇنى شينجياڭ ۇيعۇر اۆتونوميالى رايوندىق حالىق ۇكىمەتىنىڭ ورازا ايت مەرەكەسى قوناعاسىسى بەيجيڭدە وتكىزىلدى، ءىسلام سەلبەستىك ۇيىمىنداعى ەلدەردىڭ جۇڭگودا تۇراتىن 20دان استام ەلشىسى جانە ءدىني قايراتكەرلەردەن جيىنى 100دەن استام ادام قوناعاسىعا قاتىناستى.
5 - ايدىڭ 13 - كۇنى شينجياڭداعى ءار ۇلت مۇسىلماندارىنىڭ، دىنگە سەنەتىن بۇقارانىڭ 30 كۇندىك ورازاسى الاڭسىز، جاراسىمدى كۇيدە اياقتادى. ورازا ايت مەرەكەسى قوناعاسىندا شينجياڭ ۇيعۇر اۆتونوميالى رايوندىق ءىسلام ءدىنى قوعامىنىڭ باستىعى، شينجياڭ ءىسلام ءدىنى شۋەيۋانىنىڭ باستىعى ابدۇرىقىپ ءتومۇرنياز، ءۇرىمجى قالاسى ياڭحاڭ مەشىتىنىڭ يمامى مۇحتارام شەرىپ، قاشقار قالاسى ايتكار مەشىتىنىڭ يمامى مامەت جۇما، ءۇرىمجى قالاسى نيانزىگوۋ مەشىتىنىڭ احۇنى باي شىڭفۋ قوناعاسىعا قاتىناسقان جۇڭگولىق - شەتەلدىك سيلى قوناقتارعا شينجياڭنىڭ ءدىني سەنىم ەركىندىگىنە قۇرمەت ەتۋ جانە ونى قورعاۋ جاعدايىن تانىستىردى.
ابدۇرىقىپ ءتومۇرنياز مىنالاردى ءبىلدىردى: شينجياڭ ۇيعۇر اۆتونوميالى رايونى نەگىزگى زاڭ مەن زاڭ بەلگىلەمەلەردى جاپپاي دايەكتىلەندىرىپ، دىنگە سەنەتىن بۇقارانىڭ قالىپتى ءدىني قيمىلدارى مەن ءدىني قاجەتتەرىن زاڭ بويىنشا قامتاماسىز ەتتى. مەملەكەتتىك كەڭەستىڭ ءدىن ىستەرى ەرەجەسىنە نەگىزدەلىپ، شينجياڭداعى ءار دارەجەلى ۇكىمەتتەر پارمەندى شارالار قولدانىپ، ءدىني توپتار مەن ءدىني مەكتەپتەردىڭ قىزمەت ىستەۋ، وقىتۋ شارت - جاعدايىن جاقسارتۋىنا كومەكتەسىپ، ءىسلام ءدىنىنىڭ شينجياڭدا ءتارتىپتى جالعاسۋىن جانە اقاۋسىز دامۋىن قامتاماسىز ەتتى.
شاڭحاي سەلبەستىك ۇيىمىنىڭ باس حاتشىسى ۆلاديمير نوروۆ شينجياڭنىڭ ءارقايسى جاقتاردان قول جەتكىزگەن تابىستارىن تولىق تۇراقتاندىردى. بيىل 3 - ايدىڭ 30 - كۇنىنەن 4 - ايدىڭ 2 - كۇنىنە دەيىن جۇڭگو سىرتقى ىستەر مينيسترلىگىنىڭ، سونداي - اق شينجياڭ ۇيعۇر اۆتونوميالى رايوندىق حالىق ۇكىمەتىنىڭ ۇسىنىسىمەن ۆلاديمير نوروۆ، سونداي - اق شاڭحاي سەلبەستىك ۇيىمى مەن ەۆروپا - ازيا رايونىنداعى مەملەكەتتەردەن كەلگەن 20 ەلشى شينجياڭدا ەكسكۋرسيادا، ساپاردا بولدى. ۆلاديمير نوروۆ: ءبىز شينجياڭ ءىسلام ءدىنى شۋەيۋانىنا بارىپ، ءار ۇلت وقۋشىلارىمەن ىشكەرىلەي اڭگىمەلەستىك، شۋەيۋاننىڭ كەمەلدى قۇرىلعىلارى بىزگە تەرەڭ اسەر قالدىردى، - دەدى. ەكسكۋرسيادا، ساپاردا بولعان كەزدە، ول تاعى كوپتەگەن مەشىتتەردىڭ جاڭادان سالىنىپ جاتقاندىعىن، مىڭ جىلدان استام تاريحقا يە كەيبىر مەشىتتەردىڭ وتە جاقسى قورعالعاندىعىن ءوز كوزىمەن كوردى.
”كەزەكتە شينجياڭنىڭ ءدىني سەنىم ەركىندىگى جاعدايىن وتكەندەگى ءارقانداي ءبىر تاريحي مەزگىلدەگىمەن سالىستىرۋعا كەلمەيدى ءارى ءارقانداي ءبىر شىندىققا قۇرمەت ەتەتىن ادامنىڭ بارلىعى مۇنى جوققا شىعارا المايدى“. ابدۇرىقىپ ءتومۇرنياز بىلاي دەدى: شينجياڭداعى ءدىننىڭ تاتۋ، جاراسىمدى جاعدايىن كورگەن امەريكاداعى، باتىستاعى جۇڭگوعا قارسى كۇشتەردىڭ مازاسى كەتىپ، ايتىلمىس ”شينجياڭ ءدىني سەنىم ەركىندىگىن شەكتەدى“، ”مۇسىلمانداردىڭ ورازاسىن شەكتەدى“ دەگەن سياقتى وسەك - اياڭدارىن، ساندىراقتارىن جان - جاققا تاراتىپ، شينجياڭنىڭ جاراسىمدىلىعىن، ورنىقتىلىعىن بۇلدىرۋگە، جۇڭگونىڭ دامۋىنا، زورايۋىنا كەدەرگىلىك جاساۋعا، جۇڭگو مەن ءىسلام ەلدەرىنىڭ قارىم - قاتىناسىنا ىرتكى سالۋعا ۇرىندى، ءبىز مۇنى قاتاڭ جازعىرامىز جانە وعان باتىل قارسى تۇرامىز. امەريكاداعى، باتىستاعى جۇڭگوعا قارسى كۇشتەر شينجياڭداعى ءار ۇلت مۇسىلماندارىنا ادەتتەن تىسقارى كوڭىل بولگەن بولدى، ءبىراق وزدەرىنىڭ مۇسىلمانداردىڭ ادامدىق ۇقىعىنا سۇعاناقتىق جاساعان ارەكەتتەرىن كورسە دە كورمەسكە سالدى. حالىقارادا امەريكا دۇنيە جۇزىندەگى مۇسىلمان قاۋىمىنا باعىتتاپ شەكتەۋ بۇيرىعىن جاريالاعان بىردەن - ءبىر مەملەكەت سانالادى. امەريكانىڭ ەل ىشىندە ءىسلام دىنىنە كەڭشىلىك ەتپەۋى ۇزدىكسىز ۋشىعۋدا. امەريكانىڭ قاتىستى تەكسەرۋلەرىندەگى ساندى مالىمەتتەردە كورسەتىلۋىنشە، ％75 امەريكالىق جاس مۇسىلمان امەريكا قوعامىندا زور مولشەردە مۇسىلمانداردى كەمسىتۋ جاعدايىنىڭ ءومىر ءسۇرىپ وتىرعاندىعىن بىلدىرگەن. مۇسىلمانداردىڭ نەگىزگى ۇقىعىنا كەپىلدىك ەتۋ، ءدىني سەنىم ەركىندىگىنە قۇرمەت ەتۋ ماسەلەسىندە كىمنىڭ ىستەگەنىنىڭ جاقسى، كىمنىڭ ىستەگەنىنىڭ ناشار ەكەندىگىن حالىقارالىق قوعام ايدان انىق بىلەدى.
قوناعاسىدا شينجياڭنىڭ ءۇرىمجى قالاسى، قۇلجا قالاسى، قاشقار قالاسى، اقسۋ قالاسى، حوتان قالاسى، قاراقاش اۋدانى قاتارلى جەرلەردەن كەلگەن ءدىني قايراتكەرلەر جانە دىنگە سەنەتىن بۇقارا بەينە ەكران جالعانىمى سياقتى تاسىلدەردىڭ كومەگىندە وزدەرىنىڭ ورازا، ناماز وقۋ، قابىر باسىنا بارۋ جانە ءوندىرىس، تۇرمىس سياقتى جاعدايلارىن تانىستىردى، سونىمەن بىرگە، ارناۋلى تاقىرىپتىق فيلم «ىزدەنۋ جانە قاداعالاۋ − شينجياڭنىڭ ءدىني سەنىم ناقتى جاعدايىنان ەستەلىكتەن» ءۇزىندى قويىلىپ، جۇرتشىلىقتىڭ شينجياڭنىڭ ءدىني سەنىم ەركىندىگىنە قۇرمەت ەتۋ جانە ونى قورعاۋ جاعدايىنىڭ شىندىعىن اناعۇرلىم تىكە سەزىنۋىنە، ىشكەرىلەي تۇسىنۋىنە مۇمكىندىك جاراتتى.
سول كۇنى قاشقار قالاسىنداعى ايتكار الاڭىندا، ءۇرىمجى قالاسىنداعى حانتاڭىر مەشىتىنىڭ الدىندا ءار ۇلت بۇقاراسىنىڭ ”ساما ءبيىن“ بيلەپ ورازا ايت مەرەكەسىن قۇتتىقتاعان دۋماندى كورىنىسى تىكە تاراتىلىم ارقىلى قوناعاسىدا كورسەتىلدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
