سانجى قالاسى:
قاتەرلى ۇيلەردى جاڭالادى، بەيقۇت ۇيگە كوشىپ كىرىپ باقىتتى تۇرمىس كەشىردى
انار بۇلت / شينجياڭ گازەتىنىڭ ءتىلشىسى ۋاڭ يۇيجاۋ
2021.05.17 16:39 كەلۋ قاينارى : شينجياڭ گازەتى
بۇرىنعى جىلدارى كوكتەم مەن جازدىڭ ءولاراسى سانجى قالاسى ليۋگۇڭ قالاشىعى شينجۋاڭ قىستاعىنىڭ تۇرعىنى دۋ ۋانجۇن جونىنەن ەڭ ماشاقاتتى كەز ەدى، اۋا رايى كەيدە جاقسارىپ، كەيدە بۇزىلىپ، ءۇي ءىشى بىرەسە سۋىتىپ، بىرەسە جىليتىن. بىلتىر اۋىل - قىستاق بەيقۇت ءۇي ينجەنەرياسىنىڭ ارقاسىندا جاڭا ۇيگە كوشىپ كىرگەننەن بەرى، وتباسىنداعىلار پار ىستەتۋگە قولدارى جەتتى، ءۇيدىڭ تەمپەراتۋراسى باستان - اياق 20 نەشە سەلتسي گرادۋس بولدى.
”اۋا رايى ناشار كەزدەرى، تەك ايىرىپ - قوسقىشتى اشساق عانا بولعانى 10 مينۋتقا جەتپەيتىن ۋاقىت ىشىندە - اق ءۇي جىليدى“ 5 - ايدىڭ 13 - كۇنى دۋ ۋانجۇن جاڭا ءۇيدىڭ جاقسىلىقتارىن تىلشىگە قۋانا اڭگىمەلەدى.
اۋىل - قىستاقتا بەيقۇت ءۇي ينجەنەرياسى اتقارىلعاننان بەرى جوعارى باستاماداعى جوبالار، جوعارى دەڭگەيدەگى قۇرىلىستار، كوركەم، ناقتى پايدالانىلاتىن، ەنەرگيا ۇنەمدەلەتىن، قورشاعان ورتانى قورعاۋ ۇستانىمىن كورنەكتىلەندىرگەن بەيقۇت ۇيلەر ەڭسە كوتەردى. ”13 - بەسجىلدىق“ كەزىندە، سانجى قالاسى اۋىل - قىستاقتا جالپى 7431 وتباسىنا بەيقۇت ءۇي سالىپ، 22 مىڭ 293 ەگىنشى - مالشىنىڭ قاتەرلى ۇيدە تۇرۋ تاريحىن تۇبەگەيلى اياقتاتتى. تاياۋدا مەملەكەتتىك كەڭەس كەڭسەسى «2020 - جىلى قاتىستى كەلەلى ساياسات - شارالاردى تياناقتاندىرىپ، شىنايى يگەرىپ، ناقتى ىستەۋ ونىمدىلىگى كورنەكتى جەرلەردى قۋزاۋ - تەكسەرۋ بويىنشا شابىتتاندىرۋ جونىندەگى حابارلاندىرۋدى» باسىپ تاراتتى، سانجى قالاسى اۋىل - قىستاقتاعى قاتەرلى ۇيلەردى جاڭالاۋ قىزمەتىندە بەلسەندى، ىرىقتى، ونىمدىلىگى كورنەكتى بولىپ، باقىلاۋ - تەكسەرۋ بويىنشا شابىتتاندىرۋعا يە بولدى.
جاڭا ۇيگە كوشىپ كىردى، تۇرمىستارى جاقساردى
سانجى قالاسى ليۋگۇڭ قالاشىعىندا كوشەنىڭ ەكى جاعىندا بوي سوزعان كورىنىستىك اعاشتار جايقالا وسۋدە، ءارقايسى قىستاق تاعى جول جوندەۋ، كەڭەيتىپ سالۋ، الەۋمەتتىك جاسىل اۋماقتاردى سۋارۋ ينجەنەرياسى قۇرىلىسىن اتقاردى، الۋان ءتۇرلى، ءساندى اۋىل - قىستاق ۇيلەرى جاڭاشا اۋىل - قىستاق، جاڭا سالت، جاڭا بەينە كورىنىستەرى كوز الدىعا ايشىقتالدى.
58 جاستاعى ياۋ جيانپيڭ ءوزىنىڭ بەيقۇت ءۇيىنىڭ الدىندا تۇرىپ قاراعان سايىن قۋانىشقا بولەندى، 100 نەشە شارشى مەتر كەلەتىن بەيقۇت ءۇيدىڭ جالپى باعاسى 150 مىڭ يۋان، ال ياۋ جيانپيڭ ءوزى تەك 100 نەشە مىڭ يۋان شىعارسا عانا بولعانى، قالعانىنا ۇكىمەت تولىقتاما قاراجات بەرەدى.
جاڭا ۇيگە كوشكەننەن كەيىن، ياۋ جيانپيڭ ءوز وتباسىنىڭ جەرىن كوتەرمەگە بەرىپ، ءوزى ۋجياچۇي قالاسىنا بارىپ جۇمىس ىستەدى، جۇمىس ىستەگەن كىرىسىنە جەردى كوتەرمەگە بەرگەن قاراجاتىن قوسقاندا بۇرىنعى تەك جەر ەگۋدەن تۇسەتىن كىرىسىنەن الدەقايدا جوعارى بولدى. جاڭا ۇيگە كوشىپ كىردى ءارى كىرىسى ارتتى، ياۋ جيانپيڭ قازىرگى تۇرمىسىن اۋىزعا العاندا جۇزىنەن باقىت كۇلكىسى ەستى.
ياۋ جيانپيڭنىڭ تۇرعىن ۇيىندەگى وزگەرىسى اۋىل - قىستاق بەيقۇت ءۇي ينجەنەرياسىنىڭ حالىققا تيىمدىلىك جاساۋداعى ىقشام كارتيناسى عانا. سانجى قالالىق بەيقۇت ءۇي كەڭسەسىنىڭ ساناعىنا قاراعاندا، اۋىل - قىستاق بەيقۇت ءۇي ينجەنەرياسى اتقارىلۋدان بۇرىن اۋىل - قىستاقتا تۇرعىن ۇيلەردىڭ دەنى توپىراق ءۇي بولىپ، قاراپايىم قالانبا قۇرىلىمدى نەگىز ەتەتىن، جەر سىلكىنىسى اپاتىنان قورعانۋ قۋاتى ءالسىز بولىپ، تۇتاستاي قورعانۋ ولشەمىنە جەتپەيتىن. 2011 - جىلى اۋىل - قىستاق بەيقۇت ءۇي ينجەنەرياسى اتقارىلعاننان بەرى سانجى قالاسىندا قاتەرلى ۇيلەردىڭ ساقتالۋ مولشەرى جىل سايىن بىرتە - بىرتە ازايىپ، ءار ۇلت بۇقاراسىنىڭ تابىس سەزىمى، حاۋىپسىزدىك سەزىمى، باقىت سەزىمى ءۇرتىس كۇشەيدى.
سانجى قالالىق تۇرعىن ءۇي جانە قالا، اۋىل قۇرىلىسى مەكەمەسى قىستاق - قالاشىق ءبولىمىنىڭ قاتىستى جاۋاپتىسى تىڭ شانيۇڭ بىلاي دەپ تانىستىردى: بىلتىر سانجى قالاسى اۋىل - قىستاق بەيقۇت ءۇي ينجەنەرياسى بويىنشا جالپى 4 ءتۇرلى ءۇي ۇلگىسىن ازىرلەدى، 80 - 120 شارشى مەترگە دەيىنگى تۇرلىشە ءۇي ۇلگىسىن ءۇي يەسى ءوز ەركىمەن تاڭداۋىنا بولادى. بەيقۇت ءۇي سالۋ بارىسىندا، ءارقايسى اۋىل - قالاشىقتى جەتەكشى ەتىپ، كاسىپتىك ءبىلىمى بار باقىلاۋ ورىندارىن ۇسىنىس ەتتى ءارى كاسىپتىك نەگىزگى باسقارۋ تاراۋلارىن ساتىعا ءبولىپ جەتەكشىلىك ەتۋگە، تەكسەرۋگە شاقىرىپ، بەيقۇت ءۇي ينجەنەرياسى ساپاسىنىڭ جەر سىلكىنىسىنە ءتوزىمدى بەيقۇت ءۇيدىڭ ولشەمىنە، تالابىنا جەتۋىنە شىنايى كەپىلدىك ەتتى.
قاتەرلى ۇيلەرگە قوش ايتىپ، جۇرەكتەرى مەيىرگە بولەندى
وسى بىرنەشە كۇندە سانجى قالاسى يۇيشۋگوۋ قالاشىعى يۇڭجين قىستاعىنىڭ تۇرعىنى ياڭ ۋيلين شىلىڭگىر شىلدە كەلۋدەن بۇرىن جاڭا ءۇيىنىڭ الدىنداعى بوس جەرگە كۇن قاعار قالتقى سالۋدى جوسپارلادى.
ياڭ ۋيليننىڭ وتباسىنىڭ كونە ءۇيى جىلدار بويى جوندەلمەگەندىكتەن جارىلىپ، وتە حاۋىپتى جاعدايدا قالعان - دى. ءوزىنىڭ جاسى ەگدەلەپ، سەميالىق شارت - جاعدايى دا جاقسى بولماعاندىقتان، جاڭا ءۇي سالا الماي كەلگەن بولاتىن. 2019 - جىلى 12 - ايدا سانجى قالالىق تۇرعىن ءۇي جانە قالا، اۋىل قۇرىلىسى مەكەمەسى ءۇيدىڭ حاۋىپسىزدىك دارەجەسىن ساراپتاۋ بارىسىندا ياڭ ۋيليننىڭ ءۇيىن حاۋىپسىزدىك كومەسكى كىناراتى C دارەجەلى قاتەرلى ءۇي دەپ ساراپتادى. كەيىن كەلە قالاشىق باسشىلارى، قىستاق تۇرعىندار كوميتەتى، ”ۇعىسۋ، تيىمدىلىك جاساۋ، توعىستىرۋ“بويىنشا قىستاقتا تۇراتىن قىزمەت اترەتى سياقتى كوپ جاقتىڭ كومەگىمەن كوپشىلىك ءبىر جاعادان باس، ءبىر جەڭنەن قول شىعارا وتىرىپ، ونىڭ كونە ءۇيدىڭ ورنىنا جاڭا ءۇي سالۋىنا كومەكتەستى.
ياڭ ۋيليننىڭ ۇيىنە كىرگەندە 60 شارشى مەترلىك ءۇيدىڭ ەكى قاريانىڭ تۇرمىستىق قاجەتىن قاناعاتتاندىرا الاتىندىعى بايقالدى، قوناق كۇتۋ ءۇيى تازا دا رەتتى، جاتىن بولمەلەر كەڭ دە جارىق، تازالىق بولمەسى شاعىن اۋلا ىشىنە جەكە - دارا سالىنعان، ياڭ ۋيلين جاڭا سالىنعان ۇيىنە ءدان ريزا بولدى.
تىڭ شانيۇڭ بىلاي دەدى: كەزەكتە، سانجى قالاسى اۋىل - قىستاقتاعى قاتەرلى ۇيلەرىن جاڭالاۋ جانە كۇشتى جەر سىلكىنىسىنەن ساقتانۋ وڭىرىندەگى اۋىل - قىستاق ۇيلەرىن جەر سىلكىنىسىنە ءتوزىمدى ەتىپ جاڭالاۋدى اتقارىپ، اۋىل - قىستاقتاعى تومەن كىرىستى بۇقارانىڭ تۇرعىن ءۇي حاۋىپسىزدىگىن قامتاماسىز ەتۋدىڭ باياندى مەحانيزمىن بىرتىندەپ ورناتىپ، اقاۋسىزداندىرىپ، كەدەيلىكتەن ارىلتۋدان قامال الۋ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىردى.
جاڭا قىستاق قۇرىلىسى تاماشا تۇرمىسقا كەنەلتتى
قاتايتىلعان سەمەنت جولدى بويلاپ اۆتوكولىكپەن سانجى قالاسى ليۋگۇڭ قالاشىعى شىسانحۋ قىستاعىنا بارعاندا بۇرىنعى كونە قىستاقتىڭ بەيقۇت ءۇي جاڭا قىستاعىنا اينالعاندىعىن، قىستاق تۇرعىندارىنىڭ قىستاق وزگەرىسىن تىلگە تيەك ەتكەندەرىندە ءسوز لامىنەن ماقتانىش سەزىمى بايقالعاندىعىن سەزىندىك.
”قىستاعىمىزدىڭ قورشاعان ورتاسى بارعان سايىن جاقساردى، تۇرمىس ورەمىز ساتى سايىن جوعارىلاۋدا. قىستاعىمىزدا 250 شارۋالار ساياجايى، 10 شارۋالار شاتتىعى ساياجايى ۇلگىسىندەگى جاتاعان ءۇي سالىندى“، - دەدى 5 - ايدىڭ 13 - كۇنى سانجى قالاسى ليۋگۇڭ قالاشىعى شىسانحۋ قىستاعى پارتيا ياچەيكاسىنىڭ شۋجيى چۋ باۋجين. تاياۋ جىلداردان بەرى بۇل قىستاق قالا، اۋىلدى ءبىر تۇلعالاندىرۋ جانە جاڭا اۋىل - قىستاق قۇرىلىسىندا ”تابيعي قىستاقتى بىرىكتىرۋ، ورتالىق قىستاق قۇرۋ، شاعىن قالا - قالاشىقتى دامىتۋ“ جالپى تۇلعالىق تالابىنا ساي، تۇرعىندار ءوڭىرىن جاڭالاۋدى ورىستەتتى، وسى 250 شاعىن ساياجاي الدىمەن سالىنعان جاڭالانعان ۇيلەر.
مۇنان سىرت، بۇل قىستاق اۋىل - قىستاق بەيقۇت ءۇي ينجەنەريا قۇرىلىسىن ىلگەرىلەتۋ، كەدەي شارۋا وتباسىلارىنىڭ تۇرعىن ءۇي حاۋىپسىزدىگىن شەشۋ نەگىزىندە اۋىل - قىستاقتىڭ قونىس ورتاسى ساپاسىن كۇش سالا جاقسارتتى. كەزەكتە بۇل قىستاقتىڭ قونىستاندىرۋ تۇيىنىندە 50 مۋ جەر جاسىلداندىرىلدى، قارجى قوسىپ، جول بويىنا كۋارتىس توسەپ، جاسىل القاپ كورىنىستىك ءوڭىرىنىڭ دەڭگەيىن ءوسىردى، كەمەلدەندىردى، جول شىراعى جارىقتاندىرۋ ينجەنەرياسى سياقتىلاردى اتقارىپ، تۇتاس قىستاقتا جولدى قاتايتۋ، جاسىلداندىرۋ، جارىقتاندىرۋ، كورىكتەندىرۋ جۇزەگە اسىرىلدى.
كەزەكتە، سانجى قالاسى تاعى قورشاعان ورتانى كورىكتەندىرۋ جاعىنا كۇش سالىپ، نىسان ارقىلى قورشاعان ورتانى كورىكتەندىرۋدى جەبەپ، سۋ، ەلەكتر، جول سياقتى نەگىزدىك سايكەستى قۇرىلعىلاردى ويداعىداي سالىپ، بەيقۇت ءۇي تۇيىندەرىنە جارقىن تۇيىندەردى، كورىنىس تۇيىندەرىن قوسىپ، اۋىل - قىستاقتىڭ جاسىلدانۋ سالىستىرماسىن، جارىقتانۋ سالىستىرماسىن كورنەكتى جوعارىلاتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
