تىلەكتەس، مۇراتتاس، قادامداس بولدى، ءوزارا كومەكتەسىپ، ءوزارا قارايلاسىپ، ءوزارا ۇيرەندى
2021.05.17 16:37 كەلۋ قاينارى : شينجياڭ گازەتى
5 - ايدىڭ 13 - كۇنى ورازا ايت، رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى، جۇپ قۇراپ، تۋىس بولعان كادرلار، ت. ب ىركەس - تىركەس وتباسىلارىن ارالاپ، احۋال ۇعىسىپ، ءار ۇلت بۇقاراسىمەن مەرەكەنى بىرگە وتكىزىپ، تىلەكتەس، مۇراتتاس، قادامداس بولدى، ءوزارا كومەكتەسىپ، ءوزارا قارايلاسىپ، ءوزارا ۇيرەنىپ، پارتيانىڭ مەيىرىن بۇقاراعا جەتكىزدى.
حالىقتىڭ ۇنىنە قۇلاق اسىپ، قيىن ىستەردى شەشتى
مەرەكە بايلانىسىمەن حال سۇراپ مەيىر جەتكىزدى، پارتيانىڭ قامقورلىعى جۇرت جۇرەگىن مەيىرگە بولەدى. ورازا ايت بايلانىسىمەن، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى احۋال ۇعىسۋ، حال سۇراۋ، وتباسىلارىن ارالاپ ۇگىت لەكسيا جاساۋ سياقتى تاسىلدەرمەن پارتيانىڭ مەيىرىن بۇقارانىڭ جۇرەك تۇكپىرىنە ۇيالاتتى.
5 - ايدىڭ 13 - كۇنى تۇستەن بۇرىن شينجياڭ ينجەنەريا شۋەيۋانىنىڭ حوتان قالاسى جييا اۋىلى كوشە قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجيى ما جياڭتاۋ قىستاق تۇرعىنى ساداتقان ءماتتوحتىنىڭ ۇيىنە حال سۇراي باردى. ما جياڭتاۋ ءسۇت، جۇمىرتقا، پراندىك سياقتى حال سۇراۋ بۇيىمدارىن ساداتحاننىڭ قولىنا ۇستاتىپ، ونىڭ وتباسىنىڭ ءوندىرىس، تۇرمىس جاعدايىن تاپتەشتەي ۇعىسىپ، دەنساۋلىعىن كۇتۋىن قاداعالادى. ساداتحان تەبىرەنە بىلاي دەدى: ”پارتيا مەن ۇكىمەتتىڭ ءبىزدى تاماشا تۇرمىسقا كەنەلدىرگەندىگىنە العىس ايتامىن. مەن، ءسوز جوق، قيىنشىلىقتى جەڭىپ، ءتىپتى دە جاقسى تۇرمىس كەشىرۋگە قۇلشىنامىن“.
”مەرەكەدە ءبىز قىستاقتاعى قيىنشىلىعى بار بۇقارادان، ۇيدە قالعان بالالاردان حال سۇراپ، ولارعا پارتيانىڭ مەيىرى مەن قامقورلىعىن شىنايى سەزىندىردىك“، - دەدى ما جياڭتاۋ.
شاپشال سىبە اۆتونوميالى اۋدانى شاپشال قالاشىعى ۇزىنبۇلاق اۋىل - قىستاق الەۋمەتتىك اۋماعىندا قۇلجا دەنساۋلىق ساقتاۋ مەكتەبىنىڭ وسى الەۋمەتتىك اۋماقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ما يۇيلان پراندىك جانە جەمىس - جيدەك الا بارىپ، جۇپ قۇراعان تۋىسى بيبيگۇل نۇراحاننىڭ وتباسىنداعىلارعا مەرەكەلىك ىزگى تىلەك جەتكىزدى. بيبيگۇلدىڭ 70 نەشە جاستاعى قايىن اتاسىنىڭ قىزىل وڭەش راگىنا شالدىعىپ، ءار ايداعى حيميالىق جولمەن ەمدەۋ قاراجاتىنىڭ وسى وتباسىنا نەداۋىر اۋىرتپاشىلىق الا كەلگەندىگىن ۇعىسقان ما يۇيلان دەرەۋ الەۋمەتتىك اۋماق پارتيا ياچەيكاسىنا مالىمدەپ، بيبيگۇل وتباسى ءۇشىن ءبىر رەتتىك ۋاقىتشا كومەك قاراجاتىن ءوتىنىش ەتەدى.
وزگەرىستى تىلگە تيەك ەتىپ، دامۋدى كوزدەدى
بيىل اۋىل - قىستاقتى گۇلدەندىرۋدى جالپى بەتتىك ىلگەرىلەتۋدىڭ شەشۋشى جىلى، كەدەيلىكتەن ارىلتۋ نەگىزىن اناعۇرلىم بەكەمدەۋ، ونىمدىلىگىن اناعۇرلىم باياندى ەتۋ − شينجياڭداعى ءار دارەجەلى كادرلاردىڭ ارقالايتىن جاۋاپكەرشىلىگى، شينجياڭداعى ءار ۇلت بۇقاراسىنىڭ كوكەي تەستى ارمانى.
5 - ايدىڭ 13 - كۇنى تۇستەن بۇرىن ماناس اۋدانى لانجوۋۋان قالاشىعى شياچياۋزى قىستاعىندا، قىستاق تۇرعىنى جەڭىسقان امانشا وتباسى ورازا ايت مەرەكەسىندەگى تۇڭعىش توپتاعى قوناقتارىن − ”ۇعىسۋ، تيىمىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرىن جانە قىستاق ”ەكى كوميتەتىندەگى“ مۇشەلەردى قارسى الدى. جەڭىسقان وتباسىنداعىلار ءتۇرلى ءدامدى تاعامدارىن داستارقانعا جايىپ قوناقتاردى كۇتىپ الدى. كوپشىلىك قىستاقتاعى دامۋ وزگەرىستەرىن تىلگە تيەك ەتىپ، الداعى جەردە اۋىل - قىستاقتى گۇلدەندىرۋدى قالاي ىلگەرىلەتۋدى اقىلداستى.
”وسى بىرنەشە جىلدا ءبىز بەيقۇت ۇيگە كوشىپ كىردىك، كۇن نۇرى ەنەرگياسى جول شىراعىن پايدالاندىق، قىستاق كەلبەتى، قىستاق بەت - بەينەسى رەتتى دە تازا. مەن ابزال ساياساتتى مىقتى يگەرىپ، اۋلا شارۋاشىلىعى مەن جوعارى ءونىمدى ەگىمشىلىكتى، باعىمشىلىقتى ويداعىداي دامىتامىن“، - دەدى جەڭىسقان. ماناس اۋداندىق سالىق مەكەمەسىنىڭ شياچياۋزى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ءبىرىنشى شۋجيى، قىزمەت اترەتىنىڭ باستىعى لۋ يانجۇڭ دەرەۋ ەمەۋرىن ءبىلدىردى: ”ءبىز، ءسوز جوق، پارتيانىڭ حالىققا تيىمدىلىك جاساۋداعى ءتۇرلى ساياساتتارىنىڭ تياناقتانىپ، تامىر تارتۋىنا مۇمكىندىك جاسايمىز، قىستاق تۇرعىندارىن ءتىپتى دە كوپ ناقتى يگىلىككە كەنەلدىرەمىز“.
تۇرپان قالاسى گاۋچاڭ رايونى شاتقال اۋىلى ايكول قىستاعىندا، تۇرپان قالالىق سالىق مەكەمەسىنىڭ كادرى فىڭ گاڭپىڭ اۋلا شاتتىعى ساياجايى تيجاراتىن جۇرگىزەتىن تۋىسى ياقۇپ مينۇپتىڭ وتباسىنا كەلىپ مەرەكەنى بىرگە وتكىزدى. ياقۇپ بيىلعى ويعا العان جوسپارىن قۋانا اڭگىمەلەدى: ”بيىل تۇرپانعا كەلەتىن ساياحاتشىلار، ءسوزسىز، كوپ بولادى، مەن شينجياڭنىڭ ەرەكشە ءدامدى تاعامىن ءتىپتى دە ەرەكشەلىككە يە ەتىپ، شارۋالار شاتتىعى ساياجايىن اناعۇرلىم كوپ مادەنيەت مانىنە يە ەتىپ ورنالاستىرىپ، ءتىپتى دە كوپ ساياحاتشىنى باۋرايمىن“، ياقۇپتىڭ ءبىر كۇندىك كىرىسىنىڭ قوماقتى ەكەندىگىنەن حابار تاپقان فىڭ گاڭپىڭ بىلتىر ونىڭ اۋلا ساياجايىن اشۋىنا كومەكتەسكەندىگىنە قاباعات قۋاندى.
پارتياعا العىس ايتىپ، پارتياعا ىلەسەمىز
”پارتيا مەن مەملەكەتتىڭ باسشىلىعىندا، ءبىزدىڭ قىستاعىمىزدا زور وزگەرىستەر تۋىلدى، ’ەلەكتر بولماۋ، سۋ تاپشى بولۋ، جول جەتكىزىلمەۋدەن‘ قازىرگى ’سەيىل - سەرۋەن قۇراتىن جەر بولۋعا، كوڭىل اشاتىن ورىن بولۋعا‘ قاراي دامىدى. ءبىز پارتياعا العىس ايتۋدى ەستە بەرىك ساقتاپ، قازىرگى تاماشا تۇرمىسىمىزدى قاستەرلەيمىز“ 5 - ايدىڭ 13 - كۇنى اقشي اۋدانى سومتاش اۋىلى اقتالا قىستاعىنىڭ ”جۇڭحۋا ۇلتىنىڭ بەرەكەلى شاڭىراعى، جۇڭگو ارمانىن ءبىر تىلەكپەن بىرگە جۇزەگە اسىرايىق“ ۇلتتار ىنتىماعى بىرلەسكەن دوستىق قيمىلىندا ساقا پارتيا مۇشەسى توحتىمامەت جايىل جۇرەك جاردى ءسوزىن اقتارىپ اۋىلداستارمەن وي ءبولىستى.
ۇلىقشات اۋداندىق پارتكوم ۇيىمداستىرۋ ءبولىمىنىڭ اقتالا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى جاڭ حۇي بىلاي دەدى: بيىل قىزمەت اترەتى كۇندەلىكتى قىزمەتتى پارتيا تاريحىن ۇيرەنۋ تاربيەسىمەن توعىستىرۋعا باستان - اياق تاباندى بولىپ، ماڭىنداعى ساقا پارتيا مۇشەلەرىنە تۇرمىستاعى وزگەرىستى بايانداپ، بۇقارانى ”پارتيانىڭ ۇنىنە قۇلاق اسۋ، پارتياعا العىس ايتۋ، پارتياعا ىلەسۋ“ سەنىمىن بەكەمدەۋگە جەتەكتەپ، ءىس جۇزىندىك ارەكەتتەرى ارقىلى قىستاق تۇرعىندارىن كىرىستەرىن ارتتىرىپ، بايۋعا باستادى.
سول كۇنى بۋىرشىن اۋدانى ويماقى قالاشىعى قاتاي قىستاعىندا قىستاقتاعى پارتيالى ەرىكتىلەردەن ۇيىمداسقان ادەبيەت - كوركەمونەر شاعىن اترەتى ساۋىرتاۋى مال فەرماسىنا كەلىپ، وتارعا بارعان مالشىلارعا پارتيا تاريحىن ۇيرەنۋ تاربيەسى بويىنشا مادەنيەت ارقىلى حالىققا تيىمدىلىك جەتكىزۋ كونسەرت قيمىلىن ورىستەتتى. كيىز ۇيدە دومبىرا ءۇنى شىعاندادى، ادەبيەت - كوركەمونەر شاعىن اترەتىندەگىلەر پارتيانىڭ شۇعىلالى تاريحى، تاڭداۋلى كوممۋنيستەردىڭ ىزگى ىستەرى سياقتىلاردى قاراپايىم، ۇعىنىقتى تىلمەن دومبىراعا قوسا جىرلاپ، مالشىلاردىڭ قىزۋ قارسى الۋىنا بولەندى.
(ءتىلشى جاڭ جىلي، قاتىناسقان ءتىلشى گى يوۋجۇن، ءپاريزات ابدۇل، جاڭ تيڭ، سۇڭ ۋيگو، ءجازيرا نەسىپبەك، جاڭ رۇيلين)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
